Wie sind die Öffnungszeiten?

Mittwoch 14:00 - 17:00 Freitag 14:00 - 17:00

Uniun dals Grischs UdG

Startseite
Schweiz
Celerina
Uniun dals Grischs UdG

L’Uniun dals Grischs s’ingascha per la promoziun ed il mantegnimaint dal rumantsch ladin

21/07/2026

Maisa da cudeschs düraunt la favella bella Chesa Planta Samedan 📚🫶🏻

21/06/2026

Impreschiuns da la radunanza da delegedas e delegios da la Lia Rumantscha her a Samedan.

Chasper Sarott es gnieu elet scu nouv president da la Lia Rumantscha, sinceras gratulaziuns👏🏻

Il rendaquint dal 2025 es gnieu accepto cun 25 cunter 19 vuschs.

l’Uniun dals Grischs ho pledo per dapü transparenza illas finanzas ed illa comunicaziun da la quêla, e nun ho pervi da que appruvo il rendaquint 2025.

11/06/2026

Chi vuless dvanter staila dal film?🙋🏼‍♀️

Appel da casting per ün film da kino rumauntsch!😍
Chi chi ho interess as po annunzcher sur il link illa bio🙋🏼‍♀️🎬🎥

(experienza professiunela nun es necessaria)

14/05/2026

La Chasa Paterna nr 144 es cò!🥳

Mieu Amih Cour da Fier da Daniel Badraun as po cumprer online u i’l Chesin Manella (link in bio)📚

Descripziun:
Felix Berger, ün mat dad ündesch ans, sto cun sia famiglia a Schlawila. Cun sieus amihs giouva’l gugent chavaliers. Cur cha’l nouv magister Leo Kirchmann vain a ster illa chesa in fatscha als Bergers, as müda tuot. Que do dispütta a scoula e sün via. Per Felix e sieus fradgliuns cumainza ün temp plain dischillusiuns e sfidas. Per furtüna do que las istorgias dal chavalier Cour da Fier chi güdan a Felix düraunt quel temp prievlus. E natürelmaing tegnan ils Bergers insembel ed as sustegnan fin a la fin dal muond ed inavous. ⚔️

Per abunentas ed abunents da la Chasa Paterna:
Guardè l’eivna chi vain adüna darcho in vossa chartera😉

12/04/2026

Ün pêr impreschiuns da nossa radunanza generela hoz a Ftan:

1. Var 25 persunas haun chatto la via i’l hotel 🤓

2. Nossa co-presidenta .10 ingrazcha in nom da tuot la suprastanza a co-presidenta chi sorta da la suprastanza e vo in viedi 🧳 Grazcha per tuot, Vicci🩷

3. La nouva suprastanza a partir da lügl: .pult , .10, Valentina Parolini, , 👭👫

4. Linard Candreia prelegia: «Ord igl diari digl emigrant Flurin Lozza/Marmorera» 📖

5. Zieva la part ufficiela: temp per brunch 🍳

Grazcha a tuottas e tuots per quist bel di in cumpagnia!

08/04/2026

Che bellischma saira🎸✨ Grazcha fich per quist concert unic in nos Chesin Manella!👏🏻

Sainza dubi na l’ultim concert in nossa libraria!😏

Grazcha fich per la collavuraziun🙏🏼

04/04/2026

Concert da in marculdi i’l Chesin Manella!

Il chantadur, ghitarrist e chantautur engiadinais Cha da Fö es inavous e cuschina darcho! 🎸

Cun sieu proget da solo tuorna Roland Vögtli, chi’d es creschieu sü in Engiadina, darcho tar las ragischs da sia via musicala: chanzuns simplas e sinceras. Musica sainza schnicschnac chi nu pretenda üngüna show e grandas tribünas, ma l’inscunter i’l ravuogl pitschen. Chanzuns scu chi’s suness in chadafö – apunto, Cha da Fö.

Data: marculdi, 8 avrigl 2026
Lö: Chesin Manella, Straglia da Sar Josef 5, 7505 Schlarigna
Cumanzamaint: 19:00

In collavuraziun cul büro da turissem Schlarigna.

26/03/2026

In dumengia, ils 12 avrigl 2026, ho lö la radunanza generela da l’Uniun dals Grischs.

Il protocol da la radunanza generela dals 12 avrigl 2025, il rendaquint 2025, il rapport da la
cumischiun sindicatoria ed il preventiv 2027 staun a disposiziun per invista suot il link illa bio.

Per avair il dret da vuscher stu la contribuziun da commembranza da 25.- esser pajeda aunz la
radunanza generela.

Chi chi nun es auncha commember u commembra e’s annunzchess gugent po fer que sur il link illa bio.

Lö: Hotel Bellavista Ftan, Rontsch 57, 7551 Ftan

Cumanzamaint: 08:45 (arriv cun traffic public da Scuol es pussibel a temp)

Program:

• 08:45 cafè & cornins
• 09:00 cumanzamaint radunanza generela
• 09:30 dumandas e discussiun
• 09:45 prelecziun da Linard Candreia: Istorgia d’emigraziun: «Ord igl diari digl emigrant Flurin Lozza/Marmorera»
• 10:30 brunch
• 12:30 fin

Nus ans allegrainsa sün vus!

15/03/2026

Che stupend poetry slam multilingual i’l rom da LitteraturA a Nairs. E la vendschadra es: CELIA! 🎉

01/03/2026

E viv’il Chalandamarz❤️💐
fotografias da 🙏🏼

Adresse

Straglia Da Sar Josef, Schlarigna
Celerina
7505

Öffnungszeiten

Mittwoch	14:00 - 17:00
Freitag	14:00 - 17:00

Telefon

+41818331812

Webseite

http://www.udg.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Uniun dals Grischs UdG erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.