23/08/2024
اربط الكليات باحتياجات سوق العمل الفعلي
الايفنتات والمؤتمرات الى بيكون هدفها الأول هو تستيف الاوراق أو اللقطة جريمة في حق الطلبة وعدم احترام وتقدير لوقتهم
البحث العلمى ممكن يكون من سنة اولى وتانية كلية لو الطالب فهم وعرف ازاى يبحث هيطلع بافكار تفتح شركات تجيب ملايين
السوق مفتوح ومليان فرص وافكار
السوق مش عايزك تخرجله الاف كل سنة بيشتغلوا web عمر ما هيكون عندك شركات قوية فى السوق تنافس السوق العالمى او تكون مصدر للافكار بدون بحث علمي وافكار خارج الصندوق
عيب مشاريع تخرجك كلها لا ترقى ان تكون مجرد فكرة وهي فى الاخر تستيف اوراق وبدل وحفل تخرج وفساتين الطلاب فى غفلة كبيرة وفجوة رهيبة
وقت الشباب بيضيع فى ولا شئ طول ال 4 سنين فاكرين بيتعلموا وهما لا يفقهوا اى شئ شباب فى عز ما هو فاضى ويقدر يستوعب ويتعلم انت بتضيع وقته لانه مجرد ما بيتخرج مبيكونش عنده ربع الوقت وبينشغل فى مسؤليات الحياه
الطالب عندنا مبيتعلمش يفتح Open source project و يعمل contribution او يحسن منه فيطلع بفكرة تحل مشكلة كبيرة فى السوق عند مؤسسة او يوصل gap بين عميل ومؤسسة هذا التفكير لا يتم تغذيته بالمرة
الأفكار القديمة قتلت بحثا خلاص العلم فى تطور انك تعمل App بقى طالب فى تالتة اعدادى يقدر يعمله انت طالب جامعى يبنى انت فى الأصل باحث مش فقط متلقي
