EUPTS PUA

07/12/2020

خمس سنين من النجاح ❤️🙏

‏ 🎂🎈🎉
‏ 👏
‏ ❤

‎من بداية شهر 3 سنة 2015 بدأ العمل على الاتحاد المصري لطلاب العلاج الطبيعي وإنشاء مستندات رسمية قوية تحافظ وتدعم وجوده واستمراره
‎وفي يوم الجمعة 2015/12/4 حصل الاتحاد على إفادة بدعمه
‎وفي يوم 2015/12/7 تمت اول أعمال الاتحاد على أرض الواقع بإنشاء الجمعيه العلميه واول فرع مكتب اتحاد في كليه علاج طبيعي جامعة كفر الشيخ EUPTS kfs

وفي اخر عام 2016 تم فتح التسجيل في الاتحاد بشكل مباشر من خلال ال working groups للسماح بوجود اعضاء من مختلف الجامعات من قبل انشاء الفروع في
كلياتهم

وفي عام 2017 تم انضمام جمعيات علميه للإتحاد في جامعة دراية وفاروس EUPTS PUA EUPTS DUM

وفي عام 2018 تم تكريم الجمعيه العلميه في كفر الشيخ على اكبر حملة توعية في اسبوع العلوم المصري عن حملة reflection وتم انضمام الجمعيه العلميه في جامعة حورس EUPTS HUE

وفي عام 2019 تم انضمام الجمعية العلمية في هيليوبوليس EUPTS HU وشراكة الاتحاد مع شركة P&G في مصر لعمل تدريب عن ال Ergonomics في الشركة وتم تنصيب الدكتور علاء بلبع رئيس شرفي للإتحاد ❤️

وفي عام 2020 تمت مشاركة الاتحاد في مبادرة شباب مصر للتوعية عن ال Covid-19 بالشراكة مع نظير الاتحاد
EPSF - Egyptian Pharmaceutical Students' Federation
IFMSA- Egypt
ENNSSA-Egypt
تحت رعاية المعهد القومي للإسكان واليونسيف
وانضمام اجدد افراد العائلة وهي الجمعية العلمية في جنوب الوادي South EUPTS

‎ولذلك فاليوم السابع من شهر ديسمبر هو اليوم الرسمي للاحتفال بإنشاء الاتحاد المصري لطلاب العلاج الطبيعي "EUPTS"

‎ونأمل بالإحتفال بهذا اليوم لسنين عديده وبمزيد من الخدمه لمجال العلاج الطبيعي 💪

‎" شاركنا الاحتفال بهذا اليوم من خلال الصورة الشخصية وهاشتاج "

🎂🎈🎉
👏
❤

05/08/2020

التعريف بأقسام كلية العلاج الطبيعي 👏🏽

البوست السنوي للتعريف بأقسام العلاج الطبيعي 👏🏽

ناس كتير فاكرة ان العلاج الطبيعي شغله واحد و مقتصر علي حالات بسيطة و ماسمعتش عن اقسام للعلاج الطبيعي .. ايوة العلاج الطبيعي فيه اقسام .. طب ايه هي الأقسام ديه ؟ هما 8 أقسام ركز معانا كده:-
1) قسم العلوم الأساسية للعلاج الطبيعي
و يختص هذا القسم بترسيخ أساسيات العلوم الطبية؛ مثل التشريح، وظائف الأعضاء، علم الأنسجة، وعلم الأمراض، ومن ناحية أخرى يضع للطالب أساسيات وسائل العلاج الطبيعي مثل التمارين العلاجية، والعلاج الكهربي، والعلاج المائي.

2) قسم الميكانيكا الحيوية
- تختص بدراسة و تحليل الحركة .. و القسم ده مهم جدا في الشغل علشان بيميز دكتور العلاج الطبيعي الشاطر لان من خلاله ممكن تعرف المريض اللي داخل عليك عنده ايه من غير ما تكشف عليه من خلال تحليلك لحركته.

3) قسم العلاج الطبيعي لأمراض الباطنة و المسنين
بيهتم بأمراض القلب والأوعية الدموية والصدر و بيشمل كذه وحدة:-
- وحدة العلاج الطبيعي لأمراض الباطنة والقلب والصدر.
- وحدة العلاج الطبيعي للمسنين.
- وحدة العناية المركزة.

4) قسم العلاج الطبيعي لأمراض النساء و التوليد وجراحتها
- بيعالج بعض الامراض اللي بتظهر اثناء الحمل زي الlow back pain.
- بيعالج كتير من الامراض زي تكيس المبايض و مشاكل الطمث .. الخ
- بيحافظ علي صحة المرأة اثناء الحمل و تاهيلها بعد الحمل.

5) قسم العلاج الطبيعي للأمراض العصبية و جراحتها
- بيعالج انواع مختلفة من الشلل سواء شلل نصفي hemi plegia او شلل رباعي quadri plegia ..الخ
- بيأهل بعض المرضي ذوي الاضطرابات النفسية.

6) قسم العلاج الطبيعي للجراحة و الحروق و التجميل
ليه كذا دور مهم
- تجهيز المرضى بدنيًا ونفسيًا للعمليات الجراحية.
- اعادة التأهيل بعد العمليات.
- منع تيبس المفاصل وتكون الندوب و الانكماشات الجلدية.
- تحسين عملية إلتئام الجروح والحروق وتخفيف الآلام.

7) قسم العلاج الطبيعي لاضطرابات الجهاز العضلي والحركي
- يهتم بامراض كتير منها خشونة المفاصل، وآلام الظهر، الانزلاق الغضروفي، وكذلك تأهيل المرضى بعد الكسور والجراحات.
8 ) قسم العلاج الطبيعي لأمراض الأطفال وجراحتها
- و ده قسم بيهتم بعلاج امراض الاطفال المختلفة و بعض الامراض ديه ملهاش علاج غير من خلال العلاج الطبيعي زي الشلل الدماغي CP و كمان علاج ملخ الولادة Erb’s palsy.
- يعتبر من اهم اقسام العلاج الطبيعي.

و بكده نكون خلصنا الاقسام بتاعة الكلية و لو فيه اي اسئلة هيتم الرد في الكومنتات .. اعمل see first للبيدج علشان يوصلك البوستات اول باول

by: Moaid elzarka

وللتذكير فروع الإتحاد هي :-
EUPTS kfs
EUPTS DUM
EUPTS HUE
EUPTS PUA
EUPTS HU
EUPTS SUV

09/08/2018

نيجي بقي للكلية من حيث نظام و سنين الدراسة و مميزات الكلية و المجال ككل نوعية المرضي اللي هتتعامل معاها بعد التخرج.. 💡💡

نظام الكلية :

🔅 الكلية 6 سنين : 5 سنين دراسة وسنة امتياز .. أول سنتين نظرى وسنة ثالثة بتبدأ تنزل مستشفيات وتكمل المواد الأساسية وسنة 4-5 كلهم روندات وعملى ومستشفيات

🔅المواد 3 أنواع : مواد طبية الى هى مواد الطب البشرى بس بشكل اقل شوية - مواد العلاج الطبيعى - المواد التكميلية زى علم الاجتماع وعلم النفس وعلوم الادراة وغيرها

مميزات الكلية والمجال :

1- عدد الخريجين قليل على عكس طب وصيدلة ✅

2- كويسة للناس الى مبتحبش الجراحة والأدوية وبتحب الفيزياء والميكانيكا

3- فيها تخصصات كتير على عكس مثلا صيدلة او اسنان ✔

4- مصر هى الرائدة فى العلاج الطبيعى فى الوطن العربى 💪

5- العلاج الطبيعى فى أمريكا طبقا لموقع U.S News فى سنة 2015 كان هو المهنة رقم 6 بين أفضل 100 مهنة فى أمريكا وانه رقم 5 فى نفس السنة بين ال Healthcare jobs وانه من أعلى المهن فى العائد المادى فى 2015 فى تصنيف الولايات المتحدة 👌

💡💡مين_المرضى_الى_هتعامل_معاهم_هنا ؟!

- غالبا اما شغل بالغين ودا حالات العظام والأعصاب بأنواعها

- أما شغل اطفال المعاقين غالبا

- أما بتاخد بعض الدبلومات زى التغذية العلاجية وتقدر تشتغل فى المجال دا

الامتياز,التكليف والشغل : الامتياز دا بتاخده فى محافظتك او القاهرة على حسب رغبتك وبتشتغل بأجر رمزى - التكليف دا كل الدفعة بتتعين على حسب رغباتك وتقديرك ولازم تاخد السنتين دول وبتشتغل بأجر طبعا



تنسيق الكلية : الكلية غالبا بتاخد من حوالى 95.5 : 98 على حسب ظروف التنسيق وهى من كليات القمة فى مصر

عدد الكليات : 11 كلية 7 خاص و4 عام

الفترة الجاية هنكلمكوا اكتر عن بعض المواد الاساسية اللي هتحتاجوا تخدوا فكرة عنها قبل بداية الدراسة 📖📖

06/08/2018

هنبدأ من انهردا ان شاء الله نتكلم بالتفصيل عن كلية العلاج الطبيعي و عن مهنة العلاج الطبيعي و نحاول نغطيها من كل الجوانب اقسام الكلية و نظامها و حتي المواد بتاعتها عشان نقدر نفيد اكبر كم من الطلبة الجدد المنضمين للكلية او الطلبة اللي عاوزة تتعرف علي الكلية بشكل اعمق شوية... 🔬🔬
العلاج الطبيعى Physical Therapy or 💡💡physiotherapy : وهو مجال من ضمن المجالات الطبية الموجودة فى مصر الى بتقيم وتعالج كتير من الأمراض المختلفة او بتصلح اى خلل موجود فى الجسم سواء الخلل دا فى الحركة او الوظائف المختلفة وكمان تعمل وقاية للانسان السليم وتحسن من صحة الأفراد ومش بس كدا بيحاول يرجع الانسان الى عنده اعاقة لحياته الطبيعية عن طريق عملية التأهيل
هو الطب بطعم الفيزياء والميكانيكا هو كلية طب مع كلية علوم هو علاج الألم بدون ألم .
وسائل العلاج الطبيعى :
◾ العلاج اليدوى Manual Therapy : عبارة عن حركات دقيقة ومعينة (انت بتعملها بايدك) للمريض بهدف العلاج بناءا على علوم طبية زى علم التشريح والفسيولوجى والميكانيكا الحيوية وغيرهم
◽ التمارين العلاجية Therapeutic Exercises : عبارة عن مجموعة من التمارين برده قائمة على مواد طبية زى علم الحركة وعلم فسيولوجى التمارين والميكانيكا والتشريح وغيرهم
◾ الوسائل الفيزيائية Electrophysical Modalities : زى العلاج بالحرارة والتبريد والصوت ( موجات فوق صوتية وموجات تصادمية ) والضوء ( الليزر والأشعة فوق البنفسجية ) والاشعاعات الكهرومغناطيسية والعلاج المغناطيسى والعلاج المائى ( زى مبادىء ارشميدس وباسكال والضغط ) والتنبيه الكهربى والضغط والأكسجين والأوزون
◽غير استعمال الأطراف الصناعية والأجهزة التعويضية والجبائر وبعض الأدوات لمساعدة المعاقين

أقسام العلاج الطبيعى فى مصر و أشهر الأمراض : 📖📖
✒العلوم الأساسية للعلاج الطبيعي : بيدرس المواد الأساسية للعلاج الطبيعى زى العلاج الكهربى والمائى والتمارين العلاجية والعلاج اليدوى وغيرها وبيشرف على مواد طب الأساسية زى التشريح والفسيولوجى والهستولوجى والبيوكمسترى وغيرهم
✒الميكانيكا الحيوية : بيشرف على تدريس علم الميكانيكا الحيوية وعلم الارجنوميكس وهو علم دراسة علاقة الانسان بالآلات
✒ العلاج الطبيعي للجراحة ( وحروق وجلدية وتجميل ) : ودوره تأهيل قبل وبعد الجراحات العامة وتأهيل مرضى الحروق .. وعلاج كتير من مشاكل الجلدية باستعمال أحدث الوسائل زى الصدفية وحب الشباب وتساقط الشعر والاكزيما والبهاق
✒ العلاج الطبيعي لأمراض الجهاز الدوري التنفسي والمسنين . ( الباطنة ) : فى تخصص الصدر وهنا بيدخل دورنا فى امراض زى الربو وكمان تخصص القلب وتأهيل المرضى بحيث يرجعوا طبيعين بأكبر قدر بعد عمليات القلب .. وتأهيل المسنين زى مشاكل الاتزان وهشاشة العظام .. وعلاج وتأهيل مرضى الأوعية الدموية زى الدوالى ومرض رينود .. وبعض أمراض التمثيل الغذائى زى السكر والضغط والامساك من خلال نظام غذائى معين وبرنامج تمارين محدد وبعض الوسائل الحديثة لعلاج المضاعفات وتأهيل المرضى
✒العلاج الطبيعي لأمراض النساء والتوليد. ( صحة المرأة ) : متابعة الحمل وتقليل آلام الحمل وبعض المشاكل الى بتقابلها الأم زى متلازمة النفق الرسغى Carpal tunnel syndrome واثناء الولادة فى بعض اجهزة العلاج الطبيعى الى بتساعد على ولادة آمنة وبعد الولادة وهو تخفيف مشاكل بعد الولادة وتأهيل الأم .. غير علاج بعض مشاكل النساء زى تكيسات المبايض والسلس البولى .. وانقطاع الطمث وسقوط الرحم وغيرها
✒ العلاج الطبيعي لإضطرابات الجهاز العضلي الحركي وجراحتها. ( العظام ) : تأهيل الكسور وتأهيل بعد عمليات العظام زى عمليات استبدال المفاصل وعلاج مشاكل الرقبه والعمود الفقري ومشاكل المفاصل زى زى التهابات مفصل الركبه واصابه اربطة الركبه والغضاريف ومشاكل الظهر زى الانزلاق الغضروفي والام الظهر والديسك والتهابات المفاصل بين فقرات الظهر وغيرها
✒ العلاج الطبيعي لاضطرابات الجهاز العصبي العضلي وجراحتها. ( الأعصاب ) : تاهيل مرضي السكته الدماغيه ومن اشهر الحالات الشلل النصفي وباقى الشلل بانواعه والشلل الرعاش والشلل الوجهى
علاج الامراض المتعلقه بالاعصاب الطرفيه للجسم Peripheral nerve diseases وأمراض أخرى زى التصلب المتعدد Multiple sclerosis
✒ العلاج الطبيعي لاضطرابات مراحل النمو والتطور وجراحتها عند الأطفال. ( الأطفال ) : يتهم باكثر مرض يعتبر ملوش اي علاج غير العلاج الطبيعي وهو الشلل الدماغي cerebral palsy .. وأعداد الأطفال المعاقين فى مصر بالملايين وكمان حالات تانية زى ملخ الولادة Erb's palsy
وحالات الداون
✒فى تخصصات تانية زى : اصابات ⚽⚽الملاعب Sports Injuries - الأورام والرعاية التلطيفية Polliative Care and Oncology - العلاج الطبيعى والطب النفسى والمشاكل العقلية - العلاج الطبيعى وأماكن الوخز بالابر - التخصص فى الوسائل الفيزيائية ورسم العضلات والأعصاب والتشخيص الكهربى أو وسائل العلاج اليدوى والتمارين العلاجية المختلفة - العلاج الطبيعى للحيوانات - غير بقى مجال البحث العلمى..
كدة خلصنا كلامنا عن ايه هو العلاج الطبيعي و اقسامه .. بوستات تانية هنتكلم فيها عن طرق الدراسة ف الكلية و المواد و ما بعد الكلية 💯

28/04/2018

تحسن حالة شلل دماغي بالعلاج الطبيعي ❤❤
العلاج الطبيعي قادر علي اعادة البسمة لاصحابها .. 😉

27/04/2018

انهردا هنكلم عن مرض جديد و هنتكلم عن تفاصيله و اعراض و هو الشلل الدماغي 📝 📙 .. .........طب ايه هو الشلل الدماغي (Cerebral palsy) ✋ هو اسم عام وشامل للنتائج المترتبة عن خلل أو ضرر في دماغ في طور النمو, يسبب الشلل الدماغي درجات مختلفة من الاضطرابات في قدرات الطفلالحركية وفي أدائه 🚼, الاضطرابات الحسيّة (في الحواس) مثل الصمم والعمى, تأذي مستوى الذكاء واضطرابات في عمل الأعضاء المختلفة في الجسم.

طب امتي ممكن يبدأ الخلل ده ?? 👇😳

هذا الخلل في الدماغ قد يحدث خلال فترة الحمل, خلال عملية الولادة أو خلال فترة ما بعد الولادة, حتى سن 5 سنوات. ولا يتغير خلل الدماغ، المسمى الشلل الدماغي (Cerebral palsy)، مدى الحياة كلها, لكن تأثيراته الجسدية تتغير مع النمو. ويشكل الشلل الدماغي المسبب الأساسي لإعاقات الأطفال وتبلغ نسبة انتشاره نحو 1/400 (أي: واحدة من بين كل 400 ولادة لمولود حيّ). ▪▪▪وهناك ثلاثة أنواع أساسية من الشلل الدماغي يجري تصنيفها، عادة، طبقا لصورة الاضطراب في الحركة: الشّناج/ فرط التوتر التشنّجي (Spasticity), الكـَنـَع/ حركات موجية مستمرة في الأطراف (Athetosis) والرَّنـَح/ فـَقـْد الانتظام (Ataxia).

⬛ الشلل الدماغي تشنجيّ (Spastic): هذا هو الشكل الأكثر انتشارا للمرض. يتميز الشلل الدماغ التشنجيّ بتوتر شديد في العضلات, يترتب عنه خطر انخلاع المفاصل, تشوه العظام, الجَنـَف (Scoliosis) وتشوه كفتي القدمين وكفي اليدين.
⬜ الشلل الدماغي مكنوع (Athetoid): نجد لدى الأطفال المصابين بهذا النوع من الشلل الدماغي حركة لاإرادية مستمرة في الأطراف واضطراب في تنفيذ حركات إرادية (مقصودة) تسبب، أحيانا، صعوبة في المشي.
⃣ الشلل الدماغي الرنحي (Ataxia): هذا الشكل من المرض أقل انتشارا ويتمثل في انعدام التوازن وعدم السيطرة على الحركات في الحيّز. يسير الأطفال المصابون بشلل الدماغ الرنحي بحركات غير منتظمة, مترددة ويسقطون كثيرا.

امتي نقدر نشخص الحالة دي علي انها اصابة بشلل دماغي ?? 😱

يتم تشخيص الشلل الدماغي (Cerebral palsy)، بشكل عام، خلال السنة الأولى من الحياة. العَرَض الأول الذي يظهر، في الغالب، هو تأخر في النمو والتطور, اختلاجات (Convulsions) أو توتر شديد في العضلات يدل على الشناج (Spasticity). ومن الممكن تشخيص الفالج التشنجي (Spastic hemiplegia) لدى طفل يُبدي ميولا تحكّميّة (سيادة) قبل سن سنتين. عند ظهور الشك بوجود شلل دماغي، يفضل التوجه إلى التشخيص والعلاج لدى طاقم مؤلف من: طبيب أطفال اختصاصي بنماء الطفل وتطوره (Child development) أو بالتأهيل (Rehabilitation), جَرّاح تقويم العظام للأطفال (Orthopedic), معالج فيزيائي/ أخصائي العلاج الطبيعي (Physiotherapist), مُعالج مهني (Occupational therapist), أخصائي علاج النطق واللغة (Speech - language therapist), عامل اجتماعي (Social worker) واختصاصي بعلم النفس (Psychologist).

البوست الجاي هنكلم بالتفصيل عن دور العلاج الطبيعي ف التعامل مع حالات الشلل الدماغي خاصة للاطفال 😉.

22/04/2018

السلام عليكم ..✋
ان شاء الله هنبدأ نتكلم كل فترة عن مرض معين و نستوفيه و نحاول نوضحه باسبابه و اعراضه و ايه هدف العلاج الطبيعي ف التعامل معاه...📝📙
انهردا هنكلم عن اهم اصابات المفاصل و اللي هي تعتبر من اكتر الاصابات اللي بتقابل دكتور العلاج الطبيعي ف عيادته و بيكون واجب عليك انك تتعامل معاها فورا باحترافية لان في لحظة الاصابة بيكون الالم شديد جدا جدا ...🔬
اول مفصل هنتكلم عنه هو مفصل الكتف (shoulder joint) و خلع مفصل الكتف (shoulder dislocation)
بيحصل لما تنفصل عظمة العضد (humerus( عن عظمة لوح الكتف (glenoid cavity of scapula) فيمفصل الكتف. يتميز الكتف بمدى واسع من الحركة أكبر من أي مفصل آخر، و ده بيخليه أقل ثباتا وأكثر عرضه للخلع الجزئي والخلع الكامل. يمثل خلع مفصل الكتف مايقرب من نصف حالات خلع المفاصل في أقسام الطوارئ الطبيةبالمستشفيات و يتعرض له عدد كبير من الناس خاصة اللي بيمارسوا رياضات عنيفة فيها التحامات و تداخل جسدي زي كرة القدم و كرة اليد و العاب القوة.
*******
طب ايه اعراضه 😮 و امتي اقول ان اللي قدامي ده في شك كبير ف خلع ف الكتف :
🇦- الم واضح و شديد ممكن يوصل لوجع فالدراع كله بطوله كله.
🇧- تنميل ف الدراع.
🇨- من الوارد ان يكون الخلع مرئي و تشوفه بعينك لدرجة ان ممكن تشوف head of humerus متحركة ناحية الترقوة clavicle.
🇩- عدم الاحساس بالعظام حولين مفصل الكتف.
🇪- ان يكون المريض عنده تاريخ من الاصابات "history of trauma".
🇫- ان يكون المريض عنده recurrent sublaxation او dislocation يعني عنده تجدد لخلع الكتف او مرونة زايدة عن الطبيعي و ده بيحصل ف حالات ال labrum tear اللي بتصيب head of humerus .
*********
انواع الخلع :
في 3 انواع اساسية لخلع الكتف و هم : ّ
الخلع الامامي (anterior dislocation) :
- يمثل 95% من خلع الكتف.

- عادة تسببها ضربة مباشرة إلى االذراع أو الوقوع على ذراع في وضع مستقيم.

- المريض عادة بيشيب الذراع المصاب بذراعة الاخر.

- المريض يكون غير قادر على رفع ذراعة المصاب خاصة اما يكون الدراع عامل زاوية اكبر من 15 درجة عن الجسم.

2- الخلع الخلفي (posterior dislocati

- المريض يحمل عادة ذراعه بصوره دائرية اللى الداخل والعضلات المحيطة بالكتف تضعف ايضا

- هذا النوع سببه غير معروف ويحدث عادة لدى كبار السن.
**معلومة مهمة هو دايما بيحصل ف حالات ال seizures (الصرع)

3- الخلع السفلي inferior dislocation :

يمثل 1% حيث انه اقل حدوثا من الانواع الاخرى.

- دايما المصاب بيشيل ذراعه إلى الاعلى اسفل الرأس.

- هذا النوع يصاحبه اضرار بالغة كاصابة الشرايين ،الاعصاب ، اوتار العضلات ،الاربطة حسب طريقة الاصابة و عشان كدة رغم ندرة حدوثه الا انه يعتبر اخطر انواع خلع الكتف !🚫
هدف العلاج الطبيعي في التعامل مع حالات خلع الكتف :
- ايا كان وصلت حالة الاصابة لعملية جراحية او تم رد الكتف عن طريق دكتور العلاج طبيعي ف من الطبيعي هيتم وضع الكتف في جبيرة لفترة تتراوح من اسبوعين ل شهرين و الفترة دي هتكون فترة عدم حركة و ثبات في الكتف (immobilization) و بالتالي دي هتؤدي لضعف ف العضلات اللي حوالين الكتف و نقص ف درجة حركة الكتف (decreased range of motion) او ضعف ف العظام المحيطة بالكتف و لذلك الهدف هو :
1- استعادة درجة حركة الكتف الطبيعية (progrssion of shoulder rom) و بيتم استعادتها عن طريق stretching excercise و اطالات الكتف تدريجيا يوم بيوم لحد ما يوصل الكتف للدرجة الطبيعية للحركة.
2- تمارين تقوية العضلات زي resistance excercises للعضلات الموجودة حوالين الكتف و اهمهم rotator cuff muscles.
****
في مجموعة من الاختبارات بتتعمل عشان نتاكد من سلامة الكتف او ال stability of the shoulder
وهم
1- apprehension test او cranck test :
http://youtu.be/hy7zgoEsbzQ
2- Rockwood Instability:
http://youtu.be/lYrSNVlSI_M
3- Anterior and Posterior Drawer of Shoulder: http://youtu.be/uT4JGPl_3UY



📙📝

25/03/2018

STAY TUNED 😉


👌💪

09/08/2017

البحث العلمي هو اساس لحاجات كتير جدا طب ازاي🤔؟!
عشان نقول مثلا ان الRussian current هو احسن حاجة للناس الرياضية او عشان اقول ان العلاج طبيعي هو احسن حاجة لامراض الاعاقة هو لازم يكون علي اساس بحث علمي .
بالبحث العلمي هنقدر نتقدم و نكتشف حاجات جديدة و هنقدر نبقي احسن مهنة و نثبت وجودنا عشان كده لازم كل واحد لو حتي مش هيعمل بحث و يفيد مهنته و نفسه قبل اي شئ فهو لازم يقف جانب الباحث و يشجعه و يدعمه بكل شئ في يده.
و عشان كده و ايمانا منا بواجبنا نحو مهنتنا طلابا قبل ما نكون جزء من الاتحاد قررنا اننا نبدء بنفسنا و نقف بجانب اي بحث يفدنا احنا كدكاترة و يفيد مهنتنا بالاكتشفات الجديدة لنعلي من مهنتنا و ندعمها.✊🏻💪🏻
احنا النهارده جايبين ليكم بحث احنا بنساعد فيه عن عادة منتشرة في مجالنا و كتير جدا بنشوفها وكتير منا تعب بسببها و هي القعدة الطويلة ع الموبايل.
عن طريق الاستبيان اللي موجود في لينك تحت نقدر نطلع منه data كتير و نعمل منه correction with different musculoskeletal problems و هنطلع منه preventive measures كل ده هينفعك لما تعالج عيان و كمان هيثبت ان العلاج الطبيعي هو الحل في مشاكل المجتمع الحالي يعني انت مستفيد بشكل كبير جدا .
طيب انا ايه اللي مطلوب 5 دقائق بس من وقتك تفتح اللينك ده
و تملي الاستبيان بس كده.

The aim of this survey is to demonstrate prevalence of smartphone addiction and its relation to musculoskeletal symptoms among physical therapist student in Egypt to improve health care for students . It is expected to take 3-5 minutes to complete this survey You are not require to identify yourself...

04/08/2017

السلام عليكم و جمعة مباركة عليكم😍
احنا النهارده هنكمل كلام عن اقسام العلاج الطبيعي و هنتكلم النهارده عن قسم الاطفال.
اكيد كلنا نعرف مين هو اد/علاء بلبع - عميد كلية العلاج الطبيعي جامعة القاهرة و اكيد برده سمعنا ان هو دايما بيقول لا للاعاقة ......... مجتمع من غير اعاقة .
عشان نقضي علي الاعاقة في المجتمع لازم نبدأ بالاطفال لأن هم دول المستقبل لو علجناهم مش هيبقي في اي اعاقة مستقبلا و من هنا نبدأ نتكلم عن دورنا كدكاترة علاج طبيعي معظم الحالات اللي بتيجي و بتبقي عاوزة علاج طبيعي هم عندهم اعاقة طبعا لن تتخيل حزن الاب و الام علي اطفالهم و حلمهم انهم يبقوا طبيعين و يلعبوا زي اقرانهم غير تعب الام و الاب عشان يلبسوا ابنهم او ياكلوا هنا يجي دور العلاج الطبيعي و كانه المصباح السحري اللي هيحقق حلم كان مستحيل تعالوا كده نتكلم عن اعاقة مشهورة جدا و بتحصل كتير جدا .
هو قطع ال brachial plexus هو شبكة من الاعصاب مسؤلة عن حركة الاطراف العلوية اللي هي upper limb و العنق neck و ده ممكن يؤدي الي شلل و ده ممكن يحصل اثناء الولاده او من العادات الخاطئة التي تؤدي الي شلل هنا ياتي دورنا في اننا نعالج الطفل ده و نرجع الطفل انه يقدر يتحرك تاني و يمارس حياته بشكل طبيعي جدا زي باقي الاطفال و نحقق حلم الام و الاب اللي كان مستحيل و نخلق مجتمع خالي من الاعاقة .
العلاج الطبيعي هو الامل الوحيد و العلاج الوحيد لخلق مجتمع بدون اعاقة حتي التدخل الجراحي مش هيبقى ليه دور فعال زي العلاج الطبيعي يعني انت الامل الوحيد للأم و الاب عشان يشوفوا ابنهم سليم بدون اعاقة و يبقي ليه مستقبل كبير و مشهور .




💪✋

25/07/2017

Important announcement

22/07/2017

السلام عليكم احنا اتكلمنا المرة اللي فاتت عن دورنا في امراض القلب طب ما تيجي نتكلم عن دورنا في امراض الصدر
-يمكن ناس كتير منا عندها Asthma او علي الاقل حد من العيلة او حد نعرفه عنده المرض ده ايه اللي بيحصل فيه اني الشعب الهوائية بحصلها انسداد (bronchospasm) طب تعرف انك ممكن تحل ده بتمارين و تقدر كمان تمنع الازمات اللي بتيجي للمريض او انك تقلل من حدتها عن طريق تمارين زي ال pursed lip breathing احسن وظيفة الرئة علي التنفس و كمان امنع ان يحصل اي انسداد في الشعب الهوائية يعني انا كده حليت المشكلة كمان انت ممكن تعمل تمارين تقوي الحجاب الحاجز و ده هيحسن التنفس.
نيجي نتكلم علي الشيخوخة في امراض كتير جدا بتحصل عشان تقدم السن اهمها ضعف العضلات و ده واحد من اساس شغلنا اننا نقوي العضلة و كمان في الناس الكبيرة مش بتقدر تحافظ علي توازنها عن طريق الbalance exercises اقدر احسن ده كمان الناس الكبيرة ممكن تكون متقدرش تمشي لضعف العضلات او مشكلة في الجهاز العصبي انت ممكن تخلي ده عن طريق ال gait training
طيب تعالي بقي اكلمك علي حاجة هتستغرب منها انت تعرف ان ليك دور في الامساك ؟! ازي انت ممكن تخلي الرجل اللي عنده امساك يخف بالمساج و كمان تخليه يقلل او يمنع انه يروح المستشفي و ياخد ادوية و ديه مشكلة بتقابل كبار السن.
انت دورك مش بيقتصر علي واحد رجله مكسوره او واحد مشلول او طفل عنده اعاقة انت اكبر من ده انت مهنتك ممكن تنقذ حد من الموت مش بس كدة لا انت مهنتك ممكن تحسن او تخرب مستقبل حد يعني حاجة اصعب من الموت انت مهنة بتكبر كل يوم عن اللي قبلها مهنة كل يوم بتثبت نفسها و بتفرض نفسها في المجال الطبي انا دكتور علاج طبيعي و
افتخر 💪🏻