بسم الله الرحمن الرحيم
مكنش ينفع كلامنا يبدأ بكلمه غيرها
لاننا محتاجين ربنا اوي مع بلدنا الفتره اللي جايه دي
احنا عارفين و واثقين ان اكيد في ناس كتيييييييييير اوي حماسة الثوره اخدتهم و خلتهم يعملوا صفحات و جروبات كتير على الفيسبوك و باقي المواقع لخدمة البلد و تطويرها و إعادة بنائها
دي حاجه بجد جميله جدا و تخلي اي حد يفخر ان الشباب بجد بأه قد ايه واعي بحبه لبلده و حابب يخدمها و يخليها ف أحسن حال
طي
ب ايه الفرق بأه بينا و بين الباقيين
اقولكم أنا
ولا حاجه
:)
احنا كلنا جمعنا حب البلد و حب اننا عايزين نخدمها مهما اختلفت الطرق ف الموضوع ده
جمعنا اننا مفيش عندنا كلمة مسلمين و مسيحين
لان كلنا ف الاخر مصريين
مصريين جوانا حلم لمصر أحلى
مصر أقوى
مصر أفضل
هعرفكم بالتفصيل مين احنا و بنحلم نعمل ايه كمصريين
و ليه عايزين نوسع دائرة نشاطنا بدل ما هي قاصره على اصحابنا نخليها عمل ميداني كبيييييييييييييير
بس ف الاول كده كلمه صغنونه مني لكل حد عمل لايك للبيج دي
الصفحه دي صفحتك
طالاما عملت لايك و بقيت معانا تباه صفحتك تدخل و تعبر فيها عن رأيك و تكتب مقترحاتك و تبأه انت اخترت انك متكنش سلبي
او مجرد كمالة عدد معانا
لاننا محتاجين بجد لاعضاء فعالين مش بس اسامي تزود عدد الفانز و خلاص
ومش محتاجين توصيه انتوا اكيد عارفين ان كل حاجه تكتبوها لازم تكون ف حدود الادب و الاحترام و ان اختلاف وجهات النظر لا يفسد للود قضيه
الصفحه دي حلم لأصحابها من سنين و الحلم ده كان بيوئده دايما الاحباط و السلبيه اللي اعتقد ان هما اختفوا من بعد 25 يناير
و زي ما كلنا بنقول
مصر قبل 25 يناير غير مصر بعد 25 يناير
:)
ف ايه رأيكم لو كلنا اتشاركنا ف الحلم ده و نخليه حلم قومي لبناء بلد عشنا و اتربينا فيها و عايزين اولادنا يتربوا فيها احسن ما اتربينا
و صدقوني كلمة بناء البلد دي كلمه كبيره اوي
و محتاجه حاجات كتير اوي
هتبان ليكم معانا اول ما نكون عدد كبير نوعا ما من الاعضاء اللي بجد عايزه تشارك و متحمسه معانا
حلمنا نوصل ل 80000000 مصري بيخدم بلده صح
و عايزها تباه أصح
ف ياريت كل اللي يعرف حد حابب يخدم البلد بجد مايبخلش عليه و يدخله فورا معانا
و اكيد كلنا مع بعض اقوى و احسن مليون مره
فا يالا بأه مين هيقول معانا
بسم الله نبدأ بناء مصر من جديد على نظافه كده
:)
