04/05/2026
Shoqata SHIHK “Stublla” në Zvicër, pati kënaqësinë dhe nderin e veçantë që të dielën të mirëpresë në vizitë Kryetarin e Komunës së Vitisë, z. Sokol Haliti, së bashku me stafin e tij, në ambientet e Misionit Katolik Shqiptar në Sirnach, që udhëhiqet nga Don Marjan Demaj.
Në një atmosferë të ngrohtë dhe miqësore, kryetari i shoqatës, z. Nue Ukaj, e njoftoi nga afër Kryetarin z. Sokol Haliti me aktivitetet dhe angazhimin e vazhdueshëm të SHIHK “Stublla”, ndonëse Kryetari Haliti ishte tashmë i njohur me historikun, veprimtarinë dhe kontributin e vyer të shoqatës sonë.
Me këtë rast, Kryetari z. Sokol Haliti shprehu vlerësimin e tij të lartë për punën dhe përkushtimin e anëtarëve të shoqatës, duke theksuar rëndësinë e madhe që ka mërgata jonë në ruajtjen e identitetit kombëtar dhe në forcimin e lidhjeve me vendlindjen. Ai po ashtu theksoi se kjo mirënjohje nuk është vetëm një vlerësim për SHIHK “Stublla” në Zvicër, por edhe një shenjë respekti dhe mirënjohjeje për punën, angazhimin dhe kontributin e çmuar të shoqatave SHIHK “Stublla” në Itali, Gjermani, Austri dhe Kroaci.
Si shenjë respekti dhe mirënjohjeje për kontributin dhe angazhimin e Shoqatës SHIHK “Stublla”, Kryetari i Komunës së Vitisë ndau një mirënjohje të veçantë për shoqatën tonë.
