(`'·.¸ (`'·.¸*¤* ¸.·'´) ¸.·'´)
***** WELCOME *****
(¸.·'´ (¸.·'´*¤* `'·.¸) `'·.¸)
_________§§§§________$$$_________$$$________§§§§__________
_______§§____§§___$$$$$$$$$___$$$$$$$$$___§§____§§________
______§§__§§____§$$$$$$$$$$$$$$$$$$$$$$$$§____§§__§§______
_____§§__§§__§§_$$$$$$$$$$$$$$$$$$$$$$$$$$$_§§__§§__§§_____
____§§__§§__§§___$$$$$$$$$$$$$$$$$$$$$$$$___§§__§§__§§____
____§§_§_§_§_§_§___$$$
$$$$$$$$$$$$$$$$$$___§_§_§_§_§_§§____
___§§___§_§_§________$$$$$$$$$$$$$$$$________§_§_§___§§___
___§§__§_§_____________$$$$$$$$$$$$_____________§_§__§§___
__§§__§__________________$$$$$$$$__________________§__§§__
__§§§______________________$$$$______________________§§§__
__§_________________________.$_________________________.§__
اسرة الجيل الحر هى عبارة عن كيان طلابى ضخم بينتمى له العديد من الطلبة بكلية هندسة جامعة الزقازيق
احنا مين ؟؟؟
مجموعة من شباب الكلية فى كل الدفعات و الاقسام اهم ما يميزنا اننا من جيل ثورة مصر ... ثورة الشباب
اهدافنا : هى اهداف ثورتنا ........ تغيير ... حرية ... كرامة انسانية
اولها التغيير و بما اننا فى كلية فهدفنا الاول هو تغيير اخطاء منظومتنا التعليمية بس التغير فى الانظمة مش كفاية لازم معاه تغيير عقول علشان كده هدفنا الطالب ... هدفنا المساهمة فى خلق طالب واعى ثقافيا و سياسيا عارف حقوقه و واجباته و حق بلده عليه ... هدفنا خلق روح ايجابيه بين الطلاب ... هدفنا ممارسة و تقديم انشطة مفيدة للطلاب ... هدفنا ممارسة انشطة ترفيهيه تطلعنا من جوه المذاكرة ... هدفنا خلق حالة جيدة فى النقاش و التنافس ... هدفنا استكشاف المواهب و تنميتها
الحرية بقى عايزين حرية رأى و تعبير و الرأى و الرأى الاخر و احترام كل الاراء و إتاحه الفرصة للجميع للتعبير عن رأيه و المطالبة بحقوقه فى كل نواحى حياتنا بداية من دراستنا و عدم سيطرة فكر واحد او اتجاه واحد على حياتنا فالاختلاف و التباين هو اساس الدنيا
انتمائتنا ايه ؟؟؟
بيجمعنا حب بلدنا و رغبتنا فى استكمال مطالب ثورتنا و لكننا لا ننتمى لتوجه معينه فاغلبنا مستقلين و بعضنا اعضاء فى احزاب مختلفة الفكر و التوجه و هو ما يعزز عدم سيطرة تيار معين علينا ولا على افكارنا و قراراتنا ... فافكارنا و قراراتنا نابعة من روح ثورتنا و من توافق اعضاء اسرتنا
عايزين ايه ؟؟؟
عندنا افكار كتييييير و انشطة كتييييير عايزين نوصلها لكل زمايلنا و عندنا شباب عندهم طاقة يعملوا حاجات كتير و نفسنا بجد نشوف مصر احسن و ده مش هيكون الا اذا بدأنا من كليتنا
ايه الفرق بينا و بين اى اسرة ؟؟
الفرق اننا اسرة بجد .. بمعنى اننا مش اسرة على ورق زى اسر تانية كتير .... احنا اسرة الحمدلله فى اول سنة لينا ( و اقل من سنة كمان ) تفاعلنا مع عدد كبير من الطلاب و شاركنا فى حاجات كتير و ده حصيلة الى عملناه
( ما بين امتحانات الميد تيرم للترم الاول ذلك حتى قبل اعلان تاسيس الاسرة رسميا و لغاية اخر السنة )
1- ندوة قوانين العقل الباطن للمدرب المعروف محمد زكريا بالتعاون مع الهندسة للحياة
2- ندوة أ/ خالد تليمة ( عضو ائتلاف شباب الثورة )
3- حفلة اقامها مجموعة من الطلبة الموهوبين فى الرسم و الشعر و الغناء من اعضاءالاسرة و زملائنا فى الكلية فى بداية الترم التانى
4- أول من وزع جداول الامتحانات فى الترم الاول
5- توزيع الجداول الدراسية للترم الثانى , مع توزيع تعريف بينا كأسرة جديدة
6- توزيع جداول لمواعيد سكاشن المعيدين المعروفين فى معظم الدفعات
7- تكريم افضل دكتور و معيد فى كل فرقة وكل قسم بناء على اسفتاء الطلاب على الجروب الخاص بالاسرة
8- تكريم الطلبة الموهوبين فى مجالات مختلفة
9- مسابقات ترفيهيه بين الطلاب سواء فى الكلية او على جروب الاسرة و تكريم الفائزين
10- حملة توعية سياسية على النت للمشاركة فى خلق طالب واعى مدرك بما يدور حوله
11- عرض الفلاشات بأرخص الاسعار والجودة العالية
12- المشاركة فى حملة جمع المليون مصحف
13- توزيع كود شاكر لطلبة الفرقة الثانية مدنى بأااااارخص سعر ممكن
14- توزيع جداول المذاكرة
15- توزيع خصومات على دورات فى مركز نت سكيل
16- المشاركة الفعالة فى حل المشكلات الطلابية و مساعدة زملائنا الطلاب قدر الامكان فى مجال الدراسة او اى مجال اخر عن طريق شرح مناهج او الاجابة على اسئلة او تقديم فيديوهات تعليم للبرامج الهندسة المختلفة.
17- مجلة حائط ثقافية
18- عمل اول و اكبر وقفة احتجاجية على احداث مجلس الوزراء فى جامعة الزقازيق .. انطلقت من امام مدنى و طافت الجامعة فى تعبير سلمى عن الرأى و رفض ما حدث لشبابنا.
19- جمع توقيعات لتغيير جدول الفاينال فى الترم الاول
20- رحلة القاهرة الترفيهيه شاركت فيها الاسرة
21- حجز وتوزيع كتاب الطرق على مجموعة أ بالفرقة التالتة مدنى
22- طبع و توزيع كتاب المساحة بتانية مدنى
23- استضافة حملة المرشح الرئاسى دكتور عبد المنعم ابو الفتوح فى خيمة ضمن فعاليات التوعية السياسية بالمرشحين
24- استضافة حملة المرشح الرئاسى الاستاذ حمدين صباحى فى خيمة ضمن نفس الفاعليات
25- تنظيم رحلة الاسرة للاسكندرية
26- المشاركة مع باقى الاسر و الاتحاد فى وضع اللائحة الطلابية الجديدة
*** ده بالإضافة الى مشاركة الأسرة فى انتخابات اتحاد الطلاب و حصولها على (20%) من المقاعد
و كمان حاولنا فى طرق كتير زى استضافة دكتور عبد المنعم ابو الفتوح و اتلغى بسبب الاحداث المؤسفة الى حصلت فى الجامعة بعد انتخابات اتحاد الطلاب ... و كنا قد اتفقنا مع الاستاذ حمدين صباحى و الدكتور ابو العز الحريرى لكن لظروف اسبوع اجازة شم النسيم و عدم وجود وقت تانى فى برنامجهم لنزول الشرقية تم الغاء المؤتمرين و كنا قد توصلنا لاتفاق مع دكتور ايمن نور لكن خروجه من الانتخابات حال دون ذلك و كذلك اتفقنا مع المرشح الرئاسى خالد على و لكن للاسف صدر قبلها بيويمن قرار منع دخول المرشحين للجامعات
نعدكم بالمزيد و نتمنى مشاركتكم معنا .....
احنا مش مجرد اسرة احنا عايزين نكون بيكم اكبر كيان طلابى فى الكلية و الجامعة كلها فيه شباب هدفهم واحد و عنده روح و طاقة و نشاط.
برنامجنا نقدم ايه الفترة الجاية ؟؟؟
عندنا برنامج شامل لطلاب لزملائنا و اعضاء اسرتنا
1_ ندوات يحاضر فيها متخصوص فى جميع المجالات ( تنمية بشرية , دينية , سياسية , ثقافية , فنية ).
2_ حفلات فنية غنائية شعرية مسرحية يقدمها اعضاء الاسرة فلدينا العديد من المواهب الفنية من اعضاء الاسرة.
3_ حفلات غنائية شعرية يقدمها وجوه مشهورة ( هسيتم طرح الاسماء و نترك الاخيار لاعضاء صفحتنا ).
4_ دورات و كورسات بشهادات معتمدة فى مجالات الهندسة او التنمية البشرية باسعار منخفضة او مجانية.
5_ اكتشاف المواهب و تكريمها و تقديمها لزملائها الطلاب و مساعدتها قدر الامكان فى ايصال موهبتها للناس.
6_ نحاول ان نكون كيان قوى فى الكلية نستطيع من خلاله المطالبة بحقوق الطلاب فى تعليم افضل و معامل افضل و ايجاد سبل التواصل بين هيئة التدريس و الطلاب بما فيه مصلحة الطالب.
7_ عمل العديد من المسابقات بين الطلاب على جروب الاسرة و تكريم الفائزين تكريم لائق.
8_ عمل العديد من الحلقات النقاشية حول الاحداث الجارية بالاضافة الى المشاركة فى تنمية الوعى الثقافى و السياسى لدى الطلاب و عمل جلسات سمر بين اعضاء الاسرة للتعارف و تنمية روح الحب بيننا و كذلك تقبل الراى و الراى الاخر
9_ مساعدة زملائنا الطلاب قدر الامكان فى مجال الدراسة او اى مجال اخر عن طريق شرح مناهج او الاجابة على اسئلة او تقديم فيديوهات تعليم للبرامج الهندسة المختلفة
البرنامج قابل للزيادة طبعا لو حد فيكوا عنده فكرة او حاجة جديدة ممكن يقدمها و نتناقش فيها و نحاول ننفذها
نتمنى مشاركتكم معانا بالمواضيع و الافكار و الانشطة على جروبنا و كذلك المشاركة فى انشطتنا المختلفة فى الكلية
رائد الاسرة: أ.د.م/أحمد اليماني
مقرر الاسرة: م/رنا حسن
لينك الجروب الرسمى
http://www.facebook.com/groups/FreeGeneration/
لينك الصفحة الرسمية
http://www.facebook.com/Free.Generation.youth
