16/11/2025
" النجاه .. ومتعة اليقين "
( وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ )
فى الآيه دى ربنا سبحانه وتعالى بيرشدنا ويأكدلنا إن الهدف الوحيد و الأكيد لوجودنا فى الحياة الدنيا هو لعبادته وطاعته .. مش عشان نبنى قصور و نستمتع برغد العيش ومتعته وبس كدا خلاص !!
وان صراعنا مع الشيطان هو صراع الوجود الأبدى هل هنعيش الحياه جنة الأرض ونرجع لربنا نكمل فى جنة السماء الأبديه .. ولا نسمع كلام ابليس ونحقق حلمه ( لأغوينهم أجمعين ) و نكمل معاه فى شقاء جهنم وعذاب اليم و حسرة سببيه !!
لو اقنعت روحك وكل خليه فى جسدك ان يقينك الأساسي هو الإيمان و الألتزام بأوامر الله المرسله مع كتبه ورسله .. وإن دا الكتالوج المنظم لفترة وجودك على الأرض للعودة لله والأبدية فى سلام ونعيم الخلود ..هتهزم ابليس اللعين وتفوز برضا رب العالمين ونجتمع فى جنة الرحمن أجمعين !!
وهتحس ان الدنيا مجرد محطه واختبار و كل معاناه او ظلم او الم دنيوى دا رصيد فى ميزان حسناتك خير ورفعك درجه للجنه فى فرح وسرور ونزل خصمك درجه فى النار بحسرة وندم وكفاه الغرور !!
وتحس عظمة اليقين بالله وان السعاده فى الإلتزام والتزود بالعلم و العطاء ومساعدة الغير .. و ان الغنى فى القناعه .. و الرضا بقضاء الله متعه تغنيك عن سؤال الناس .. لأن معاك رب الناس !!
وخليكم فاكرين ومركزين .. إن ورقة إجابتك هتتسحب منك فى اي وقت بدون سابق إنذار .. خليك مستعد بقى ليل نهار !!
متعكم الله أصدقائي باليقين والرضا بكل قضاء لرب العالمين .. ونلتقى برحمة من الله فى جناته الأبدية أجمعين ❤
#اليقين
