Kerkera Live كركرة على الهواء

13/04/2026

09/04/2026

أكثر من 3 آلاف مصلٍ أدّوا صلاة الفجر في المسجد الأقصى المبارك، عقب إعادة فتحه بعد إغلاق استمر لأكثر من 40 يومًا بذريعة الحرب مع إيران.

26/03/2026

⚽️
صورة متداولة بالذكاء الاصطناعي تظهر ملعب بلدية كركرة مكسوا بالعشب الاصطناعي… صورة جميلة، لكن للأسف مجرد حلم
شباب بلدية كركرة مليء بالطاقة والطموح، ويستحق فضاءات رياضية لائقة تساعده على تطوير مواهبه والابتعاد عن الآفات الاجتماعية.
إلى متى تبقى هذه المطالب مؤجلة؟

أليس من حق شباب كركرة أن يكون لهم ملعب يحترم طموحاتهم؟
أليس من حقهم ممارسة الرياضة في ظروف جيدة مثل باقي البلديات؟
نأمل من السلطات المحلية الالتفات لهذا الانشغال الحقيقي، والعمل على تجسيده في أقرب وقت.

25/03/2026

🚨 🚨
حالة إنسانية مستعجلة 💔
امرأة مريضة بـ سرطان الرحم، تحتاج في أقرب وقت لإجراء تحاليل بيوبسي (خزعة) ضرورية قبل العملية الجراحية.
💰 تكلفة التحاليل حوالي : 8 مليون سنتيم
💸 المبلغ المتوفر: 2 مليون سنتيم فقط (من محسن جزاه الله كل خير)
📉 المبلغ المتبقي: 6 مليون سنتيم
⏳ الوقت يداهمها، وحالتها تستدعي التدخل السريع، خاصة أن التحليل راح يتم تحت مراقبة طبية دقيقة.
🙏 نرجو من أهل الخير وأصحاب القلوب الرحيمة الوقوف معها
للاستفسار يرجى الاتصال بالرقم:
0655107092

12/03/2026

🔴 :

- يجب عليك أن تذهب إلى مركز إجراء المقابلة الشفهية قبل 30 دقيقة من بداية الوقت الرسمي، وأن تحمل معك بطاقة التعريف الوطنية والاستدعاء، مع ارتداء هندام مناسب لتلك المقابلة الشفهية. حاول الظهور بمظهر شخص يبحث عن التوظيف كأستاذ .

- تم تقسيم المترشحين إلى مجموعات تجتاز المقابلة في الفترة الصباحية والفترة المسائية، وتكون المقابلة على مدار ثلاثة أيام.

- بخصوص لجنة المقابلة الشفهية، فهي تتكون من ثلاثة أعضاء: أساتذة وإداري (مدير أو ناظر).

______________________
بداية المقابلة الشفهية : تدخل للجنة وتقولهم ( السلام عليكم ) وتجلس على المقعد لي راح يكون مقابل اللجنة ، لي عددهم كما قوتلك هو 3 أعضاء زوج أساتذة وإداري ، والهدف من هذا التنويع في أعضاء اللجنة هو طرح اسئلة متنوعة

- كي يبداو الأسئلة : حاول ماتهزش عينيك من أعين اللجنة ، لازم تمد إنطباع أنك ماكش متوتر أو خايف

- مدة المقابلة في المتوسط تتراوح بين 7 إلى 12 دقيقة .. وقد تزيد او تنقص حسب اللجنة ..

- كذلك نقطة بزاف مهمة غافلين عليها المترشحين وشرحناها سابقا : لازم يكون علابالك بلي الهدف من المقابلة الشفهية ليس إعطاء إجابات صحيحة عن كل الأسئلة ؟ أو عن أي سؤال يُطرح عليك ، إنما الهدف إعطاء إنطباع جيد عليك ، تقولي أستاذ أشرحلي مافهمتش !

- الأسئلة تقدر تراجع كتاب كامل من الاسئلة ومن زهرك يمدولك سؤال تغيب عليك الإجابة الدقيقة فيه ! هل اللجنة ماعلابالهاش بلي الأمر هذا قادر يصرى ؟ طبعا علابالها !!

- لذلك كان الهدف الأساسي من المقابلة : هو طريقة التعامل مع الاسئلة وأسلوب الحديث ... يشوفوك أسكوا تعرف تتواصل ولالا ؟ أسكوا تعرف توصل المعلومة ولالا ؟ أسكوا عندك أسلوب إستنتاجي مع الأسئلة تقدر وحدك تستنتج إجابة يالوكان ماشي دقيقة! أسكوا عندك شخصية وهندام تاع أستاذ ولالا .... تقدر تقول من 70 إلى 75% يشوفوا لشخصيتك و25% الإجابات الصحيحة لتمدها على الأسئلة ..

- وطبعا انت إذا مديت إنطباع مليح على شخصيتك وزدت قدمت إجابات صحيحة ، وطاحتلك اسئلة ديجا راجعتها فهذا أحسن بكثير ...

_ منقول من الاستاذ شعابنة ف.

10/03/2026

🔵 كيف تتخلص من القلق و السترس

1️⃣ النوم الجيد النوم مليح من أهم الحوايج اللي تنقص السترس. كي ما ترقدش مليح، المخ يتعب والجسم يولي مشدود وتولي تحس بالقلق بسرعة. باش ترقد مليح:
حاول ترقد كل يوم نفس الوقت. نقص التليفون قبل النوم بساعة. ما تشربش قهوة بالليل.
خليك في بلاصة هادئة ومظلمة.
كي ترقد 7 حتى 8 ساعات، جسمك يرتاح والمخ يعاود ينظم روحو.
2️⃣ ممارسة هواية الهواية تعطيك راحة نفسية كبيرة. كي تدير حاجة تحبها، مخك يخرج من التفكير في المشاكل. مثال على الهوايات: الرسم الطبخ
القراءة الأشغال اليدوية
الهواية تخليك تفرغ الطاقة السلبية وتخليك تحس بالفرح.
3️⃣ التنفس
التنفس العميق يقدر ينقص السترس بسرعة. كي تكون مقلق، النفس يولي سريع، وهذا يزيد التوتر.
جرب هكذا: خذ نفس عميق من الأنف 4 ثواني حبسو شوية خرجو ببطء من الفم
عاودها عدة مرات، راح تحس بالراحة مباشرة.
4️⃣ ممارسة الرياضة الرياضة من أقوى الطرق لمحاربة السترس. كي تتحرك، الجسم يفرز هرمونات اسمها هرمونات السعادة. ماشي لازم رياضة صعيبة: المشي الجري الخفيف
ركوب الدراجة تمارين في الدار
حتى 20 دقيقة في اليوم تعاون بزاف باش تتحسن نفسيتك.
5️⃣ تقوية العلاقة مع شخص قريب الإنسان ما يقدرش يعيش وحدو. لازم يكون عندك شخص تثق فيه وتهدر معاه. ممكن يكون: صديق فرد من العائلة
زوج / زوجة😂
كي تهدر على اللي في قلبك، الضغط ينقص بزاف.
6️⃣ التواجد في الطبيعة
الطبيعة تهدي الأعصاب. كي تخرج لحديقة أو تمشي وسط الأشجار، المخ يرتاح.
مثلا: تمشي في بارك تروح للغابة
تجلس قدام البحر
حتى 30 دقيقة في الطبيعة تعاون على تحسين المزاج.
7️⃣ تقليل الكافيين
القهوة والشاي فيهم كافيين، وإذا تشرب بزاف منهم يزيد القلق. الكافيين يقدر: يخليك متوتر يزيد ضربات القلب
يسبب الأرق
حاول تنقص القهوة خاصة في الليل.
8️⃣ تقليل استعمال الهاتف
الموبايل بزاف يسبب ضغط نفسي: أخبار سلبية سوشيال ميديا المقارنات مع الناس
حاول: دير وقت بلا موبايل
ما تستعملوش قبل النوم
ركز على حياتك الحقيقية.
9️⃣ التدوين (الكتابة)
الكتابة طريقة قوية باش تفرغ اللي في بالك. جرب:
أكتب واش يقلقك أكتب أفكارك
أكتب أهدافك هذا يساعدك تفهم روحك وتنظم أفكارك.
🔟 نظام غذائي متوازن
الأكل يأثر بزاف على النفسية.
حاول تاكل: خضر فواكه
بروتين حبوب كاملة
ونقص: السكر بزاف الماكلة السريعة الأكل الصحي يعطي طاقة ويحسن المزاج.
✅ السترس حاجة طبيعية في الحياة، بصح لازم نعرفو كيفاش نتحكمو فيه. الحل ماشي حاجة وحدة، بل مجموعة عادات صحية كيما النوم مليح، الرياضة، الطبيعة، وتقليل الهاتف.
كي تدير هاذ الحوايج تدريجيا، نفسيتك تتحسن بزاف.

09/03/2026

🔵 يسرنا إعلامكم بافتتاح مكتب تابع لشركة ANDERSON E-COMMERCE الجديد بمدينة القل، وتحديدًا بالقرب من فندق le beau séjour مقابل ملعب القل.

🔵 يمكنكم الإستفسار بالتقرب إلى المكتب أو الإتصال بالسيد عبد الغاني مسؤول المكتب رقم الهاتف : 0661780183

04/03/2026

01/03/2026

كاين حاجة لازم نهضرو عليها كامل… وما فهمتش علاش سكان كركرة وما جاورها ساكتين.

النساء تع كركرة كي يجيو يولدو يتلقاو صعوبات كبيرة في مستشفى القل، يقولولهم: "ماشي تابعين لينا".
و كذلك في مستشفى تمالوس زادا ما يقبلهمش، وحتى المناطق اللي حداه كيما 19 و21 ما يقبلوهمش.

كيفاه تكون هاذ الحالة؟ المرأة تكون في حالة ولادة ويبعثوها من بلاصة لبلاصة: روح لهنا، وجي لهنا… وهذا خطر كبير عليها وعلى المولود. راهي مسألة حياة أو موت، وماشي حاجة بسيطة.

هذا الأمر لازم نوصلوه هاذ المشكل للجهات المعنية ووزارة الصحة، من طرف المسؤولين و منتخبي بلدية كركرة لأنو هاذ الوضع غير مقبول. المرأة كي تكون بالحمل لازم تكون مرتاحة وتعرف وين رايحة تولد، ماشي تبقى حايرة بين السبيطارات.

لازم حل جذري: يا إما يحددولنا مستشفى يستقبل نساء كركرة والمناطق المجاورة، يا إما يديرو مصلحة ولادة قريبة تخدم الناس.

الزوالي ما يقدرش يخلص البريفي، والصحة حق لكل مواطن.

خلونا نرفعو صوتنا بطريقة حضارية باش يتلقالنا حل.
كما ندعو من ينوي الترشح إلى إتخاده ضمن أولوياتهم في الفترة القادة إن شاء الله

24/02/2026

سلآم...صح فطوركم

الجهاز الفني المختص بالكرباء بلدية عطب لحق بالانارة العامة بالطريق الوطني كركرة من جسر الطهرة إلى تلزة
شكرا الرجاء التدخل العاجل