Arab African Council of Advocacy & Narratives

Arab African Council of Advocacy & Narratives AA-CANEgyptian Council of Patient Advocates

كل واحد فينا عنده جملة سمعها في المستشفى ومش قادر ينساها. 💭مرة حد قال لك كلمة وإنت مستعد تسمع أي حاجة غيرها. ومرة كان مح...
18/08/2026

كل واحد فينا عنده جملة سمعها في المستشفى ومش قادر ينساها. 💭

مرة حد قال لك كلمة وإنت مستعد تسمع أي حاجة غيرها. ومرة كان محتاج يشرح لك، فسكت. 🤍 ومرة كانت المعلومة موجودة، بس محدش قالها بطريقة تقدر تستحملها.

إحنا بنجمع المواقف دي — مش عشان نشتكي، عشان نغيّرها. ✨

قول لنا: 👇
▪️ موقف كان التواصل فيه صعب عليك — إيه اللي حصل؟
▪️ وإيه اللي كنت متمني تسمعه بداله؟ 💬

📩 ابعت حكايتك على الخاص
🔒 من فضلك ما تذكرش اسم الطبيب أو المستشفى، مش بنحاسب حد

15/08/2026

التحول من نظام صحي تقليدي لنظام محوره المريض مش قرار بيتاخد في ورقة… ده تغيير في ثقافة كاملة.

عشان كده زمالة MSD RTC — وسيم، كافيا، لينا، ولويزا — سألوا د. أحمد صفوت، خبير النظم الصحية:
إيه اللي هيقاوم التغيير ده؟ ومين اللي محتاج يقتنع الأول؟ 🤔

الإجابة في الفيديو 👇

15/08/2026

تخيّل حد دعاك تحضر اجتماع، وتقعد على طاولة مستديرة وسط ناس أنت متأكد إنهم أعلم منك وأكتر استعداداً للموضوع. 🪑

مسؤولين في الصحة… 🏥 خبراء اقتصاديات صحية… 📊 ممثلين شركات أدوية… 💊 أطباء… 🩺 تمريض. 👩‍⚕️

كلهم درسوا سنين عشان يمارسوا مهنتهم، وأنت جاي "بس" بصفتك مريض. 📚

إيه اللي يخليك تقبل الدعوة أصلاً؟ 🤔

الإحساس الطبيعي إنك هتبقى سمكة صغيرة في حوض مليان قروش. 🐟🦈 وده بالظبط اللي بيحصل لما صوت المريض يبقى مطلوب في صناعة القرار من غير ما يكون اتبنى وأتجهّز.

المشكلة مش إن المريض مش عنده حاجة يقولها. المشكلة إنه محدش جهّزه يقولها بلغة الطاولة. 🗣️

عشان كده بناء قدرات المرضى ومقدمي الرعاية بقى ضرورة مش رفاهية. 💪 مش عشان يقعد يتفرج، لكن عشان يشارك من غير خوف، ويضيف لكل الموجودين على الطاولة. ✨

وعشان كده بالظبط… إحنا بنجهّز مدرستنا. 🎓

مساحة تعليمية حقيقية تبني المريض الخبير خطوة بخطوة: معرفة، وأدوات، وثقة، وقدرة يقعد على أي طاولة ويتكلم بلغتها. 🚀

الكرسي لوحده مش تمثيل. 🪑
التمثيل الحقيقي = كرسي + معرفة + ثقة + دليل. ✅

مفيش حاجة عننا من غيرنا. وبالدليل مش بالشكوى. 🤝

🎥 اسمعوا التفاصيل في الفيديو، وقولولي: لو اتدعيتوا لطاولة زي دي… هتقبلوا؟ 👇

من تلات سنين، اتقابلت مع أ.د. محمد سلامة في الجامعة الأمريكية 🎓كنت واقفة في فعالية بحكي عن أحلام كانت وقتها شكلها مستحيل...
13/08/2026

من تلات سنين، اتقابلت مع أ.د. محمد سلامة في الجامعة الأمريكية 🎓

كنت واقفة في فعالية بحكي عن أحلام كانت وقتها شكلها مستحيلة، وقلت حاجة واحدة 💡

مفيش طريقة نبني قدرات مدافعين عن المرضى والسياسات مش معانا من أول يوم 📣

من اليوم ده بدأت مع د. سلامة رحلة كلام في الأدفوكاسي، ولقيت حد شايف نفس الحلم في البحوث التشاركية المجتمعية (CBPR) 🔍

ودي بالنسبالنا كمدافعين هي الكوبري: بين الناس وبين صانع القرار، نوصل بيها داتا محترمة تخلي القرار يخدم المريض فعلًا 🌉

بالدليل مش بالشكوى ✨

والنهارده إحنا واقفين مع بعض على طربيزة واحدة:

أ.د. محمد سلامة 🎓
وأنا — إسراء 🩺
د. مي أبو الفتوح من الهيئة المصرية للرعاية الصحية 🏥
وزمالة MSD RTC 🌍

كل اللي قلته على المنبر من تلات سنين بقى شغل على الأرض في مصر 🇪🇬

مرضى + أكاديميا + سياسات + صناعة 🤝

أنا واعداكو إن الطريق ده مش هيقف، وكل خطوة هحكيلكو عنها أول بأول، لحد ما يبقى مفيش حاجة عننا من غيرنا — مش شعار، واقع 🤍

ولسة في جاي أكتر إن شاء الله 🙌

☀️ اليوم العاشر من رحلة زمالة MSD RTC في مصر بدأ بداية جميلة.🤝 يومها قابلنا واحد من أهم الناس بالنسبة لمشروع The3Us.org ...
12/08/2026

☀️ اليوم العاشر من رحلة زمالة MSD RTC في مصر بدأ بداية جميلة.

🤝 يومها قابلنا واحد من أهم الناس بالنسبة لمشروع The3Us.org — د. أحمد صفوت، قائد صحي بيفكر بشكل مختلف فعلًا، وخبير في الحوكمة الإكلينيكية والاعتماد وسلامة المرضى.

🧭 هو بالظبط الشخص اللي كنا محتاجينه في التوقيت ده. أخدنا جوه معايير GAHAR وقانون التأمين الصحي الشامل، علشان نفهم التغييرات اللي بتحصل في النظام الصحي المصري… ونعرف ندرج صوت المريض من أول خطوة لآخر خطوة، إن شاء الله 🤍

وفتح للـ Fellows الباب إنهم يبتكروا ويفكروا في طريق الأدفوكاسي في مصر… لأول مرة.

📚 يوم طويل، بس مليان معلومات وتحليل ونقاش حقيقي عن الصحة في بلدنا الجميلة، مصر 🇪🇬

🌱 وقريبًا إن شاء الله… هنبدأ خطوات قوية لبناء جيل جديد من المرضى الخبراء في مصر.

الحمد لله على كل خطوة.

المريض الخيبر
12/08/2026

المريض الخيبر

مستمرين لليوم العاشر على التوالي في الشغل على مشروع *The 3Us*.عشر أيام، يوم ورا التاني، من غير يوم راحة. اجتماعات وزيارا...
10/08/2026

مستمرين لليوم العاشر على التوالي في الشغل على مشروع *The 3Us*.

عشر أيام، يوم ورا التاني، من غير يوم راحة. اجتماعات وزيارات وورق وكلام كتير أوي عن حاجة واحدة بس: إزاي صوت المريض يبقى له مكان رسمي على طاولة القرار، مش كرسي زيادة في آخر القاعة.

الفريق ده جاي من بلاد مختلفة، وكل واحد فيهم سايب شغله وبيته وجاي يقعد معانا في مصر يشتغل على حاجة مش هيطلع منها ليه حاجة شخصية… إلا إن حد بعيد عنه خالص يلاقي مين يسمعه.

وأنا بقالي سنين بقول نفس الجملة: *مفيش حاجة عننا من غيرنا.*
الفرق إني بقولها دلوقتي وأنا مش لوحدي.

*The 3Us — تلات كلمات احنا شغالين عليهم:*
*Unite — نتّحد:* نجمع المرضى والمنظمات والأطباء في المنطقة تحت مظلة واحدة.
*Unify — نوحّد:* مرجعية ومعايير واحدة للأدفوكاسي، أي حد يرجعلها.
*Utilize — نفعّل:* نحوّل صوت المريض لأداة بتغيّر قرار… بالدليل مش بالشكوى.

وقريبًا إن شاء الله… *The3Us.org* 💙

مشروع ضمن زمالة Richard T. Clark للصحة العالمية من MSD، باستضافة *إحنا عايزين نعيش* تحت مظلة المجلس العربي الأفريقي للأدفوكاسي و السردية

عايزة أحكي قصة { يعني إيه مريض خبير } 🌟الموضوع ببساطة 👇المريض الخبير هو مريض عايش مع مرضه من سنين ⏳وعارف عنه حاجات محدش ...
08/08/2026

عايزة أحكي قصة { يعني إيه مريض خبير } 🌟

الموضوع ببساطة 👇

المريض الخبير هو مريض عايش مع مرضه من سنين ⏳
وعارف عنه حاجات محدش يعرفها غيره ✨
عارف العلاج بيعمل إيه فيه 💊
عارف إيه اللي بيحصل بعد ما يخرج من العيادة 🚪
وعارف الحاجات الصغيرة اللي بتفرق ومحدش بيسأل عنها 🩺

والمريض الخبير هو اللي بياخد الخبرة دي ويتعلم إزاي يقولها 🎓
مش كحكاية شخصية
لكن كمعلومة منظمة تنفع تتقال قدام صاحب القرار 📋
وهو مش بيتكلم عن نفسه
هو بيتكلم عن كل اللي زيه 👥

طب ليه الموضوع ده مهم دلوقتي 🤔

إن العالم بيتغير 🌍
عدد الناس بيكتر 👪
وبالتالي عدد مرضى الأمراض المزمنة غير المعدية بيكتر 📈

ومع نقص الموارد في العالم نتيجة أزمات اقتصادية وتغيرات كتير 📉
أصبح من الضروري إن أي قطاع يصرف الفلوس بشكل أفضل وأذكى 💡

وفي قطاع الصحة طلع موضوع إدراج صوت المرضى في المنظومة الصحية 🗣️

يعني إيه ❓
يعني يكون في ممثلين لكل مرض في كل منطقة 📍
وبيشاركوا بصوتهم في جلسات وضع السياسات مع أصحاب القرار في صنع القرارات الصحية 🪑

ولأن معظم دول العالم بتتحول لنظام التأمين الصحي الشامل ومنها مصر 🌐
وأصلاً النظام ده فيه جزء لإشراك صوت المرضى 🇪🇬

أصبح دور المريض الخبير مهم ⭐
وعايزين ومحتاجين نجهز جيل كبير من المرضى الخبراء في مصر 💪

ولو إنت شايف نفسك في الكلام ده 💛
اعرف إننا هنتبناك وهنقف جنبك إن شاء الله لحد ما يكون ليك دور في صناعة القرار 🤝

بس كده 🌷

إنك تختار طريق الأدفوكاسي في مصر — يعني تعمل حاجة مالهاش حكاية اتحكيت قبل كده، ولا حد سبقك فيها — ده بيخلّي الرحلة صعبة ...
08/08/2026

إنك تختار طريق الأدفوكاسي في مصر — يعني تعمل حاجة مالهاش حكاية اتحكيت قبل كده، ولا حد سبقك فيها — ده بيخلّي الرحلة صعبة لدرجة إنها تقريبًا مستحيلة.

اللي معاك بس هو إيمانك، والناس اللي بتختار تحوّط نفسك بيهم: اللي بيقفوا جنبك من غير شروط، ومش مستنيين حاجة في المقابل، وطاقتهم الحلوة بتخفّف عنك اللي إنت شايله. ✨

محظوظين بميشيل. وجوده في حياتنا ودعمه إدّونا أكتر من أي حد ممكن يتوقعه 🧡

ممكن نكتب صفحات عن إنه ذكي، وبيعرف يوصّل اللي جواه، وداعم، وطاقته ملهاش حدود، وبيحلّ المشاكل، وعمره ما بيقول "أنا"، دايمًا بيحطّ غيره الأول.

بس مهما وصفناه، مش هنوفّيه حقه.

شكرًا يا ميشيل. 🙏🧡

يعني ايه "مريض خبير"؟ 🤔مش مجرد مريض بيتعالج… ده مريض تحوّل من متلقّي للعلاج لشريك في بناء المنظومة الصحية، على أربع محطا...
07/08/2026

يعني ايه "مريض خبير"؟ 🤔
مش مجرد مريض بيتعالج… ده مريض تحوّل من متلقّي للعلاج لشريك في بناء المنظومة الصحية، على أربع محطات:
1️⃣ مريض أو مانح رعاية — لحظة المواجهة مع التشخيص، وبداية الرحلة
2️⃣ المشاركة الواعية — يحكي قصته بصدق، في المكان الصح
3️⃣ ممثل المرضى — مش صوته بس، بينقل تحديات غيره وبيتكلم باسمهم
4️⃣ المريض الخبير — بيدرس أدوات تمكين المرضى، وبيقعد على طاولة صناع القرار بمنظور احترافي
الخبرة مش شهادة… الخبرة إن اللي عدّى الطريق يقدر يمهّده لغيره 🎗️

Address

Arkan Plaza, Plot 31 El Sheikh Zayed Building 4, Giza, 6 October City
6 October City

Telephone

+201224730736

Website

Alerts

Be the first to know and let us send you an email when Arab African Council of Advocacy & Narratives posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Arab African Council of Advocacy & Narratives:

Shortcuts

Share

Category