22/06/2026
📱 Pantaya i límite nan sano pa mucha: Límite no ta straf, nan ta protekshon🛡️
Ora nos ta papia de tempu dilanti pantaya, fásilmente nos por kai den e kuadro di "prohibí" òf usa límite komo un forma di kastigu. Pero for di un bista psikoeducativo, e límite nan akí ta fundamental pa e desaroyo emoshonal i selebral di nos muchanan.
E selebro di un mucha ta den pleno desaroyo i no tin e kapasidat ainda pa outoregula su mes ora e ta risibí asina tantu estímulo visual i ouditivo. P’esei, ora no tin un límite, nos por kuminsá nota algun señal di alerta:
⚠️ Iritabilidat ora e pantaya kitá.
⚠️ Problema pa pega soño òf deskansá bon.
⚠️ Falta di interes den otro aktividatnan nesesario (manera hunga pafo òf interaktuá).
⚠️ Difikultat pa regulá emoshonnan hopi fuerte
Estímulo di mas por kousa un "overload" den nan sistema kirurgiko, i einan ta kaminda nos, komo adulto, ta drenta pa ta nan kofre di siguridat.
💡 Kon un límite sano mester ta?
Pa un límite funshoná i wordu risibí di un forma saludabel, e mester ta:
👉🏼Konsistente: Pa e mucha sa kiko e por spera.
👉🏼Klaro: Reglanan fásil pa komprondé segun nan edat.
👉🏼Adaptá pa edat: E tempu di pantaya di un mucha di 3 aña no por ta meskos ku un di 10 aña.
👉🏼Ku empatia: Komprondé ku e mucha lo por rabiá òf sinti tristesa ora bo kita e pantaya, i ta einan pa kargé den e emoshon ei.
Guiando nan ku amor i struktura, nos ta siñando nan ku "Mi ta pone límite pa yuda bo, no pa kastigá bu"
👉🏼Bo a nota algun di e señalanan akí serka bo yunan últimamente?
