16/08/2025
الي اصحاب العقول السليمه ولا عزاء لأصحاب المصالح الشخصيه
محتاج اعرف كم من مرشح دخل مجلس النواب قبل كدا و نزل البلد و قال هعمل و هعمل و هعمل و لكن النتيجه =صفر
مع العلم كلهم كانو من خارج البلد
كم من مرشح دخل البلد و اتكلم بأسلوب لطيف و يضحك مع أهل البلد و لكن هو ف الأخر لا يهمه مصالح البلد غير اللي وقف جمبه من اصحاب المصالح الشخصيه
طيب أنا عاوز اعرف هل الأستاذ محمود سرحان اللي هو إبن البلد و مننا و كلنا نعرفه
هل عمره كان صاحب مصالح مع حد
طيب هل حد اتعامل معاه قبل كدا و شاف منه ما لم يسره أعتقد لا
نعرفه دائما بالإحترام المتبادل و صاحب قلب نضيف و طيب
ليه مش بنقف كلنا تحت مظله إن الراجل دا مننا و بينا عشره ك أهل بلد واحده
ي اخي تعالي نتكلم ف مشاكل البلد اللي محدش بيفكر فيها من الأعضاء اللي دخلو المجلس
لو جيت تبص علي المياه اللي مش موجوده عند ناس كتير من البلد ممكن تقول انا مالي م انا المياه بتجيلي و الحمد لله مليش دعوه بغيري طب حط نفسك مكان الإنسان اللي المياه منقطعه عنه
طب الشخص دا مش ممكن يكون ابن عمك او ابن خالك م احنا عارفين ان البلد كلها قرايب ف بعض
طيب لما الجامعات بتبدأ و الدراسه كم مره الناس اتكلمت عن موضوع الأتوبيسات و المواصلات
ممكن أصحاب المصالح يقولك و انا مالي م انا عندي عربيه بروح و باجي بيها ي اخي بص لغيرك و حط نفسك مكانه و برضو ممكن يكون حد قريبك متضرر من الموضوع م كلهم ولادنا و كلهم أبناء البلد اللي هيكونو ف يوم مهندسين و أطباء و محاميين و غيره و غيره
طيب هل موضوع المجمع الطبي اللي اتكلمنا فيه من سنين اتعمل تقريبا لا
مع ان المجمع دا هيكون مفيد ليا و ليك وللمحتاجين اللي مش قادرين يلاقو حق الكشف و الدواء و أخرهم قوت يومهم بس
طب و طريق الاسفلت
بصو انا هكتفي بالقدر دا بس أتمني ان الناس كلها تدعم الراجل المحترم دا من اجل مصلحة البلد و عشان لما نحتاج حاجه ف البلد هنلاقي اللي هيسمع مننا و يقدر ظروف البلد و مش هيتأخر علينا ولا هنشوف منه أعذار لان مصلحة البلد هيا مصلحته برضو
نصيحتي لكن انسان أصيل و عاقل و بيحب بلده يكون ف ضهر الراجل دا
بالتوفيق للأستاذ محمود سرحان اتمني من الله ان يوفقك
محمود سرحان
