13/08/2026
أنتي مش عايزة تخفي 🖤
أنتي عايزة تحكي عن الوجع بطريقة تخلي الكل يقول "يا حرام شافت كتير".
ممكن تعيطي، تكتبي، تفضفضي لصحابك، ممكن تروحي لثيرابي وتقولي "أنا بشتغل على نفسي". 💙
وبعدين...
أول ما حياتك تبدأ تروق فعلاً..
تبوظيها بإيدك.
ترجعي تكلمي اللي وجعك.
تفتحي الشات القديم.
تدوري على أغنية تعيطك.
مش لأنك ضعيفة.
لأنك لو خفيتي بجد.. هتبقي مين؟
بقالك سنين بتعرفي نفسك من خلال وجعك.
"أنا اللي اتسابت، أنا اللي اتخانت، أنا اللي كنت بحب بجد وهو ماطمرش فيه."
الوجع بقى هو هويتك.
لو شلتيه.. هتضطري تبطلي دور الضحية وتبدأي دور البطلة.. وده مرعب أكتر من الوجع نفسه.
فأنتي مش متعلقة ب حاجة..
أنتي متعلقة بالقصة اللي مخلياكي محور الكلام، ومخليا الناس تطبطب عليكي.
الشفا مش إنك تبقي كويسة..
الشفا إنك توافقي تدفني البنت اللي اتبنت كلها على الخذلان.. عشان تتولد واحدة عمرها ما هتسمح لحد يوجعها كده تاني.
