15/10/2026
💗 **إسكندرية ماريا وتربها زعفران.. وأكتوبر الوردي فيها يوم ولا في الأحلام!** 💗🌊
بمناسبة أكتوبر الوردي، عشنا مع محاربات مؤسسة صاحبة السعادة يوم من أجمل أيام العمر، يوم كله فرحة وضحك وحب وجبر خاطر ❤️
بدأنا يومنا بأجدع فطار إسكندراني من **عم زغلول**، وكانت مقابلة الأستاذ محمود زغلول أجمل من الفطار التحفة اللي بيقدموه! 😍
فطار روعة روعة، وكرم وضيافة من القلب ❤️
وبعدها كانت محطتنا في **متحف المجوهرات الملكية**، وشوفنا روايح الزمن الجميل ومقتنيات الأسرة العلوية، وانبهرنا بجمال التاريخ وعظمته ✨
كل الشكر للأستاذة ريهام، مديرة المتحف، على الاستقبال الجميل واستضافة مؤسسة صاحبة السعادة بكل حب وترحاب 🌹
وبعدها ركبنا أجمل يخت في إسكندرية، واستمتعنا بهواء البحر الجميل في أكتوبر، والضحك والفرحة اللي ملوا قلوبنا 🌊⛵
ومن البحر على نادي اليخت، حيث أجمل جلسة دعم نفسي قدمتها لنا الدكتورة إنجي السعدني، وسط نسمة البحر وهدوء المكان، وشربنا أحلى شاي سخن على روايح البحر الجميلة ❤️
وطبعًا بعد كل التنطيط والمغامرات دي، كان لازم نجوع! 😂❤️
اتجهنا لمطعم كمننا، واستمتعنا بأجمل المشويات، وختمناها بالكنافة اللي ما تتفوتش 😋
ولسه اليوم ما خلصش! 🎉
كان مستنينا كرنفال وفرحة في واحد من أشيك المطاعم، وعملنا أحلى هيصة على أنغام الموسيقى، وضحكنا من قلبنا، وحلّينا بالجاتوه والعصير، ومن كرم أهل إسكندرية أصرّوا كمان يجهزوا لنا العشاء تيك أواي، عشان لو جعنا في الباص! ❤️😍
**يا جمال اليوم ده! ويا جمال جدعنة أهل إسكندرية وكرمهم وأصلهم الطيب!** ❤️
شكرًا لكل حد ساهم إنه يرسم ضحكة على وش محارباتنا، ويخلّي أكتوبر الوردي مش بس شهر للتوعية، لكن كمان شهر للفرحة والحب والدعم النفسي وجبر الخاطر. 💗
في مؤسسة صاحبة السعادة، إحنا مؤمنين إن الدعم النفسي مش رفاهية، ده حياة.. وإن كل محاربة من محارباتنا تستحق تعيش أيام حلوة، وتفرح، وتضحك، وتحس إنها مش لوحدها. 🫶
**مؤسسة صاحبة السعادة لرعاية مرضى السرطان.. فرحتهم رسالتنا، وجبر خاطرهم هدفنا، واللي من القلب بيوصل للقلب.** 💗
