18/10/2026
Safiirka Jamhuuriyadda Federaalka Soomaaliya ee Jarmalka oo Booqasho Taariikhi ah ku Tagay Magaalada Schweinfurt
Schweinfurt, Jarmalka – 16-17 October 2026
Safiirka Jamhuuriyadda Federaalka Soomaaliya u fadhiya dalka Jarmalka, Mudane AbdiAsis Mohamud Mohamed (Farabadane) ayaa booqasho rasmi ah oo qaadatay laba habeen ku joogay magaalada Schweinfurt ee gobolka Bayern.
Booqashada safiirka ayaa qeyb ka ah dadaallada lagu xoojinayo xiriirka dhaqan iyo is-dhexgalka bulshada ee u dhexeeya safaaradda Soomaaliya iyo jaaliyadda Soomaaliyeed ee ku nool Jarmalka.
Maalinta Koowaad: 16.10.2026 – Dhaqanka iyo Taariikhda
Maalintii koowaad, safiirka ayaa booqasho ku tagay goobaha ay Soomaalidu ku badantahay ee magaalada, oo ay ka mid yihiin Dugamada, Maqaayadaha iyo Dugsiga.
Maalinta Labaad: 17.10.2026 – Shirka Odayaasha iyo Jaaliyadda
Maalintii labaad, safiirka ayaa shir ballaaran la yeeshay odayaasha, waxgaradka iyo hoggaanka jaaliyadda Soomaaliyeed ee magaalada Schweinfurt, oo uu ugu horeeyo Guddoomiyaha Jaaliyadda Schweinfurt, Mudane Nafa Seylac Abdullahi
Qodobada Muhiimka ah ee Shirka Looga Hadlay
1. Aqoonsiga Documenti-yada Soomaalida Safiirka ayaa ka jawaabay cabashada ku saabsan documenti-yada Soomaalida ee aan waddanka Jarmalka laga aqoonsanayn. Wuxuu sheegay in dadaal xoog leh lagu bixinayo sidii loo heli lahaa aqoonsi rasmi ah.
2. Arrinta Tarxiilka Safiirka ayaa si cad u beeniyay wararka maalmahan baraha bulshada ku jira ee ku saabsan tarxiilka Soomaalida. Wuxuu cadeeyay in aanay waxba ka jirin wararkaas.
3. Dhibaatada Xiriirka Safaaradda Jaaliyadda ayaa soo bandhigtay in kontaktiga safaaraddu uu adag yahay. Safiirka ayaa ballan qaaday in la fududeyn doono habka isgaarsiinta iyo helitaanka macluumaadka.
Odayaasha magaalada ayaa safiirka ku soo dhaweeyay si diirran, iyagoo uga mahadceliyay booqashadiisa qiimaha leh.
Gunaanad
Safiirka Mudane AbdiAsis Mohamud Mohamed (Farabadane) ayaa gabagabadii booqashadiisa ka mahadceliyay soo dhaweynta qiimaha lahayd ee loo sameeyay. Booqashadan ayaa ku soo dhammaatay jawi is-afgarad iyo is-ixtiraam leh.
Diyaariye: Shirwac
Jaaliyadda Soomaaliyeed ee Schweinfurt Bayern, Germany