Kasr Al Ainy Community

Kasr Al Ainy Community إدارة تابعة لكلية طب قصر العيني - جامعة القاهرة, تهدف إل

إدارة خيرية حكومية تأسست عام 1995 من أجل تطوير المجتمع المصري والمجتمعات المعوزة الأخرى. تعمل في مجالات الخدمات الطبية ومحاربة الفقر وإغاثة المنكوبين في حالات الطوارئ بغض النظر عن اللون أو الجنس أو الدين أو العرق أو الجنسية، وتتبع الأدارة قطاع خدمات المجتمع وشئون البيئة يكلية طب قصر العيني - جامعة القاهرة

07/03/2026

ازاي تتخلص من مقاومه الانسولين في ٣ شهور؟؟

بعد خبره سنين طويله في التعامل بنجاح مع مئات من حالات مقاومه الانسولين ( بفضل الله🙏)

البوست ده فيه الخطه المضمونه جدا بإذن الله للتخلص من مقاومه الانسولين👌

تعالوا نتخيل الخطه كأنها مثلث من ٣ أضلاع

🔺️الضلع الاول (اهم ضلع ) هو التغذيه:

١. انت هاتكتفي ب ٣ وجبات( فطار _غداء _عشاء) في اليوم بلاش خااالص فكره السناك والنقنقه كل شويه ❌️

٢.هاتكتفي بشرب الماء والمشروبات الخاليه من السعرات بين الوجبات .✅️

٣.حاول تصوم عن الأكل تماما علي الاقل ١٢ ساعه من وجبه العشاء لوجبة الفطار تاني يوم✅️

٤ .اساس جميع وجباتك هايكون البروتين والخضار و قليل جدا من الدهون الصحيه .✅️

٥ . مش مطلوب منك ابدااا تمنع النشويات ❌️، المطلوب انك تختار الانواع الصحيه منها و بكميات قليله .

٦ .اكتفي بوجود النشويات او الكربوهيدرات في وجبه واحده او وجبتين من الثلاث وجبات .✅️

٧ .يفضل وجبه العشاء بالذات تكون بدون نشويات خالص ✅️

٨ . اكيد عايز تسأل ايه هي النشويات الصحيه ؟ الاجابه اي حاجه مفيهاش دقيق ولا سكر تبقي صحيه( بطاطس _ ارز _ بطاطا _ برغل_ فريك )✅️
٩. اوعي تعتمد علي حساب السعرات فقط ... الاهم هو مكونات وتوقيت الوجبات ✅️

🔺️الضلع الثاني للمثلث :

هو ممارسه الرياضه( اجباري مش اختياري) .. ابسط حاجه امشي ٣٠ _٤٥ دقيقه يوميا مشي سريع 🏃‍♂️🏃‍♂️🏃‍♂️(حتي لو هتقسمهم علي مرتين ) .. طبعا لو قدرت تعمل تمارين مقاومه تبقي هايل💪💪 .
دراسات كثير جدا اثبتت دور الرياضه الاساسي في تحسين مقاومه الانسولين .

🔺️الضلع الثالث للمثلث :
النوم 😴😴( وارجوك ما تستهونش به) ... النوم الجيد اللي هو ٧ ساعات متصله ليلا مهم جدا جدا
السهر بيلخبط هرمونات الجوع والشبع و يزود مقاومه الانسولين ...

الثلاث أضلاع مهمين جدا و بيكملوا بعض ✅️✅️✅️
اكل صحي بدون نوم و رياضه مش هنحقق افضل نتيجه❌️

طيب مش هانحتاج ادويه ؟؟
لا مش هانحتاج❌️❌️❌️

الموضوع بسيط جدا اوعي تصدق انك محتاج كورسات من الادويه والحقن و الجلسات والمشروبات الخزعبليه عشان تعالج مقاومه الانسولين 🚫
جرب تلتزم بالخطه دي ٣ شهور بس و اتحداك انك هاتنبهر بالنتيجه 👇👇👇
🔸️وزنك هينزل ✔️
🔸️هتتخلص من دهون البطن( الكرش) ✔️
🔸️الكبد الدهني هايتحسن جدا ✔️
🔸️التحاليل هتتبدل( كوليسترول _ دهون ثلاثيه _ سكر تراكمي)
كل ده هيرجع لمستوياته الطبيعيه ✔️

جرب وهتشوف بنفسك
د.ايمان محفوظ
استشاري التغذيه العلاجيه

08/06/2025

هذا الرجل الذي أمامكم ياسادة عاش رجلاً ومات بطلا أنقذ مدينة كاملة

خالد محمد شوقي عبدالعال، سائق بسيط من قرية مبارك بمحافظة الدقهلية، تحوّل إلى بطل حقيقي عندما ضحى بحياته لينقذ مدينة العاشر من رمضان من كارثة محققة.

خالد كان يقود شاحنة وقود، وأثناء توقفه داخل محطة بنزين، اشتعلت النيران فجأة في خزان الوقود بسبب ارتفاع درجة الحرارة. في لحظة فارقة لم يتردد، لم يفكر في نفسه، بل قفز إلى مقعد القيادة وقاد الشاحنة المشتعلة بعيدًا عن المحطة، محاولًا حماية أرواح المواطنين وخزانات الوقود من الانفجار.

نجح في إخراج الشاحنة إلى الشارع، وأبعدها عن الناس، لكنه لم ينجُ بنفسه. طالت النيران جسده، وأصيب بحروق شديدة نُقل على إثرها إلى المستشفى، قبل أن يلفظ أنفاسه الأخيرة متأثرًا بإصابته.

"خالد" رحل، لكن بطولته ستبقى خالدة، تُروى بفخر، وتُسطَّر بحروف من نور في سجل الشجعان.

في الرياضة نبحث عن نجوم، لكن الحياة تُظهر لنا من حينٍ لآخر أن النجومية الحقيقية هي في الشجاعة، في التضحية، في إنقاذ أرواح الآخرين.

فلنُذكّر جمهورنا أن البطولة لا ترتبط دائمًا بكأس… أحيانًا ترتبط بروح عظيمة مثل روح خالد.

01/06/2025

ارتقاء الطبيب حمدي علي النجار، زوج الطبيبة آلاء النجار، متأثراً بجراحه ليلتحق بأطفاله التسعة الذين سبقوه إلى رحاب الله، في مشهد لا تصفه الكلمات، حيث امتزجت فاجعة الفقد بعظمة الشهادة.

ورغم أنهم جميعاً كانوا يحملون الجنسيتين المصرية والفلسطينية، وكان بوسعهم أن يغادروا عْزة في بداية العدوان إلى مصر، ولكنهم اختاروا البقاء ولم يغادروا بل فضلوا أن يظلّوا بين الجرحى والمصابين، ليؤدوا واجبهم حتى آخر رمق، فكان الوفاء، وكان الاصطفاء.

لعلّ الطبيب حمدي اختار ما عند الله، فاجتباه الله شهيدًا باذن الله في مقعد صدق عند مليك مقتدر.

اللهم اجعله واطفاله التسعة في أعلى عليين،
واربط على قلب الطبيبة آلاء النجار،
وامنحها من لدنك صبرًا يليق بعظمة البلاء،
إنا لله وإنا إليه راجعون

22/04/2025

منقول للفائدة
________________________________________

السلام عليكم..
كنت حطيت بوست من تلات شهور عن أني اتشكيت من عيان HCV HIV
وكنت منتظر أتأكد أنها عدت على خير علشان أكتب البوست دا
وانهارده ولله الحمد والمنه اتأكدت وعملت ال confirmatory test ل hiv وطلع سلبي الحمد لله 🙂

عاوز اتكلم في نطاق الايدز أو ال HIV بس بحكم الرعب ال عيشته التلات شهور ال فاتوا من أني أكون أخدت العدوى..
حد حرفيا ميت من الرعب.. نفسيا مضطرب جدا.. مش بقرب من ولادي الا بحساب.. فكرة الموت والوصم مسيطرة عليا بشكل أثر على شغلي وامتحاناتي كنت بحلل كل اسبوع تقريبا..

متخيلين واحد بيقول يا رب c بس بلاش hiv

أكاد أكون قرأت كل الابحاث ال اتعملت على ال hiv testingو ال needle stick injury

أول خطوه بعد الشكة وأنا بصرف العلاج الوقأئي post exposure prophylaxis بعد ماعرفت ان العيان عنده ايدز بعد ماحللتله كان عدى حوالي 42 ساعه
عرفت أن في قولين ان العلاج يتاخد في خلال 48 ساعه أو 72 ساعه والاصح 72 لكن قررت اني أسعى اني أجيبه فورا

توجهت للمصل واللقاح الساعه 7 تقريبا قالوا مش عندنا روحت حميات امبابة قالوا تيجي الصبح.. قلتلهم هيكون الوقت عدى قالوا مالناش فيه ( وهنا لازم نطلع بنقطة أن محدش هينفعك ولا انت فارق مع وزارتك) بطريقة ما عرفت أجيب جرعة عن طريق صحفي حبيبي وجابهالي في ربع ساعه بالمناسبه بعلاقاته بناس ماسكين ملف ال hiv في مصر

روحت تاني يوم الحميات عشان اصرف العلاج وارجع العلبه ال أخدتها لصاحبها.. وكانت الصدمة بالنسبالي.. عشرات كانوا بيصرفوا علاج الايدز في مجرد دقايق وقفت فيهم.. ناس شكلهم وهيئتهم لا يعطيك أي انطباع أنهم مرضى منهم شباب 16 سنه تقريبا او أقل.. لا في سرية في اعطاء العلاج ولا في احترام لادمية الناس.. نظرات الوصم في عين كل العاملين.. ودا بالمناسبة كان في وجود رئيس برنامج الايدز في مصر..
هتقولي عرفت منين.. هقولك أن بعد ما عرفتهم بنفسي الصيدلانيه خلتني اقف في نفس الطابور ورفضت تديني العلاج الوقائي من الداخل رغم تأكيدي انها اصابة عمل.. ودا طبعا بعد ما كانت رافضه أصلا تديني العلاج لولا توصية د وليد رئيس البرنامج بعد ما الصحفي صديقي ال كان معايا كلمه.. فوقفت ف الطابور واتنظرلي نفس نظرة الوصم..
كنت مقرر اني لو اضطررت اقف في الطابور دا تاني لو كنت أخدت العدوى فالموت أهون بكتير والله

وأخدت العلاج بعد ما كتبت اقرار اني اجيبلهم التحاليل ال لسا عاملها وال بتقول اني negative في نفس يوم الشكة..

خلونا بقا نتكلم عن ال يهمنا ك أطباء
ال hiv بقا very common فعلا
يمكن بقيت بشوفه اكتر من b
لكن فرص العدوى من الشكة لا تتعدى ال تلاته ف الالف

وفي سؤال اتسألته من صديقي ال كان معايا.. ايه الفرق بين hiv و hbv
فعلا مفيش فرق.. بالعكس ال b اخطر في انتقاله والاتنين كذلك بيتنقلوا بالجنس والحقن
عشان كدا أرجوكم بلاش نظرة الوصم لمريض ال hiv عشان بيخبي واحنا مابناخدش احتياطاتنا وبنلبس ف حيطه بعد كدا

حافظ على اجرائاتك الوقائية
لو ماخدتش تطعيم b فانت بترتكب جريمة في حق نفسك وأهلك

البس تلات جوانتيات جوا العمليه

اطلب تحاليل فيروسات لكل الحالات لو تقدر

ماتبصش لعيان ايدز او سي او بي نظرة وصم في ناس كتيره منهم ملهمش ذنب أنا كنت ممكن أبقى منهم اتعاملوا بس بحذر
..
نفترض بعد الشر اتشكيت
بشكل عام
Off فورا
اغسل ايدك بماء وصابون تحت ماء جارية شوية وليكن خمس دقايق
ماتعصرش... ماتعصرش.. ماتعصرش
لو ماتعرفش العيان ايجابي لاي فيروس ولا لاء

اسحب عينه وابعتها تتحلل فورا..
عشان لو ايجابي تاخد علاج وقائي

فرصة نقل العدوى ف ال hiv تقترب من الصفر ف الميه (.0.3%)
ومن بعد ال post exposure prophylaxis النسبة بتقل مفيش غير اصابة واحده في امريكا من اواخر التسعينات نتيجة needlestick
العلاج الوقائي موجود في حميات امبابة بس هيقرفوك على ماتاخده حرفيا..

Hiv testing
Antibodies by elisa is highly sensitive
At 1 month and confirmatory at 3 monthes
If negative اطمن وطلع حاجة لله
If positive بعد الشر
Do western blot to confirm

___
Hcv
فرصة العدوى 3%
مالوش علاج وقائي
تحلل antibodies عند 1 - 3 - 6 شهر
او pcr من بعد شهر من الشكة
_____
Hbv 30% فرصة العدوى بشكة الابرة
واتقي ربنا في نفسك وخد التطعيم ارجوك..
ومش هقولك ان في hbv ig ممكن تاخدها ف خلال يوم تقريبا لانك مش مضطر لدا
بكرة تروح تاخد التطعيم أبوس ايدك
______

النقاط المهمة..
-مرضى الايدز كتير جدا
-وزارتك مش هتحميك وهتذلك عشان تديك العلاج
- حلل للعيانين ماقبل العمليات فيروسات ان استطعت دائما
- لا توصم مريض ايدز حتى وان كان مدمن أو ش*ذ.. انت طبيب
- أمن نفسك عشان محدش هينفعك لو اخدت عدوى
-ارجوك خد تطعيم b

شاكر لكل الناس ال كلمتني بعد البوست ال كنت حطيته..
وربنا يحفظنا ويحفظكم من كل سوء
____

Address

Al Saraya Street , Al Manial
Cairo
11956

Website

Alerts

Be the first to know and let us send you an email when Kasr Al Ainy Community posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Kasr Al Ainy Community:

Shortcuts

Share

Category