HNU - FCSIT ICPC Community

21/05/2026

🔥 الأسطورة يكمل صعوده 🔥

بعد رحلة طويلة من التحديات…
الأسطورة MIDORIYA وصل رسميًا لـ Master على Codeforces ❤️‍🔥

ألف مبروك لـ Mohamed Ibrahim على الإنجاز العظيم ده،
وإن شاء الله دي مجرد محطة في طريق الـ International Master ثم الـ Grandmaster 👑

“Plus Ultra” مش مجرد شعار… دي طريقة لعب 😮‍💨🔥

28/04/2026

🔥 خبر يفرّح كل واحد في الكوميونيتي

النهارده MIDORIYA_ عمل أداء قوي جدًا في Div 2 وقدِر يوصل لـ Candidate Master

💜 وده يخليه أعلى رانك في جامعة حلوان الأهلية حاليًا

👏 كل الدعم لـ MIDORIYA_
واللي جاي أقوى إن شاء الله

25/04/2026

We appreciate the efforts of all participating teams 👏🔥
𝐖𝐞 𝐥𝐨𝐨𝐤 𝐟𝐨𝐫𝐰𝐚𝐫𝐝 𝐭𝐨 𝐬𝐞𝐞𝐢𝐧𝐠 𝐲𝐨𝐮 𝐢𝐧 𝐟𝐮𝐭𝐮𝐫𝐞 𝐞𝐝𝐢𝐭𝐢𝐨𝐧𝐬 🚀🎯

22/04/2026

META CODER COMPETITION 🔥
Round one 1️⃣

20/04/2026

محتار تشارك فال ECPC ولا لا ؟ بتسمع حاجات كتير ومشتت ؟
البوست ده هيوضحلك كل حاجة 😍

🚨 انا ك Newcomer او حد فى سنة اولى المفروض اشارك السنة دى ولا استعد بشكل افضل للسنة الجاية ؟ 🤔

: تشارك طبعا السنة دى لان انت فى اول مشاركة ليك فالمسابقة بيكون هدفك الاكبر هو انك تكسب خبرة وتتعود على جو المسابقة وتعرف الدنيا بتمشى ازاى
ف لو المسابقة بكرا ف كلنا المفروض نشارك ونطلع ب اكبر استفادة ممكنة والسنة الجاية نشارك بمستوى افضل وبخبرة اكبر

🚨 هل الوقت الباقى لحد المسابقة كافى ان انا اطور من مستوايا واكون مستعد بشكل كافى ؟ 🤔

: ايوه اكيد الوقت المتبقى لو اتدربت بشكل كويس والتزمت فالتدريب هتكون قادر انك تنافس زمايلك وتأدى بشكل كويس بإذن الله و إن شاء الله تقدر تحقق انجاز كبير كمان

🚨 ايه اللى يخلينى اشارك فالمسابقة اصلا وايه الاستفادة اللى هتعود عليا ؟ 🤔

: اول حاجة زى ما ذكرنا فوق ان انت خلال فترة التحضير للمسابقة بنتدرب بشكل مكثف وقوى فبالتالى بنطور مستوانا جدا فال problem solving و ده يمكن الحاجة اللى بتخلينا نشارك فالمسابقة اصلا لان طبعا هى من اهم المهارات اللى لازم تكون متواجدة عند اى مبرمج وتقدر توصله للشركات الكبيرة
تانى نقطة وهى ان المسابقة فرصة مهمة جدا انك تحتك بكل المبرمجين فى كل الجامعات فى مصر وتكبر من دايرة علاقاتك وبفيدهم وبتستفاد منهم واجواء المسابقة بتكون رائعة جدا وممتعة لاقصى حد

🚨 ازاى اقدر استعد بشكل كويس وايه هيكون دور التيم خلال فترة التدريب والاستعداد ؟ 🤔

: افضل طريقة هى انك تعرف مستواك واصل لحد فين وتذاكر من بعد النقطة دى لحد المسابقة و تحل مسائل كتير متنوعة ومختلفة و الجزء المهم جدا انك تدرب انت وفريقك مع بعض وتدخلوا كونتستات كتير مع بعض قبل المسابقة عشان تبقوا متعودين على طريقة تفكير بعض

طب و دور الكوميونتى ؟
كل فريق هيكون ليه كوتش من دلوقتى لحد لحظة دخول المسابقة هيكون معاك ويتابع مستوى كل شخص فيكم وينصحكم فى فترات تدريب الفريق

🚨 هل المسابقة بتكون سهلة ولا صعبة وهل بتيجى لحد مستوى معين ؟ 🤔

: المسابقة بتكون عبارة عن 15 مسئلة تقريبا فى 5 ساعات والمسائل دى بتكون متدرجة فالصعوبة ومش بتكون لحد مستوى معين

🚨 هل مسائل مسابقات السنين اللى فاتت متاحة بحيث نقدر نتدرب عليها بشكل كويس ونتعود على نوعية الاسئلة اللى بتيجى ؟ 🤔

: ايوه فى جروب موجود على كودفورسيز فيه كل اسئلة السنين اللى فاتت تقدروا تدربوا عليها

🚨 ايه هى مراحل المسابقة والتأهل بيكون على اساس ايه ؟ 🤔

: اول مرحلة وهى ال ECPC Qualification و دى بتكون فى اسكندرية وبيتم التصفية بين فرق جامعتك

تانى مرحلة وهى ال ECPC Final و دى بيتأهل فيها افضل فرق فى جامعتك حسب نسبة المسابقة بتحددها وبننافس فيها جامعات مصر كلهم

تالت مرحلة وهى ال ACPC Final و دى بتكون على مستوى الوطن العربى و قارة افريقيا وبيتأهل ليها افضل الفرق فالمسابقة المصرية

رابع مرحلة وهى ال ICPC Final ودى بتكون على مستوى العالم كله وبيتنافس فيها افضل طلبة البرمجة فالعالم كله

🚨 طب بعد ما عرفنا اهمية المسابقة وان تيم ال cpc هيوفرلنا تدريب للمسابقة ايه اللى ناقص كدا ؟ 🤔

: مش ناقص اى حاجة غير انك تسجل فالفورم بتاعة المسابقة 😂❤️

مستنى ايه ؟ يلا سجل دلوقتى واستغل الفرصة دى
جاهزين عشان نحقق شئ تاريخى فالمسابقة ؟

علشان تسجل تقدر تشوف خطوات التسجيل والفورم من هنا 👇🏼
https://www.facebook.com/share/17C321crUo/

19/04/2026

🚀 MetaCoder – Edition 2
Ready to play? See you at the contest 😉❤️

🚀 MetaCoder – Edition 2
🎮 حان وقت بداية الرحلة
⏰ 22/4/2026
ابدأ مع تيمك
واثبت إنك تقدر توصل لأعلى Level

لو انت مسجل
تابع إيميلك عشان توصلك كل التفاصيل

Ready to play? See you at the contest

19/04/2026

🚫 MetaCoder Registration is Now Closed

MetaCoder… See you at the contest 😉🎈

🚫 MetaCoder Registration is Now Closed

التسجيل في مسابقة MetaCoder Programming Competition – Edition 2 تم إغلاقه

شكرًا لكل التيمز اللي سجلت 🙌

📌 اللي جاي

• مراجعة بيانات التيمز
• إرسال الإيميلات بالتأكيد أو التعديلات المطلوبة
• الإعلان عن موعد المسابقة قريب

🎯 لو سجلت
تابع الإيميل بتاعك كويس الفترة الجاية

🔥 مستنين نشوفكم في أقوى تجربة Competitive Programming

MetaCoder… See you at the contest

17/04/2026

اي اللي بيحصل ده !! 🙄

09/04/2026

MetaCoder's Registration is now Open 😍🔥

🚀 MetaCoder Programming Competition – Edition 2

لو مهتم بالبرمجة وعايز تطور مستواك بشكل حقيقي فـ MetaCoder هي البداية المناسبة ليك

💡 ايه هي MetaCoder؟

مسابقة MetaCoder هي مسابقة برمجة على مستوى الجامعة
تنظمها كلية علوم الحاسب و تكنولوجيا المعلومات بالتعاون مع اتحاد طلاب كليه علوم الحاسب وتكنولوجيا المعلومات و تحت إشراف اتحاد طلاب الجامعة و إدارة رعاية الطلاب
هدفها إنها تساعد الطلاب يطوروا مهاراتهم في:

• حل المشكلات (Problem Solving)
• التفكير التحليلي
• العمل الجماعي

المسابقة بتحاكي نفس نظام مسابقات ICPC العالمية، اللي بتكون أهم طريق لأي حد عايز يدخل مجال الـ Competitive Programming

⚙️ نظام المسابقة

• فريق من 3 أفراد
• كمبيوتر واحد لكل فريق
• استخدام نظام PC2
• نفس نظام التقييم الرسمي

🗓 المواعيد

• التسجيل مفتوح من 9/4 إلى 14/4

🔗 سجل من هنا
👉🏼 https://meta-coder.dev

📌 خطوات التسجيل

1️⃣ ادخل على اللينك واضغط Register
2️⃣ اكتب اسم التيم
3️⃣ املى بيانات الأفراد الثلاثة في الـ Team
4️⃣ انتقل لخطوة الـ Review وراجع كل البيانات كويس
5️⃣ لو محتاج تعدل أي حاجة، عدل قبل التأكيد
6️⃣ اضغط Confirm لإتمام التسجيل
7️⃣ انتظر شوية لحد ما السيستم يراجع بياناتك
8️⃣ هيظهر لك Team Code في الصفحة

⚠️ مهم
احتفظ بالـ Team Code لأنه مطلوب يوم المسابقة

🎯 لو عايز تختبر مستواك وتعيش تجربة قريبة من المسابقات العالمية

كوّن تيمك وابدأ

MetaCoder… مش مجرد مسابقة، دي تجربة حقيقية

06/04/2026

Find Your Team. Start Strong. ⚡️

مسابقة الـ ECPC قربت ومش لاقي تيم تقدم بيه؟
›››› لو متعرفش ايه هي المسابقة ارجع للبوست اللي قبل ده على الصفحة قبل ما تكمل البوست ده↪️

إيه هي الـ Team Formation Contest؟
هي كونتست اونلاين بتدي فرصة لكل واحد مجمعش تيم إنه يقابل ناس مقاربة لمستواه ويكونوا تيم يشاركوا بيه في المسابقة.🏆

مين المفروض يسجل في الفورم؟
1️⃣ واحد لوحدك ومش لاقي فريق.
2️⃣ أنتم إتنين ومحتاجين حد تالت.
3️⃣ أنتم فريق عايز يتدرب.

⚠️ تنويه هااام!!!
لو كنتم إتنين أو فريق كامل واحد فقط بيسجل ويسجل للباقي معاه.

🔗 اللينك:
👉🏼 https://tally.so/r/44vpK5