أسر صناع الحياة بالجامعات المصرية

  • Home
  • Egypt
  • Giza
  • أسر صناع الحياة بالجامعات المصرية

أسر صناع الحياة بالجامعات المصرية الصفحة الرسمية لأسر صناع الحياة بالجامعات و المعاهد المصرية

صفحة اسر صناع الحياة في الجامعات المصرية المختلفة تقوم بتوضيح ما تقوم به الاسر في الجامعات المختلفة و ارسال و توضيح رسالة النشاط و شعارنا ( خدمة الطلاب - خدمة المجتمع ) عن طريق العديد من الايفينتات و الانشطة المختلفة و تعتبر هذه الصفحة هي الوجهة الاعلامية.

رفعنا الشغف وزودنا طاقتنا! 🤩خلال ورشة إدارة الطاقة النفسية مع المدربة المميزة أ. آلاء أنيس. اتعلمنا إزاي نفهم أسباب استن...
17/06/2026

رفعنا الشغف وزودنا طاقتنا! 🤩

خلال ورشة إدارة الطاقة النفسية مع المدربة المميزة أ. آلاء أنيس.

اتعلمنا إزاي نفهم أسباب استنزاف طاقتنا، ونتعامل مع فترات الإرهاق والاحتراق النفسي، ونحافظ على توازننا خلال فترة الامتحانات.

كانت ورشة مليانة معرفة وأفكار عملية ساعدتنا نبص لأنفسنا بشكل مختلف، ونفهم إن الحفاظ على الطاقة جزء أساسي من النجاح.

كل الشكر والتقدير لأستاذة: آلاء أنيس
على وقتها ومجهودها، وعلى كل معلومة شاركتنا بيها وقدرت تضيف بيها أثر حقيقي في رحلتنا. 💙

ونتمنى تكونوا استفدتوا واستمتعتوا بالورشة زي ما إحنا استمتعنا بيها.

واستنوا ورش أكتر ومفاجآت جديدة الفترة الجاية. 🔥

#همة

من شهر تقريبًا بدأنا حملة هِمة. 💫واتكلمنا سوا عن حاجات كتير بنقابلها وقت المذاكرة من التسويف والمشتتات للسهر، وحاولنا نس...
16/06/2026

من شهر تقريبًا بدأنا حملة هِمة. 💫

واتكلمنا سوا عن حاجات كتير بنقابلها وقت المذاكرة من التسويف والمشتتات للسهر، وحاولنا نساعد بعض نرجع همتنا من تاني.

دلوقتي ناس كتير خلصت امتحاناتها، وناس تانية لسه رحلتها هتبدأ.

فحابين نسمع منكم. 🤍

إيه أكتر حاجة علقت معاك من الحملة؟
معلومة استفدت منها نصيحة فرقت معاك، موقف حصلك أو حتى صورة من مشاركتك في الحملة.

شاركنا تجربتك، يمكن كلمة منك تساعد حد لسه داخل على امتحاناته وترجع له هِمّته من جديد. ✨

#همة

كل عام وأنتم بخير. 🌙✨تتقدم أسر صناع الحياة بالجامعات المصرية بأصدق التهاني وأطيب الأمنيات بمناسبة حلول العام الهجري الجد...
16/06/2026

كل عام وأنتم بخير. 🌙✨

تتقدم أسر صناع الحياة بالجامعات المصرية بأصدق التهاني وأطيب الأمنيات بمناسبة حلول العام الهجري الجديد، سائلين الله أن يجعله عامًا مليئًا بالخير والبركة والسعادة، وأن يحقق لكم فيه ما تتمنون، ويكتب لكم التوفيق والنجاح في كل خطوة.

عام هجري جديد يحمل معه الأمل والبدايات الجميلة، كل عام وأنتم إلى الله أقرب، وعلى الطاعة أدوم. 🤍

كل بطل وراه جمهور.💪🏻وأولادنا في الامتحانات محتاجين جمهور يشجعهم، مش ضغط يزيد عليهم.كلمة دعم، رسالة طمأنة، أو حتى سؤال بس...
15/06/2026

كل بطل وراه جمهور.💪🏻

وأولادنا في الامتحانات محتاجين جمهور يشجعهم، مش ضغط يزيد عليهم.

كلمة دعم، رسالة طمأنة، أو حتى سؤال بسيط:
"عامل إيه؟"

ممكن يفرق أكتر مما نتخيل.

خليكم جمهور أولادكم وقت الامتحانات.💙

#همة

أصعب لحظة مش لما تفشل، لكن لما تشوف حد غيرك نجح. في ثانية واحدة، ممكن تحس إن كل اللي عملته مش باين، وإن مجهودك كله ضاع....
14/06/2026

أصعب لحظة مش لما تفشل، لكن لما تشوف حد غيرك نجح.

في ثانية واحدة، ممكن تحس إن كل اللي عملته مش باين، وإن مجهودك كله ضاع.🌥️

عارف ليه؟
عشان أنت بتقيس مسافتك بخطوات حد تاني، وعشان كده هتفضل واقف في مكانك.

لأن كل واحد فينا جاي بظروف مختلفة، وبنقطة بداية مختلفة. 💫

خليك عارف إن اللي وصل قبلك مش بالضرورة يكون أشطر منك؛ ممكن بس بدأ قبلك، أو ظروفه كانت أسهل، أو حتى طريقه كان أقصر.

السؤال الوحيد اللي تسأله لنفسك: "أنا النهارده أحسن من امبارح؟"

لو الإجابة "آه"، حتى لو بخطوات صغيرة، فأنت كده ماشي صح. 💙

اكتبلنا في الكومنت: إيه الخطوة اللي بتشتغل عليها دلوقتي، مهما كانت صغيرة؟

#همة

قبل أكتر من 100 سنة، اكتشف Karl Landsteiner إن الدم مش نوع واحد🩸واكتشاف واحد زي ده فتح باب لإنقاذ ملايين الأرواح.والنهار...
14/06/2026

قبل أكتر من 100 سنة، اكتشف Karl Landsteiner إن الدم مش نوع واحد🩸

واكتشاف واحد زي ده فتح باب لإنقاذ ملايين الأرواح.
والنهارده، وكل مرة حد بيتبرع بالدم، فهو بيكمل رحلة بدأت بالعلم وكملتها الإنسانية.❤️

في اليوم العالمي للمتبرعين بالدم، شكرًا لكل شخص اختار يكون سبب في حياة حد.


"أنا فخورة بيكي مهما كانت النتيجة." 💙"هانت، كلها أيام والامتحانات تخلص، وكل أحلامك تبقى أقرب من أي وقت."وصلكِ قبل كده رس...
13/06/2026

"أنا فخورة بيكي مهما كانت النتيجة." 💙
"هانت، كلها أيام والامتحانات تخلص، وكل أحلامك تبقى أقرب من أي وقت."

وصلكِ قبل كده رسالة شبه دي؟
غالبًا في لحظة حسّستك إنك مش لوحدك، وإنك قادرة تكمّلي مهما كان الضغط.

في فترة الامتحانات، كلمة بسيطة ممكن تفرق أكتر مما نتخيل.

خليكي أنتِ السبب إن صاحبتك ترجع بطلة من تاني. 💪

ولو محدش بعتلك الرسالة دي، خدي الخطوة وابعتيها أنتِ الأول، ويمكن المرة الجاية تكون الرسالة جاية ليكي. ✨

املئي الفورم وخلي رسالتك توصل لصاحبتك 👇🏻
https://forms.gle/G7ibFFpJDQoHryJv8
يمكن تكون محتاجاها أكتر مما تتخيلي.
#همة

الفيس وقع فجأة وقت المذاكرةقولوا بصراحة 👀أول حاجة عملتوها لما وقع كانت إيه؟ 🤔📚 أ: بدأت أذاكر📸 ب: فتحت واتس🐦 ج: رحت أتأك...
12/06/2026

الفيس وقع فجأة وقت المذاكرة

قولوا بصراحة 👀

أول حاجة عملتوها لما وقع كانت إيه؟ 🤔

📚 أ: بدأت أذاكر
📸 ب: فتحت واتس
🐦 ج: رحت أتأكد من تويتر
🔄 د: عملت Refresh خمسين مرة

اكتبوا إجابتكم في الكومنتات ⬇️😂

#همة

لو الشغف قل والطاقة خلصت، الورشة دي ليك. ✨في فترة الامتحانات، كتير بيحس إنه مش قادر يكمل وإن طاقته بالسالب. 🪫ولأننا حاسي...
11/06/2026

لو الشغف قل والطاقة خلصت، الورشة دي ليك. ✨

في فترة الامتحانات، كتير بيحس إنه مش قادر يكمل وإن طاقته بالسالب. 🪫
ولأننا حاسين بيك، قررنا نساعدك في ثاني ورش سلسلة "إدارة الطاقة" مع صناع الحياة.

في الورشة هنتعرف على: 📖
▫️ ليه طاقتك بتخلص بسرعة، وإزاي تشحنها تاني بأنواعها المختلفة.
▫️ إزاي تتعامل مع فترات الاحتراق، وكمان تخرج منها بأقل الخسائر.
▫️ إزاي توزع طاقتك صح، وتستخدم كل نوع من الطاقة في المهمة المناسبة.
▫️ تأثير الروتين اليومي على مستوى طاقتك، وإيه أفضل العادات اللي تساعدك تحافظ عليها.

كل ده وأكتر بتقدمه:
المدربة: آلاء أنيس
▪️مدربة في صناع الحياة.
▪️خبرة أكتر من 3 سنين في مجالات التدريب المختلفة.
▪️قائدة لعدة فرق تطوعية منذ 2023.

الموعد: الاثنين، الساعة: 9:30 مساءً.
أونلاين عبر Google Meet.

سجل دلوقتي معانا في الفورم علشان تلحق ترجع طاقتك قبل الامتحان الجاي: 🫵
https://ee-eu.kobotoolbox.org/x/iuEp5YLc
#همة

النجاح في المذاكرة مش مرتبط بعدد الساعات بس، لكنه مرتبط بالطريقة اللي بتذاكر بيها. 📚لما تنظم وقتك باستخدام أساليب فعالة ...
09/06/2026

النجاح في المذاكرة مش مرتبط بعدد الساعات بس، لكنه مرتبط بالطريقة اللي بتذاكر بيها. 📚

لما تنظم وقتك باستخدام أساليب فعالة زي تقنية البومودورو، وتدي لنفسك فترات راحة مناسبة، هتقدر تحافظ على تركيزك لفترة أطول وتستفيد من وقتك بشكل أفضل.

وكمان افتكر إن طلب المساعدة مش ضعف، لكنه خطوة ذكية.🫱🏻‍🫲🏻

سؤال واحد في الوقت المناسب ممكن يختصر عليك ساعات من الحيرة، ويساعدك تفهم أسرع وتكمل بثقة أكبر.

المذاكرة رحلة بتحتاج اجتهاد، لكن كمان بتحتاج أدوات صحيحة تساعدك توصل لهدفك بأفضل شكل ممكن.👌🏻

شاركنا في التعليقات: ايه أكتر طريقة ساعدتك تذاكر بتركيز أو تفهم بشكل أفضل؟

#همة

Address

3 ش المشتل تقسيم الشيشني/المعادي
Giza
12411

Website

Alerts

Be the first to know and let us send you an email when أسر صناع الحياة بالجامعات المصرية posts news and promotions. Your email address will not be used for any other purpose, and you can unsubscribe at any time.

Shortcuts

Share

Category