Society problems مشاكل المجتمع

Society problems مشاكل المجتمع لايك لصفحتنا ودعوه اصدقائك وساعدنا انها توصل للجميع لكى نساعد بعضنا فـ الخير ونساعد الناس فـ حل مشاكلهم �
https://www.facebook.com/So0ciety.Problems

نبحث معا عن حل جميع المشاكل بدون عرض اسم صاحب/ه المشكله
انت تسأل و كل الاعضاء تساعد فى ايجاد الحل المناسب
نحاول سويا الوصول الي افضل الحلول المناسبة.

19/11/2024

انا في واحدة خربت بيتي وجوزي خاني معاها سنين ودعيت عليها وحسبنت عليها كتير لحد ما عرفت انها اطلقت وظروفها زي الزفت ومش لاقية تاكل لا هي ولا ولادها ده غير ان عرفت برضه ان ربنا رزقها بولد معاق... لقيتها رنت عليا وبتشرحلي ظروفها وبتطلب مني مساعدتها لان عرفت ان شغاله في جمعية خيرية بصراحة صعبت عليا وابنها وولادها صعبو عليا بس انا من جوايا مش قادرة اسامحها خالص مش عارفه بقي قلب بقي حجر من اللي عملته فيا ولا ضغط نفسي السؤال بقي انسي اللي عملته فيا واساعدها ولا ابعد عنها لان بيقولولي انها ملهاش امان واللي قالو الكلام ده ناس قريبين منها ممكن تنزل المشكلة دي

19/11/2024

اضرار العاده السرية :

١/انها تضعف الأعصاب
٢/ان كثره فعلها تؤدي بالدماغ الى الليونه الذي يسبب العطاس وسيلان الانف
٣/تضعف الذاكرة
٤/تقلل من حدة البصر
٥/قلة الاستيعاب وقلة الفهم وعدم التركيز
٦/المدمن عليها تظهر فيه بلاهة واضحة بحيث انه يكثر من قوله هاه
٧/اضطراب في المعدة وٱنـتَفاخات متكررة
٨/ رائحه كريهة بالفم
٩/عدم التحمل والصبر في ابسط الاشياء
١٠/تضعف النشاط
١١/الخجل الشديد الغير طبيعي
١٢/الشلل أو الموت
١٣/الارتباك
١٤/ضعف النطق
١٥/ثقل في النوم
١٦/كثره السرحان وكثره النسيان
١٧/الخمول والكسل والبلاده
١٨/الغضب السريع لأتفه الأسباب

أسبابها:

- عدم الخوف من الله
- الكلام مع الاصحاب فيها
- النظر في المحرمات
- التفكير بالجنس
- الخلوه طوال اليوم او العيش لوحده

حكمها في الشرع :
- محرمة بالكتاب والسنة
- ومن فعلها تلزمه التوبة لأنها معصية لله جل وعلا ولم يتب منها

هل مات احد بسببها:

ان من فعلها بكثره في اليوم الواحد يخشى عليه من الموت لوجود الاضرار السابقه لأن فعلها
فالدماغ لايتحمل التفكير والاعصاب لاتتحمل الشد وحركه الجسم الكثيره والحبل الشوكي يضعف وتذهب فائدته وربما يحصل الشلل او الموت

العلاج :
إن تركها هو العلاج الحقيقي وسوف تنتهي كل الاضرار ويعود الجسم لحالته الطبيعيه من تلقاء نفسه

سؤال : إذا تركتها كيف أطفئ شهوتي؟

١/عليك نسيانها
٢/نضح الماء البارد على الذكر او منطقة العانة للجنسين وأسفل الظهر
٣/عدم التفكير
٤/الوضوء والتسبيح
فإن قمت بنشرها فأسال الله لك التوفيق في الدنياوان نجتمع في الآخرة في الجنة
وإن كتمتها فقد قال النبي صلى الله عليه وسلم :(من كتم علما ألجمه الله بلجام من نار يوم القيامة).
لا أحد يقول لن أرسلها لأن الموضوع مخل بالأدب لا يا أخي هذي مشكلة 99 % من شباب

انشرها ولك أجر من ترك العادة السيئة

يارب توفق من نشرها;

تخيل ربك يشوفك وانت تنشرها لأجله .. الله يجيرني من العذاب

03/11/2024

بعد اذنكم من غير اسم انا بتكلم وانا منهاره من العياط جوزي ليه اختين و اخ متجوز وعنده ولاد كبار في ثانوي واعدادي وانا معايا ٣ اطفال صغيرين ربنا يعلم انا تعبانه قد ايه والمسؤليه كبيره عليا بوصل احيانا ان نفسيتي بتدمر من كتر الضغط حماتي ست كبيره وكان ليها بنت جوزها بيجي كل شهرين اسبوعين او عشر ايام اجازه كانت بتقعد مع مامتها هيا وولادها لحد ما جوزها يجي تمشي كانت ساعات البنت التانيه تشيل الفتره دي او حد من ولادها يقعد يبات معاها وساعات جوزي يبات اخوه اخره يروح يقعد شويه ويمشي عمره ما بات لحد ما اخته عملت مشكله مع اختها الي كانت بتبات وقالتلها امشي انا هشيل امي وطردتها كذا مره وتعمل مشاكل كبيره وكلهم يقولولها امشي علشان يرضو اختهم ومامتهم لانها بتميل اكتر للتانيه الي مش بتقعد معاها وفعلا مشيت وقعدت التانيه بس خميس وجمعه بتروح بيتها جوزي بقا مصمم انه هو الي يشيل مامته اليومين دول من كل اسبوع مع العلم دول اليومين الوحيدين الي ممكن نخرج فيهم او نقعد مع بعض لان طول الاسبوع بيودي ولادي الدروس وشبه طول اليوم برا اتخانقت كذا مره علي انه عنده بيت زي اخوه انا معنديش اعتراض انه يبات مع اني بترعب من البيات لوحدي اهلي معودونيش ابات لوحدي نهائي ومش بنام لما يروح بقولو انت تبات اسبوع خميس وجمعه واخوك اسبوع مش راضي وصمم انه يروح عند مامته ويمشي اخوه ويبات هو لحد ما روحت عند مامته النهارده وقولتلها وحكيتلها ان المفروض هو واخوه يشيلو ومامته طيبه مقالتش حاجه وقالتلي معاكي حق اخوه بقا بكلمو فضل يقل ادبه ويقولي هو كلامك قرآن ننفذو وانتي جايه وعامله مشكله وفضايح مكلمتنيش ليه وانتي في البيت مع العلم انا مكنتش ناويه اكلمه اصلا بسبب اني عارفه اسلوبه كله اهانه وجوزي عمره ما هيجبلي حق عايزه اعرف انا غلطت كده ولا اتصرف ازاي علشان انا بقيت شايله من جوزي اوي ومش قادره اتعامل معاه تاني بعد الاهانه الي سمعتها بسببه

03/11/2024

انا متزوجة وام ل ٣ اولاد ربنا يحفظهم ليا زوجي ربنا يديه الصحة من ذوي الصم والبكم هو موظف ومتعلم ولما اتقدملي انا اترددت ف الأول وبعد كدة صليت صلاة استخارة وارتحت جدا رغم اخواتي كانوا رافضين بس انا اتمسكت برأيي كنت خايفة ف الاول من إزاي هتعامل معاه بس الموضوع كان سهل والله وحياتي معاه كانت وما زالت حياة سعيدة ومستقرة بفهمه وحتي الولاد بيفهموه بالاشارة اللهم لك الحمد وفعلا هو نعم الزوج والاب طيب وحنون وشهم وفيه كل الصفات اللي تتمناها اي زوجة انا والدتي متوفية لما باجي أولد هو اللي يعمل الاكل وهو اللي يسهر ويطبطب مرتبه بيديهولي كله بياخد المصاريف مني وحياتنا المادية كويسة الحمد لله هو بيشتغل ف النقاشة الي جانب وظيفته انا لو حكيت من هنا لبكرة مش هوفيه حقه المشكلة هنا ف ابني الكبير هو في سنة ٦ ابتدائي ف يوم اتخانق مع واحد زميله وضربه وكان ابني هيتفصل بسبب أن الولد قاله ابوك عبيط واهبل المهم اعمام ابني اتدخلو واتصالح هو والولد بس من يومها وابني بيعامل أبوه وحش وهو قلبه حاسس ان في حاجة ويقولي ماله اقوله اي حجة وخلاص وبرغم معاملة الولد الوحشة ليه يروح يحضنه ويطبطب عليه ويقوله بالاشارة متزعلش مني وده كله الولد قلبه حجر حصل موقف صعب والله انا نفسي مصدومة منه من الولد تجاه أبوه بدون ذكر تفاصيل انا من صدمتي ضربته وقولتله انت ولد قليل ادب وانا هربيك قالي انتي السبب اتجوزتي واحد زي ده علشان يكون ابويا جوزي حاسس بكل حاجة انا عارفاه كويس ومن يومها وهو سرحان واكلته بسيطة واتجنب ابنه نهائي بيهزر ويلعب زي عادته مع اخواته التانين لكن الكبير مبيقربش ناحيته انا من زعلي عليه رحت اشتكيت لاخويا يأدب الولد ويخليه يعتذر لابوه ويستسمحه اخويا يقوله الولد عنده حق انتي ظلمتي نفسك وعيالك . يا جماعة هل انا ظلمت عيالي كدة والله جوزي ده انسان بمعني الكلمة حتي بالرغم من موقفه اللي اخده من ابنه الكبير إلا انه بيزعل لما اضربه أو احرمه من حاجة ويقولي براحة عليه طبعا من ورا الولد لكن هو مبيكلموش نهائي والولد برضه مبيحاولش يعتذر لابوه مش عارفه اعمل ايه .اتصرف ازاي مع ابني وأسفة علي الإطالة

02/11/2024

أنا ندمانة على حاجة مدذمرة حياتي
الحكاية بدأت من سنين بالتحديد سنة 1997 لما اتوفى اخو زوجي وزوجته وابنهم في حاذث سيارة رهيب وكانت سلفتي اللي ماتت دي لسه والدة مكملتش اسبوع ويوم الحادث اللي ماتوا فيه كانوا رايحين لبنتهم الحضانة عشان ترصعها هي وزوجها وابنها لكن أمر الله نفذ .. المهم بنتهم أصبحت يتيمة في لحظة وابتدت المشاكل مع خالتها وجوزي عشان يربي بنت اخوه انتهت أن جوزي هيربي بنت اخوه في وسط اولادي وكل لما خالتها تحب تشوفها أو تاخدها .. تاخدها بالتراضي بينهم
وفعلا انا استلمت البنت وهي حتة لسه مولودة كام يوم ماكنش حتى سرتها وقعت .. كان عندي ابني مكملش سنة وكان بيرصع .. في الوقت دا رفضت رفض قطعي اني ارصعها مع ابني وكنت مصممة على الرفض لو فيها خراب بيتي وخصوصا اني كنت ناوية اصلا افطم ابني على سنة ونص ..

كنت كارئهه المولودة بطريقة غريبة بس كنت شايفة نظرة الحسرة في عيون جوزي .. كنت بعمل فيها كل ما يؤذيها ..
كنت يخليها تعيط لما تتفلق .. .. لحد ما في يوم لقيتها ساكتة وكانت لسة مكملتش 8 شهور .. حسيت عليها لقيتها سخنة جدا جدا قلبي اتخطف .. مع انها تعبت كتير اوي قبل كدا بس دي اول مرة قلبي يتخطف عليها .. كان وقت جوزي مسافر برا مصر في شغله .. اتصلت باخويا وجريت على اقرب مستشفى طوارئ وعرفت انها مشرفة على الموت وإن عندها حمى وكمان التهاب رئوي حاد .. كنت هطب بمعنى الكلمة لدرجة أن الناس واخويا كانوا بيهدوني كاني أمها ..
أخدتها في حضني وطلعت بيها على مستشفى خاصة مشهورة جدا واتحجزت بيها اكتر من 15 يوم وجوزي باعتلي كل الماديات اللي احتجناها وقتها ..
الحمد لله خرجت وخرجت معاها وجوايا الم ووجع وحزن وندم على كل حاجة عملتها فيها .. خرجت من المستشفى إنسانة جديدة خالص ..
عاملتها احسن معاملة .. بقيت زيها زي اولادي واكتر لأنها كمان كان فيها ميزة مش عند حد أنها البنت الوحيدة في البيت ..
كبرت وانا كبرت معاها لكن برا مصر في مكان عمل جوزي
رجعت لما ابني قرر ياخد الثانوية العامة من مصر ..
ابني اخد طب بشري الحمد لله وبقى دكتور عظام بفضل الله
وهي دخلت ثانوي عام وربنا كرمني فيها ودخلت اسنان
هي السنة دي رايحة تانية اسنان
يشوفها ادامي بحس أن الجنة ادامي ..
ضحكتها في وشي بتموتني اني اذيتها وهي صغيرة وهي بقيت احسن ملاك في حياتي ..

ابني عاوز يتجوزها والحقيقة انا فرحت جدا لاني مرضعتهاش فهتنفع لابني الحمد لله
ابني الأكبر منها بسنة في كلية السن هي وهو دائما بيعاندوا في بعض وانا دائما بنصفها

جايبلها دهب كتير .. كل حاجة بتتمناها عندها
عمها جابلها عربية عشان متحتتكش بحد في المواصلات
حتى لما اشترينا شقق لأولادي الاتنين اشتريتلها كمان
عندها حساب في البنك .. عندها كل حاجة تتخيلوها

بس لسه جوايا تأنيب ضمير رهيب وعاوزة اوطي على رجلها واعترفلها واخلص من تأنيب الضمير اني بهدلتها وهي صغيرة

قولولي اعمل ايه تاني عشان أكفر عن ذنبي معاها ؟
لازم اعترفلها عشان ربنا يسامحني ؟
ارجوكم بلاش تجريح فيا .. شكرا

02/11/2024

عروسه خمس شهور اضىىربت واتسحلت
ع السلم ثلاث ادوار يشدني ع السلم ينزلني عند امه اخدمها وانا واقوله لو هموت مش هخدم حد هات لامك خىىدامه فضل يضىىربني ويسىحلني علي السلم وجسمي اتشىوه من سحلي واما نزلت عند امه فتحت الباب تفىت عليا وتقولي انتي متجوزه راجل قمت شعري منكوش وهدومي اتىقطعت وجسمي ووشي متىىشوهين لقيت مقشه جنب باب البيت بتكنس بيها المدخل مسكتها وفضلت اضىرب في جوزي وامه واجري وراهم في الشقه وجالي هستريا اقولهم همىوتكم يا ولاد كذا وكذا موتهم بعصاية
المقشه وهما يجروا في الشقه مش قادرين عليه وفتحت باب البيت بقيت أصوت واصرخ اقولهم الحقوني بموت جه الجيران خدوني عندهم طلبو لي الاسعاف وطلبو اهلي جم ع المستشفى
وفي المستشفي قالولي مين عمل فيكي كده قلت جوزي وحماتي والناس شاهده عشان اما الاسعاف جت بقيت حماتي وجوزي يقولولي الهي مترجعي المستشفي بلغت الشرطه وعلي ما جت
الشرطه كان جالي نزيف وكنت حامل في الاول مكناش اعرف ودخلت عمليات وسقطت قبضو ع جوزي وحماتي وابويه قالهم والله لسجنهم مدي الحياه جوزي حب يطلع امه ويشيل الشيله معرفش
جم اخوات جوزي يتفاوضو أبويه قالهم
دهب بنتي وعفشها يجو في عربيه الاول جابوهم في عربيه وجابو الدهب وكل حاجتي أبويه قالهم الماخر ومنعه سنه
يجو جايوهم كلهم بعد كده انا خدت كل حقوقي أبويه قالهم اقسم بالله لاسجن امكم واخوكم والراجل فيكم يوريني وابويه جاب محامي قالي اوعي تتنازلي خرجت من المستشغي الحمد لله بخير جوزي مسجون وامه عاملين يبعتو لنا ناس نتنازل ابويه رافض عاوز يسجنهم احنا كده صح بعد ماخدت كل حقوقي وكده كده هخلعه

03/10/2024

انا طبيب جلدية عمرى ٣٠ عام متزوج وحياتى مع زوجتى عادية كاى زوجين ترددت عليا امرأة جميلة كانت جذابة كتير لمدة اكثر من سنة كانت تأتى لوحدها للعلاج ولاخذ جلسات..
وشئ ما جذبنى إليها لا أعرف ما هو بدأ بأن اكون سعيد يوم زيارتها كنت اتمنى زيارتها لى فى العيادة قلبى خفق لها وحسيت انها قريبة منى ولكن كنت لا اعرف شعورها واضح انها بنت ناس ومحترمة.
وفى يوم من الايام كنت اكشف عليها وحاولت اخفف عنها ألم الجلسة وفجأة اقتربت منها وقبلتها كنت بصراحة خايف من رد فعلها بس لم تنطق كلمة
واحسست انها مصدومة لما حدث لكن والله ما حدث غصب عنى ولا اعرف كيف هو لم يتعدى القتبلة انا احترمها جدا وانا طبيب محترم لم يحدث هذا الموقف معى من قبل تجاه اى مريضة المهم اخبرتنى بعدها انها مش هتعرف تتعامل معى تانى كطبيب
قولت لها ما حدث ليس لى ولا لك ذنب فيه هى حست بالذنب وقالت إنها تانب نفسها لما حدث لكن كان نفسها تكمل معى علاج وجلسات وقالت لى لو تقدر تتعامل معى زى الأول كطبيب باحترام انا هسامحك قلت لها اوكى
وجات مرة تانى بس للاسف لم استطيع وقبلتها مرة تانى وبعدها قالت لى انا مش كدا ومش ممكن اكون كدا انا مش هاجى تانى وياريت تنسانى
سؤالى من فضلكم للنقاش
انا لم استطيع ان انساها رغم مرور ما يقرب من السنه دائما اتخيلها وعندما اقبل زوجتى اتذكرها واقارن الأحساس احساسى معها لا استطيع ان انسها بعدت عن زوجتى
افكر كثير فى ان احادثها على الهاتف ولكن اتردد وانا فى وضعى هذا انا طبيب مشهور وليا سمعتى والحمد لله سمعتى حسنه
انا أراها فى كل مكان فى عيادتى لا استطيع ان اعمل انا مستغرب ذلك الإحساس...
تنصحونى بيه بس من غير تجريح من فضلكم

03/10/2024

انا حملت علي الوسيله
بس قبل ما احمل اخت جوزي حامل
هى معاها ولد عنده خمس سنين ونص
كنا قاعدين بندردش فى مره بقولها على حقنه التاب بلوك أو جهاز PCA قالت لى فعلاً سمعت عنهم وهاخد حاجه فيهم وبتاع
تمام لحد كده
دلوقتي هى قدامها ايام وتولد جوزها قال لها ظروفى متسمحش حاجه زياده خدى مسكن وخلاص وكلم اخوها اللى هو جوزى اشتكى له انها مقموصه
انا قلت خلاص يا بت قبل ما تولد بيومين اشترى لها الجهاز ووديهولها انا عارفه الم القيصرى عامل ازاى
اتفاجئت أنها باعته لجوزى تقوله الدكتوره قالت لى الحاجه دى فلوس فى الارض ومالهاش لازمه فمتسمعش كلام مراتك وتجيبهولها أو تخليها تاخد الحقنه فلوس على الأرض وخلاص أنت أولى بالفلوس دى مراتك عايشه فى ميه البطيخ
اه يا بنت ال* #$ # طب ليه الغدر والقالبه
هتقولوا شوفتى الرسايل ازاى شوفتها لما اتبعتت من بره وهو بيسأل مين بيبعت فبنور التلفون واقوله مين
بعدها لقيت رد جوزى قالها ربنا يسهل ساعتها دى لسه فى التالت
عماله تزن عليه ميجيبش حاجه ليا منهم
قلت له أختك شاغله دماغها ليه واتعصبت
قالى هو الكلام بفلوس
كده كده الجمعيات وكله بيبقى فى ايدك لما تيجى تولدى اعملى اللى يريحك وتجيبى اللى يسكن المك وكبرى دماغك مش عايز وجع دماغ
اتفاجئت كمان أنها عماله تقوله متخلهاش تجيب ست تساعدها احنا عمرنا ما دخلناه حد بيتنا بلاش دلع مرق و وساخه وكهن ستات
قالها يعنى دراعها واحد كان مشلول عشان عمليه بايظه وواحد عايز عمليه وتقولى دلع
بقولك ايه ما تركزى فى بيتك وحياتك ولو عوزتى حاجه ابعتيلى وتلاقيها عندك
انا دمى محروق منها اوووووى لأنها كل يوم تكلمنى ويا حبيبتي ويا قلبي ويا مرات الغالى
اتعامل معها ازاى واواجها ولا لأ

#نصيحه لوجه الله 💖لكل إمرأة متزوجة الفيس بوك و جميع برامج تواصل الاجتماعي .حينما تنشرين منشورا وتجدين التعليقات التالية...
03/10/2024

#نصيحه لوجه الله 💖
لكل إمرأة متزوجة الفيس بوك و جميع برامج تواصل الاجتماعي .
حينما تنشرين منشورا وتجدين التعليقات التالية :
(انتي رائعة - متألقة - ما أجملك - تسلمووو - قمر)
وغيرها من الكلمات البراقة
وتلتفتين الى زوجك المسكين الذي أتعبته الحياة مضطجعا على فراشه تعبا بسبب توفير لقمة العيش ..
البعض منهن تقارن بين واقعها الذي تعيشه مع زوجها والذي قد لا تسمع فيه كلمة طيبة وبين هذه المدائح .. فتثور و تتمرد على زوجها وقد أدت هذه الحالة الى انهيار الكثير من الاسر
حتى وصلت الى الطلاق .
اختي الزوجة ..
لا تنغري بهذه الالفاظ فان عالم التواصل الاجتماعي عالم افتراضي
و مثالي معظم رجاله كزوجك ان لم يكونوا اسوأ حال .
حافظي على بيتك واسرتك واطفالك ولا تجعلي من هذا العالم سببا لدمارك و دمار اسرتك واطفالك
والأهم حافظي على طهارتك وشرفك
واتقوا يوما ترجعون فيه الى الله
وثقي تماما هذا الذي يريد اغوائك لا يريد سوى ان يلهو لاجل اشباع رغبته فقط
فأحترمي من احترمك وجعلك زوجته تحملين اسمه وشرفه وصوني عرضه فهو الوحيد الذي يستحق احترامك
مهما كانت ظروفكم الزوجيه فلن تجدي من يسترك
الا زوجك وكذلك العكس
ولاتغضبي من زوجك لمعاملته لكي فأنتي لاتعلمين مرار السعي خلف لقمة العيش وكم من صعوبه واهانه يتحملها من اجلك واجل اولادك حتى يبعدكم عن المهانه والذل .
للعقول الراقية...👉♥️

03/10/2024

سیدنا ابراهیم راح يزور ابنه سیدنا اسماعیل فقابلته زوجته
وهو مكانش موجود، فسألها عن الأحوال، فضلت تشتكيله
ضيق الحال وإنهم حالتهم كرب، وهو خارج قالها لما ييجي
اسماعیل قوليله غير عتبة دارك وهو هيفهم.. فسيدنا
اسماعيل فهم وطلقها وبعدها بفترة تزوج من أخرى وراح
سیدنا ابراهيم يزوره تاني فقابلته زوجته فسألها عن
الأحوال فقالتله الحال أفضل ما يكون وربنا مغرقنا في بحر
من النعم، رغم إن سيدنا ابراهيم لاحظ إن مفيش حاجة
اتغيرت في البيت أو في حياتهم، فخرج وقالها لما ييجي
اسماعیل قوليله ثبت عتبة دارك وهو هيفهم..
المشكلة مش في الحياة ولا في الحالة المادية، المشكلة إن
فيه ناس راضية، فغناها في قلوبها وناس ناقمة ففقرها بين
عينيها..
ربنا يعوض زوجك بواحدة أصيلة تنسيه أيام الضنك اللي
شافها على ايدك..

03/10/2024

انا بقالي ٨ سنين مجوزه و ابني ٧ سنين المهم طول ٨ سنين وانا اي قرش بيجي ل اولادي و بيتي و احلي لبس واغلي لعب و برندات وانا مش بجيب ليا شبشب حتي حتي لو جبت اجيب من محلات عاديه مش براند و استرخص عشان اوفر تمن كوتشي لابني من أديداس مثلا المهم ربنا كرمني ب مكافأه من شغل قولت نفسي اجيب لنفسي حاجه المهم نزلت جبت لبس و عملت شعري و ركبت رموش المهم ظبط نفسي جدا ابني كل دا مش عاجبه و يقولي ليه كدا دا يا ماما و رمي لبسي ع الأرض و هو ماشي رمي الكوره ف وشي كانت جامده جدا لدرجه ان الرموش وقعت و هو فرح جدا مسك موبايلي ورماه وشاشته اتشرخت و يقولي مش كنتي تجبيلي انا واختي حجات احسن ما جبتي لنفسك انا الكلمه دي لفت بيا الأرض مسكته عجانته و صويت صويت لدرجه ان اغم عليا بباه جه و فوقني لقيت اثار كدم*ات زرقة ع وش ابني طبعا ندمت جدا جدا قولتلو امشي من قدامي و نام وحاسه بتأنيب ضمير نحيته و ف نفس الوقت زعلانة جدا انو مستخسر فيا اي حاجه اجيبها دلوقتي اصالحه و اتاسفله ولا اسيبه

03/10/2024

‏‎ليا واحده صاحبتي وزميلتي في الشغل من زمن يعني عشرة عمر ودايما بنروح الشغل مع بعض بحكم ان منازلنا قربية من بعضنا وشغلنا في مكان واحد وفي مرات كتير زوجها بيوصلنا عادي هو عارفني وانا عارفاه كويس انا وحده مطلقة وعندي ولد معايا فلما كانت بتحصلي اي مشكلة كانت صاحبتي بتحكليه واوقات يتدخل كمساعدة منه ليا وانا كنت ببقى مبسوطه لانه زوج يعتبر مثالي من كل حاجه طيبه وحنيه وكرم وكل واحده تتمنى زوج مثله خاصة لما بقارن اللي بيعمله مع صاحبتي مع اللي كان بيعمله معايا طليقي شتان بينهم المهم كان بيكلمني من فترة في موضوع مدرسة ابني لأن كان عندي مشكلة فيها ونقل منها فهو كلمني وقالي اعملي كذا وانا اعرف وااحد يساعدك وهديله رقمك يكلمك فانا بعفوية بقوله يابخت فلانه بيك اللي هي صاحبتي وبقوله الواحده تتمني رجل في حياتها زيك حتى لو زوجة رقم ٢ مش مهم المهم يكون معاها وزوجها وراجلها
شكرني على لطف كلامي معاه وانا والله كنت بقول كده بعفوية مش اكتر
لقيته خد سكرين من كلامي وبعته لزوجته وعملي مشكلة كبيرة مع صاحبتي وخليته اداني بلوك وهي كمان بلكتني وبقت مشكلة كبيرة بيني ويينها و دلوقتي مش بنكلم بعض هي لم تعاتبني في اي شيء لكن قاطعتني ومبقتش تكلمني ولا هي ولا زوجها ولو شافتني في الشغل تبعد من المكان اللي انا فيه وحاسه ان كرامتي اتهانت وبالأخص زميالنا في الشغل لاحظو وهما عارفين ازاي كنا اصحاب وعلاقتنا قوية وانا اللي يسالني بقول سوء تفاهم وبكره نبقى كويسن ومعرفش هي بتقولهم ايه وانا زعلانه اوي من الموقف ده ولا احسد عليه وخايفه ابادر انا بالكلام تكسفني وتحرجني اكتر ومش عارفه ايه العمل والحل انا كل اللي عاوزاه اني اغير الصورة اللي خدتها عني وافهمها اني مكنش قصدي اخطف زوجها انا كنت بس يجامله وبشكره على تعبه معايا مش اكتر من كده من فضلكم لو في حل ياريت تقولولي عليه لاني مش بنام من الزعل ونفسيتي مدمرة

03/10/2024

السلام عليكم
انا متزوجه من ٧ سنوات وعندي طفلين انا بشتغل اون لاين فريلانسر وشاطره جدا في مجالي اتعرفت على شخص من دوله عربيه كنت عاملتله شغل اكتر من مره هو مجوز ومخلف واكبر مني ب ١٠ سنين والعلاقه بنا في حدود الاحترام رغم اني ساعات بحس انه عاوز ياخدني في سكه خارج نطاق الشغل بس انا بعرف افرمله واوقفه عند حدوده وكمان زوجي عارفه وبيتواصل معاه اوقات المهم الشخص ده جابلي عقد عمل في بلده بمرتب كويس لما حولناه للجنيه حوالي ٦٥ الف والسكن عليهم ولو فيه انتقالات برضه عليهم عرضت على زوجي وافق اني اسافر وهو هيهتم بالأولاد معندوش مشكلة عشان نحسن دخلنا وعشان مستقبل ولادنا ولازم نتعب دلوقتي قبل العمر ما يجري بينا وهو كمان واثق في الشخص ده وعشان كده مطمن لسفري بس انا حاسه بخوف من ناحيتين خايفه من جوزي يلعب بديله هنا لما اسيبه لوحده لاني مش هقدر اقول للشخص ده هاتله عقد هو كمان وجوزي هنا شغال في مكان كويس بس مرتبه صغير ( ٧٠٠٠ ) بس له مستقبل فخايفه لما ابعتله فلوس يبدء يخوني ويدور على الستات وكمان انا خايفه من الغربه لوحدي وسط ناس انا مش عارفاهم فلو سمحتوا تقولولي رايكم ونصايحكم بصفه عامه او لو حد خاض تجربه زي ديه يقولي رايه وهل خوفي ده عندي حق فيه ولا انا مكبره الموضوع وشكرا مقدما

03/10/2024

جارتي كانت مستلفه مني ألف جنيه ... ولما جت تردهم حطت لي الألف جنيه بتاعتي في الاسانسير ، وبعتتلي رساله آخدهم ، وانا ماشفتش الرساله ، والألف جنيه ضاعت ..
ساعتها تسعة وتسعين في المية من الناس قالولي اتخانقي معاها ، وقوليلها ماليش دعوة ..انا عايزة فلوسي.. انتي الغلطانة. وخدي فلوسك منها، وماتسلفيهاش تانى.. واكيد هي وخداهم وضاربة عليهم.. ساعتها ، انا ماسمعتش الكلام.. بالعكس اتكلمت معاها عادي خالص رغم حوجتي ساعتها للفلوس .. قعدت اهزر معاها واقولها عقابا ليكي هاتعزميني علي ماك.. وكمان هاخرج مع جوزي واسيبلك ابني .. وقعدت اقولها فداكي في داهية الفلوس دي ، فديت بيها عيالي ، والكلام ده..
بعدها بخمس ايام لقيت واحدة في العمارة بتديني الفلوس !! بتقولي انها لقتهم وشالتهم لحد ماحد يسأل عليهم..
ساعتها حمدت ربنا اني ماخسرتش جارتي ولا كلمتها وحش وعلاقتنا بقت اقوي..
الفترة دي كنت مسافرة وعربية الاطفال بتاعتي تقيلة اوي .. فقالتي خدي بتاعتي اخف من بتاعتك .. قولتلها ماشي واحنا راجعين عربية الاطفال ضاعت مننا في المطار .. وبقيت بالطم عشان دي غالية جدا ومش بتاعتي، ومش عارفه هقولها ايه .
عملنا محضر وروحنا البيت.. وقعدت تلات ايام مجبتلهاش سيرة خالص، ومش عارفه اجيبهالها ازاي..
لحد ماجمعت شجاعتي وقلتلها ، بصي، انا عايزة اقول لك علي حاجه بس هي حاجه وحشه.. لقيتها برقت، قولتلها بصراحة الاسترولر بتاعتك ضاعت مننا في المطار.. وهما قالوا هيرجعوها في خلال أربعة وعشرين ساعة . ودلوقتي بقالنا تلات ايام . يعني مش هترجع..
فانا هروح اجيبلك واحدة زيها بالظبط..
بقولها كده وانا مرعوبة من رد فعلها..
لقيتها قالتلي اللللللللله يخربيتك .. خضيتيني...
فكرت جوزي بيخوني ولا حاجة..
ما في داهية الاسترولر .. المهم عيالك كويسين.. الحمد لله انها جت فيها ، مجتش في حاجه تانية..
لقيت نفسي مكسوفة اكتر من رد فعلها.. وقلتلها والله هجيبلك زيها.. قعدت تهزر تقولي انتي لاقية تاكلي لما تجيبيلي واحدة زيها يا شحاته.. يالا فداكي وفدا عيالك..
(((( عقابا ليكي هتعزميني علي ماك )))))) ولقيت معاملتها معايا عاديه جدا.. ولا اكني عملت حاجة.. رغم ان الاسترولر بتاعتها معديه ال 5000... معاملتها زي ماهي ونزلت قالت لجوزها قالها فداها مش مشكله .. ومستحيل هنقبل العوض. ولقيتها طالعة تاخد رايي في طقم تلبسه.. ولا جابت سيرة تاني للاسترولر، ولا يا خسار،ه ولا اي حاجه. بس جوزي اصر نجيبلها واحدة تانيه زيها..
بعد يومين لقينا المطار بيكلمونا بيقولوا الاسترولر جت وهيبعتوها علي البيت... كلمتها قولتلها الاسترولر جت فرحت اووووووووووي.... يعني اد ايه كانت من جواها زعلانه ومش مبينه ؟؟ هل لو كانت اتعاملت معايا وحش وقعدة تزعق ولا قالت ماليش دعوة عايزه غيرها والاسترولر رجعت هل هيبقي معزتها في قلبي زي دلوقتي ؟؟؟
اللي عايزه اقوله من الرغي ده كله:
ان معادن الناس بتبان وقت الزنقة ، وقت المشاكل ، وقت حقي وحقك .. وقت تعارض المصالح، وقت الزعل والخصام ، وقت الحزن ووقت المرض شوف مين سأل عليك ووقف جنبك.
ماتحكموش علي الناس انهم جدعان بمجرد شويه مدح وضحك وهزار وخروج... اعرفوهم وقت الزنقة.
جرب بس اتحط مع حد في موقف صعب وشوف مين الحقيقي من الفالصو.
الناس كلها حلوة وقت الضحك والهزار والخروج لكن وقت الزنقه كله بيطلع الي جواه وبيظهر ويبان علي حقيقته.
عد مين وقف جنبك وقت شدتك وماتزودش عليهم حد ..

03/10/2024

اتجوزت ابن عمى عيشت معاه سنه كانت حياتنا فيها ماشية كويس لحد كبير طبعا لا تخلو من النكد الطبيعي الصحي إلى فى كل البيوت بس كمجمل كنا احنا الاتنين مبسوطين وسعداء.
لحد ما أتعرض عليا شغل وهو رفض تماما وفضلت احاول أقنعه كتير بس للاسف بدون فائدة خصوصا ان بابا وماما كانوا فى صفي قبل استلام الشغل بأسبوع قاللي لو نزلتى شغل هطئلقك ونزلت فعلا وانفصل فضلت تحاول ارجع وبحبك ومقدرش اعيش من غيرك والكلام ده بس اخليني فى الشغل قاللي يعني هو بتحبينى ازاى وبتنزلي شغل بدون موافقتي أخرى معاكى شهور العدة بعدها متلزمنيش .

اتجوز بعدها وخلف طفلين وبيقول انه ربنا كرمه بزوجة نادر وجودها وربنا وسع عليه ودخله زاد كتير جدا
انا كل شوية بجر شكله وعماله اعمل مشاكل معاه ولما بعرف انه سعيد مع مراته بقلب الدنيا إلى هو ازاى هو سعيد ومش ندمان ومتدمر وانا ازاى متجوزتش سيد سيده اختي متجوزة اخوه وعايشة فى نفس البيت وبتنقلي كل حاجه وانا اصلا ساكنه فى نفس الشارع.
وبتعامل كانه لسه متجوزني ومش بيعدل ما بينها وبيني وبكلمه اتخانق معاه وازاي جابلها كذا وانه مكنش جابلي ده وبيسفرها وأنا مكنش بيعمل كده

انا مش عارفه اعمل معاه ايه عشان يرجع مع العلم انا اتجوزت بعده بس ما ارتحتش وسبته وهو السبب برضو

25/09/2024

انا مهندس وزوجتى دكتوره صيدلانيه ودي في حد ذاتها اكبر مشكله في حياتي مستقبلها ودراستها رقم واحد بذات ان هي معيده في الجامعه وبتحضر ماجستير
مش شايفاني خالص بالنهار في الكليه ومن الساعه5في المستشفي وبليل بتذاكر طب انا اعمل ايه تقولي معرفش دي مشكلتك انت قبلتي تتجوزنى وبعدين انت لو هتكون عقبه في انى اوصل لهدفي مش عيزاك في حياتي طلقني
واهلى مش موافقين عشان هي دكتوره وبنت ناس ومش عيزانى اضيعها وبعدين اكتشفت ان هي اللى مأجله الخلفه عشان مش فاضيه بتقولي مفيش خلفه قبل الدكتوراه طب انا دي اعملها ايه انا ياما صحابي حظرونى ان بيئه الدكاتره دي بيئه وسخه بس قولت لا لان لينا قرايب بنات دكاتره برده صيادله وبشريين وعشان جوازهم واللهى قعدوا في البيت بس دي طموحها جارف وانا زهقت هل اطلق والحق نفسي ولا استني لحد ماتوصل لهدفها يمكن تهدي.وكمان بصراحه انا بغير منها شويه انا اكبر منهاب7سنينوهى مرتبها اكتر منى بمراحل ودي حاجه مضيقانى بصراحه حاسس الجوازه غلط من الاول اعمل اي بقي؟

Address

Cairo
Masr
26555

Opening Hours

Monday 1am - 6am
Tuesday 1am - 6am
Wednesday 1am - 6am
Thursday 12am - 8pm
Friday 12am - 12am
Saturday 11pm - 1am
Sunday 11pm - 1am

Telephone

+201281471497

Website

Alerts

Be the first to know and let us send you an email when Society problems مشاكل المجتمع posts news and promotions. Your email address will not be used for any other purpose, and you can unsubscribe at any time.

Shortcuts

Share

Category