11/02/2025
#الجزء (الاول)
#مِـلــح الأرض...
لماذا لا يشعر الفقراء بالتحسن الإقتصادي ⁉️
#تعالوا نتخيل مع بعض أن
في 3 أخوات
أحدهم يعمل كاشير براتب 2000 جنيه بعد الزيادات ، والثاني يعمل بائع في محل وراتبه لن يزيد عن 1500 جنيه ، والثالثه تعمل سكرتيره أو عامله بمكتب او بعياده براتب 1000 جنيه ،
و أبوهم موظف على المعاش والذي يبلغ معاشه بعد الزيادات أقل من 2500 جنيه
.. اللى بتكلم عليهم دول مش أمثله إفتراضيه ،
لكنها نماذج عمليه نراها في عشرات الملايين من المحيطين بنا
وبالتأكيد الرواتب ممكن تكون أقل من كده كمان
لما أي حد منهم لو دخل على الفيس ووجد #مثلا منشورا منبهرا بجمال العاصمة الإدارية وتقسيمها الرائع ومبانيها العملاقة أو القطار السريع الذي سيختصر المشوار لثلث الوقت أو شبكة الكباري والطرق العملاقة التى قربت على الناس المشاوير ... إلخ
..ولكن مقابل ذلك فاتورة الكهرباء تضاعفت عليه 10 مرات وكذلك الغاز والمياه بقت أضعاف واضعاف ومتوسط الإيجار تضاعف مرتين على الأقل ، والمواصلات 4 أضعاف ، والأكل تضاعف ثمنه مرتين على الأقل ( وأصبح الدخل الذي كان يكفيه منذ سنوات لا يكفيه حاليا لذات المتطلبات رغم تضاعفه )
فهل تعتقدوا أن هذا الشخص سينبهر بهذه العظمه التى يستحيل أن يستفيد منها بشكل مباشر؟!
أصل يعني هيشتري إزاي شقة يبلغ سعرها راتبه في ألف شهر ، أو يركب قطار فخم تبلغ تذكرته دخله في يوم عمل كامل أو يخرج في فسحة بمكان فخم براتب إسبوع شغل من المتاحين حاليا
ولا سيشعر إن دي ممتلكات لناس تانيه مش شبهه ؟
وأن من ينشر تلك الإنجازات إما انه لجنه إلكترونية مدفوع الأجر أو شخص بيحب أن ينافق ببلاش ، أو شخص غني لا يشعر بألام الفقراء اللى زيه ؟
علشان كده في موجة ضخمة من التندر على الإنجازات الحالية بسبب ضعف الدخول اللى حرمت كثير من الناس من التمتع بها وبالتأكيد معظمكم تلقى إتصالات لشركات عقارية تغريه بشراء شقه بمدينة جديدة برقم خزعبلى غير متوافر مع معظمنا ، مع التندر بسخريه مريره على هذا الإتصال "
أي شخص عنده إحساس لازم يتفهم ألام الناس دي واللى مطالبهم حاجه من ثلاثة :
1- إما إن الحاجه ترخص زي زمان " عن طريق عودة دعم المحروقات والجنيه مرة أخري "
2- وإما زيادة دخولهم لتواكب الزيادات الحادثة بحيث لا يقل الدخل عن 5 ألاف جنيه
3- أو توفير دعم نقدي لهم من الدولة يسمح لهم أن يعيشوا حياة كريمة
... وطبعا كلا الحلول أعتقد أنها مستحيله على الدولة فالحل الأول يعنيهم تغليب الدعم عن خطة بناء البلد ، والثاني يعني إغراق البلد في دوامة تضخم كبيرة لن يكون للنقود بعدها ذات القيمة الحالية ، والثالث يحتاج لموازنة ضخمة على حساب بنود إنفاق أخرى .
▪️ وبالنهاية فقد انقسمت الناس في مصر بين طبقتين : إما ناس عايشه كويس ، وناس كويسه إنها عايشه ‼️
🔘 طيب الحل إيه ؟ ... بالجزء التاني بإذن الله بالسهرة
