نقاش معماري لديكورات الحديثة

01/05/2026

08/07/2025

الشخص الأصيل مهما شاف غدر من الناس، قلبه بيفضل نضيف، يمكن يتوجع، يمكن يتعلم، بس عمره ما هيعرف يكون زي الناس اللي أذته.

الطيبة مش ضعف، والجدعنة مش سذاجة، دول معدن، إما عندك أو لأ، وما حدش بيعرف يزوّرهم.

في ناس فاكرة إن الزمن ممكن يغيّر الطبع الأصيل، وإن اللي اتوجع كفاية لازم يتحول لوحش، بس الحقيقة مش كده. اللي اتربى على النُبل، هيفضل نُبيل حتى لو عدى على نار، هيتعلم يحط حدود، بس مش هيتعلم القسوة، لأن القسوة محتاجة قلب مات، والأصيل قلبه عايش حتى لو اتكسر ألف مرة.

والحقيقة، مش كل الناس عندها القدرة إنها تبقى طيبة رغم اللي شافته. في ناس أول خيبة بتخليها تستحقر الخير في نفسها وفي غيرها، بس الأصيل؟ لا، الأصيل ممكن يبعد، ممكن يقفل أبوابه، بس ما يعرفش يبدّل جوهره، لأنه مش بيمثل، هو كده فعلًا.

في النهاية، الطيبة مش ضعف، الأصل مش عيب، وإنك تكون إنسان نضيف وسط كل القذارة اللي حوالينا دي، ده في حد ذاته قوة. وإنت مش محتاج تبرر لحد ليه قلبك لسه فيه خير، لأن اللي فاهم هيفهم، واللي ما يستاهلش؟
ما يهمكش أصله من الأساس.لا الجدع هيعرف يبقي ندل ولا الندل عمرة هيبقي جدع 👌🏼