23/08/2026
★الأخوة الأفاضل خدام مجلس النور المحمدى:-
الرؤيات بتقول إن احنا لازم نخلص نظام الصلاة على رسول الله صلى الله عليه وعلى آله وصحبه وسلم بالآيات القرآنية ، فإخوانا اللى ما بدأوش يجب عليهم يبدأوا يعملوا المطلوب عشان لو ربنا صلح الحال وجبنا العدد المطلوب سواء الناس في المجلس أو خارج المجلس ممكن يتكتب الامر باسمنا بس احنا عاوزينه قبل ما ربيع يعدى ، وليها عطاءات وليها أبواب ممكن يكون واحد عنده باب متعطل، الأبواب دى تفتحله الباب او تجيبله السبب او تجيبله علاج الباب ، فى رؤيات اتكلمت في الموضوع ده ان احنا لازم نتجدعن ونخلص لأنها بتدى ٣ أبواب لو عندك باب مقفول الصلاة هتفتحه ولو عندك باب مش عارف علاجه ازاى الصلاة هتجيب علاجه ولو عندك باب ناقص من زمان هيكمل الباب، وإن كان الامر هيبقى صعب أوى من الممكن نأجل الكتابة ولكن نعمل الصلاة بتاعتها ونلمح لها فى الكشكول عندنا برقم الآيات وعدد الكلمات ونبقى نرجع ليها نكتبها بعد ربيع ما يخلص فممكن نكتب رقم الآية والسورة وعدد كلمات الآية بحيث لما أرجع تانى يبقى الموضوع سهل
عشان فى آيات فى الرؤيات سقطت مننا غصب عننا وخصوصا فى الضمائر أو الكلمات المشيرة لحضرته صلى الله عليه وعلى آله وصحبه وسلم، لو عندك القدرة على كتابة الآيات كمّل وده الكمال بتاعها يعنى ، لكن لو مش هقدر أخلص في ربيع ممكن أأخر كتابة الآيات بحيث نخلص فى ربيع بإذن الله سبحانه وتعالى
وإن شاء الله اللى هيكمل ، أى باب عنده فيه عطل أو وقف لحاجة هو مش عارفها الصلوات هتكشف لأن الصلوات من أبواب الكشف العالى وخصوصا مع القرآن كده اتنين كشف مع بعض فلابد الكشفين يظهروا الشئ ، ساعة ما هييجى عند الآية اللى فيها ملحق هذا الباب الصلاة هتكشف له والآية القرآنية مع الصلاة هتكشف له الباب يا إما تديله علاج يا إما تعرفه ان الباب ده هو اللى فيه النقص او ربنا سبحانه وتعالى يرفع عنه ويكفر له هذا الحكم بالصلاة على رسول الله صلى الله عليه وعلى آله وصحبه وسلم، فمطلوب مننا بقدر الإمكان نخلص قبل ربيع ما يخلص مش على المولد لا على آخر ربيع اخواتنا اللى هنا او اللى بره أو فى أى حتة يجب عليهم إنهم يخلصوا أنا نسيت امبارح أعلن عن هذا وإن شاء الله نحاول نعلن بأى طريقة فالإخوة الأفاضل يحاولوا يخلصوا الصلوات على رسوله صلى الله عليه وعلى آله وصحبه وسلم بالمخاطبات الإلهية فى القرآن لأن احنا لما نيجى نراجع تانى هنلاقى فى حاجات سقطت مننا فيجب إن احنا نتفاداها لما نيجى نعمل مراجعة تامة لكل الصلوات وده الباب التانى إن احنا هنفادى نفسنا في الأبواب الناقصة، فرجاء هى فرصة لينا ان هى تتكتب بإسم المجلس بتاعنا ونبقى صلينا على المصطفى صلى الله عليه وسلم بكل المخاطبات
الحديث الشريف لما تكلم قال ( من ذكرت عنده ..) فأنت المرة دى بقى بتصلى على رسول الله صلى الله عليه وعلى آله وصحبه وسلم مش حد هيذكره أو شيخ هيذكر لا أنت بتذكر بالمخاطبة الإلهية أنت بتعمل أعلى ما في الكون جميعا أول حاجة أعظم كتاب تانى حاجة الذى يخاطبه رب العزة سبحانه وتعالى
المصطفى قال ( البخيل من إذا ذكر إسمى ولم يصلّ على ) أنت ما بتجبش أى بشرية ولا اى إسم فى البشرية ولا أي مخاطبة مخلوق حتى السنة المشرفة مخلوقة أنت بترتقى فى هذه الصلوات عن كل مخلوق ليس أمامك الا القرآن ليس مخلوق وأمامك الحق سبحانه وتعالى ليس مخلوق فأنت بتصلى على رسول الله صلى الله عليه وعلى آله وصحبه وسلم بما هو ليس مخلوق ، لازم يبقى احنا فاهمين الباب كويس جدا عشان لما نيجى نراجع نشوف اللى سقط مننا ده عبارة عن إيه؟ ليه ربنا أسقطه مننا ؟ عشان يدينا إشارة أو رمز أو خبر لإيه ؟ عشان نبقى عارفين الباب اللي عندنا في المخاطبات الإلهية ايه اللى نقصه؟ إحنا بنصلى على رسول الله صلى الله عليه وعلى آله وصحبه وسلم بكلام الحق في كتابه يعنى هذا من أعظم وأشرف ما فى الكون ، لا هو كلام مخلوق ده كلام الله سبحانه وتعالى لرسوله صلى الله عليه وعلى آله وصحبه وسلم فأنت بتصلى على رسول الله صلى الله عليه وعلى آله وصحبه وسلم بما خاطب الله سبحانه وتعالى رسوله صلى الله عليه وعلى آله وصحبه وسلم مافيش أعلى من هذا فى الكون فشرف لنا إن احنا نيجى يوم القيامة فى الصحيفة بتاعتنا أننا صلينا على رسول الله صلى الله عليه وعلى آله وصحبه وسلم بمخاطبة الله سبحانه وتعالى مافيش أعلى من هذا فى الكون ولن يأتى أعظم من هذا فى الكون فمن فضل الله سبحانه وتعالى أنه أكرمنا ووصلنا إلى هذا الحال ولا يوجد إحتفالا برسول الله صلى الله عليه وعلى آله وصحبه وسلم أعظم من أنك تصلى عليه بمخاطبة الحق، كفاية إنها تتحط فى صحيفتك أنك صليت على رسول الله صلى الله عليه وعلى آله وصحبه وسلم بمخاطبة الحق لا يوجد فى الكون أعلى من هذا لأن أى احتفال برسول الله صلى الله عليه وعلى آله وصحبه وسلم مخلوق أو فيه دخل مخلوق مهما يبلغ صاحب الإحتفال أما احنا انتقلنا إلى درجة من الدرجات العظمى أننا نصلى على رسول الله صلى الله عليه وعلى آله وصحبه وسلم بما ليس فيه مخلوق ، لا القرآن مخلوق ولا الحق سبحانه وتعالى مخلوق يبقى احنا عملنا ختمة قرآن فيها الصلاة على رسول الله صلى الله عليه وعلى آله وصحبه وسلم ليس فيها مخلوق ،احنا لو بنصلى على رسول الله صلى الله عليه وعلى آله وصحبه وسلم كلنا ، كلنا مخاليق ، مخاليق يعنى ايه؟ يعنى له بدء له نهاية فيه جميع صفات المخلوقية ، إما أنا بصلى على المصطفى صلى الله عليه وعلى آله وصحبه وسلم بالمخاطبات الإلهية فى القرآن بما هو ليس مخلوق ، يعنى عديت مرحلة المخاليق كلها فلك الشرف ، أوعى تخيب وتضيع نفسك وما تكملش بقية الصلوت فى القران حتى لو خلص ربيع أوعى ما تكملش لأنها هتتكتب بإسمك هيتكتب إن ربنا سبحانه وتعالى أكرمك بهذا الفضل العظيم ولا يوجد فضل من الله أعلى من هذا على عباده أنك تصلى على رسول الله صلى الله عليه وعلى آله وصحبه وسلم بأعلى شئ فى الكون وهو المخاطبات الإلهية ، مهما يحتفل الناس كل هذا مخلوق والمخلوق عند سدرة المنتهى ينتهى ولذلك سموها سدرة المنتهى عشان كده ينتهى عندها الخلائق...
