Македонски национален совет во Србија

  • Home
  • Serbia
  • Novi Sad
  • Македонски национален совет во Србија

Македонски национален совет во Србија НАЦИОНАЛНИОТ СОВЕТ НА МАКЕДОНСКАТА НАЦИОНАЛНА ЗАЕДНИЦА ВО РЕПУБЛИКА СРБИЈА

Во рамките на манифестацијата „Допир на Македонија 2026“ – Денови на македонската култура во Белград, во организација на...
09/05/2026

Во рамките на манифестацијата „Допир на Македонија 2026“ – Денови на македонската култура во Белград, во организација на Македониум, беше одржан прекрасен настан под наслов „Млади уметници – гласови на традицијата и иднината“.

На сцената блеснаа најмладите, кои со многу љубов, талент и искрени емоции рецитираа, пееја и свиреа на македонски јазик, покажувајќи дека македонската култура и традиција живеат и во срцата на новите генерации.

Публиката имаше можност да ужива во топла атмосфера исполнета со детска радост, музика и убави стихови, а секој настап беше потсетник дека јазикот, песната и културното наследство најсилно се чуваат кога им се пренесуваат на младите.

Настанот уште еднаш ја потврди важноста од негувањето на македонскиот јазик и култура меѓу децата и младите, кои се нашиот најголем мост меѓу традицијата и иднината.

Браво!!! 💛❤️

На покана на Н.Е. Андреас фон Бекерат, амбасадор на Европската Унија во Република Србија, претседателката на Македонскио...
08/05/2026

На покана на Н.Е. Андреас фон Бекерат, амбасадор на Европската Унија во Република Србија, претседателката на Македонскиот национален совет, Зорица Митровиќ, присуствуваше на свечениот прием по повод Денот на Европа, во Музејот на современата уметност во Белград.

Приемот беше можност за средби и разговори со претставници на дипломатскиот кор, институциите и јавниот живот, во духот на европските вредности, соработка и меѓусебно почитување.

По повод Денот на македонскиот јазик, во училиштата во Лесковац каде што се изучува предметот Македонски јазик со елемен...
06/05/2026

По повод Денот на македонскиот јазик, во училиштата во Лесковац каде што се изучува предметот Македонски јазик со елементи на национална култура, беа реализирани низа пригодни работилници посветени на македонскиот јазик, култура и традиција.

Преку едукативни и креативни активности, учениците имаа можност дополнително да се запознаат со значењето на мајчиниот јазик, македонската азбука, литературата и културното наследство.

Овие активности претставуваат важен придонес кон зачувувањето на македонскиот идентитет и негувањето на јазикот меѓу најмладите генерации.

По повод Денот на македонскиот јазик и во библиотеката во Пландиште беа донирани книги на македонски јазик, со цел збога...
05/05/2026

По повод Денот на македонскиот јазик и во библиотеката во Пландиште беа донирани книги на македонски јазик, со цел збогатување на фондот и унапредување на достапноста на литература на мајчин јазик за македонската заедница.

Во рамките на настанот, присутните имаа можност и да го проследат документарниот филм „Плодовите на еден даб“, кој го прикажува патот, истрајноста и идентитетот на Македонците на овие простори.

Настанот претставува уште еден чекор во насока на зачувување и промоција на македонскиот јазик и култура.

Нека е честит 5 Мај – Денот на македонскиот јазик и азбука

По повод одбележувањето на Денот на македонскиот јазик и азбука, во Вршац, во градската библиотека беше свечено отворено...
05/05/2026

По повод одбележувањето на Денот на македонскиот јазик и азбука, во Вршац, во градската библиотека беше свечено отворено македонско катче, со донација на книги на македонски јазик од Централната библиотека на Македонскиот национален совет.
На настанот присуствуваа претседателката на Советот, Зорица Митровиќ, како и секретарот Марјан Јованоски.

Оваа иницијатива претставува значаен чекор во насока на зачувување, негување и промоција на македонскиот јазик и култура меѓу македонската заедница во Србија.

Во рамките на настанот, Здружението ,,Вардар" од Вршац подготви пригодна програма, со што дополнително беше збогатено одбележувањето на овој значаен датум.

Нека е честит 5 Мај – Денот на македонскиот јазик и азбука!

Денес го одбележуваме Денот на македонскиот јазик – симбол на нашиот идентитет, култура и духовна поврзаност.На овој ден...
05/05/2026

Денес го одбележуваме Денот на македонскиот јазик – симбол на нашиот идентитет, култура и духовна поврзаност.
На овој ден во 1945 година беше усвоена македонската азбука и поставени темелите на современиот македонски литературен јазик – значаен историски чекор во афирмацијата на македонскиот народ.

Македонскиот јазик не е само средство за комуникација – тој е чувар на нашата историја, традиција и колективна меморија.
Да го негуваме, почитуваме и пренесуваме на идните генерации – затоа што јазикот е наш дом.

Нека е честит 5 Мај – Денот на македонскиот јазик! 🇲🇰

Денес, на 4 мај, со длабока почит и достоинство одбележавме 123 години од упокојувањето на Гоце Делчев — симболот на бор...
04/05/2026

Денес, на 4 мај, со длабока почит и достоинство одбележавме 123 години од упокојувањето на Гоце Делчев — симболот на борбата за слобода, правда и национално достоинство.

По тој повод, Македонскиот национален совет организираше одбележување на овој значаен датум. Во православниот храм „Свети Илија“ во Јабука беше одржана панахида (парастос) во чест на големиот револуционер, каде со молитва се потсетивме на неговото дело и жртва.

Потоа, заедно со членовите на Здружението „Илинден“ од Јабука, положивме свежо цвеќе пред спомен-обележјето на Гоце Делчев во истоименото основно училиште. На настанот присуствуваа и учениците кои го изучуваат македонскиот јазик, како и директорката на училиштето, Билјана Ѓуровиќ.

Особено значајно беше присуството на најмладите, кои преку вакви настани ја запознаваат историјата, ја негуваат традицијата и го продолжуваат патот на националната свест и идентитет.

Делото на Гоце Делчев останува вечна инспирација и потсетник дека борбата за правда и слобода е вредност што се пренесува од генерација на генерација.

Слава му! 🇲🇰

Со изложбата „Еруптивни форми“ на реномираниот уметник Славе Ајтоски, синоќа свечено беа отворени јубилејните петнаесетт...
27/04/2026

Со изложбата „Еруптивни форми“ на реномираниот уметник Славе Ајтоски, синоќа свечено беа отворени јубилејните петнаесетти Денови на македонската култура во Белград – „Допир на Македонија 2026“ во организација на Здружение Македониум од Белград, а под покровителство на Македонскиот национален совет.

На отворањето се обрати претседателката на здружението, Искра Пенева, која ја истакна важноста од континуирана афирмација на македонската култура и идентитет преку вакви настани.
За уметничкото дело и творештвото на авторот говореше скулпторот Синиша Новески, осврнувајќи се на специфичниот израз и длабочината на уметничкиот јазик на Ајтоски, како и на неговиот придонес во современата уметност. Обраќање имаше и директорот на Културно-информативниот центар во Белград, Васко Шутаров, кој ја потенцираше важноста на институционалната поддршка и културната соработка меѓу двете земји.

Манифестацијата ја отвори претседателката на Советот Зорица Митровиќ, нагласувајќи дека „Допир на Македонија“ не е само културен настан, туку простор на живо поврзување, препознавање и споделување на заеднички вредности.

Изложбата „Еруптивни форми“ ќе биде отворена за посетителите до 15 мај, а во рамките на манифестацијата следуваат бројни културни содржини кои ќе ја доближат Македонија до публиката во Белград – преку уметноста, јазикот и традицијата.

Јубиларна 15. манифестација „Дани македонске културе у Београду – Додир Македоније 2026“ биће отворена самосталном излож...
26/04/2026

Јубиларна 15. манифестација „Дани македонске културе у Београду – Додир Македоније 2026“ биће отворена самосталном изложбом скулптура „Еруптивне форме“ Славе Ајтоског у Конаку кнегиње Љубице, у понедељак, 27. април 2026. у 19 часова.

Улаз је слободан.
Добро дошли!

Јубилејната 15 манифестација Денови на македонската култура во Белград - „Допир на Македонија 2026“ ќе биде отворена со самостојна изложба на скулптури „Еруптивни форми“ на Славе Ајтоски во Конакот на кнегиња Љубица.

Отворање: понеделник, 27 април 2026 во 19 часот

Изложбата ќе бите поставена до 15 мај 2026 година.

Влезот е слободен
Повелете!

Денес во Владата на Република Македонија, делегација на Македонскиот национален совет оствари средба со македонскиот пре...
25/04/2026

Денес во Владата на Република Македонија, делегација на Македонскиот национален совет оствари средба со македонскиот премиер Христијан Мицкоски, министерот за надворешни работи и трговија Тимчо Муцунски и заменик министерката за европски прашања Викторија Трајков, посветена на унапредување на положбата на македонската заедница во Република Србија.

Средбата се одвиваше во дух на отворен и конструктивен дијалог, при што беа разменети ставови и иницијативи насочени кон зајакнување на институционалната соработка и заедничко делување во интерес на заедницата.
Посебен акцент беше ставен на потребата од поголема координација и континуирана комуникација, при што беше потврдена улогата на Македонскиот национален совет како клучен и обединителен фактор во процесот на поврзување и застапување на Македонците во Србија.

Соговорниците ја истакнаа важноста од сплотеност, меѓусебна поддршка и заедничко дејствување како предуслов за создавање посилен глас и стабилна перспектива за македонската заедница.

Оваа средба претставува значаен чекор во пресрет на одбележувањето на големиот јубилеј – 80 години од доселувањето на Македонците во Војводина, кој ќе биде одбележан со низа активности во текот на оваа година.

Address

Novi Sad
21000

Website

Alerts

Be the first to know and let us send you an email when Македонски национален совет во Србија posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Македонски национален совет во Србија:

Shortcuts

Share

Category