Guzzor

14/11/2025

لما الطفلة تبص في مرايتها وتشوف عمر مش عمرها… اعرف إن في روح اتسرقت.
ساعد طفلة ترجع تشوف نفسها… مش عمر أكبر منها.
شارك عشان صوتها يوصل

13/11/2025

كلمة منك ممكن تغيّر مصيرها 💛
قول "لأ" للجواز المبكر، وافتح لها باب التعليم، اللعب، والحلم ✨
خلي صوتك يحمي طفلة… مستقبلكم يبدأ بكلمة واحدة بس
شارك رسالتنا و امنح الامل لكل بنت🩷

11/11/2025

فيه مكالمة ممكن تغيّر مصير بنت.
كلمة منك توقف جواز بدري، وتفتح باب تعليم وأمل جديد. 📞💫
احكي، بلغ، خليك صوت للبنات اللي مالهمش صوت.

09/11/2025

👩‍👧 ناس كتير بتقول:
"أمي أو أختي أو قريبتي اتجوزت وهي تحت 18 ومحصلهاش حاجة"

⚠ لكن دي مش الحقيقة الكاملة.

💡 كل جسم بيختلف عن التاني في النمو الجسدي والنفسي،
ومفيش أي وسيلة دقيقة تقدر تحدد إن البنت "جاهزة" للزواج أو الحمل قبل 18.

👧 في بنات شكلها يبان كبير، بس هي لسه في مرحلة النمو وتكوين العظام والهرمونات،
وفي بنت تانية شكلها صغير و فوق 18 لكنها جاهزة للزواج.

📊 الدراسات بتقول إن الحمل قبل 18 ممكن يسبب مضاعفات خطيرة للأم والجنين
مهما كان شكلها أو جسمها.

⚖ عشان كده السن القانوني للزواج مش رقم عشوائي…
✨ دا الحد الأدنى للأمان.

🧠 المقياس مش الشكل،
المقياس أهلية الجسد والعقل.

شارك/ى البوست ... يمكن تغير تفكير حد 💛

#احميها

08/11/2025

🌱 جذور
صفحة توعوية عن زواج القاصرات
هدفنا نرفع الوعي في مصر ونحمي القاصرات عشان يقدروا يعيشوا حياتهم ويتعلموا 🎓💛

📌 بنشارك بوستات توعوية ومعلومات عن مخاطر الزواج المبكر وحقوق البنات

🏆 شاركنا في مسابقات كتير لتعزيز التوعية، وهدفنا نوصل رسالتنا لكل قرية وبيت في مصر

✋ تابعونا وشاركوا في نشر رسالتنا… صوتك ممكن ينقذ حياة!

08/11/2025

💔 زواج القاصرات مش بس ظلم ليهم دا بيسرق و يعرض حياتهم للخطر

👩‍🩺 حمل القاصرات ليه مضاعفات خطيرة زى
🔹 نزيف اثناء الولادة
🔹 فقر الدم الحاد
🔹 توقف النمو الجسدى
🔹 اطفال غير مكتملين او عندهم ضعف فى المناعة
🔹 الاجهاض و الولادة المبكره

👧 البنت القاصرة جسمها لسا مكتملش لسا فى مرحلة نمو مش جاهزة للحمل و المسئولية

شارك/ى البوست ... يمكن تنقذ حياة💛

#احميها

06/11/2025

بين رقم على تورتة وفستان صغير في صورة واحدة… فيه قلب مستني فرصة.
فرصة تتعلّم وتضحك وتجري ورا أحلامها مش تشيل مسؤولية أكبر من سنّها.
هي لسه صغيرة.
شارك علشانها

05/11/2025

في بنات اتجوزوا قبل ما يعرفوا يعني إيه حلم...
اتمنوا فرصة يعيشوا طفولتهم، يذاكروا، يلعبوا، ويتعلموا.
خلينا نحافظ على بناتنا من الجواز المبكر، ونفتحلهم باب التعليم 💔📖
ابدأ التغيير من بيتك… علم بنتك تحلم قبل ما تفكر تتجوز 🌸

03/11/2025

علشان نطمن على بناتنا… التعليم قبل الفرح 💛

يا كل أم وكل أب، إحنا عارفين إنّ نيتكم دايمًا الستر والأمان. بس الجواز قبل 18 ممكن يعرّض بنتنا لمخاطر صحية ونفسية.
الطريق الصح؟
نسمع لبنتنا ونشوف حلمها في التعليم
إحنا وإنتوا فريق واحد… وبناتنا تستاهل بداية صح.
شارك\ي البوست وخلي صوتنا يوصل

01/11/2025

البنت وهي صغيرة مكانها في المدرسة مش في بيت جوزها 😔📚
علمها.. علشان تبني حياتها بإيدها مش تبقى أم وهي لسه طفلة 👧✨
ساعد في نشر الوعي…
كلمة منك ممكن تنقذ طفلة من مصير صعب 💔

#جذور

29/10/2025