Σύριοι στην Κύπρο - Syrians in Cyprus -السوريون في قبرص

28/08/2026

⚠️🌧️ تنبيه للجميع بقبرص: بكرا السبت في تحذير برتقالي من الساعة 10 الصبح للـ7 المسا، مع أمطار غزيرة، عواصف رعدية وبَرَد ⛈️🧊

ديروا بالكن عحالكن وعالطرقات 🙏 الله يحمي الجميع 🤲🇨🇾

#قبرص

27/08/2026

🌷 يسعد أوقاتكن يا جماعة، وإن شاء الله تكونوا بألف خير.

💳 دفع الرئيس أحمد الشرع أول عملية دولية عبر بطاقة **Visa** بسوريا. خطوة بسيطة، وباقي العالم بياخدها كشي عادي، بس بالنسبة للسوريين هي رمز لتحوّل كبير وعودة تدريجية للنظام المالي العالمي. 🇸🇾

وإن شاء الله بتفتح الطريق للسوريين برا ليحوّلوا المصاري مباشرةً لحسابات أهلن، وبالمستقبل حتى لبطاقاتهن، من دون وسطاء عم يربحوا من كل حوالة. 🤲

الله يفتح أبواب الخير والفرج لسوريا وأهلها، ويوفّقكن جميعاً 🌹

#سوريا #السوريين #فيزا

26/08/2026

🌤️ صباح الخير والمحبة للجميع، الله يعطيكم راحة البال ويبارك بأيامكم وأرزاقكم 🤲❤️

اليوم بدي أحكي بصراحة عن شغلة عم لاحظها كتير:

رجاءً، لا تعاملني كـ "أخ بالدين" إذا معنى الأخوّة عندك إنك تستهين بوقتي وحقوقي.

للأسف، أحياناً منشوف الشخص لما يتعامل مع أجنبي أو مع جهة رسمية بيكون قمة بالالتزام: دقيق بالمواعيد، محترف، مسؤول، وكل كلمة بيحسب حسابها.
بس أول ما يكون قدامه مسلم وبيقله: "أنت أخي"… فجأة بتبلّش الـ"راحة الزايدة" 😅

⏰ المواعيد بتتأخر.
📉 الجدية والإنتاجية بتنزل.
🤝 الوعود بتنحكى وبعدين بتتنسى.
🧾 والحقوق بتتأجل، وكأن المطلوب مني سامح كل شي لأننا "إخوة".

الأخوّة بالدين مو رخصة للإهمال، ومو معناها إنو المسلم لازم يتحمّل منك شي ما كنت بتجرؤ تعمله مع شخص غريب.

بالعكس تماماً: الأخوّة الحقيقية لازم تعني احترام أكتر، التزام أكتر، حفظ للوعود، وإتقان بالشغل. ☝️

فإذا معنى إنك تعتبرني "أخوك" هو إنك تأخرني، تضيّع وقتي، أو تعتبر إنو أكيد رح سامحك مهما صار…
لو سمحت عاملني متل الغريب: باحترام، بوضوح، وبالتزام.

وبالنهاية، الطريقة يلي منعامل فيها إخوتنا وأخواتنا بالدين هي من أوضح المرايا لهويتنا وقيمنا. إذا منحترم الغريب أكتر من أخونا، فالمشكلة مو بالأخوّة… المشكلة بطريقة فهمنا إلها. احترامنا لبعض هو انعكاس حقيقي لاحترامنا لهويتنا نفسها. 🤲❤️

الله يصلح حالنا جميعاً، ويخلينا نعامل إخوتنا وأخواتنا بنفس الاحترام — أو بأكتر من الاحترام — يلي منقدمه للغريب.
مساءكم/نهاركم خير ومحبة، والله يكتب الخير للجميع 🌷

#الاحترام #الالتزام #المسلمين

25/08/2026

🌙✨ بمناسبة ذكرى المولد النبوي الشريف اليوم، كل عام وإنتو وأهاليكم بألف خير. 💚

بهاليوم المبارك، منصلّي ومنسلّم على سيدنا محمد ﷺ، ونسأل الله يعيده علينا وعليكم بالخير والبركة، ويحفظ أحبابكم، ويمنح الجميع الصحة وراحة البال، ويعمّ السلام والأمان بسوريا وقبرص وكل بلاد العالم. 🤲🕊️

اللهم صلِّ وسلِّم وبارك على سيدنا محمد ﷺ. 🌹

#السلام #سوريا #قبرص

24/08/2026

السلام عليكم يا أصدقائي وأخوتي ومتابعي صفحة السوريين في قبرص 🌷

📄 ناقشنا مبادرة فيزا العمل باجتماع مع مفوضية الأمم المتحدة لشؤون اللاجئين، وكانت ملاحظاتهم إيجابية، وعدّلنا صياغة الرسالة حسب نصائحهم. وكمان بعتناها لـ«الجالية السورية في قبرص»، وبانتظار رأيهم ودعمهم. 🤝

حالياً عم نسعى نناقش المبادرة مع النقابات القبرصية، واتحادات أصحاب العمل وغرفة التجارة، حتى نبني تحالفات ونكسب دعم الجهات المؤثرة قبل مخاطبة الحكومة رسمياً.

⏳ بعرف إنو كتار عم يسألوا: «إيمتى منشوف نتيجة؟». بصراحة، ما فيني حدّد موعد للنتائج ولا فيني ضمَن النجاح. العمل الديمقراطي بدو وقت وجهد وحوار وبناء جسور وتحالفات، وإلا بيصير متل الألعاب النارية: ضجة ولمعة للحظات، وبعدها بتختفي وما بيضل شي. 🎆

الله يعطيكم الصحة والعافية وراحة البال، وحسبنا الله ونِعم الوكيل 🤲

21/08/2026

🌷 صباح الخير يا جماعة، إن شاء الله تكونوا بألف خير.
📢 للسوريين بمنطقة نيقوسيا يلي بيعرفوا إنكليزي أو يوناني منيح: مشروع DIGNIFIED عم يجمع تجاربكن عن السكن، الصحة والمساعدات والخدمات بقبرص، بهدف تحسين السياسات والدفاع عن حقوقكن. 🤝
👥 المشاركة متاحة لـ:
▪️ طالبي اللجوء يلي وصلوا من سنة 2023 وطالع.
▪️ حاملي الحماية أو صفة لاجئ يلي أخدوها من حزيران 2025 وطالع.
🔞 العمر: 18 سنة وفوق.
🎁 المشاركين بياخدوا قسيمة شراء للسوبرماركت.
📝 التسجيل: https://forms.office.com/e/CFrfetV9Ah
الله يوفّقكن جميعاً 🌹
#نيقوسيا

Through the DIGNIFIED project, our team is gathering the experiences of disadvantaged applicants for international protection in Cyprus through surveys and interviews.

The survey will help document people's experiences accessing reception conditions, housing, healthcare, social welfare services, and other essential support. The insights gathered will contribute to evidence-based advocacy and policy recommendations that better reflect people's lived experiences.

If you are an asylum seeker aged 18+ who arrived in Cyprus in or after 2023, or a refugee or beneficiary of subsidiary protection aged 18+ who received your status in or after June 2025, you can still express your interest in participating by completing the following form (also available in our bio): https://forms.office.com/e/CFrfetV9Ah

Participants who complete the survey will receive a small financial token of appreciation in the form of a supermarket voucher, in recognition of their valuable time and contribution.

The project DIGNIFIED - Strengthening Civil Society to Promote Rights-Based Social Welfare is implemented within the framework of the PLATO programme, with Generation for Change CY as the implementing body. PLATO is co-funded by the European Union through the Citizens, Equality, Rights and Values (CERV) Programme, the Bodossaki Foundation, and the NGO Support Centre, with a total grant amount of €3.1 million.

18/08/2026

صباح الخير لكل الأصدقاء والمتابعين 🌞🌷

🚨 ما في أي دليل على إشاعات «الترحيل الجماعي للسوريين بشهر تشرين الأول».

انتهاء مهلة التقديم على برنامج العودة المخصّص للعائلات السورية ما إلو أبداً أي علاقة ببدء حملة مطاردة أو ترحيل قسري للسوريين. سبق وشرحنا أكتر من مرة مين هني الأشخاص المعرّضين للترحيل قانونياً—رجاءً بلا خوف وبلا نشر إشاعات. ⚖️

بتمنالكن جميعاً دوام الصحة والسلامة وراحة البال، والله خير الحافظين 🤲❤️

#اللجوء #قبرص

14/08/2026

📢 بخصوص المبادرة يلي عم نعيد نشرها للمطالبة ببرنامج خاص لفيز العمل: أي شخص قاله صاحب عمل أو شركة إنهم مستعدين يوظّفوه بفيزا عمل إذا صار هالشي مسموح قانونياً، يا ريت يبعتلي الاسم عالخاص.

عم حضّر قائمة بالشركات وأصحاب العمل، حتى نبني تحالفات معهم ونقوّي مطالبنا قبل التوجّه لأصحاب القرار. 🤝

رجاءً ساعدونا بنشر هالمبادرة وجهد المطالبة، لأن نجاحه بحاجة لقاعدة قوية ودعم حقيقي.

11/08/2026

السلام عليكم يا أصدقائي وأخوتي ومتابعي صفحة السوريين في قبرص 🌷

متل ما وعدتكم، جهّزنا رسالة للمطالبة بإطلاق برنامج خاص يتيح للسوريين الانتقال من اللجوء أو الحماية إلى إقامة عمل لمدة سنتين، مع احتمال تمديدها لسنة إضافية. 📄🇨🇾 هذه بالطبع الترجمة العربية. النص الأصلي باللغة اليونانية.

هالرسالة بتعبّر عن رغبات عدد كبير من السوريين وعن كثرة الرسائل اللي وصلتني بهالموضوع. وهي أبداً مو برنامج رسمي أو مُعلن من الحكومة، وإنما مبادرة ضغط ومناصرة لفتح باب الحوار مع الجهات المختصة. 🤝

اخترنا التوقيت عن قصد: تركنا المجال لإعلان برنامج العائلات، وانتظرنا إعلان التعديل الوزاري الجديد. والمقترحات الواردة بالرسالة متوازنة وواقعية، وبتراعي سياسات الحكومة المُعلنة؛ يعني مو مطالب متشددة أو غير قابلة للتطبيق، وبنفس الوقت بتحقق الهدف الأساسي لكثير من السوريين: إيجاد بديل قانوني عن اللجوء أو الحماية، يسمح إلهم يشتغلوا ويعيشوا بكرامة.

بتمنى تقرؤوا الرسالة وتبعتولي آراءكم وملاحظاتكم. وأي شخص بيحكي يوناني أو إنكليزي بمستوى جيد ومستعد يرافقني، بصفتي أدمن الصفحة، إذا وافقت الحكومة تناقش المبادرة، يتواصل معي. وكمان إذا صاحب عملكم سبق وقال إنو مستعد يشغّلكم بشكل قانوني بفيزا عمل لو القانون بيسمح، خبروني. 📩

الله يعطيكم جميعاً الصحة والعافية وراحة البال، وحسبنا الله ونِعم الوكيل. 🤲

08/08/2026

🚨 للتوضيح: هالخبر غير صحيح وما إلو أساس رسمي.

🇨🇾 لحد هلق ما في أي إعلان رسمي إن قبرص رح تنضم بالكامل للشينغن الشهر الجاي، ولا في موعد نهائي مؤكّد للانضمام خلال 2026. قبرص لسا رسميًا بمرحلة الانضمام.
✈️ وكمان دخول الشينغن ما بيعني إن كل السوريين بقبرص بيصير فيهم يسافروا بأوروبا تلقائيًا. طالب اللجوء ما بياخد حق التنقّل بالشينغن لمجرد انضمام قبرص. وبالنسبة لحامل الحماية الثانوية «التفتوتيتا»، السفر بيعتمد على الإقامة ووثيقة السفر وشروط الدخول، مو تلقائي للجميع.

📢 رجاءً ما ننشر أخبار قبل التأكد من المصادر الرسمية.

#قبرص #اللجوء #شنغن