ناوەندی لێکۆڵینەوەی کوردستان - تیشک

21/08/2026

✉️ نەوت و مەکینەی مەرگ

🌐 بلاگی ژیانەوە (https://tishk.org/pe/)

✍️ دانا حەمید

📖 حەمید، دانا(٢٠٢٦): نەوت و مەکینەی مەرگ. بلاگی ژیانەوە؛ ناوەندی لێکۆڵینەوەی کوردستان – تیشک.

ڕۆژهەڵاتی ناوەڕاست لەناو دۆزەخێکی واقیعیدا دەسووتێت. لە غەززەی خاپوورکراو و گەڕەکە وێرانەکانی باشووری لوبنانەوە، تا دەگاتە شەڕە پچڕ پچڕەکانی ئەمریکا-ئیسرائیل و ئێران، ئەو درۆنانەی ئێران، بەردەوام ئاسمانی عێراق و هەرێمی کوردستان دەبەزێنن، شاری هەولێر-سلێمانی و دەوروبەری بەچڕی بۆردومان دەکات، تابلۆکە یەک شتە: وێرانکارییەکی بێكۆتایی. بۆ تێگەیشتن لەم جەنگە، شیکارییە ژیۆپۆلەتیکییە ژورناڵیستی و باوەکان کۆڵەوارن، چونکە هێشتا نەوت وەک ئۆبێکت دەبینن؛ واتە وەک کاڵایەکی بێگیان و ناکارا کە مرۆڤ بڕیاری لەسەر دەدات. بەڵام لێرەدا دەبێت پەنا بۆ دیدە ڕادیکاڵەکەی نووسەری ئێرانی-ئەمریکی، (ڕەزا نیگارستانی) ببەین، کە ئەم هاوکێشەیە بە تەواوی سەرەوژێر دەکاتەوە و نەوت دەکاتە سوبێکت.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/oil-and-the-death-machine/)

#کوردستان #تیشک #گۆڤار #ڕۆژهەڵات

13/08/2026

✉️ گەڵاڵەی خودموختاریی حدکا، پەکەکە و پرۆسەی ئاشتیی تورکیا

🌐 بلاگی ژیانەوە (https://tishk.org/pe/)

✍️ حەسەن قارەمانی

📖 قارەمانی، حەسەن(٢٠٢٦): گەڵاڵەی خودموختاریی حدکا، پەکەکە و پرۆسەی ئاشتیی تورکیا. بلاگی ژیانەوە؛ ناوەندی لێکۆڵینەوەی کوردستان – تیشک.

ئەم بابەتە دوو مۆدێلی سیاسیی جیاواز بۆ مامەڵەکردن لەگەڵ پرسی کورد لە ڕۆژهەڵاتی ناوەڕاست بەراورد دەکات: پێشنیاری گەڵاڵەی حیزبی دێموکراتی کوردستانی ئێران بۆ خودموختاری لە کوردستانی ئێران لەگەڵ هاتنە سەرکاری کۆماری ئیسلامی لە سەرەتای شۆڕشدا، و چوارچێوەی یاساییی نوێی تورکیا بۆ کۆتاییهێنان بە ململانێی چەکداری لەگەڵ پەکەکە. ئەم دوو مۆدێلە نوێنەرایەتیی دوو فۆڕمی بنەڕەتیی چارەسەرکردنی ناکۆکی دەکەن. گەڵاڵەی خودموختاریی حیزبی دێموکراتی کوردستانی ئێران لە بنەڕەتدا مۆدێلێکە بۆ دابەشکردنی دەسەڵاتی جوگرافی، لامەرکەزی و سەربەخۆییی کارگێڕی لە چوارچێوەی دەوڵەتی ئێراندا. لە بەرامبەردا، چوارچێوەی یاساییی نوێی تورکیا بە پلەی یەکەم مۆدێلێکە بۆ چەکداماڵینی پەکەکە.
دەرەنجامی سەرەکی ئەوەیە کە گەڵاڵەی خودموختاریی حیزبی دێموکرات لە ڕووی دابەشکردنی دامەزراوەییی دەسەڵاتی دەوڵەتەوە قووڵتر و درێژخایەنترە، لە کاتێکدا مۆدێلە یاسایییە نوێیەکەی تورکیا زیاتر لە ڕووی مامەڵەی یاسایی و هەڵوەشاندنەوەی پەکەکەوە گرنگیی پێ دەدرێت.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/the-hdk-the-pkk-and-the-turkish-peace-process/)

#کوردستان #تیشک #گۆڤار #ڕۆژهەڵات

12/08/2026

✉️ پەیوەندییە نێودەوڵەتییەکان و گۆڕانی سیستمی جیهانی

🌐 بلاگی ژیانەوە (https://tishk.org/pe/)

✍️ شاهۆ

📖 شاهۆ(٢٠٢٦): پەیوەندییە نێودەوڵەتییەکان و گۆڕانی سیستمی جیهانی. بلاگی ژیانەوە؛ ناوەندی لێکۆڵینەوەی کوردستان – تیشک.

لە پاش هەڵوەشانەوەی یەکێتیی سۆڤیەت لە ساڵی ١٩٩١ز، زۆرێک لە توێژەرانی پەیوەندییە نێودەوڵەتییەکان پێیان وابوو کە جیهان بە سەرکردایەتیی ئەمریکا بەرەو قۆناغێکی تاک‌جەمسەری ڕۆیشتووە.
بەڵام گۆڕانکارییەکانی دوو دەیەی ڕابردوو، لە گەشەی خێرای ئابووریی چین و بووژانەوەی پێگەی ڕووسیاوە بگرە تاوەکو زیادبوونی کێشەی هێزە ناوچەییەکان و سەرهەڵدانی هاوپەیمانییە نوێیەکان، ئەم پرسیارەی لە هەموو کاتێک زیاتر هێناوەتە پێشەوە: ئایا جیهان بەرەو سەردەمی نەزمێکی چەندجەمسەری هەنگاو دەنێت، یان هێشتا لە چوارچێوەی نەزمێکی تاک‌جەمسەری بە ڕووکەشێکی جیاوازدا دەجووڵێت؟
وەڵامدانەوەی ئەم پرسیارە تەنها باسێکی ئەکادیمی نییە؛ بەڵکو داهاتووی ئابووریی جیهانی، ئاسایشی نێودەوڵەتی، دیپلۆماسی، جەنگەکان، تەکنەلۆژیا و تەنانەت لەسەر ژیانی ڕۆژانەی گەلان کاریگەر دادەنێت.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/international-relations-and-the-changing-world-system/)

#کوردستان #تیشک #گۆڤار #ڕۆژهەڵات

11/08/2026

✉️ فیقهی کەلاکخۆرەکان
(کاتێک میحراب دەبێتە قەسابخانە و مەلا دەبێتە جەللاد)

🌐 بلاگی ژیانەوە (https://tishk.org/pe/)

✍️ کامەران محەممەد

📖 محەممەد، کامەران(٢٠٢٦): فیقهی کەلاکخۆرەکان (کاتێک میحراب دەبێتە قەسابخانە و مەلا دەبێتە جەللاد). بلاگی ژیانەوە؛ ناوەندی لێکۆڵینەوەی کوردستان – تیشک.

ئەی ئەو مەخلوقە بچووکەی کە لەناو پۆشاکێکی پیرۆزدا خۆت حەشار داوە و وا دەزانیت کلیلی بەهەشت و دۆزەخت لە گیرفاندایە، چەند جێگەی پێکەنین و گریانە کە مێروویەکی سەر ئەم گۆی زەوییە، بە ناوی بەدیهێنەری گەردوونەوە بڕیار لەسەر (پیسی و خاوێن)ی مرۆڤەکانی تر بدات. تۆ دەڵێیت ئێزیدییەکان گڵاون؟ وەرە با بە زمانی عەقڵ پێت بڵێم کە هیچ پیسییەک لەوە قێزەونتر نییە کە مێشکت پڕ بێت لە خەیاڵی خوێن ڕشتن و زمانت وەک
چەقۆیەکی ژەنگاوی بێت بۆ بڕینی گەرووی دراوسێکانت. پیسی لای خودا، نەبوونی دەستنوێژ نییە، بەڵکو ئەو ڕقە ڕەشەیە کە وای لێکردوویت نەتوانیت شکۆی مرۆڤ لەناو چاوی کەسێکی جیاوازدا ببینیت.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/when-the-altar-becomes-a-slaughterhouse-and-the-mullah-becomes-an-executioner/)

#کوردستان #تیشک #گۆڤار #ڕۆژهەڵات

06/08/2026

✉️ سیاسەتی ئەخلاقی کردنەوەی سیاسەت: قاسملوو و ئاریستۆ

🌐 بلاگی ژیانەوە (https://tishk.org/pe/)

✍️ ڕێباز ڕۆژهەڵات

📖 ڕۆژهەڵات، ڕێباز(٢٠٢٦): سیاسەتی ئەخلاقی کردنەوەی سیاسەت: قاسملوو و ئاریستۆ. بلاگی ژیانەوە؛ ناوەندی لێکۆڵینەوەی کوردستان – تیشک.

پێشەکی:
کاتێک ئەخلاق دەبێتە سیاسەت
لە مێژووی بیرکردنەوەی مرۆڤدا، کەم پرسیار هەیە وەک پەیوەندی نێوان ئەخلاق و سیاسەت ئەوەندە مشتومڕی لەسەر کرابێت. هەندێک سیاسەت بە هونەری بەدەستهێنانی دەسەڵات دەزانن، هەندێکی دیکە بە هونەری پاراستنی دەسەڵات و هەندێکی تریش بە هونەری بەڕێوەبردنی کۆمەڵگا. بەڵام لەنێوان ئەم هەموو پێناسە جیاوازانەدا، هەمیشە دەنگێک هەبووە کە دەیگوت: سیاسەت بێ ئەخلاق، تەنها شێوازێکی ڕێکخراوی هێزە.
ئەم دەنگە لە یۆنانی کۆن بە زمانی ئاریستۆ دەنگی داوە، و دوای نزیکەی دوو هەزار ساڵ، لە کوردستان بە ڕیتۆریکی قاسملوو دووبارە گوێبیستی بووین. ئەگەرچی ئەم دوو بیرمەند و سەرکردەیە لە دوو سەردەمی تەواو جیاوازدا ژیاون، بەڵام هاوبەشییەکی قووڵیان هەیە: هەردووکیان باوەڕیان وابوو سیاسەت تەنها بۆ دەسەڵات نابێت، بەڵکوو بۆ چاکەی مرۆڤ و کۆمەڵگەیشە.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/the-moral-politics-of-opening-politics-qasemloo-and-aristotle/)

#کوردستان #تیشک #گۆڤار #ڕۆژهەڵات

01/08/2026

✉️ “کەمێک سەر داخە و تاجەگوڵینەکەت دانێ”
(خوێندنەوەیەک بۆ کتێبی ڕەشەشەو و سەبازانی ون)

🌐 بلاگی ژیانەوە (https://tishk.org/pe/)

✍️ ئارام کەیخوسرەوی

📖 کەیخوسرەوی، ئارام(٢٠٢٦): “کەمێک سەر داخە و تاجەگوڵینەکەت دانێ”(خوێندنەوەیەک بۆ کتێبی ڕەشەشەو و سەبازانی ون). بلاگی ژیانەوە؛ ناوەندی لێکۆڵینەوەی کوردستان – تیشک.

مامۆستا حەسەن شێوەسەڵی، لە مێژووی بزاڤی سیاسیی کوردستاندا کەسایەتییەکی ناسراو و ناوازەیە، بێجگە لە تێکۆشان، فیداکاری و شۆڕشگێڕییەکەی، ڕووداوێکی کارەساتبار ژیانی سیاسیی بەڕێزیانی زیاتر خستووەتە بەر چاو. تێرۆری ناجوانمێرانەی مامۆستا لە لایەن ڕژێمی ئێرانەوە، دۆخێکی تایبەتی بۆ دروست کردووە؛ ئەو ساڵانێکە هاوكات شاهید و هاوکاتیش قوربانییە. واتە ئەو کەلێنەی زۆرجار لە نێوان شاهید و قوربانیدا هەیە، لە تێرۆری دژەمرۆییانەی مامۆستادا لە یەک خاڵ و لە یەک مرۆڤدا کۆ بووەتەوە. مامۆستا هەم قوربانییە و هەمیش شاهید، واتە خۆی گێڕەرەوەی ئەو کارەساتەیە کە بە گیان و ئێسک ئەزموونی کردووە. بۆیە کاتێک دەنووسێت:
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/cover-your-head-a-little-and-put-your-wreath-on/)
#کوردستان #تیشک #گۆڤار #ڕۆژهەڵات

24/07/2026

چالاک بوونی کاناڵی واتساپی "ناوەندی لێکۆڵینەوەی کوردستان-تیشک"

ئێوەش دەتوانن لە ڕێگەی لینکی کاناڵی واتساپەوە پەیوەستی «ناوەندی لێکۆڵینەوەی کوردستان-تیشک» بن، تاوەکو بەردەوام ئاگاداری نوێترین بابەت, لێکۆڵینەوە و وتارەکانمان بن.
زانیاری، ناو و ژمارەی ئەندامانی کاناڵی واتساپی تیشک پارێزراو دەبێت و هیچ ئەندامێک ناو و زانیاری ئەندامانی تری کاناڵەکە نابینێت.
لە ڕێگەی ئەم لینکەوە پەیوەستی کاناڵی واتساپی ناوەند بن:
https://whatsapp.com/channel/0029VbB6gLEInlqUjTPZn832
#وتار #لێکۆڵینەوە #واتساپ

Follow ‎ناوەندی لێکۆڵینەوەی کوردستان-تیشک‎'s WhatsApp Channel. ‎ئێمە لە ناوەندی لێکۆڵینەوەی کوردستان – تیشک‌، بۆ بەرەوپێشچوونی زیاتری زانست و مەعریفە لەسەر کوردستان و پرسی بەربڵاوتری کورد لە ڕۆژهەڵاتی نێوەڕاستدا تێدەکۆشین. تیشک لە ساڵی ٢٠٢٢ لە وڵاتی ئاڵمان دامەزراوە، ڕێکخراوێکی ناحکومی و قازانج نەویستە و پابەندی لێکۆڵینەوەی ورد و زانستییانەی بوارە سیاسی، کۆمەڵایەتی و کولتوورییەکانە..‎ Join 51 followers for the latest updates.

23/07/2026

✉️ لە یەکەم چاوپێکەوتنەوە تا یادی هەمیشەیی دوکتور قاسملوو

🌐 پڕۆژەی وێنای دکتۆر قاسملوو لە کۆیادی کوردستاندا

✍️ کامران ئەمین ئاوە

ساڵەکان زۆر زوو تێپەڕ دەبوون و بەپێی جیاوازیی بیر و هزر و سیاسەتەکانی حیزبی توودەی ئێران لە پێوەندی لەگەڵ حکوومەتی ناوەندیی ئێران و بەتایبەتی ڕوودانی ئینشعابی پەیڕەوانی کۆنگرەی چواری حیزبی دیموکراتی کوردستان لە ٢٩ی جۆزەردانی ١٣٥٩، پێوەندییەکانی حیزبی توودە و دیموکرات تا دەهات ئاڵۆزتر دەبوو. بەڵام سەرەڕای ئەوەش کاتێک ڕێبەران و کادرەکانی حیزبی توودەی ئێران لە ساڵی ١٣٦٢ کەوتنە ژێر زەبری هێزە سەرکوتکەرەکانی کۆماری ئیسلامیی ئێران، حیزبی دیموکراتی کوردستان بە دەرکردنی بەیاننامەیەک لە ژمارەی ٩٠ی “کوردستان” لە بانەمەڕی ١٣٦٢ کە لە ڕادیۆی دەنگی کوردستانیش بڵاو ببووەوە، ئەم هێرشەی مەحکووم کرد و نووسی:”ئێستا کە دامودەزگای ...
🔍بۆ خوێندنەوەی درێژەی بابەت لێرە کرتە بکەن.

https://tishk.org/ku/from-the-first-interview-to-the-permanent-memory-of-dr-qasemloo/
#کوردستان #تیشک #گۆڤار #ڕۆژهەڵات

لە یەکەم چاوپێکەوتنەوە تا یادی هەمیشەیی دوکتور قاسملوو کامران ئەمین ئاوە هاوینی ساڵی ١٣٥٨ی هەتاوی، هاوینێکی گەرم و پڕ لە جووڵەی سیاسی بوو. لەگەڵ هاوڕێیەکم لەبەردەم...

22/07/2026

✉️ قاسملووم چۆن بینی؟

🌐 پڕۆژەی وێنای دکتۆر قاسملوو لە کۆیادی کوردستاندا

✍️ عەلی مازووجی

📖 مازووجی، عەلی(٢٠٢٦): قاسملووم چۆن بینی؟. پڕۆژەی وێنای دکتۆر قاسملوو لە کۆیادی کوردستاندا؛ ناوەندی لێکۆڵینەوەی کوردستان – تیشک.

بۆ من، د. عەبدولڕەحمان قاسملوو یەکێک بوو لە گرنگترین کەسایەتییە سیاسییەکانی سەدەی بیست لە کوردستان. ئەو، وەک هەر مرۆڤێکی دیکە، هەڵەی هەبوو، بەڵام توانای ئەو لە بیرکردنەوەی ستراتیژی، دیپلۆماسی و ناساندنی پرسی کورد بۆ جیهان، جێگای تایبەتی بۆی هێشتووەتەوە. باشترین ڕێگا بۆ ڕێزلێنان لە یادەوەریی ئەو، ئەوەیە کە هەم دەستکەوتەکانی و هەم هەڵەکانی بە چاوێکی ڕەخنەگرانە بخوێنینەوە، تاکو نەوەکانی داهاتوو سوودی لێ وەربگرن.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/how-did-you-see-qasemloo/)

#کوردستان #تیشک #گۆڤار #ڕۆژهەڵات

21/07/2026

✉️ ئەو ڕۆژەی باوکم پارووە نانەکەی بۆ قووت نەدرا

🌐 پڕۆژەی وێنای دکتۆر قاسملوو لە کۆیادی کوردستاندا

✍️ هاوڕێ

📖 هاوڕێ(٢٠٢٦): ئەو ڕۆژەی باوکم پارووە نانەکەی بۆ قووت نەدرا. پڕۆژەی وێنای دکتۆر قاسملوو لە کۆیادی کوردستاندا؛ ناوەندی لێکۆڵینەوەی کوردستان – تیشک.

و ئەمڕۆ، لە ڕێگەی هزر و ڕێبازێکەوە کە هێشتا پرسیار دروست دەکات، گفتوگۆ دەخوڵقێنێت و مرۆڤ ناچار دەکات لە داهاتووی کوردستان وردتر بڕوانێت.
لەو ڕۆژە ڕەشەدا، سێبەری ڕەشی ڕەشەکوژیی دەوڵەتی، کوردستانی کردە شەوەزەنگ.
هەندێک جار، مەرگ دەتوانێت جەستەی ڕێبەرێک لە گەلەکەی بستێنێت، بەڵام ناتوانێت ئەو پرسیار و بیرۆکانە بکوژێت کە لە مێشکی نەوەکاندا چێنراون.
قاسملوو ڕۆیشت،
بەڵام پرسیاری قاسملوو، هزری قاسملوو و خەونی گەلێک کە خەباتی بۆ دەکرد، هێشتا ماوە.
🔍بۆ خوێندنەوەی درێژەی بابەت لێرە کرتە بکەن.
(https://tishk.org/ku/dr-qasemloos-portrait-project/)

#کوردستان #تیشک #گۆڤار #ڕۆژهەڵات