اجتماع إعدادي وثانوي الكنيسة الإنجيلية بالوراق

02/08/2026

07/07/2026

يارب
جايين بنصلي من اجل اخواتنا في ثانوية عامةً اللي منهم فقد سلامه و اللي ابليس رمى في ذهنه اكاذيب و ملاه بروح فشل و اللي منهم حاسس انك بعيد😞💔، لكن احنا جايين نعلن انك صالح و واثقين انك بتعطي سلام ونعمة ومعونة لكل طالب في ثانوية عامة لأنه وعدت تكون لينا ملجأ 🫂
الله لنا ملجأ وقوة، عونًا في الضيقات وُجد شديدًا❤️
يارب
بنصلي يارب لأخواتنا
في اخر الخطوات اللي بيخطوها و قبل ما رحلتهم تنتهي و يدخلوا مرحلة جديدة وحلم جديد بنصلي من اجل الخطوات دي يكونوا شاعرين بسندتك ليهم ،ويكون ليهم ثقة ورجاء انك ضامن المستقبل و انك هتحقق الصالح لحياتهم 🙏🏻❤️
سلامًا أترك لكم، سلامي أعطيكم. ليس كما يعطي العالم أعطيكم أنا. لا تضطرب قلوبكم ولا ترهب.”🤍

لكن كمان بنصلي من اجل الجندي المجهول في الصورة ( كل أم) 👩‍👦اللي ساندة و بتشجع و بتضرع لأجل ولادها
بنصلي بمعونة وقوة وسندة من ايد الرب ليكي 🌷❤️في الوقت الصعب دة و يكون ليكي سلام خاص من الله ويكون ليكي حكمة تكملي بيها اللي جاي

مقدرين كل تضحية وكل دمعة وكل صلاة وكل تعب وضغط انتي مريتي بيه
واثقين في تعويضات الرب لحياتك ولمجهودك اللي دايماً كان بيبذل بكل محبة ومن غير مقابل 🤍
بنصلي ليكي انه قلبك ميضطربش وانه تسلمي كل اللي جاي في إيد الله و ان الرب يعوض كل تعب محبتك من اجل ولادك ❤️
ملقين كل همكم عليه لأنه هو يعتني بكم❤️.”

07/07/2026

📖✨ خروجة البانوراما ✨

اتعرفنا بشكل ممتع على رحلة الكتاب المقدس عبر التاريخ: إزاي اتجمع، وإزاي وصل لينا عبر الأجيال بكل أمانة، وإن المخطوطات اللي اتكتبت من آلاف السنين هي نفسها اللي بين إيدينا النهارده، من غير إضافة أو حذف أو تغيير.

وبعد جرعة المعرفة... كان لازم ييجي دور جرعة الفطار! 😄🥙
فول وطعمية، ولمّة حلوة، وضحك وكلام جميل خلّى اليوم أحلى بكتير. ❤️

02/07/2026

• المجتمع زرع في دماغنا افكار مغلوطه كتير عن كوني رجل، لكن الله قال عني
اني انسان من حقي احس واتألم لان قيمتي في كوني ابنه🤍

02/07/2026

• المجتمع زرع في دماغنا افكار مغلوطه كتير عن كوني انثى، لكن الله بيقول عني
اني حكيمة و طاهرة و غالية
و اني مساوية للرجل في القيمة لكن مختلفة في الدور🤍

30/06/2026

رجعنالكم في part two ومع فقرتنا المفضلة 🤩

29/06/2026

فَإِنَّكَ أَنْتَ أَبُونَا وَإِنْ لَمْ يَعْرِفْنَا إِبْرَاهِيمُ، وَإِنْ لَمْ يَدْرِنَا إِسْرَائِيلُ. أَنْتَ يَا رَبُّ أَبُونَا، وَلِيُّنَا مُنْذُ الأَبَدِ اسْمُكَ. (إشعياء ٦٣: ١٦)
في إعلان الأبوة الاصلية
مش بس اكتشفنا انه الله هو الأب والأم الاصلي ، وانه احنا لينا الحق انه نقوله يا بابا لأننا ولادُه.
ولكن كمان اتعلمنا وعرفنا انه اهلنا على الأرض هما تشكيل للي عاشوا فيه مع اهاليهم وانه من شكوة ابليس على حياتنا انه علاقتنا بأهلنا تتشوه علشان مانكونش بنعيش الحق الإلهي والي هو ان الله أبونا .
عَلَيْكَ اسْتَنَدْتُ مِنَ الْبَطْنِ، وَأَنْتَ مُخْرِجِي مِنْ أَحْشَاءِ أُمِّي. بِكَ تَسْبِيحِي دَائِمًا. (المزامير ٧١: ٦)
يارب
في الوقت ده جايين بقلوب متضعه امامك ، طالبه انها تلمس حضورك
وتشعر بالإبوة معاك
ادينا يارب شوق قلبنا واشفي كل تشوه صنعه العالم في قلوبنا
ادينا نكون بنِشبع منك كل شعور مُفقد ،
ونفيض منك لكل الي حوالينا
آمين .

25/06/2026

في شييييييل شيلتك
اليوم الي فيه الشباب بتشارك في بكل إبداع، كان عندنا موضوع اليوم هو المفهوم الصحيح عن الرجولة والأنوثة وده فلوج اليوم بتاعنا 🤩

17/06/2026

في رحلتنا في الربع التاني من السنه
بنتعلم عن جزء مهم فالتشكيل وهو العطاء ،هو مش مجرد تقدمة حاجة عندنا للرب .ولكنه هو تقدمة انفسنا وكل ما نملك، وقت ما رجعنا لشعب الرب زمان عرفنا في شواهد
لاويين 30:27-32
ملاخي 7:3-12
تثنيه 22:14-23
تثنيه 28:14-29
عدد 25:18-28
اخبار الايام التانيه 5:31-6
عن شكل التقدمة الي كانو بيكرموا بيها الرب من فلوسهم ،ومعني العشور ،وازاي كانوا بيكرموا الرب من كل الي عندهم مش مجرد نسبة او تقدمة ولكن كان اسلوب حياة
اتعلمنا من كلمة الرب معني العشور الحقيقي ،وإن الي في ايدي ده وزنات الرب اكرمني بيها علشان احافظ عليها واردها ليه .
العطاء في حياتنا معناه اعمق من نسبة من فلوسي بطلعها لمساعدة الغير ولكنه هو جزء من كل حاجة في حياتي الرب انعم عليا بيها علشان ابارك الرب في الي حوليا ،هنستناك الخميس الجاي علشان نكمل سوا في رحلة التشكيل ❤️