02/04/2026
سقساوني على أولادي الثلاثة
قلتلهم ربي عطاني كنوز غالية
عطاني سيليا… ونضال… وزياد
وكل واحد فيهم حكاية في حياتي
سميتها سيليا باش تحن عليا
باش تناديني بابا وتفرح بيا
باش تكون الضحكة في داري وتفاجي عليا
باش كي نمرض تدعي ليا
وسميتو نضال باش يكون راجل
باش يكون سندي في كل المراحل
باش يرفع راسي ويوقف معايا
باش كي نكبر يحن عليا
وسميتو زياد باش يزيد الفرح
باش يكون النور كي يغيب المرح
باش يكون الضحكة في كل نهار
باش يكبر ويكون راجل قد الدار
سيليا… نضال… وزياد
ثلاثة أسامي… وقلبي فيهم زاد
واحد حنان… وواحد قوة… وواحد فرحة
وثلاثتهم دنيتي وفرحتي والراحة
سيليا كي تضحك… تفرح دارنا
نضال كي يحكي… يكبر أملنا
زياد كي يتبسم… يملأ نهارنا
وثلاثتهم نور في عيون باباهم
زوجتي… نصفي الثاني
واقفـة معايا في كل زماني
تقاسمت معايا تعب السنين
وفرحت قلبي بهاذ الأولاد الزينين
زوجتي سندي وراحة بالي
بضحكتها يتهنى حالي
هي أم سيليا… ونضال… وزياد
وهي الفرحة اللي تجمع هاد العباد
والديّا… تاج فوق راسي
علموني الصبر وقوة إحساسي
دعوتهم ترافقني في كل طريق
وكلامهم يخليني ديما نفيق
عمّي… مقام بابا الثّاني
من محبتي ليه… نعطيه ولادي
سيليا… نضال… وزياد فلذات كبادي
خاطر عمّي في قلبي… أغلى من روحي وحياتي
وخاوتي وخواتاتي… رفقاء عمري
اللي معايا ديما… في الفرح وفي القرح
نضحكو… نعيّشو… نقاسمو كل لحظة
وكل واحد فيهم كنز… وكلهم نور في عينيّا
سيليا… نضال… زياد
وزوجتي… والديّا… وعمّي
وخاوتي وخواتاتي تحياتي و حبي ليكم حتى مماتي
امّا الباقي فلا ابالي
عائلة كاملة… حبها في القلب زاد ❤️✨
