جمعية رسالة فرع الحوامدية Resala hawamdia

24/10/2025

غداً يتجدد اللقاء 🥰
قوافل الصعيد من جديد في الحوامدية ✊🏻
قافلة أصحاب الأرض 🔻💪🏻
" على روح الشهيد صالح الجعفراوي "
قافلة تشمل " سوق خيري للخضروات - عرايس - إطعام - عيني - حفلة أطفال "
في انتظاركم غداً السبت إن شاء الله من الساعة ١٠ صباحا أمام الفرع

23/10/2025

🫶 منتظرينكم 🎊

لوكيشن تجمعنا في الحوامدية 👇
في انتظاركم من الساعة 12 ظهراً حتى 3 مساءا👀❤️

23/10/2025

بقلوب الخير ❤️قافلة أصحاب الأرض — بالتعاون مع قوافل إداراة محافظات — راجعة تاني بحملة إنسانية متكاملة يوم السبت 25 أكتوبر 2025.
هنعمل:
• إطعام للأسر المحتاجة 🍽️
• حفلة أطفال مليانة فرح ولعب 🎉
• تجهيز «عرايس» للعروسات المحتاجات — تجهيز كامل يفرّح قلب كل بيت 👰‍♀️✨

إحنا بنحتاج دعمكم وحضوركم وطاقتكم الطيبة — كل يد تضيف، وكل مشارك يصنع فرق. منتظرينكم تنوروا وتشاركونا الفرح والمساعدة.
لو عايز تتطوع أو تتبرع بغرض (أكل/هدايا/مستلزمات عرائس) ابعتلنا رسالة خاصة
: اتصل على ٠١١١٧١١١٤٠٤

20/10/2025

📸 **صورة العِليّة** 💛
الصورة اللي بتجمعنا كلنا... ضحكة هنا، نظرة فخر هناك، وتعب وشقا باين في الملامح بس كله راح قدام لحظة النجاح 🙌

قافلة من قوافل الخير، وكأنها رحلة قلب قبل ما تكون رحلة طريق!
كل واحد فينا كان ليه دور، وكان ليه أثر… و"صورة العِلية" دي شهادة على إننا كنا **سند لبعض**.

💬 شاركونا تحت في التعليقات:
إيه أكتر لحظة أو موقف من القافلة مش ممكن تنساه؟

ِلية

19/10/2025

✨ ذكريات لا تُنسى من قوافل إدارة المحافظات 2023!
كل مكان روحناه، وكل ابتسامة شوفناها، كانت شهادة حقيقية على قد إيه الخير بيقربنا من بعض ♥️
من تعب الطريق لفرحة الناس، ومن الشغل الجماعي لنجاح كل قافلة... كنا دايمًا على قلب واحد 💪

والمفاجأة؟
📢 استنونا يوم **السبت** مع قافلة جديدة، ومشوار جديد من العطاء 🎒
استعدوا نكتب مع بعض صفحة جديدة من الذكريات الجميلة!

01/10/2025

أحمد كامل، نموذج مشرف للتطوع الحقيقي 🙌 متطوع من 16 سنة، ومازال بيقدم بكل حب وعطاء. بيشتغل في شركه السكر من اكتر من 22 سنه ، وبيوازن بين شغله وتطوعه بكل احترافية. مدرب ألعاب قتالية 🥋، بيعلم القوة والانضباط، وبيغرس الثقة في نفوس الشباب. وكمان بيقدم جلسات حجامة علاجية، بخبرة واهتمام بصحة الناس 🩺

أحمد مش بس بيشتغل، أحمد بيأثر، بيساعد، وبيغير في حياة ناس كتير. التطوع مش بيوقفه، بالعكس هو دايمًا في الصفوف الأولى.

شكراً أحمد، لأنك دايمًا قدوة 💙 #التطوعبيوصل #أحمدكامل #قدوة #مدربومعالج

29/09/2025

في رساله دايمًا واقفين جنب كل محتاج ❤️
لو تعرف أسرة محتاجة بوتاجاز أو غسالة، أو عروسة محتاجة جهاز (بوتاجاز)، بلغنا فورًا 🫶
📍 رساله فرع الحوامدية : برج العزالي امام اولاد حسان الحوامدية
📞 للتواصل: [01117111404]
#رساله

28/09/2025

التطوع بيوصل... مش بيعطّل!

لما نقول إن التطوع طريق للنجاح، بنقصد ناس زي [وحيد سعد ] 💪 16 سنة من العطاء في الفرع، وأكثر من 20 سنة خبرة في شركة السكر ، قائد مساعد في فرقة الكشافة، وعضو في الجهاز الفني... نموذج حي للإجتهاد، الالتزام، والمشاركة المستمرة.

من أكتر الناس اللي بتدي من قلبها، وبتثبت كل يوم إن التطوع مش بيوقفك... ده بيقوّيك، بيطوّرك، وبيفتحلك أبواب جديدة.

شكراً ليك على كل لحظة، وكل خطوة، وكل أثر 🌱 وجودك مصدر فخر وإلهام لنا كلنا.

#التطوعبيوصّل #قصةنجاح #كشافة #إلهام #استمرارية #قيادة

22/09/2025

✨💚 قافلة الخير في رسالة – فرع الحوامدية 💚✨

بفضل الله وقدرته، وبمجهود متطوعينا الأبطال، قدرنا نوصل الخير في صورة قافلة طبية مجانية لأهلنا في الحوامدية.
القافلة قدمت:
✅ كشف بسعر رمزي في تخصصات مختلف
✅ أدوية وعلاج مجاني
✅ توعية صحية لأهالينا

شكر كبير لكل دكتور، صيدلي، متطوع، ولكل شخص ساهم إن اليوم ده يطلع بالنور 🌟
وبإذن الله الخير مستمر بخطواتنا مع بعض 🙏

21/09/2025

💚 قافلة طبية مجانية لخدمة أهالينا 💚🌟

، بنقدملكم قافلة طبية متكاملة في تخصصات مختلفة علشان نطمن على صحتكم وصحة أولادكم 💪👨‍👩‍👧‍👦

🩺 التخصصات المتاحة في القافلة:

👁️ رمد (عيون)

🦴 عظام

🫀 باطنة

👶 أطفال

💵 الكشف في القافلة بسعر رمزي ١٥ لحد ٢٥ جنيه فقط، وكمان متوفر علاج مجاني.

👓 وفرنالك نظارات بـ 100 جنيه فقط شاملة كل حاجة.

التحويل لعمليات بأسعار مخفضة خلال شهر كامل

وعمليات المياه البيضاء مجاناً

📍 المكان: (رساله فرع الحوامدية برج العزالي أمام اولاد حسان )
🗓️ التاريخ والوقت: (الاتنين ٢٢ - ٩)

📞 للاستفسار والتواصل: (01117111404 )

تعالوا وانضموا لينا، صحتكم أمانة علينا 🌹

19/09/2025

✨🏆 تكريم أبطال مسابقة شهر 8 🏆✨

أبطالنا الغاليين شكراً 💪💙
على مجهودكم الجبار وتعبكم الكبير اللي بتقدموه دايمًا، حبّينا نكرمكم ونقولكم:
إحنا فخورين بيكم جدًا، ووجودكم معانا دايمًا إضافة قوية لفرع الحوامدية ورسالة كلها. 🙏🌟

شكرًا ليكم واحد واحد، وإلى مزيد من النجاحات والبطولات إن شاء الله 🤍



#رسالة