Matsui.Inv12

14/06/2021

عروسه فرحها اخر الشهر ظروفهم صعبة جدا الام مريضة فشل كلوى والاب بيجمع لبن من الفلاحين وبيبيعه وبيشتغل المغرب ف معمل لبن ، محدش راضى يعطيهم بالقسط حتى ومعندهاش اى حاجه والفرح هيتهد والام والبنت منهارين ،لو حد يقدر يساهم نجبلها الأساسيات ربنا يكمل فرحتها ويجبر بخاطرها 🌸
للتبرع فودافون كاش
ومتاح تحويل بنكى

08/10/2016

29/01/2016

"وَمَا تُنْفِقُوا مِنْ خَيْرٍ يُوَفَّ إِلَيْكُمْ وَأَنْتُمْ لَا تُظْلَمُونَ "

#فرَّح_تفرح رجعت تانى ^_^

معانا حالة انسانية أم ل3 بنات أكبرهم فى 6 ابتدائى ،
زوجها سايبها من 4سنين ، بيعطيهم 300ج فقط فالشهر ،
كانت بتشتغل فى غسيل المواعين لمصنع حلويات مقابل 20ج يوميآ وسابت الشغل من شهرين لانه مرهق جدآ ليها واثّر ع صحتها وكمان بتضطر تسيب بناتها طول اليوم،
فى محل فى بيت والدها ممكن تفتحه بقالة عشان تبقى جنب بناتها ومصدر دخل ليهم
ف هنساعدها تفتحه _إن شاء الله _
و بنتها الكبيرة عندها cataract in left eye و يدوبك عندها perception of light بيها ،هنوديها مركز العيون ان شاء الله عشان لو محتاجة عملية نساعدها فيها ..

فاستبقوا الخيرات .. مين هيسارع فى الخير ده ؟ :)

يوصل التبرعات لحد من مسئولى المشروع او يتواصل معانا ناخدها منه _بإذن الله _ .. :)

30/11/2015

مطلقة
عندها 4 ابناء
" وكان عندها طفل سنتين ونص توفى بسرطان الدم "

الدخل :
450 ج معاش مطلقات
حاولت تشتغل قبل كده فى مصنع منظفات ..بس عندها حساسيه فتعبت

المسكن :
شقه ف بيت عيلة
" تعتبر خاليه من الاثاث ,,لأنها كانت باعت كل حاجتها
بس جالها مساعده سريرين وبتوجاز وغسالة "

عليها دين بحوالى 11000 ج

مهتمه بتعليم ولادها .. ومش بياخدوا دروس

تم مساعدتها ب بضاعة بقالة و منظفات

ربنا يوسّع رزقها و رزقكم يادفعه :)
و دمتم عوناً ^_^

16/07/2015

تم المساهمه _ بفضل الله _ فى تجهيز 7 عرايس

ودى بعض الصور اللى عرفنا ناخدها علشان نفرّحكم معانا ^_^

ربنا يجعله فى ميزان حسانتكم
ويجعلكم ديما سبب من اسباب الفرحه ^_^

16/07/2015

مطلقة
عندها طفلين "4 ابتدائى ,, 2 ابتدائى "

الدخل :
- مفيش نفقه من طليقها
لأنه كان اتجوز عليها فى نفس الشقة
فطلقت منه مقابل التنازل عن حقوقها هى وأولادها
- بتقف فى جنينة تبيع شاى و قهوه

المسكن :
- اضطرت تسيب شقتها وتاخد شقه فى قريه بعيده بس ايجارها أقل

تم مساعدتها بمشروع الفرن والانبوبه + بعض الذرة والسمك

ربنا يجعله فى ميزان حسانتكم :)
و دمتم عوناً ^_^

27/06/2015

(لَنْ تَنَالُوا الْبِرَّ حَتَّىٰ تُنْفِقُوا مِمَّا تُحِبُّونَ ۚ )

من بكرة _ إن شاء الله _ هنبدأ قبض المرتب
ف ماتنسوش بقى تعينوا جزء ع جنب كده لفرح تفرح ^_^

حتى لو جزء بسيط يعنى من مرتب بسيط بطبيعته:D
بس هيبقى جزء مما نحب ,, جزء من رزق ربنا _ سبحانه وتعالى _ رزقنا بيه فى رمضان :)

و احنا _ إن شاء الله _ هنبقى متواجدين لتجميع التبرعات فى الشيفتات ,, وعند الخزنه بنقبض برضه
ولو مقدرتش توصل لحد مننا ,, فتواصل معانا برسالة على صفحة المشروع و احنا _ إن شاء الله _ هنوصلك :)

ُحبون

^_^

20/06/2015

يا أهل الخير و دفعة الفرحة ^_^

مستمرين معاكم فالتجميع لشغل رمضان " اللى هيبقى _ إن شاء الله _ السنة دى متنوع "
فعدّدوا النوايا بئا و جهزوا الفلوس وماتنسوش التجميع فالعزومات :D
و تواصلوا مع أى حد من مسئولي التجميع اللى كانوا ف الراوندات
ولو مقدرتش توصل لحد ,, فتواصل معانا برسالة على صفحة المشروع و احنا _ إن شاء الله _ هنوصلك وناخد التبرع :D

عَنِ ابْنِ عَبَّاسٍ ، قَالَ : " كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ أَجْوَدَ النَّاسِ ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ الْقُرْآنَ ، فَلَرَسُولُ اللَّهِ صَلَّى اللَّهُ عَلَيْهِ وَسَلَّمَ أَجْوَدُ بِالْخَيْرِ مِنَ الرِّيحِ الْمُرْسَلَةِ " . رواه البخارى

19/06/2015

أرملة
أم ل 6 بنات

مريضة سكر و عندها بدايات فشل كلوى

المسكن :شقة إيجار بسيطه "بالاشتراك مع أخوها "

تم مساعدتها بمشروع الخضار والفواكه

ربنا يجعله فى ميزان حسانتكم :)
و دمتم عوناً يا دفعه ^_^

17/06/2015

أم لخمس أطفال
3 من زوجها الأول " اتجوز عليها و أطلقت منه"
2 من زوجها التانى "اتحبس من سنة و شويه بسبب قضية أدويه فالصيدليه اللى كان شغال فيها "

الدخل : كان والدها و والدتها بيساعدوها خلال السنة دى " بس توفوا الاتنين ورا من كام شهر "
ف لم يتبقى ليها مصدر دخل آخر " غير بعض المساعدات من جدة ولادها من زوجها الأول "

تم مساعدتها بمشروع ملابس الأطفال وملابس البيت

ربنا يوسّع رزقها و رزقكم يادفعه :)
و دمتم عوناً ^_^