Section Team

06/04/2017

We would like to thank our unique academic sponsor INJAZ Egypt | إنجاز مصر for supporting us , Really your participation was valuable enough to make our event more incredible & veracious 😃 .
we hope to continue that cooperation in order to prepare a new qualified generation which is able to join the job market strongly.
👏👏💪

فخورين ان إنجاز مصر هي الشريك الأكاديمي للأنشطة الطلابية في سته جامعات مختلفة.
نقدم ورش عمل في مجال ريادة الأعمال واستعدادية العمل بالتنسيق مع تلك الأنشطة.

We're excited to announce our partnerships with the below student organizations in 6 different universities.

INJAZ Egypt offers our and workshops in collaboration with Student Organizations.

Cairo University:
- Career Zoom
- PhAi
- K-Vector
- MOIC
- Riseup Cairo university

Ain Shams:
- Meca
- ACES
- AIBE
- X-Volunteer
- MESE
- TEDx-Ain Shams University

Suez University :
- Material Advantage Suez university
- EAGE

Helwan University:
- Section team
- White page

Tanta University:
- EPSF-Tanta الاتحاد المصري لطلاب صيدلة- جامعة طنطا

Azhar University:
- Azhar Association

23/03/2017

Mention your friends .. ;)

17/03/2017

We're very pleased to hear these words from our supervisor (Dr.Abdelhay) , and we hope that you continue your supervision and support as long as our path takes .

💪
;)

10/03/2017

كيف بدأ الخلق ؟!😂
السؤال ده و غيره كتير من الأسئلة العميقة بتظهر أثناء المذاكرة ، و للأسف ساعات بنمشى ورا الأسئلة دى لحد ما دماغنا تنسى المذاكرة خالص ..
أو ساعات بتقعد تحط لنفسك مبررات زى أنا فى دولة خرجت من تصنيف التعليم اصلا يبقى هتعلم ليه !!
و بتبتدى تسيب المذاكرة بالتدريج و تدور على أى حاجة تانية تعملها ..
ساعات بنوصل لمرحلة الملل من المذاكرة و السبب هو الأخطاء اللى احنا بنعملها فى الوقت و علشان تتجنب الملل ده ركز معانا هنا 😃
-لازم تقفل المو ...
يوووووه دى المرة المليون اللى اقرأ الكلام ده والنصايح دى وبرده مش عارف أركز .
كل واحد فينا هو عارف إيه اللى بيعمله وبيستنزف قد إيه من طاقته و مجهوده فى لا شىء وعشان كده إنت لازم تقعد مع نفسك وترتب اولوياتك وتقرر بجد إنك تبدأ بداية جديدة غير كده أنت بتضحك على نفسك .
😉

09/03/2017

مع بداية يوم جديد يعنى فرصة جديدة 😃
سيكشن بتصبح عليك من مدرج 26 و بتقولك خليك متفائل و يومك هيكون سعيد 😉
💚

08/03/2017

تعرف إن المبنى ده فيه أكبر حوض سباحة موجود فى لندن كلها 😃
طيب تعرف إن اللى صمم المبنى ده مهندسة اسمها زها حديد ..
أعمال المهندسة دى غنية عن التعريف يكفى إن المبانى اللى قامت بتصميمها ليها شكل جميل و دايماً ملفت للنظر زى المبنى ده لو لاحظت هتلاقى إنه مصمم على شكل موجة البحر علشان يناسب الغرض اللى اتعمل علشانه 😉
دايماً بيبصوا للبنات على إنهم مينفعش يدخلوا كلية هندسة لأن شغلها صعب و مرهق بس المهندسة دى و غيرها كتير أثبتوا العكس إن المرأة تقدر تدخل المجال ده و تتفوق فيه كمان ..
و فى اليوم العالمى للمرأة كان لازم نثبت خطأ الاعتقاد ده و ندى للمهندسات دفعة إنهم يركزوا فى الهدف و يبعدوا عن أى كلام من النوعية دى و لعلهم يوصلوا 😉

💜

01/03/2017

هات صباره و ادفنى يا ببلاوى 😂
ده شعورنا كلنا بعد ما عرفنا إن النتيجة خلاص هتظهر 😄
و دلوقتى فى جوانا زى إحساس بالندم كدة على الوقت اللى ضاع بس المفروض إنك تحول إحساسك بالندم ده لخطوة إيجابية تبدأ من دلوقتى ..
أياً كانت نتيجتك فاللى حصل حصل و المفروض إنك تشتغل بجد علشان تعوض اللى فاتك 😉
و افتكر دايما إننا خُلقنا علشان نعمر الأرض و فى سنك ده إعمار الأرض يعنى إنك تذاكر و تطور من نفسك 😃
منشن صاحبك الدحيح و قوله مبروك مقدماً الامتياز 😂

26/02/2017

الواتس آب أتهور وعملهاااااا 👏👏
بس مش كل تهور بيكون رد فعل الناس إتجاهه واحد !
مستحيل تلاقى الناس كلها مجمعه على فكرة جديدة وبالذات لو كانت الفكرة دى خارج الصندوق 😃 أى فكرة جديدة فى الأول بتبقى مش مفهومة والناس بتهاجمها بس اللى بيخليها تنجح التمسك بيها ..
و ده اللى حصل فى ال update بتاع الواتس ، حب يطور من نفسه و يمكن ده سبب شوية ضيق عند الناس بس بكرة هيعرفوا مميزاته و يشكروا فيها 😉
كل واحد فينا عنده التاتش بتاعه اللى مش عند التانى ، حاجة مفيش غيره يقدر يعملها زيه حتى ولو كانت عادية فى نظرك بس هى سر تميزك 😃 ، مغلطش أحمد مكى لما قال متحاولش تبقى حد تانى غير نفسك 😉
ايوة أوعى تكون مسخ و دور على الحاجة المميزة بتاعتك 👌 فكر فى شىء مختلف تقدمه للعالم و متبقاش نقطة مياه فى بحر ، مجرد نسخه مكررة ملهاش لازمة .

26/02/2017

عليك فقط أن تحب ما تفعل 💚😃

25/02/2017

هو ده الترم اللي قولنا هنعوض فيه ؟! 😂
بكرة أول يوم فى الأسبوع التالت و لسه لحد دلوقتي احنا نايمين و بنقول بكرة هنبدأ مذاكرة 😐
ليك فى التحدى ؟! 😎
طيب انت هتتحدى صحابك إنك هتحضر كل المحاضرات و السكاشن بتاعة الأسبوع ده ، منشن لكل صحابك و اتفق معاهم على كده 😃
و فى آخر الاسبوع تشوفوا مين نفذ التحدى و مين مقدرش 😉

24/02/2017

كلنا سمعنا عن زيارة ميسى لمصر 😃
بس سألت نفسك هو ليه زيارته عملت كل الضجة دى ؟!
- علشان هو شخص مشهور أشتغل على نفسه و قدر موهبته فى لعب الكرة ، رغم إن كل اللى حواليه كانوا شايفين إنه ضعيف جسدياً لكنه جرى ورا حلمه و مهتمش بكلام الناس المحبط لحد ما وصل للمكانة دى إن كل الناس كانت مستنية زيارته 😉
طيب أنا بقولك الكلام ده ليه ؟؟
علشان فى حكمة بتقول "work hard so that you won't be cropped from photos"
يعنى أنت لازم تعرف موهبتك و تتعب فيها علشان الناس اللى تعرفك تفتخر بمعرفتك و إنها اتصورت فى يوم معاك 😉
دلوقتى المفروض إنك تشوف إيه المميز اللى أنت بتعرف تعمله و تبتدى تنمى عندك الحاجة دى فربما تكون ميسى فى مجالك 😎

23/02/2017

- تعرف إن مجرتنا فيها حوالى من 100 ل 200 مليار كوكب تقريباً .
- لا مكنتش أعرف الحقيقة وبعدين ؟
- طيب تعرف إن تلسكوب كيبلر رصد حوالى 11 ألف نظام نجمى فيه حوالى 18 ألف كوكب محتمل لحد عام 2013 كل الكواكب دى فى المجرة مفيش كوكب صالح للحياة غير كوكب الارض ، عارف ليه ؟
- اشمعنا ؟
- علشان اتوفرت ليه الظروف المناسبة و خاصة المسافة ما بينه وما بين الشمس .
من شوية أعلنت وكالة الفضاء الشهيرة ناسا عن إكتشاف خطير جداً و هى إنها أكتشفت نظام شمسى يبعد عن الأرض حوالى 40 سنة ضوئية بيدور حوالين النجم بتاعه 7 كواكب .
- اها و إيه الجديد يعنى ؟ ما فى 11 ألف قبله ..😄
- الجديد و لأول مرة تم التأكيد إن فى 3 كواكب موجودين فى ظروف مناسبة إن الحياة تنشأ عليهم وغالبا موجود عليهم مياه يعنى احنا مبقناش لوحدنا خلاص فى 3 كواكب تانيين موجودين معانا فى مجرتنا ينفع نعيش عليهم .
المهم من بين 200 مليار كوكب فى مجرة واحدة بس من مليارات المجرات الموجودة أربعة فقط مميزين ، مش مميزين فى تكوينهم أكتر ماهما مميزين فى الظروف اللى هما موجودين فيها ، و أنت كمان ممكن تبقى مميز ما بين مليارات البشر الموجودة على كوكب من مليارات الكواكب اللى موجودة لو أتوفرت لك أو بمعنى أصح وفرت لنفسك الظروف المناسبة عشان تبقى مميز ..😉
تفتكر إيه الظروف اللى أنت محتاجها عشان تبقى مميز ولو جاتلك فرصة إنك تروح كوكب من الكواكب دى هتروح ؟ و ليه ؟😃