أخضر

22/11/2025

دليلك للنجاة من معجنة البلاك فرايداي 😅

05/11/2025

منتجات صديقة للبيئة رايحة لصاحب جديد
تقعد معاه سنين بيستخدمها عدد لا نهائي من المرات بشكل آمن وصحي

فلسفة المتجر في التغليف: 🌟
☘️ إنه يكون صديق للبيئة، يمكن إعادة تدويره
☘️ صفر نفايات
☘️بسيط وعملي من غير أي إضافات شكلية غير ضرورية
☘️ القيمة الحقيقية هي للمنتجات وليس التغليف المغري

لو لقيت إستيكر ورود وقلوب على الكيس أعرف إن بناتي هما اللي حبوا يشاركوا في عملية التغليف بالتاتش بتاعتهم 😍🤩

تقدر تشوف كتالوج منتجات متجر أخضر
للمنتجات صديقة للبيئة من أول كومنت

وللطلب إبعت رسالة للصفحة أو رقم الواتس أب 🎯♻️

05/11/2025

الموعد الشهري لاستخدام الفوط الصحية 🌿💥
حيث النقع والغسيل والتنشير
والمشروبات الدافئة والقربة السخنة

تجربة الفوط الصحية القماش جزء من روتين شهري لصحة جسمنا
وفطرة ربنا خلقنا بها، مش محتاجين نهرب منها
محتاجين نتأملها ونهدأ رتم حياتنا في وقتها

نتعبد بطرق أخرى غير الصلاة والصيام

أصبحنا وأصبح الملك لله والحمد لله ولا إله إلا الله 🌻
أصبحنا على فطرة الإسلام وكلمة الإخلاص 🌻
🌻رضيت بالله ربنا وبالإسلام دينا وبمحمد صلى الله عليه وسلم نبياً ورسولا

لو محتاجين أي معلومات عن الفوط الصحية وإستخدامها والغناية بها وبجسمنا وقت الحيض تقدري تبلعتلنا رسالة أو تدخلي جروب بيت صغير للنقاش الهادئ الخاص

وحابه أفكركم إن متجر أخضر متبقي فيه عدد محدود من الفوط الصحية القماش
للطلب إبعت لنا رسالة 🎯 🤩

#أخضر

#صحة #بيئة #وعي

22/10/2025

مبادرة هايلة 👏🏼👏🏼

19/10/2025

اسأل عن عروض القطع الأخيرة من كوليكشن الصيف واستنوا الكوليكشن الجديد 🤩

19/10/2025

اسألوا عن عروض القطع الأخيرة من فلاسكات الشرب قبل ما موديلات الموسم الجديد توصل 🤩.

16/10/2025

البنزين غلى تاني ؟ 🥲
ولا يهمكم عرض مخصوص يطبطب عليكم 💚
🥳 عرض يوم الجمعة:
تقدر تجهز شنطتك بمنتجات صديقة للبيئة طول اليوم وتقلل نفاياتك ♻️🌻
*كمل البوست للأخر لتفاصيل العرض والسعر*

- مج حراري لزوم قهوة الصبح والفوقان 👯🏻‍♀️
- لانش بوكس ستانلس لزوم التوفير مش كل يوم هنفطر من عند عم زغلول 🤷🏻
- بعد الأكل سواك في جرابه الخشب في الشنطة لزوم نظافة الأسنان 🙈
- لو حسيت ان كده الشنطة بقت ثقيلة تقدر تأخد معاك كوب ستانلس قابل للطي وتشرب من أي سبيل عادي جدا، مفيش أحلى من مياه الصدقة، ومتنساش تقول بسم الله 💚

🎯 تفاصيل عرض الجمعة:
- مج حراري سعة 115 ملل
- لانش بوكس ستانلس
- سواك بجراب خشب طبيعي
- كوب ستانلس قابل للطي
💥🌿 كل ده بسعر 950 جنيه
وجمعة مباركة عليكم

للطلب أبعت لنا رسالة 🤩

#بيئة #وعي #أخضر
#صحة

13/10/2025

الجزء الثالث و الأخير للتعريف بالحفاضات وفيه لينكات مهمة جدا ..قراءة مفيدة 💚🌿

12/10/2025

الجزء الثاني من سلسلة تعريفنا بالحفاضات القماشية، انتظروا الجزء الثالث و الأخير غدا ان شاءالله
شاركوا البوست وعرفوا أصدقائكم بالكنوز المجهولة دي 🥰

نكمل باقي اسئلة الحفاضات القماش ^_^

4- ليه اصلا بنستخدم حفاض قماش؟♻️🚼
الموضوع له بُعد الحفاظ علي البيئة وتقليل النفايات والاستغناء عن حاجات لها بدائل طبيعية
و بُعد له علاقة بفائدة الحفاض القماش للطفل لانها بتخليه يشعر بالبلل وبعملية الاخراج بشكل عام طبعا مع بعض التوجيه من الأم اثناء ذلك
🤝 بالتالي انصح اي حد حاجة يستخدم الحفاضات القماش يطلع على حاجة اسمها "Elimination communication " اللي هي بالعربي كده انك بتعودي الطفل على دخول الحمام من عمر صغير لان ده في فطرة خلقهم انه بيحب يكون نظيف واي طفل بيعمل اشارات بتوضح احتياجه ودور الام انها تلقط الاشارة، فبمجرد ما بيتم توجيه وتعويده على الحمام بيكون عارف انه بيعمل حمام في الحمام مش في الحفاض وده بيلزمه وقت ومجهود مش يوم وليلة .
وعموما ده بيوفر مجهود تنظيف الحفاض من البراز.
هحط في اللينكات جروبات مهمة للي حابب يعرف أكثر عن الموضوع.

5- نغير كام مرة في اليوم؟ 👀
في الصيف من 4-5 مرات تقريبا
في الشتاء من 5- 6 مرات

** بنحتاج كام حفاض 🚼
عندي حاليا 12 حفاضات من مختلف الاشكال اللي في الصورة في حاجات منهم مخصصة للبيت وحاجات للخروج
مع العدد ده لازم نعمل غسلة كل يوم عشان يلحقوا ينشفوا لتاني يوم
في الشتاء او الايام اللي بخرج فيها كثير ومش بلحق أغسل بسرعة لقيت ان الحشوات بتأخد وقت طووووويل جدا على بال ما تنشف فأضطريت ازود عدد الحشوات اللي عندي لان الجراب بينشف بسرعة
فأنصحكم بزيادة عدد الحشوات جدا جدا في الشتاء او لو بتخرجوا كثير كذا يوم ورا بعض

6- بنعمل ايه اثناء الخروج؟ 💩
خلاص عرفنا احنا معدل التغيير بتاعنا كل كام ساعة وبنحتاج في اليوم كام حفاض
فعلي حسب الخروجة بتاعتنا بأخد حفاضات نص يوم ولا يوم كامل وهكذا لو يوم كامل بأخد معايا 4 -5 حفاضات بالحشوات وكيسة عازلة للروائح والرطوبة او البديل كيس بلاستيك مخصص لذلك ..
كله في جيب مخصص لهم في شنطة الظهر مع بنطلون غيار احتياطي
- بعد التغيير بلف الحفاض على بعضه عشان الروائح تكون مكتومة قدر الامكان، في حالة البراز بحاول انزله في التواليت بس اذا لم أفلح بلف الحفاض زي ما هو بردوا وفي الشنطة المخصصة ثم في شنطة الظهر لحد ما نروح
طبعا لو مشوار طويل لا انصح انك تحطي في نفس جيب الحفاضات اي حاجة ولا تفتحيه الا للضرورة لن الروائح بتصبح نفاذه ☢️
** وفي حاجة بقي اسمها diaper liner roll ده عبارة عن شيت كده شبه الشاش او المناديل المبللة بس مش مبللة بيتحط على الحفاض بحيث في حالة البراز بيترمى زي ما هو

7- هل الامر مرهق؟ 🥺💪
والله وفي الواقع اه ولا في نفس الوقت
بالتأكيد مش في راحة حفاض بيترمي ويتنسى أمره، لكن بالنسبة لي الاسباب اللي ذكرتها فوق كافيه خاصة لما تعرف اضرار الحفاض البلاستيك سواء على البيئة او على جلد الطفل في حالة الالتهابات او عدم التعود السريع على دخول الحمام
بالتالي ده اصبح جزء من روتين يومنا غسيل الحفاض وتنشيره واننا نشكر ربنا على نعمة الشمس كل يوم!
في ايام الواحد بيكسل بس بضطر اقوم والا مش هلاقي حفاض وهنغرق كلنا

8- انواع الحفاضات ؟ 🧐
الجراب زي اللي في الصورة كده عبارة عن طبقتين واحد عازل والتاني خامة طبيعية بتمتص السوائل وبتبقي هي ناشفة عشان جلد الطفل ميحسش بالبلل طول الوقت - أفضله بشده عشان النقطة الاخيرة دي

النوع الغطاء بيكون عبارة عن طبقة العازل فقط - اللي بالمناسبة في النوعين بتكون خامة مسامية بتسمح بتهوية جيدة لمؤخرة الطفل - وبنحط فيها احنا بقي اي حشوات عايزينها بس لازم نكون حريصين انها تكون انواع طبيعية زي القطن او البامبو ومعدل الغيار بيكون اكبر شويه لان البلل بيكون على الطفل مباشرة

9- انواع الحفاضات في السوق المصري؟ 💸💰
في نوعين واحد جراب والتاني غطاء
في الصورة من اليمين
- ده اندر اطفال مشمع كنت لقيته في LC هو مش حفاض هو لتعويد الاطفال على الحمام بس انا بحط فيه حضوات وبستخدمه في البيت كحفاض بيقعد ساعة ونص حد اقصي

- نوع حفاض صيني كان ب 45 تقريبا وموجود في جروبات على الفيس بوك اللي يعرفهم يحط اللينك بتاعهم في التعليقات
كويس بانسبة لي في البيت بس مقاسه صغير، ومفيش كباسين للتحكم في منطقة حول الفخذ
بيقعد ساعة نصف تقريبا

- نوع ديمو بس ده مش في الصور لاني بطلت استخدمه بس هو في السوق بردوا 70-80 جنيه تقريبا
اقرب نوع في المقاس للنوع المستورد بس دايما فيه عيب جوهري انه بعد الاستخدام بفترة الخامة العازلة بتبوظ تماما وبيسرب من كل حتة

- النوع المستورد - اخر واحد في الصورة بيكون له كذا اسم ألفا بيبي - ويجريكو الفروق بينهم في الحشوات بس
المقاس من وزن 3.5 - 15 كيلو وده متوسط عمر الاطفال من اول الولادة لحد سن سنتين تقريبا
بنتحكم في المقاس بالكباسين حول الوسط والفخد والحجر
سعره بيكون من 170- 200 جنيه تقريبا وبيكون مع الحفاض الواحد حشوة او 2 حسب النوع

هنكمل باقي الاسئلة دي في اقرب وقت ان شاء الله 😁😅
10- انواع الحشوات ومميزات وعيوب كل ننوع؟
11- بنعمل ايه في الغسيل وخاصة الستول؟
12- لينكات مهمة خاصة بالحفاضات القماش

لو عندك اي استفسار أخر ابعتيلي على طول 💪😍
متنسيش تعملي شير للمهمين المهتمين 🤰🤱


#أخضر

11/10/2025

رغم أننا مش بنوفر حفاضات قماش حاليًا ،
لكنها من أهم المنتجات اللي ليها أثر حقيقي على صحة ولادنا وعلى البيئة من حوالينا ، و بتوفر في المصروف بشكل رهيب.
هننشر خلال الثلاث أيام دول سلسلتنا عن التعريف بالحفاضات و طرق استخدامها والعناية بيها
تابعونا و شاركوا المحتوى مع أصدقائكم

-الحفاض عبارة عن ايه؟
جزءين حشوة/ فوطة تمتص السوائل -خمس انواع- ، وجراب او غطاء عازل لمنع التسريب من خامة مصنعة مخصوص انها تساعد في تهوية المؤخرة، والجزء الابيض في حالة الجراب عبارة عن خامة طبيعية مسموح تلامس جسم الطفل بتمتص السوائل بدون ما تخلي الجلد يحس بالرطوبة. ✌️

2- تصمد مدة قد ايه؟ 💪
حد أقصي 2-3 ساعات على حسب عدد الحشوات، وممكن اكثر على حسب طبيعة كل طفل، والجو كمان يعني في الشتاء والسقعة ممكن ساعة ونصف
الطبقة العازلة ده الحد الاقصي بتاعها وبعدها بيبدا يكون في نشع بسيط من الجوانب
2-3 ساعات بشكل عام وقت كويس عشان نحافظ على جلد الطفل بدون ألتهابات
وفي حالة وجود ستول يفضل التغير مباشرة خاصة في الاطفال حديثي لولادة 😷🦸‍♀️

3- وقت النوم بنعمل ايه؟ ⏳
بفرض الطفل بينام 11 ساعة من 9 بليل لحد 8 صباحا
مبدأيا حسب طبيعة الطفل، لكن الحفاض القماش بحشوتين بامبو ممكن يصمد طول 11 ساعة مع التغيير مباشرة بمجرد الصحيان
شخصيا أفضل التغيير مرة في أول الليل يعني على 12 كده تقريبا خصوصا في الشتاء معدل الحمام بيكون أزيد
#أخضر akhdarcommunity #

09/10/2025

عارف إيه الفرق بين السواك اللي بيتباع في كل حتة والسواك الحقيقي اللي فعلاً ينفعك؟ 😏

السواكات اللي في السوق أغلبها منقوعة في مياه ومواد حافظة، ريحتها شكلها حلو… بس أول ما تستخدمها يومين تلاقيها بتـفرول وتـعطن، وتفقد كل فايدتها 😩

أما السواك عندنا فـده قصة تانية خالص 🌿
🔥 أبو حنش الحار ، عصاره فعّالة بتقتل البكتيريا الضارة وتساعد على الهضم كمان!
وكل المسواكات عندنا من نفس الجودة والطعم والرائحة العطرية الجميلة 💚

عشان نحافظ عليه، بنخزنه بطريقة طبيعية:
❄️ في التلاجة أو
🪵 في جراب من خشب الزيتون المقاوم للرطوبة
وده بيخلي المسواك يفضل طازج ورطب لأكتر من أسبوع كامل!

يعني باختصار…
مش مجرد سواك 👌
ده طقوس نظافة، وريحة طيبة، وراحة نفسية… وكل ده من غير نقطة مواد حافظة واحدة!

🎁 وعلشان تجرب بنفسك الطعم والفوايد، عاملين عرض خاص محدود لفترة قصيرة جدًا ⏰

ابعتلنا حالاً على رسائل الصفحة أو من خلال الواتساب في أول كومنت

09/10/2025

🌿 أهلاً بيك في مجتمع أخضر 💚
لو لسه جديدة أو جديد معانا، تعالى نعرّفك علينا ببساطة...

إحنا مجتمع بيؤمن إن الجمال في البساطة، وإن كل خطوة صغيرة نعملها تقدر تخلّي حياتنا – وحياة أولادنا – أنضف، أوفر، وأهدى.
هدفنا إننا نعيش بأسلوب حياة واعي... نقلل فيه الهدر، نعيد استخدام اللي عندنا، ونختار أدوات مستدامة تحافظ على صحتنا وصحة أولادنا 🌍.

بنشارك معاكم أفكار ونصائح عملية، ووصفات وطرق إعادة تدوير بسيطة تقدروا تطبقوها بسهولة في البيت أو الشغل أو الحياة اليومية.
بنؤمن إن التغيير الحقيقي بيبدأ مننا إحنا، بخطوات صغيرة لكنها بتفرق كتير مع الوقت.

ومن خلال جروبنا “بيت صغير أخضر” 🌱
هتلاقي مساحة حقيقية آمنة للنقاش، تبادل التجارب، وسماع أفكار ناس عملية من غير مزايدات أو كلام غير واقعي

📩 انضم لجروب بيت صغير أخضر من هنا : https://www.facebook.com/groups/1552548814823915

وهتلاقي هنا كتالوج المنتجات المستدامة اللي بنوفرها بأسعارها ومواصفاتها :
wa.me/201551131301

📎 وهتلاقي كمان في الكومنتات :

كل اللقاءات اللي اتعملت معانا وتعرف أكتر بينا

💫 لأن كل تغيير كبير... بيبدأ بخطوة صغيرة.

لو مؤمنين برسالتنا انضموا لينا و شاركونا خبراتكم و أفكاركم
و شاركوا محتوانا مع غيركم