Al-Biruni Human Resilience Organization

Al-Biruni Human Resilience Organization AHRO dedicated to strengthening vulnerable communities through education, awareness & digital ino

د نورستان د ملي غمیزې په اړه د تسلیت پيغام د البېروني بشري پياوړتیا موسسې رهبري او کارکوونکي په نورستان کې د رامنځته شوې...
21/07/2026

د نورستان د ملي غمیزې په اړه د تسلیت پيغام

د البېروني بشري پياوړتیا موسسې رهبري او کارکوونکي په نورستان کې د رامنځته شوې ملي غمیزې په مناسبت ټولو هیوادوالو او بالخصوص د نورستان غمځپلو کورنیو ته تسلیت وایي.

طبیعي آفتونه، له بده مرغه هر کال په افغانستان کې ډېرو هیوادوالو ته مالي او ځاني زیانونه اړوي.

د دغه پېښو پر وړاندې چمتووالي لپاره مخکې له مخکې اړین تدابیر په کار دي او کورنۍ باید پوه شي چې له پېښې را منځته کېدو وروسته څنګه ځانونه خوندي وساتي.

موږ په دې باور لرو چې وقایه تر درملنې بهتره ده او هڅه کوو ټولنې پياوړې کړو چې د نورو ناورینونو د رامنځته کېدو پر وخت د تلفاتو شمېر تر ممکن حده کم شي.

همدارنګه په خیریه سازمانونو او مرستندویه بنسټونو غږ کوو چې د نورستان د غمېزې قربانیانو ته مرستې ورسوي او د پلټنې په عملیاتو کې مرسته وکړي.

درناوی

البېروني د بشري مرستو موسسه

20/07/2026

یوازې دوه کاله وړاندې، ابراهیم جرار بریتانیا ته د پناه غوښتونکي په توګه ورسېد؛ داسې مهال چې له ناڅرګند راتلونکي او ګڼو ننګونو سره مخامخ و.

ځوانانو ته د ژوند د خوندیتوب لارښود: د ناقانونه سفرونو خطرونه او زموږ مسؤلیتزموږ په ټولنه کې د هرې کورنۍ ستر ارمان د خپل...
11/07/2026

ځوانانو ته د ژوند د خوندیتوب لارښود: د ناقانونه سفرونو خطرونه او زموږ مسؤلیت

زموږ په ټولنه کې د هرې کورنۍ ستر ارمان د خپلو بچیانو روښانه راتلونکی دی. کله چې یو ځوان احساس کړي چې په هېواد کې یې د پرمختګ لارې بندې دي، نو د ژوند د ښه کولو لپاره د «بهر تګ» فکر ورته تر ټولو اسانه لاره ښکاري. خو بدبختانه زیاتره وخت له دې فکره هغه انساني قاچاقبر ناوړه ګټه اخلي چې اصلي موخه یې یوازې پيسې ترلاسه کول وي.

د مور، پلار او د کورنۍ د مشر په توګه، ستاسو رول یوازې دا نه دی چې بچي او ځوانان له نامنطمې کډوالۍ منع کړئ، بلکې ستاسو یو لوی مسوولیت دا دی چې هغوی پوه کړئ او د یوه مهربانه مشر او ملګري په توګه ورسره وغږېږئ:

- یوازې وېره ګټه نه کوي، هغوی باید باور ولري
کله چې موږ خپلو بچیانو ته په کلکه وایو چې «بهر مه ځه»، هغوی دې خبرې ته د یو ډول بندیز په سترګه ورته ګوري او ممکن خپل پلانونه له موږ پټ کړي. همدا لامل دی چې زیاتره افغانان ځوانان لومړی له کوره پټ سفر پيلوي او وروسته بیا کورنۍ مجبوروي چې هغوی ته پیسې ور ولېږي.

د خپلو بچو خبرې واورئ، پرې یې ږدئ چې خپل درد، بېوسي او هیلې له تاسو سره شریکې کړي. کله چې یو ځوان احساس کړي چې تاسو یې د ستونزو په ژورتیا پوهېږئ، نو ستاسو د مشورې منلو ته هم زړه ښه کوي.

هغوی سره په داسې یو ځای کې کېنئ چې هغوی د تېښتې پر ځای، له تاسو سره د راتلونکې په اړه مشوره وکړي. خبرې درسره وکړي. خپلې ستونزې او احساسات دررته ووايي او له تاسې د ژوند په اړه پرېکړې کولو کې مرسته وغواړي.

۲. د قاچاقبرانو د دروغو پرده پورته کړئ
قاچاقبران د یوې ښې راتلونکې «خوبونه» پلوري، خو د حقیقت کیسه بل ډول ده. خپلو بچو ته د قاچاقبرانو چلونه، فرېبونه او ټګي ښه تشریح کړئ:
په نامنظمو لارو هېڅوک د چا د ژوند تضمین نه شي کولای. قاچاقبر یوازې د پیسو په لټه کې وي؛ که لار کې له کومې ستونزې سره مخ شئ، هغوی تاسو پرېږدي او تښتي.

په پردي هېواد کې د قانوني اسنادو پرته اوسېدل، یو ځوان په یو «ژوندي زندان» کې بندوي. نه کار کولای شي، نه زده‌کړه او نه هم د کومې ستونزې پر مهال له دولت څخه مرسته غوښتلی شي. اروپايي هیوادونه قوانین ورځ په ورځ سختوي او هره میاشت زرګونه کسان بېرته «ډيپورټ» کوي.

۳. د «نن» په ارزښت پوهول
د ځوانانو د تېښتې اصلي لامل د «ناامیدۍ» احساس دی. د کورنۍ په توګه هڅه وکړئ چې د هغوی د نن ورځې لپاره اهداف وټاکئ:

هغوی وهڅوئ چې یو مهارت (کمپیوټر، ژبه، تخنیکي زده‌کړې) زده کړي. هر څومره چې یو ځوان په خپل وطن کې مهارت ولري، هومره یې د خپل راتلونکي په اړه هیله زیاتېږي.

په هغوی کې دا احساس پیدا کړئ چې په وطن کې دننه هم د یو څه کولو فرصت شته.

۴. د سفر خطرونه له دوی سره وڅېړئ
د نورو هغو کسانو کیسې ورته وکړئ چې په نامنظمو لارو تللي او په لاره له خطرونو او حتی مرګ سره مخ شوي دي. هر کال زرګونه کسان په دې لارو مړه کېږي او د زیاترو مړي هم بېرته کورنیو ته نه رسېږي:
- که په لاره د خطر پر وخت قاچاقبر وتښتي څه به کوې؟
- که قاچاقبر دې په غلو خرڅ کړي څه به کوې؟
- که غلې د پيسو لپاره شکنجه کړي؟
- که د پولیسو او پوځیانو له لوري په ډزول کې ووژل شې؟

۵. قانوني لارې لټول
هر کال زرګونه کسان بهرنیو هیوادونو ته په قانوني ډول ځي. په دې کې ښه لاره ده زده‌کړو او بوروسونو ده. خپلو بچو او ځوانانو سره یو ځای قانوني لارې ولټوئ. ویې هڅوئ چې انګلیسي او نورې اړینې ژبې زده کړي. په درسونو کې زیار وباسي. بوروسونو ته ځان تیار کړي او بې خطره په داسې توګه بهر هیواد ته لاړ شي چې کورنۍ پرې وویاړي. دا لاره به اوږده وي، خو له ویاړ، خوند لاره ده او راتلونکی په کې تضمین دی.

د کورنیو لپاره یو پیغام:
ستاسو د بچي ژوند له هر ډول بهرني سفر او مادي سوکالۍ څخه ارزښتناک دی. د قاچاقبرانو په لاس د خپل بچي سپارل د دوی د راتلونکي د تباهۍ پیل دی. دا ستاسو مسوولیت دی چې د هغوی خبرې واورئ، ستونزو ته یې غوږ شئ، نهیلي یې درک کړئ او د نامنظمې کډوالۍ په خطرونو یې پوه کړئ.
که تاسو خپلو سره خبرې ونه کړئ، انساني قاچاقبران یې ورسره کوي...!

🎓 د خطرناکې کډوالۍ پر ځای، د تحصیلي بورس له لارې په جرمني کې زده کړې وکړئایا جرمني ته تګ او هلته د ښه او روښانه راتلونکې...
09/07/2026

🎓 د خطرناکې کډوالۍ پر ځای، د تحصیلي بورس له لارې په جرمني کې زده کړې وکړئ

ایا جرمني ته تګ او هلته د ښه او روښانه راتلونکې هڅه کوې؟

د (DAAD EPOS) سکالرشپ افغان متخصصینو ته دا فرصت ورکوي چې په جرمني کې په غوره پوهنتونونو کې د ماسټرۍ یا دوکتورا سند په وړیا ډول ترلاسه کړي. افغانستان د دې معتبر سکالرشپ لپاره د وړ هېوادونو په لېست کې شامل دی.

څوک غوښتنلیک ورکولی شي؟
✅ افغانان
✅ د لېسانس سند لرونکي
✅ هغه کسان چې لږ تر لږه ۲ کاله اړونده کاري تجربه ولري
✅ هغه کسان چې په جرمني کې به شرایطو برابر د ماسټرۍ یا دوکتورا پروګرام کې د داخلې لپاره غوښتنلیک سپاري.

هر کال زرګونه افغان ځوانان د نامنظمې کډوالۍ لارې غوره کوي او خپل ژوند له خطر سره مخ کوي. دا سفرونه خطرناک، نامعلوم او د ناورین لامل کېدای شي.
زده کړې د راتلونکي جوړولو لپاره یو خوندي او تلپاتې لار ده. که تاسو شرایط پوره کوئ، نو د دې تحصیلي بورس لپاره غوښتنلیک ورکړئ او د قانوني او خوندي لارو، خپل علمي او مسلکي اهداف تعقیب کړئ.

🔗 د لا زیاتو معلوماتو او غوښتنلیک لپاره د DAAD رسمي وېب‌پاڼې ته مراجعه وکړئ:
ویب ساېټ: www.daad.de

مهرباني وکړئ دا فرصت له هغو زده‌کړيالانو، فارغانو او مسلکي کسانو سره شریک کړئ چې له دې څخه ګټه پورته کولای شي.

البېروني د بشري پیاوړتیا سازمان
د پوهې، علم او فرصتونو له لارې د افغان ځوانانو پیاوړتیا

نیروهای امنیتی ترکیه روز سه‌شنبه اعلام کردند که ۲۴ پناهجوی افغان را در شهر «ادرنه» به اتهام تلاش برای خروج غیرقانونی از ...
07/07/2026

نیروهای امنیتی ترکیه روز سه‌شنبه اعلام کردند که ۲۴ پناهجوی افغان را در شهر «ادرنه» به اتهام تلاش برای خروج غیرقانونی از این کشور بازداشت کرده‌اند.

در میان این افراد، ۷ زن و ۶ کودک نیز شامل هستند. گزارش‌ها حاکی از آن است که تمامی این افراد برای طی مراحل قانونی به مرکز اخراج اتباع خارجی منتقل شده‌اند.

همچنین نیروهای امنیتی ترکیه راننده یک مینی‌بوس را نیز به اتهام قاچاق این پناهجویان بازداشت کرده و تحقیقات در مورد این پرونده جریان دارد.

#پناهجویان #افغانستان #ترکیه #مهاجرت

د تسلیت پیغام د البېروني بشري پياوړتیا موسسې رهبري او ټول ټیم د افغانستان د کرېکټ ملي لوبډلې پیاوړي لوبغاړي شاپور ځدران ...
07/07/2026

د تسلیت پیغام

د البېروني بشري پياوړتیا موسسې رهبري او ټول ټیم د افغانستان د کرېکټ ملي لوبډلې پیاوړي لوبغاړي شاپور ځدران د مړینې له امله د نوموړي کورنۍ، د افغانستان کرېکټ بورډ او تاسې قدرمن ملت ته تسلیت او د همدردۍ مراتب وړاندې کوي.

ښاغلی ځدران په افغانستان کې د سالم ورزش او کرېکټ د ترویج په برخه کې نه ستړې کېدونکې او اغېزناکې هلې ځلې کړي او د خپلو لوبو په وسیله یې افغان ځوانان په ټولنه کې سالمو فعالیتونو ته هڅولي دي.

ځدران د زرګونو هغو افغان ځوانانو لپاره د الګو حیثیت لري چې په راتلونکي کې د خپلو وړتیاو او انرژۍ د سم مصرف او خپلو لوړو هیلو ته د رسېدو ارمان لري.

یو ځل بیا تاسو ټولو ته د دې لویې ضایعې تسلیت وایوو.

انالله و اناالیه راجعون

06/07/2026

Afghanistan devastated earthquake 2025…

04/07/2026

د قاچاقبرانو او «راه بلدانو» په وعدو مه تېروځئ.
خطرناکې لارې، ستاسو ژوند له خطر سره مخ کوي.

- ویډیو : بي بي سي پښتو

له ۲۰۲۳ز کال راهیسې چې پاکستان او ایران د افغان کډوالو جبري ایستل پیل کړي، افغانستان ته نږدې ۶ میلیونه افغانان ستانه شوي...
03/07/2026

له ۲۰۲۳ز کال راهیسې چې پاکستان او ایران د افغان کډوالو جبري ایستل پیل کړي، افغانستان ته نږدې ۶ میلیونه افغانان ستانه شوي دي.

د کډوالو نړیوال سازمان وایي، د دې کډوالو یوه لویه ستونزه دا ده چې تذکرې او نور د هویت رسمي اسناد نه لري.

د دې سازمان د شمېرو له مخې، نږدې ۸۵ سلنه افغانان چې بېرته خپل وطن ته ستنېږي، تذکرې نه لري.

دا زیاتره هغه کسان دي چې په کډوالۍ کې پيدا شوي او لومړی ځل یې دی چې بېرته خپل وطن ته ستنېږي.

دغه کډوال په افغانستان کې زیاتره ستونزو سره مخ کېږي، ځکه بې له تذکرې ښوونځي کې داخله، روغتیایي خدمتونه، بشري مرستې او نورې مهمې پروسې مخ ته نه شي تللی.

تذکره د دې ثبوت دی چې راستون شوی هیوادوال افغان دی او د نورو افغانانو په څېر ټولو هغو خدمتونو او مرسته ته لاسرسي حق لري چې نور افغانان ترې ګټه اخلي.

که تاسې تراوسه تذکره نه وي اخیستي، لاس په کار شئ او خپل ځان، کورنۍ او بچیو ته تذکرې جوړې کړئ.

د تذکرو د ترلاسه کولو لپاره د خپل کلي له مشر یا ولسوالۍ پوښتنه کولای شئ، هغوی به درته بشپړه لارښوونه وکړي او پوه به مو کړي چې څه شي ته اړتیا لرئ.

که تاسې رسمي او بشپړ اسناد ونه لرئ، ښايي له ډېرو فرصتونو بې‌برخې پاتې شئ او د ژوند په چارو کې له ستونزو سره مخ شئ.

#تذکره #کډوالي #هویت #البیروني

د نامنظمې کډوالۍ بشري ناوریند کډوالو نړیوال سازمان (IOM) د «نادرکه کډوالو پروژې» د معلوماتو له مخې، له ۲۰۱۴ کال راهیسې پ...
29/06/2026

د نامنظمې کډوالۍ بشري ناورین

د کډوالو نړیوال سازمان (IOM) د «نادرکه کډوالو پروژې» د معلوماتو له مخې، له ۲۰۱۴ کال راهیسې په ټوله نړۍ کې له ۸۲،۰۰۰ ډېر کډوال، پناه غوښتونکي او بې‌ځایه شوي کسان د کډوالۍ په لارو کې مړه شوي یا بې‌درکه شوي دي. د دې ناورین لامل، د کډوالۍ په موخه په سیندونو، دښتو، غرونو او سرحدي سیمو کې خطرناک او نامنظم سفرونه ښودل شوي دي. د دې سفرونو په لړ کې کډوال او بې‌ځایه شوي انسانان د تاوتریخوالي، ناوړه ګټې اخیستنې، د انسانانو قاچاق، بندي کېدو او برمته کېدو، شدیدې هوا، لوږې، تندې او د ژغورنې د خدماتو د نشتوالي، له ستونزو سره مخ کېږي.

د مدیترانې سواحل تر ټولو خونړۍ لاره بلل کېږي چې له ۲۰۱۴ز کال راهیسې په دې لارو لسګونه زره کسان مړه او بې‌رکه شوي دي. دا لسګونه زره پېښې یوازې هغه دي چې ثبت شوي، خو اټکل کېږي چې ناثبت شوې پېښې به په مراتبو لوړې وي.

افغانان د هغو ملتونو په لیکه کې راځي چې په دې برخه کې تر ټولو ډېر قرباني او ځپل شوي دي. د کډوالو نړیوال سازمان د معلوماتو له مخې، د ۲۰۲۴ کال تر پای پورې لږ تر لږه د ۵،۰۴۶ افغانانو وژل کېدل یا بې‌درکه کېدل ثبت شوي دي. همدارنګه په ۲۰۲۵ کې، شاوخوا ۱،۴۹۲ نورو افغانانو د مړینې او بې‌درکۍ راپورونه ورکړل شول. د دې شمېرو له مخې د ۲۰۱۴ او ۲۰۲۵ ترمنځ نږدې یوولس کالو کې نږدې ۶۵۰۰ افغانان د کډوالۍ، پناه‌غوښتنې و بې‌ځایه کېدو په لړۍ کې وژل شوي یا بې درکه شوي دي.

بیا هم د یادونې وړ ده چې دا یوازې ثبت شوې شمېرې دي. هغه پېښې چې په بحرونو او لرې پرتو سیمو کې شوي او رسماً نه دي ثبت شوي، ښایي شمېر یې تر دې ډېر لوړ وي.
خو دا یوازې شمېرې نه دي. دا هره شمېره یو انسان دی. هر انسان یو زوی دی، لور ده، پلار دی، ورور دی، خور ده، د کورنۍ یو غړی دی چې افغانستان کې ورته کورنۍ ارمانونه لرل او ښايي په دې تمه وو چې کډوالۍ به یې د ژوند ستونزې تر یوه حده کمې کړي، خو د ښه راتلونکي هیله باید د انساني ژوند د قرباني کېدو په بیه تمامه نه شي.

کورنۍ حق لري چې د ښه ژوند پلټنه او ورته د رسېدو هڅې وکړي، خو باید په نامنظمو او خطرناکو لارو د خپلو بچیو له لېږلو وړاندې دې، یو ځل ژور فکر او منظم معلومات وکړي. د نامنظمې کډوالۍ سفرونه تر هغې ډېر خطرناک دي چې تاسې یې فکر کوئ. زرګونه کسان په غرونو، دښتو، اوبو، واورو او ځنګلونو کې مړه کېږي، ټپیان کېږي او له بېلابېلو نورو خطرونو سره مخ کېږي.

همداسې ډېر انسانان په لاره د انساني قاچاقبرانو د ناوړه استفادې ښکار کېږي. د پيسو لپاره برمته کېږي، زنداني کېږي او په بېلابېلو ډولونو جسماً او روحاً شکنجه کېږي. له بده‌مرغه د زیاتره عزیزانو مړي هم نه موندل کېږي او کورنۍ یې له وروستي دیدنه هم محرومې پاتې کېږي یا داسې جسدونه موندل کېږي چې پېژندل او کورنۍ پیدا کول یې ډېر سخت او حتی ناممکن وي.
په دې وروستیو کې په ټوله نړۍ او بالخصوص اروپا کې د کډوالۍ سیاستونه ورځ په ورځ بدلېږي. په سرحدونو کې کنترول جدي شوی او په ناقانونه توګه هیوادونو ته ننوتل تر پخوا ډېر سخت شوي دي.

په همدې خاطر په نامنظمه توګه اروپايي هیوادونو ته ورتګ او هلته د اوسېدو او قبلېدو فرصتونه هم د پخوا په پرتله ډېر زیات کم شوي دي. زیاتره خلک چې په دې سختو لارو که خپل مقصد هیواد ته ورسېږي بیا به هم له کلونه بې‌سرنوشتۍ، ستونزو او حتی زندان سره مخ کېږي او ډېر اټکل شته چې بېرته خپل اصلي یا بل لرې پروت درېیم هیواد ته ولېږل شي.

د نږدې ۸۲زره کسانو وژل کېدل یو خبرداری دی چې نامنظمه کډوالي خطرناکه ده. د انساني قاچاقبرانو خیالي ژمنې او دروغجنې وعدې ښايي دا هر څه ډېر آسانه وښيي، خو پایله یې دردونکې ده.
خو دا په دې معنی نه ده چې د کډوالۍ ټولې لارې بندې دي. هر کال زرګونه کسان د کاري او تحصیلي فرصتونو او همدارنګه د کډوالۍ قانوني پروسو او نورو خوندي لارو، بالخصوص اروپايي هیوادونو ته سفرونه کوي او د ښه ژوند راتلونکي لپاره فرصتونه مومي.

ستاسو یوه پرېکړه ستاسې د یوه عزیز ژوند ښه کولای، یا له خطر سره مخ کولای شي.

Adresse

Kassel
34127

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Al-Biruni Human Resilience Organization erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Verknüpfungen

Teilen

Kategorie