09/10/2026
ما بين كل خطوة وخطوة مسافة، وفي كل خطوة أمل، وفي كل مرحلة حكاية تستحق أن تُروى.
حكاية بدأت بأفكار، واختلافات في الآراء، ونقاشات وجلسات، وكل واحد بيحاول يقدم الأفضل من وجهة نظره، والهدف واحد، والقلوب كلها على مصلحة أولادنا وسلامتهم.
ما بين هنزرع ومش هنزرع، وهنبني والا مش هينفع، رأي موافق ورأي مخالف، وفي النهاية بنجتهد، ونتناقش، ونستمع للجميع، ونختار الرأي اللي نتفق عليه، ونسعى لتنفيذه.
مستعينين بالله، ومؤمنين إن الاتحاد والإخلاص هما أساس النجاح.
❤️
📍 المرحلة الأولى: 250 متر من القهوة للمعهد.
بفضل الله، المرحلة الأولى من مشروع السور أوشكت على الانتهاء، ودي خطوة مهمة في طريق بدأناه بهدف الحفاظ على سلامة أولادنا، خاصة مع وجود المدارس والمعهد الديني وكثرة حركة الأطفال في المنطقة.
لكن المشوار لسه مكمل، ولسه قدامنا خطوات محتاجة تضافر جهودنا وتكاتف أهل الخير.
🔹 المرحلة الثانية: مرحلة الشيخ سراج.
محتاجين نكمل المرحلة الأولى على خير، ونبدأ في المرحلة الثانية، وثقتنا في ربنا كبيرة، ثم في أهل الخير وأصحاب القلوب الرحيمة اللي دايمًا بيكونوا سند في كل عمل هدفه الخير وحماية الناس.
🔹 المرحلة الثالثة: بإذن الله، سيتكفل بها أهل قرية هربشنت الكرام، ودي مبادرة طيبة بنعتز بيها، ونسأل الله أن يبارك في كل من يسعى للخير في كل مكان .
❤️ لسه الحلم مكمل، ولسه الأمل كبير، ولسه محتاجين كل إيد تمتد بالخير.
كل مساهمة، مهما كان قدرها، بتقربنا خطوة من تحقيق هدفنا، وكل جنيه بتتبرع بيه ممكن يكون سبب في استكمال جزء من السور، والمساهمة في حماية طفل.
إحنا مش بنبني سور وبس، إحنا بنسعى لتوفير بيئة أكثر أمانًا لأولادنا، وبنشارك في عمل خير أثره بإذن الله هيفضل موجود لسنين طويلة.
مستنيين وقفتكم مع إولادكم ، علشان نكمل المشوار، ونفرح جميعًا بإنجاز يحمي أولادنا ويحفظ سلامتهم.
🤲 نسأل الله أن يتقبل من الجميع، وأن يجعل كل مساهمة في ميزان حسنات أصحابها.
جمعية شباب الخير في باغوص
للتبرع والتواصل01021026101