أسرة فكرة-تجارة طنطا

17/04/2026

"يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي"

-تنعي أسرة فكرة تجارة طنطا ببالغ الحزن والاسى زميلنا أحمد هشام

لوفاة والده سائلين الله عز وجل أن يتغمده بواسع رحمته وأن يغفر له ،ويرحمه ،ويسكنه فسيح جناته ، ويلهم أهله الصبر والسلوان ، وإنا للّه وإنا إليه راجعون..

15/02/2026

ريحة رمضان بدأت تظهر في الأجواء 🌙✨

أيام قليلة ونودع شعبان ونستقبل أجمل ثلاثين يوم في السنة.
اللهم اجعلها أيام ف*ج واستجابة لنا جميعا. واكتب لنا فيها الخير والرضا. 🤲🕌

رمضان كريم مقدما 🌙✨

قولنا بقى. إيه أكتر حاجة وحشاك في لمة رمضان؟ 👇

21/12/2025

Exam Mode: ON 💡

فترة الامتحانات دايمًا بتيجي ومعاها لغبطة وبهدلة 😵‍💫
نزنق نفسنا لحد ليلة الامتحان، ونقلب المادة بصمجة، أو نذاكر في المواصلات واحنا مطبقين 🫩

نلخبط؟ آه.
نتوتر؟ طبيعي.
نحس إننا تايهين؟ بيحصل.

بس الغريب إنها دايمًا
بتعدّي…
بكرم ربنا، وبتوفيقه،
وبمحاولتنا مهما كانت بسيطة 🤍

إحنا في أسرة فكرة مؤمنين بيكم
كمّلوا،
واللي جاي دايمًا بيعدّي.

بالتوفيق ليكم جميعًا. ❤

01/12/2025

في سر كبير هيتكشف قريب 🤫

طبعا كلنا عارفين ان الفراعنة كان التخطيط عندهم هو أهم حاجة، وإحنا ماشيين على خطاهم.. بس فيه طرف جديد معانا، مش بس كده ده الطرف المرة دي محشي جبنة 😋

معانا Memo's Pizza مش بس sponsor للإيفنت، لا دول جايين عاملين مفاجآت كتير مخصوص ل vibes اليوم عشان تفاصيل اليوم تكمل ونقدر نقدم يوم ميتعوضش 🔥

يعني الإيفينت مش هيكون مليان حضارة وعراقة بس، ده هيكون بطعم حلو يخليك تدخل تجربة مش هتنساها ابدا😌

مش هنتكلم كتير بس اتأكدوا انكو جايين تعيشوا لحظة مليانة "تاريخ، تجارة، طعم مش ممكن يتنسى".

هنستناكم في ملعب الكلية يوم 30/11 الساعة 10 الصبح 🫵🏻♥️.

20/11/2025

stay tuned 😉❤

تفتكروا ايه اللي بيحصل في تجارة؟

15/11/2025

🎯 كل خطوة كبيرة بتبدأ بفكرة.
الفكرة اللي تخليك تسأل نفسك:
«أنا ينفع أكون جزء من حاجة كبيرة؟»
«هو أنا عندي اللي يخليني أسيب أثر في الجامعة؟»

يمكن الإجابة لسه مش واضحة…
بس الفرصة قدامك دلوقتي. 💪

📅 التقديمات لأسرة فكرة فتحت رسميًا!
لو نفسك تكون جزء من فريق عنده طموح، روح، وشغف حقيقي 👥
دلوقتي وقتك تبان، وتبدأ الرحلة اللي هتغير فيك كتير.

💡 شارك، جرّب، وتعلم…
يمكن اللحظة دي تبقى بداية حكايتك مع "فكرة".

📍تقدر تقدّم من الفورم ده:
🔗 https://forms.gle/9TDMSCL54MqTAy4z6

30/10/2025

🚨 موسم الميدتيرم بدأ رسميًا 🚨
المرحلة اللي كلنا بنعيش فيها بين:
"هو ده في المنهج؟"
و"إحنا خدنا ده امتى؟"
و"هو الدكتور بيحط الأسئلة دي منين؟!"

الـ deadlines بتجري، والـ panic attacks بتزورنا كل يوم،
والقهوة بقت وجبة أساسية ☕💀

بس خلينا نفكر نفسنا بحاجة مهمة👇
الميدتيرم مش نهاية العالم،
هو مجرد checkpoint في اللعبة الطويلة دي
خد نفس، ذاكر على قد ما تقدر، ونم كويس،
لأن اللي نايم ساعتين وبيذاكر 12 ساعة مش سوبرمان 🫠

وما تنساش…
"إِنَّ مَعَ الْعُسْرِ يُسْرًا" ❤
شد حيلك، وهنضحك على الأيام دي قريب إن شاء الله 😂🤍

04/09/2025

المولد النبوي.✨️🌙

في مثل هذا اليوم أضاء العالم وبورك بمولد الصادق الأمين أشرف الخلق سيدنا محمد ﷺ، جاء ليخرجنا من الظلمات إلى النور، يعملنا الايمان بالله، ليكن آخر الرسل وخاتم النبيين والمرسلين.♥️

فأفضل ما يقال في يوم ميلاده: اللهم صل وسلم على نبينا وحبيبنا محمد، عدد ما ذكره الذاكرون وغفل عن ذكره الغافلون، واجعلنا من المحبين الصادقين المقتدين بنوره.🤍

كل عام وأنتم بخير☺️