أسرة فكرة

10/04/2015

وقت ما تحس ان حياتك روتينية وزهقان و ملكش مزاج تعمل حاجة " أفصل " ✋

سواء بتشتغل او قاعد علي اي social media واخده معظم وقتك من حقك تقوم من قدام الشاشة اللى قاعد قصادها 24 ساعة دى 😭

>جرب كده تقفل كل حاجة و خدلك اجازة مفيش أحسن من الوقت اللى احنا فيه ده
اعقد مع نفسك فكر بصوت عالي شوف انت عايز ايه .. بتحلم ب ايه ؟ :D

> زور أهلك او أصحابك اللى بقالك كتير مشوفتهمش هتلاقيهم زهقانين زيك كده وهتكسب فيهم ثواب :D

>شوف ايه هوايتك البعيدة عن دراستك او شغلك واعملها فى اجازتك هتقلل من الضغط اللى عليك وهتحس بالفرق اما ترجع لدراستك او شغلك بعد كده عادى 👌

>جرب تعمل حاجة جديدة مش لازم تنجح فيها بس تخرج بره الروتين اللي انت فيه ده ;)

>صفي ذهنك.. ممكن قبل ما ترجع للمذاكرة اكتب كل اللي شاغل بالك هترتاح !

>أخرج سافر شوف ايه المتاح ليك واعمله حتى لو قعدت فى البيت ابسط نفسك وافصل كام ساعة من القلق و التعب و التوتر مفيش حاجة هتطير بس علشان تعرف ترجع أحسن من الأول ;)

03/04/2015

عارفين دول مين ? دول احمد عبد العزيز و احمد عاطف و جهاد ... احمد و احمد كانوا معانا في الكلية و اتخرجوا بقالهم سنة .. الناس دي بتعمل startup و دخلت بيه مسابقة انجاز و وصلوا للنهائيات بفضل ربنا و بفضل التعب الي تعبوه في الشغل علي الفكرة دي .. دلوقتي لو كسبوا هيقدروا يخدوا دعم و يقدروا يكملوا المشروع بتاعهم .. ياريت لو تشاركوهم بعمل لايك علي الصورة من جوه و دعواتكم ليهم انهم يحققوا حلمهم :)

قال رسول الله صلى الله عليه وسلم: " من سعى لأخيه المسلم في حاجة، فقضيت له أو لم تقض غفر الله له ما تقدم من ذنبه وما تأخر، وكتب له براءتان براءة من النار وبراءة من النفاق.

Edgeware provides software solutions for networking. Our vision is to be the networking leading solution provider in Egypt and MENA. Our first product in Nebda2. Nebda2 is an online and mobile platform that gives new entrepreneurs access to Egypt’s network of accelerators, incubators, entrepreneurship events and competitions, investors, mentors, trainers and existing entrepreneurs. Not only will entrepreneurs, through Nebda2 app and web platform, be able to easily find upcoming events, they will also have critical opportunities to connect with a support network that will facilitate their startup launch.

توفر شركة ايدجوير حلول برمجية لتسهيل عملية التواصل. اول منتج لها هو نبدأ. بعد توسع مجال ريادة الأعمال في مصر توسعا ملحوظا في الآونة الأخيرة، و نظرا لقلة قنوات الإتصال و تبادل الخبرات بين رواد الأعمال، تقدم شركتنا تطبيق نبدأ. نبدأ هو تطبيق على الهواتف الذكية و موقع إلكتروني، يهدف إلى خلق شبكة تربط رواد الأعمال ببعضهم لتسهيل مشاركة المعلومات. و يقوم التطبيق في تجمعات ريادة الأعمال بتسهيل عملية التواصل والمشاركة بين رواد الأعمال الحاضرين، وكذلك التواصل مع أصحاب الخبرة لمساعدة رواد الأعمال داخل هذه التجمعات

20/03/2015

دعاء قـبـل المـذاكـره:

اللهم إني أسألك فهم النبيين، و حفظ المرسلين، و الملائكة المقربين،اللهم اجعل ألسنتنا عامرة بذكرك، و قلوبنا بخشيتك،و أسرارنا بطاعتك، إنك على كل شيء قدير،حسبنا الله و نعم الوكيل

دعاء بعـد المـذاكـره:

اللهم إني أستودعك ما قرأت و ما حفظت و ما تعلمت،فرده عند حاجتي إليه، إنك على كل شيء قدير، حسبنا الله و نعم الوكيل

دعاء يـوم الإمـتحان: اللهم إني توكلت عليك، و سلمت أمري إليك, لا ملجأ و لا منجا منك إلا إليك.

18/03/2015

الاسبوع الجاي الامتحانات يا معلم ;)
ايه :O .. انا مفتحتش كتاب لسه :O .. اهدي بس كده علينا و فوق :D
مش دايما بنسمع ناس تقولك انا طول السنة بلعب بس باجي في الاخر و بلم ;) .. طب عارف بيعملوها ازاي ؟ :D
بس يا سيدي دلوقتي امتحان المديتيرم ده كل دكتور بيعمله عشان بس بيوري الطالب شكل الامتحان مش اكتر لكن هو يكون سهل و لو لاحظت من السنين الي فاتت هتلاقيه جاي من المحاضرات كلها .. طب انا مش مذاكر اعمل ايه طيب ؟ :@
بص يا سيدي روح افتح المادة الي عليك و شوف كل عنوان لل topic و افهمه كويس و اقرأ بس الكلم الي بعديه و حاول تستخدم ورقة و قلم بس مش عشان تكتب .. لا absolutely :D ده عشان هترسم 3:) .. حاول تقرب المعلومة ليك بالرسم لان دي اكتر حاجة بتثبت في الذاكرة و حل امتحانات الميدتيرم الي فاتت عشان دكتور المادة دايما بيجيب منها بعكس امتحانات ال final ... انتهز الفرصة .

15/03/2015

بنيجى نقدم فى اى وظيفة نلاقى من متطلباتها
"Organization and Management skills"

بجانب المهارات اللى عندك فى الكمبيوتر او التواصل الاجتماعى لازم يكون عندك القدرة على تنظيم و ادارة حياتك او ال tasks اللى بتطلب منك فى مشاريع دراستك !

طب ازاى تكون منظم لنفسك الأول قبل شغلك ؟!
هنقولك على الخطوات لو مشيت عليها هتعرف تنظم وقتك وشغلك علشان تقدر تخلص كل اللى مطلوب منك فى الوقت المحدد ;)

-التخطيط
ده بيعتبر أهم مرحلة لأنك فيه بتحط plan بتحدد فيها وضعك الحالى وأهدافك للمستقبل والخطوات اللى هتنفذها للوصول للهدف ده :3

-حدد جدول زمني
ابدأ اعمل جدول ليومك بالحاجات اللى المفروض تعملها الأهم فالأقل أهمية والتزم بيه و خصص وقت معين تخلص فيه task معينة مطلوبة منك :v

- التنسيق والتنظيم
لو انت مسئول عن فريق ابدأ جمع المهام المطلوبة منكم و قسم الشغل على كل واحد و يكون فيه deadline علشان فى وقت معين يكون المشروع خلص B|

-المتابعة
ابدأ تابع نفسك وشوف مشيت على الجدول اللى كنت محدده لنفسك ولفريقك ولا لأ و اللى هتلاقيه متعملش فى جدولك ابدأ شوف ايه اللى ضيع وقتك ومتكرروش فى اليوم اللى بعده :S

- اخر حاجة لازم تفتكرها دايما ان احترامك وتنظيمك للوقت هو اللى هينظم ويدير حياتك او فريقك صح !!
اظن كده ملكش حجة بقى :D
تابعونا الفترة الجاية عشان نعرفكم أكتر عن بقية اللى لازم تكون عندكم ;)

14/03/2015

Don't Lose Faith !

13/03/2015

عش يومك واستفد من تجارب الماضي بدون أن تحمل آلامها معك،
خطط لمستقبلك من غير أن تعيش مشاكله وهمومه،
ثق بخالقك الذى يعطى للطائر رزقه يوما بيوم.
-كريم الشاذلى

11/03/2015

انت عارف ان الحوت الأزرق هو أثقل و أكبر وأضخم
مخلوق في العالم
حيث يبلغ حجم قلب الحوت الأزرق البالغ حجم سيارة , أما لسانه فيبلغ طوله حوالي خمسة
أمتار

08/03/2015

Success is how high you bounce when you hit bottom !
Never Give up..

07/03/2015

كلنا بتقابلنا مشاكل كتير سواء في الشغل او في الدراسة او حتي في حياتنا اليومية :/

مش كل الناس بتعرف تتصرف اول ما تقع في مشكلة علشان كدة انهاردة هنكلمكوا عن skill جديدة و هي ال Problem solving ^_^

في الشغل الموضوع ده بيميزك عن غيرك، في ناس بتعرف تخرج من المشكلة بمكسب و في ناس بتعرف تحل المشكلة من غير لا مكسب ولا خسارة و في ناس بتقف اول ما تقابلها مشكلة عشان كده بتتسأل السؤال ده فى interview

طيب ايه بقي الحل ؟! o.O
طبعا مش كل المشاكل بتتحل بنفس الطريقة بس في شوية حاجات لازم تحطها في دماغك علشان تعرف تحل اي مشكلة بس بطريقة كويسة

1)Defining the Problem
فى مرحلة تعريف المشكلة المفتاح هو ضمان أن تتعامل مع المشكلة الحقيقية مش نتايجها وابدأ فكر في الحل متفكرش في المشكة نفسها
لأنك لو فكرت في المشكلة بتملي مخك بأفكار سلبية , حول تفكيرك علي طريقة حل المشكلة دي

2)Generating alternatives
ابدأ حط أكتر من حل وخلي مخك متفتح لأي فكرة حتي لو حسيتها سخيفة في الأول مش مشكلة فكر في الحل دة ممكن تطلع منه بحل تاني أحسن

3)Evaluating and selecting alternatives
بعد ما هتطلع من الخطوة اللى فوق بأكتر من حل ابدأ قيم و قارن بينهم وشوف الأفضل لحل المشكلة دي بأحسن طريقة ممكنة

4)Implementing solutions
ابدأ نفذ الحل اللى طلعت بيه من الخطوات اللى فوق هتلاقى مشكلتك اتحلت تمام ;)

06/03/2015

الوقت مش فلوس ولا وظيفة هتعرف تحافظ عليها !
اللى هيضيع منه مش هيرجع استغله صح لتحقيق أكبر استفاده ;)

03/03/2015

انهارده هنكلمكم عن مهارة لازم تبقى عندك وانت بتقدم لأى وظيفة او بتفكر تعمل Start up خاصه بيك :D
هي ال commercial awareness "الوعي التجاري "

دلوقتي ال Commercial awareness بقت من اهم ال Skills اللي لازم تبقي عند اي شخص علشان يعمل business ناجح ;)
لأن اى وظيفة بتقدملها بيقيمك على أساس فهمك لشغلك والمكان اللى أنت رايحله شارك فى أنشطة من دلوقتى تقدر من خلالها تدخل فى جو العمل :D

ببساطة انت لما تفهم دورك صح و تفهم نوع الحاجة اللي بتشتغلها هتقدر تعرف ايه اهمية دورك في المكان اللي انت فيه و ازاي تقدر تحسن من شركتك بحيث انها تتغلب علي الشركات المنافسة ليها

ووقتها هتبني قرارات صح و هتعرف تاخد ال Risks و تديرها بشكل كويس و تبني لنفسك سمعه و اسم كويسين B|