lavander wellness circle

lavander wellness circle a supportive initiative empowering women through mental wellness, self-care, and inspiring circles.

14/05/2026

لو أنتِ زوجة وأم.. بتشتغلي أو ربة منزل.. الفيديو ده ليكي والمبادرة دي علشانِك💜

فيه ناس حوالينا…بتضحك، بتهزر، وبتبان قوية جدًا.بتشتغل، بتساعد غيرها، وبتدي طاقة إيجابية لكل اللي حواليها.بس الحقيقة؟إنهم...
15/04/2026

فيه ناس حوالينا…
بتضحك، بتهزر، وبتبان قوية جدًا.
بتشتغل، بتساعد غيرها، وبتدي طاقة إيجابية لكل اللي حواليها.

بس الحقيقة؟
إنهم من جوا… بيغرقوا.

مش كل اللي بيضحك بخير.

فيه ناس بتصحى كل يوم
وهي مش عايزة تكمل…
بس بتكمل عشان حد محتاجها،
أو عشان مش عارفة تعمل إيه غير كده.

وفي وسط ده كله…
المجتمع لسه بيحكم،
ولسه فيه قسوة،
ولسه فيه تجرد من المشاعر…
خصوصًا على البنات.

يا ترى كام شخص
هتروح ضحية نظرة قاسية؟
ضحية ضغط؟
ضحية مجتمع مش بيسمع… بس بيحكم؟

علشان كده…
خلي سؤالك دايمًا مختلف:
“إنت عامل إيه بجد؟”

مش سؤال عابر…
دي ممكن تكون طوق نجاة.

الكلمة دي ممكن تفرق.
السؤال ده ممكن ينقذ حد.

الانتحار مش ضعف…
بس كمان مش الحل.

لو حد جه في بالك دلوقتي… كلمه.
ماتستناش.

ولو إنت اللي محتاج…
افتكر إنك مش لوحدك.

دايمًا في حد ممكن يسمعك…
هنا في lavander wellness Circle ..هتلاقي مساحتك الآمنة 💜


08/04/2026

مش كل البطلات بيبقوا على الشاشات…
بعضهم بيكونوا قدامنا… بيحاربوا السرطان.
في لحظة مؤثرة أثناء تكريم سيدات محاربات السرطان
وقفنا قدام قوة وإرادة تستحق الاحترام.
وفي نفس اللحظة…
أعلنّا عن انطلاق حملة جديدة لدعم المرأة نفسيًا وإنسانيًا
من خلال مبادرة Lavander Wellness Circle
بالتعاون مع المسعف.
لأن وراء كل امرأة قوية…
قصة صبر، وألم، ومسؤوليات لا يراها أحد.
رسالتنا بسيطة…
كل امرأة تستحق أن تجد من يسمعها، يفهمها، ويساندها.
هذه ليست مجرد حملة…
هذه بداية رحلة لدعم المرأة وسلامها النفسي.
ومن هنا… تبدأ الحكاية.




08/04/2026

❄️ أنتى فعلا بخير ،، ولا إتعلمتى تقولى أنا بخير...
❄️ خلينا نسأل سؤال بسيط…
❄️ آخر مرة حد سألك : إنتى عاملة إيه بجد؟
* مش عاملة إيه في الشغل…
* ولا الأولاد عاملين إيه…
* ولا البيت ماشي إزاي…
❄️لكن إنتِ نفسك عاملة إيه؟
🎯 المرأة طول الوقت شايلة مسؤوليات كتير:
شغل… بيت… أولاد… التزامات…
وضغط نفسي محدش شايفه.
والمشكلة إن المجتمع متعود يشوفها دايمًا قوية…
لكن نادرًا حد بيسأل:
* هي تعبت قد إيه؟
❄️ الحقيقة إن سلام المرأة النفسي......مش رفاهية… دي حاجة أساسية علشان تقدر تكمل.

❄️ لأن لما المرأة تكون مرتاحة نفسيًا… بتقدر تربي… وتبدع… وتنجح… وتبني حياة أفضل ليها وللي حواليها.
❄️ علشان كده قررنا نبدأ خطوة جديدة… نتكلم فيها عن الصحة النفسية والجسدية للمرأة، الإسعافات الأولية، التوازن في الحياة، والتمكين الاقتصادي وريادة الأعمال.
❄️ مساحة دعم… ومساحة فهم… ومساحة قوة لكل امرأة.
🎯 ومن هنا… تبدأ حكاية مبادرتنا🎯





❄️ميتخافش عليها أصلها ست قوية… حتى لو مبتتقالش بصوت عالي، إحنا عارفين قد إيه جواكي حكايات وضغوط ومسؤوليات.❄️ كل يوم بتدي...
08/04/2026

❄️ميتخافش عليها أصلها ست قوية… حتى لو مبتتقالش بصوت عالي، إحنا عارفين قد إيه جواكي حكايات وضغوط ومسؤوليات.

❄️ كل يوم بتدي للكل طاقة وحب واهتمام… بس مين بيسأل عن سلامك النفسي؟

❄️ من هنا بدأت مبادرة "lavander wellness Circle" بالتعاون بين Zahwa وLavender Life، عشان نفتح مساحة حقيقية للدعم والوعي بالصحة النفسية للمرأة، ونقول إن القوة مش بس في التحمل… القوة كمان في إننا نهتم بنفسنا.

❄️ اليوم الإثنين 6 أبريل 2026 تبدأ انطلاقة Lavander Wellness Circle، أولى خطوات الرحلة من خلال *هى والمسعف النفسي* بحزب الوعى لتكريم محاربات السرطان 🪻

❄️سعداء بكل الجهات والمؤسسات الداعمة للمبادرة… لأن المرأة لما تكون بخير نفسيًا، الحياة كلها بتبقى أهدى وأجمل. 💜🪻



Address

Cairo
Cairo
002

Website

Alerts

Be the first to know and let us send you an email when lavander wellness circle posts news and promotions. Your email address will not be used for any other purpose, and you can unsubscribe at any time.

Shortcuts

Share