Affan Pashto

12/10/2026

په خټو کې له خنځير سره مه غاړه غړۍ کېږه!
د ابن جوزي په کتاب «مناقب عمر بن الخطاب‌رض» کې راځي، چې اميرالمؤمنين عمر بن خطاب‌رض وويل:
«که دې داسې خبره تر غوږ شوه، چې ته يې ځورولې، ځان ترې ټيټ کړه، څو په سر دې (لکه هوا) تېره شي».

اې زما ملګريه!
د عقل له لسو څخه نهه برخې هوښياري په ځان ناګومانه اچولو کې ده.
د هرې خبرې په اورېدو مه تم کېږه او مه په هر ځواب پسې له شا منډې وهه؛ ځکه ته دې ته اړ نه يې، چې هر هغه شخړې ته ور ودانګې، چې نور د ورغواړي.
بې ګټې بحثونه او شخړې انسان کمزوری کوي؛ ځکه خو خپله انرژي د هغه کارونو لپاره وساته، چې رښتينی ارزښت لري.
ځينې جګړې داسې دي، چې ماتې پکې خوړل ډېره ترخه او بريا پکې دومره لويه خبره نه وي.
انګرېزان يو ښکلی ولسي متل لري، چې وايي: له خنځير سره په خټو کې مه غاړه غړۍ کېږه، ته به هسې چټل شې او هغه به خوند ورڅخه اخلي.

📖 کتاب: د عمر بن خطابؓ پیغامونه.
🖌️ لیکوال: د.ادهم شرقاوي.
🔖 ژباړن: نصیر محمد مشال.
#اسلام

11/10/2026

Why Is Your Heart Not at Peace? | ولې دې زړه سکون نه لري؟

11/10/2026

له توبه کوونکو سره ناسته پاسته کوئ!
د ابن حبان په کتاب «روضة العقلاء» کې راځي، چې اميرالمؤمنين عمر بن خطاب‌ وويل:
«له توبه کوونکو سره ناسته پاسته کوئ؛ ځکه د هغوی زړونه له هر چا ډېر نرم وي».

اې زما ملګريه!
هغه ګناه، چې وروسته توبه ورپسې وي، له هغه عبادت غوره ده، چې د ترسره کوونکي زړه يې له لويۍ ډک کړی وي.
د ابلیس هلاکت د دې له امله و، چې خپل عبادت يې ډېر ګڼلی و او د آدم‌ بری په دې کې و، چې خپله ګناه يې لويه وګڼله.
تر ټولو نرم زړونه د هغه چا وي، چې ګناه يې ترسره کړې وي او وروسته يې په رښتينې توګه توبه کړې وي. دوی د خلکو ګناه ته د مهربانۍ په نظر ګوري؛ ځکه خپلې مخکنۍ تېروتنې او ماتې وريادېږي.
پام، ډېر پام، چې توبه کوونکي ته په مخکنۍ ګناه پېغور ورنه کړې؛ ځکه اعتبار پايلې ته دی او بريا د مبارزه کوونکي پای ته په رسولو کې ده، د لارې په اوږدو کې په ستړياوو ګاللو نه!

📖 کتاب: د عمر بن خطابؓ پیغامونه.
🖌️ لیکوال: د.ادهم شرقاوي.
🔖 ژباړن: نصیر محمد مشال.

#اسلام

10/10/2026

د هیواد پرمختګ لپاره ۵ مهم ټکي !
د روښانه راتلونکي په لور

09/10/2026

تقوا دا ده، چې دنيا دې په لاس کې وي، په زړه کې نه!
په مصنف ابن أبي شيبة کې راغلي، چې اميرالمؤمنين عمر بن خطاب‌ ابو موسی اشعري‌ ته په يوه ليک کې داسې وليکل:
«د آخرت بريا ته د رسېدو لپاره، په دنيا کې له تقوا پرته بل غوره انتخاب نه شته».

اې زما ملګريه!
تقوا دا نه ده، چې په يوه کونج کې د دنيا له ژوند لاس په سر کېنې؛ بلکې تقوا دا ده، چې دنيا دې د زړه پر ځای په لاس کې اخيستې وي!
ابوبکر صديق‌ تاجر و؛
عثمان‌ شتمن و؛
حسان‌ شاعر و؛
د انصارو ټولو صحابه کرامو‌ د کروندې لپاره پرېمانه ځمکې لرلې او عبدالرحمن بن عوف‌ به سهار بازار ته ولاړ، پېرل او پېرودل به يې کول، تر دې چې شتمن به شو؛ خو دوی بیا هم تقوا لرونکي وو؛ ځکه دنيا يې د آخرت لپاره توښه ګرځولې وه او بس!
په ياد ولره، چې په دنيا کې د تقوا او کمزورۍ يا تسليمۍ تر منځ لکه ځمکه او اسمان دومره توپير دي!

کتاب: د عمر بن خطاب رض پیغامونه

#اسلام

08/10/2026

موږ د دې لپاره نه یو چې د خلکو قضاوت وکړو؛ بلکې د دې لپاره یو چې یو بل ته یادونه وکړو.

نصیحت باید هېڅکله په دې احساس ونه شي چې ګواکې موږ له نورو غوره یو. موږ ټول خپلې نیمګړتیاوې، خپلې مبارزې او داسې عادتونه لرو چې د بدلولو هڅه یې کوو. کله چې پوهېږو د خپل ځان بدلول څومره سخت دي، نو د نورو د بدلون په تمه هم باید له صبر او رحم څخه کار واخلو.

خو په همدې خاطر باید مخلصانه نصیحت او یادونه هم پرېنږدو.

هدایت او حقیقي بدلون د الله سبحانه وتعالی په لاس کې دی. کېدای شي یوه ساده خبره، یو مخلصانه نصیحت، یا یوه دعا د دې سبب شي چې الله تعالی د یو چا زړه بدل کړي.

نو په مهربانۍ یادونه وکړئ، په اخلاص دعا وکړئ، او زړونه الله تعالی ته وسپارئ.

یا الله! موږ ټول اصلاح کړه، زموږ زړونو ته هدایت وکړه، زموږ نیمګړتیاوې وبخښه، او له هغو بندګانو مو وګرځوه چې ته ترې راضي یې. آمین. 🤲
Rahmatullah Nowruz - رحمت الله نوروز

08/10/2026

ستاسو خپله اکاډمي 📚

بهر مېشتو افغانانو د خپلو اولادونو لپاره د زده کړو هیلې مو د اذان سره بشپړې کړئ.

واټسأپ: 0783780001

📚

08/10/2026

د انسان عظمت د کمزورو پروړاندې په تواضع او عاجزی کې ده دوکتور حیات الله عتید ــ

08/10/2026

يوازيتوب د ښه والي معيار دی!
د امام بيهقي په کتاب «شعب الإيمان» کې راځي، چې اميرالمؤمنين عمر بن خطاب‌ وويل:
«زه تاسو ته وصيت کوم، چې په يوازيتوب کې له الله‌ ووېرېږئ!».

اې زما ملګريه!
يوازيتوب د ښه والي معيار دی، کنه په ښکاره خو هر يو ښه انسان يو!
د ایمان رښتينې ازموينه هغه وخت وي، چې له الله‌ سره يوازې شې؛
هغه وخت، چې د رسوايۍ وېره د نه وي؛ خو بيا هم د الله‌ غوړولې پردې نه څيرې کوې؛
هغه وخت، چې د خلکو له سترګو پنا يې؛ خو الله‌ عادي ننداره کوونکی ونه ګڼې؛
هغه وخت نېکي وکړې، چې پوهېږې څوک د نه هڅوي او خپل لويوالی په خپله درک کړې، که څه هم د خلکو له سترګو پنا يې!
ابن قيم‌ به ويل: د يوازيتوب ګناهونه، د لوېدلو او تيندکونو خوړلو ريښې دي او د يوازيتوب عبادت د استقامت او ثبات بنسټ دی.

کتاب: د عمر بن خطاب رض پیغامونه

#اسلام

07/10/2026

انسان په خپل زړه کې وژل کېږي!
د ابن دريد په «المجتني» کتاب کې راغلي، چې اميرالمؤمنين عمر بن خطاب‌ وويل:
«بنده به تر هغه هلاک نه شي، تر څو چې خپل شهوت ته په دين باندې لومړيتوب ورنه کړي».

اې زما ملګريه!
انسان په خپل زړه کې وژل کېږي او له همدې زړه څخه ژغورل کېدی هم شي؛ ځکه عبادت په بل نېک کار پسې اواز کوي او ګناه هم خپل ملګری راغواړي. داسې، چې عبادت په زړه کې پاکوالی پيدا کوي او په دې سره زړه بيا د يوه بل عبادت غوښتنه هم کوي. همداسې ګناه په زړه کې تور داغ پيدا کوي او هغه د يوې بلې ګناه غوښتنه ورڅخه کوي.
همدا خبره ده، چې مؤمن انسان په ګناه خواشينی کېږي؛ ځکه زړه يې لکه سپينه جامه داسې دی او سپينه جامه په واړه تور داغ هم اغېزمنه کېږي.
له بلې خوا بدکاره د ګناه هېڅ پروا نه لري؛ ځکه زړه يې لکه چټله جامه داسې دی او په چټله جامه د زرګونو داغونو تر منځ نوی داغ هېڅ پروا نه لري.

اې زما ملګريه!
د ګناهونو ترسره کولو ګواښ يوازې دا نه دی، چې ګواکي هغه يوه ګناه ده، بلکې خطر يې په زړه هم نېغ په نېغه اغېز لري.

📖 کتاب: د عمر بن خطابؓ پیغامونه.
🖌️ لیکوال: د.ادهم شرقاوي.
🔖 ژباړن: نصیر محمد مشال.

#اسلام