14/04/2025
السلام عليكم و رحمة و بركاته
قضية للأسف محرجة و لكن وجب الكلام عنها
كيفاه في بلاد كيما المغير فيها الخير و فيها الرجال و فيها النخل و الاورو و سونطراك و الموظفين و الأطباء و الصيادلة و رؤوس الاموال و التجار و المقاولين ووووو ربي يبارك و يزيد و كي يكون عندنا واحد و لا وحدة محتاجين لعملية جراحية مستعجلة مهما كان المبلغ نتاعها يبدى يجري من واحد لواحد و من بلاصة لبلاصة و الله غير عيب و حشومة لهذا المحتاج لي قدر يغلب نفسو و يروح للناس و لي ما قدرش والله غير يموت مسكين و الله المستعان .
و الله حنا في الجمعية ( جمعية بذرة خير المغير ) نديروا لي علينا و أكثر لكن ما باليد حيلة ما عندناش دخل من عند الدولة إلا نفقات المحسنين ربي يجازيهم خير ، بصح و الله غير حشمنا تبقى الحالة لي تجيك تروح لفلان و علان مشكل كبير هو يحشم و انت تحشم .و تحس روحك كثرت على الناس .
هو لازم خطة عمل لمثل هذي الحالات .
مثال خونا فضل جمال من المهدية لازمو عملية في الاردن ب 250 مليون و مستعجلة ضرك هذا مبلغ كبير على المغير وش هي 500 ألف على 500 واحد و هي فارية و الله ما هي حاجة .
و زيد الجمعية راهي فاتحة أبوابها للمحسنين و المتطوعين ياسيدي حتان نجوكم ول راه كل يوم عندنا مرضى و محتاجين و أيتام و أرامل ...عاونوا الجمعية باش تعاونهم راه باب خير مفتوح . ربي يقدرنا على فعل الخير و اعانة خاوتنا المحتاجين
