احنا مين؟!
احنا مجموعة شباب من كليات الفنون، حبينا نعمل حاجة مختلفة تمزج بين الفن والخير
فكرنا ننزل نشتغل على منطقة محتاجة جدا وهي منطقة 《عزبة خير الله》
فكرنا نسيب بصمة فيها، ونحاول نغيرها من منطقة عشوائية لتُحفة فنية 😍
فكرنا ننزل نلونها وننضفها ونبنيها من أول وجديد، وكمان نوعي الناس عن أهمية المكان اللي عايشين فيه وازاي نحافظ عليه
احنا كمان مش هاننزل يوم نلونها بس لأ احنا مش هانسيب الناس فيها كدا
؛ احنا عايزينهم ينهضوا بنفسهم ويساعدوا نفسهم بنفسهم، بالإضافة لمساعدتنا ليهم في الجانب الإقتصادي والإجتماعي والنفسي..
عشان احنا مبنحبش الخير يقف على حد احنا فاتحين المساعدة لأي حد من أي كلية ومن أي جامعة، وسواء مساعدة عينية أو مادية أو حتى بالمجهود الشخصي
احنا عايزين نسيب بصمة في المكان، عايزين نحس اننا اتخلقنا عشان نعمل حاجة مفيدة في بلدنا، عايزين نحس بأهميتنا 😄 طبعًا الموضوع مش من يوم وليلة لأ محتاج وقت ومجهود ومحتاج اننا نعتمد علي نفسنا في اننا نمول نفسنا بنفسنا بدون اللجوء لأي راعي رسمي أو مؤسسة، احنا لو عايزين نعمل حاجة هانعملها بنفسنا بدون أي مساعدة من حد 😊
