تَدَبَّرْ

تَدَبَّرْ نفحات اسلاميه

24/09/2026

كلُّ الشُموسِ تَبرَّأتْ مِن نُورِها
لمَّا ضِياءُ مُحمَّـدٍ قد أشْرقَا!

صلّوا عليه وسلموا تسليمًا 💙

لو رأيتنِي وأنا أجهشفي البُكاء كل ليلة،لقلتَ قد أكلوا قلبه."(
08/09/2026

لو رأيتنِي وأنا أجهش
في البُكاء كل ليلة،
لقلتَ قد أكلوا قلبه."(

08/08/2026

أول ليله ف #القبر.
النبي ﷺ كان لما بيشوف القبر يبكي ويقول للصحابه لمثل هذا فأعدوا

القبر ده أطول مكان هنقعد فيه
ف ناس بقالها ملايين من السنين ف القبر
واحنا كلنا أخرنا مترين ف 3 متر، وداخلين يعني دخلين
ف يوم من الايام هيتلف علينا الكفن من غير اي حاجه معانا
وهتنزل القبر وهيقفلوا عليك الباب
ف انت هتسمع صوت رجليهم وهما ماشيين
وخلاص الدنيا اتقفلت عليك.

وعلى حسب بقى
لو انت ربنا راضي عنك تبقى ف نعيم ف الجنه الصغرى
النبي ﷺ بيعرفنا ويطمنا ب عدم الخوف من القبر
قالنا هيجيلك ملكين هيقولولك
١. من ربك " ربي الله"
٢. ما دينك " دين الإسلام"
٣. ما هذا الرجل الذي بعث فيكم " محمد ﷺ"

الاسئله دي هي حياتك
وربي ده اللي عيشت عشان اعبده وعشان اجري واسعى للصلاه
ورفضت المعاصي عشان ربنا.
وأخذت النبي ﷺ قائد ليا وقدوتي وكنت ماشي على نهجه ﷺ
ف انت لما تجاوب
ينادي مناد من السماء ان صدق عبدي فافرش له من الجنه وافتح له باب الي الجنه
ف انت خلاص سمعت نتيجتك ونجحت وبدأت تشوف حته من الجنه
وانت مرتاح ولابس من الجنه وبتتلذذ من الجنه

وبتقول ربي أقم الساعه
لانك عارف ان ف جنه مستنياك وإن اللي جاي أحسن
القبر مش خوف وبس
انت لو سمعت عن نعيم القبر
هتتمني تنزل القبر.
تَدَبَّرْ
#القبر
#الموت

23/07/2026

ذنب مش زي أي ذنب عادي، ذنب قال لنا رسول الله ﷺ إنه من أكبر الكبائر!
قال رسول الله ﷺ : ألا أنبئكم بأكبر الكبائر؟ قلنا: بلى يا رسول الله. قال: الإشراك بالله، وعقوق الوالدين..."الحديث.

متيخيلين؟ ذنب الرسول ﷺ ذكره بعد الشرك بالله!
يعني مكانة الذنب ده كبيرة أوي أوي عند الله سبحانه وتعالى.

وكذلك في القرآن، ربنا سبحانه وتعالى ذكر الأمر ببر الوالدين والإحسان إليهما بعد أمرنا بعبادته مباشرةً.. سبحان الله!
قال الله سبحانه وتعالى:

﴿وَاعبُدُوا اللَّهَ وَلا تُشرِكوا بِهِ شَيئًا وَبِالوالِدَينِ إِحسانًا) …

﴿قُل تَعالَوا أَتلُ ما حَرَّمَ رَبُّكُم عَلَيكُم أَلّا تُشرِكوا بِهِ شَيئًا وَبِالوالِدَينِ إِحسانًا…)

﴿وَقَضى رَبُّكَ أَلّا تَعبُدوا إِلّا إِيّاهُ وَبِالوالِدَينِ إِحسانًا إِمّا يَبلُغَنَّ عِندَكَ الكِبَرَ أَحَدُهُما أَو كِلاهُما فَلا تَقُل لَهُما أُفٍّ وَلا تَنهَرهُما وَقُل لَهُما قَولًا كَريمًا﴾ [الإسراء: ٢٣]

ربنا سبحانه وتعالى نهانا عن حتى مجرد إصدار صوت الأوف .. فما بالكم بقا بتقصيرنا الرهيب تجاه آبائنا.

طيب.. طلاما عرفنا إن مكانة الوالدين عظيمة جدًا كدة.. وإن الإساءة إليهم أو التقصير في الإحسان إليهم يُعد من الكبائر في الإسلام… نعمل إيه؟

1. ندعي ربنا سبحانه وتعالى كتير جدًا جدًا جدًا. ندعي ربنا يعيننا على برّهم (عشان هي مش دايمًا سهلة.. بس لازم).. ندعي ربنا يبعدنا عن أي وجه من وجوه العقوق.. ندعي ربنا يعيننا على مساعدتهم وإسعادهم والتخفيف عنهم..
2. نفتكر الأجر المترتب على ده .. كل إحسان ولو كان لا يُذكر.. فهو أجر كبير عند الله. ده باب كبير جدًا للحسنات.. الحمدُ لله.
3. والعكس صحيح.. نفتكر العقاب الكبير المترتب على العقوق.. كل عمل يسيء إلى أبويا وأمي.. فهو شيء يغضب الله عز وجل جدًا.

ربنا يعيننا على بر والدينا ويبارك لنا فيهم ويعف عنا ويغفر لنا تقصيرنا.. ويرحم من مات منهما ويجمعنا بيهم في الجنة يا رب العالمين.
تَدَبَّرْ

18/07/2026

الحديث الثاني
من كتاب
عن أبي موسى عبدالله بن قيس قال
سُئل رسول الله ﷺ *عن الرجل يقاتل شجاعة ويقاتل حمية، ويقاتل رياء، أي ذالك ف سبيل الله*.
فقال النبي ﷺ *" من قاتل لتكون كلمة الله هي العليا فهو في سبيل الله"*

المقصود
إن ف ناس بتقاتل عشان الرياء ويتقال عنه شجاع.
وف ناس بتقاتل عشان يدافع عن حد معيين ومش شرط الحد ده معاه الحق ولا لأ
دي بقي اللي اسموا ' حميه'.

كل ده بيقاتل بس مش عشان ربنا
النيه مش لله، ولكن عشان الدُنيا.
ولكن القتال الحقيقي اللي ف سبيل الله، هو اللي يقاتل عشان ربنا، وعشان تفضل كلمة ربنا فوق.

مش مُهم يكون القتال حروب ومعارك بس
ولكن القتال اللي يدافع عن دين الله
ممكن تلاقي شيوخ بيخطبوا على المنابر عشان الفلوس أو عشان يتقال عليهم انهم شيوخ او انه يتقال حافظ للقرآن
او بيدافع عن الدين عشان الناس تمدحه وتشكر فيه
او عشان تقول ابقي مشهور بين الناس .

ربنا سبحانه وتعالى بينظر لقلبك. 🖤
فهل انت بقى بتعمل كده عشان ربنا ولا عشان الناس
جدد نواياك 🤍
تَدَبَّرْ

17/07/2026

من كتاب
قال النبي ﷺ " *إنما الأعمال بالنيات وإنما لكل امرئ ما نوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها أو امرأة ينكحها ، فهجرته إلى ما هاجر إليه* .

رواه البخاري ومسلم
النيه دى بدونها لا تقبل عبادتك
يبقى عملك كلوا هوا وملوش اي قيمه
ف وقت الهجره
ف واحد هاجر عشان يتجوز
وف واحد هاجر عشان الدين
الاتنين تعبوا والاتنين اجتهدوا والاتنين عرقوا والاتنين اتبهدلوا
ولكن الأول ملوش اجر
والتاني له الأجر
ف انت خلي عندك نيه لأي حاجه تعملها
يعني مثلا انت بتدخل الجروب ده عشان تتعلم سُنه عن النبى ﷺ
ولا عشان تريحني وتعملي لايك وخلاص
النيه هنا بتفرق
مثلا ولدتك قلتلك هاتلي حاجه
ف انت روحت عشان تريحها وتراضيها ، يبقى تؤجر
طيب لو روحت وانت مدايق
نيتك باظت خلاص ومفيش اجر.
ف شوف بقى نيتك عامله ازاي وحاول تصلحها
واسأل نفسك قبل متعمل حاجه
قول انا بعمل ده ليه؟🤔
وانت بالتالي هتعرف نيتك عامله ازاي👌🏻
جدد نيتك لله. لان دي اللي هتتحاسب عليها 👌🏻
تَدَبَّرْ

قيل للمتنبي: «فلانٌ يهجوك». 🤷‍♂️فأجاب: «هذا صعلوكٌ يريد أن أردَّ عليه، فيدخلَ التاريخ». 😒وقيل أيضًا:«وتأبَى النَّفسُ أنْ...
13/07/2026

قيل للمتنبي: «فلانٌ يهجوك». 🤷‍♂️

فأجاب: «هذا صعلوكٌ يريد أن أردَّ عليه، فيدخلَ التاريخ». 😒

وقيل أيضًا:
«وتأبَى النَّفسُ أنْ تَهجو لَئيمًا
فبعضُ الناسِ يَرفَعُها الهِجاءُ». 😒😒

02/07/2026

أكثرُ موعظةٍ تُرعبني لابن الجوزي رحمه الله:

«لقد تاب على يدي في مجالسِ الذكر أكثرُ من مائتي ألف، وأسلم على يدي أكثرُ من مائتي نفس، وكم سالتْ عينُ متجبِّرٍ بوعظي لم تكن تسيل.

ولقد جلستُ يومًا، فرأيتُ حولي أكثرَ من عشرةِ آلاف، ما فيهم إلا من قد رقَّ قلبُه أو دمعتْ عينُه.

فقلتُ لنفسي: كيف بكِ إن نجوا وهلكتُ؟

فصحتُ بلسانِ وجدي:
إلهي وسيدي، إن قضيتَ عليَّ بالعذاب غدًا، فلا تُعلِمْهم بعذابي، صيانةً لكرمِكَ لا لأجلي، لئلَّا يقولوا: عُذِّبَ مَن دلَّ عليه.» ❤️‍🩹❤️‍🩹

20/06/2026

الخميس الجاي ها الخميس الجاااااي📢


صيام عاشوراء في الحر ده صعب اوي، حر وعطش و فرهده و16 ساعه صيام

لكن افتكر ان لك بيه ٣ حاجات

1. ان من عطش نفسه لله في الدنيا كان حقا علي الله ان يرويه يوم القيامه

2. ان العبد اذا صام يوما في سبيل الله باعد الله بينه وبين النار سبعين سنه

3. ان كل السيئات اللي عملتها خلال السنه اللي فاتت تُغفر لك بصيام اليوم ده
تَدَبَّرْ

20/06/2026

ف
تبدأ بخروج الروح من القدمين الي الرأس
وف وسط خروج الروح كده بينتزع عنك الحجاب
" لَقَدْ كُنتَ فِي غَفْلَةٍ مِّنْ هَٰذَا فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ﴾
واول حد تشوفوا ملك الموت
ف إن كنت صالحا ترى هذا الملك ف احسن صوره وترى الملائكه يحملون أكفانا من الجنه
و ينادي ملك الموت روح العبد المؤمن قائلاً: (يا فلان، أبشر برضا الله وثوابه)
أيتها النفس الطيبه اخرجي الي مغفرة من الله ورضوان
وتخرج الروح ولن تعود إلى أن يوضع الميت ف قبره
ف الملائكه تصعد بالروح الي السماء : كلما مروا بها على ملأ من الملائكة، يسألون: "مَن هذه الروح الطيبة؟" فيجيبون: "فلان بن فلان" بأحسن أسمائه. وتُفتح لها أبواب السماء حتى تصل إلى الله عز وجل، ثم تُعاد إلى الأرض لتوضع في الجسد استعداداً للسؤال في قبره.

اللهم إني أعوذ بك من عذاب جهنم، ومن عذاب القبر، ومن فتنة المحيا والممات، ومن شر فتنة المسيح الدجال
تَدَبَّرْ
#تدبر

Address

القناطر الخيريه
Cairo

Website

Alerts

Be the first to know and let us send you an email when تَدَبَّرْ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category