Eritrean Artist Legacy Association - EALA

02/08/2026

ኣብ መደብ ናይ ማይናስ ቻነል ዝቐርብ ተሃን ዝብሃል ምድላዋት ካብ ማሕበርና ብዝኸዶ ኮፒራይት ሓንቲ ደርፊ ወሪዳ ነይራ።

ሎሚ ምስ ስድራ ስነጥበበኛ ብዝተበጽሐ ስምምዕ መሰረት ብወግዒ ተመሊሳ ኣላ።

ዝሓለፈ ቅንያት ሽሮ ኢንተርተይመንት ፡ ኣብ ክንዲ ሕጋዊ ልቸንሳ ፍቓድ ምግዛእ ፡ ዝረብሕ ኣታዊ የብሉን ብምባል ፡ ነታ ደርፊ ክድምስስዋ መሪጾም ፡ ቅኑዓት መሲሉና'ውን ነቲ ቪድዮ ብምእላዮም ሞጊስናዮም ኔርና ፡ ኮይኑ ግን በቲ ብዲስትሮኪድ ዝዝርጋሕ ግን ኣይኣለይዎን ፡ ሸፈጥን ምጥፍፋእን ኮይኑ ስለዝረኸብናዮ ድማ ብኮፒራይት ክንኣልዮ ወሲንና ኣሊናዮ ድማ።

ማይናስ ግን ንኹሎም ኣብነት ብምዃን ፡ ሕጋዊ ልቸንሳ ብምውሳድን ፡ ነታ ድግማ ደርፊ ዝተሰርሐት ቪድዮ ኣብ ኦፊሻል ናይ ተኽላይ የማነ ቻነል ክትጽዓን ብምፍቃድን ኣብነታዊ ስራሕ ሰሪሑ።

ብሰላማዊ መገዲ ስለ ዝወድኦ ድማ እታ ቪድዮ ተመሊሳትሉ ኣላ።

ድሕሪ ደጊም ብዘይሕጋዊ ልቸንሳ ደርፊ ምድጋም ኣብ ዩትዩብ ምጽዓን እንታይ ሳዕቤን ከም ዘለዎ ክማሃሩ ይግባእ።

Enjoy the videos and music you love, upload original content, and share it all with friends, family, and the world on YouTube.

30/06/2026

ሰላም ንዓኹም ዝኸበርኩም ተኸተልቲ EALA!

ብዕቱብ ሒዝናዮ ዝጸናሕና ናይ Ai ቀርሰንቲ ናይ ምጽራይ መደብ ፡ ሕጋውያን ወከልቲ ናይ ስዉእ ተኽላይ የማነ ብዝወሰድዎ ቆራጽን ተባዕን ተበግሶ ፡ 90% ክባሃል ብዝኽእል መልክዑ ኣጽሪናዮ ኢና ፡ ዝተረፋ ድማ ክንኣርየን ምዃንና ከነፍልጥ ንፈቱ።

ናይ ካልኦት ስነጥበበኛታት ካብ ዝበዝሑ እኹል ምትሕብባርን ትብዓትን ካብ ቤተሰብ ስነጥበበኛታት ክንረክብ ስለ ዘይከኣልና ፡ ናይቶም ብወከልቶም ምሉእ ስልጣን ዝተዋህበና ኢና ከነጽሪ ጸኒሕናን ንቕጽል ዘለናን።

እምበኣርከስ ካብ ሎሚ ዝጅምር ፡ ብዘይ ኣፍልጦን ፍቓድን ናይ ቤተሰብ ስነጥበበኛታት ፡ ብካብ ዩቱብ ድራር እለቶም ዝምእርሩ ውልዶ ንፈትዎም ስነጥበበኛታት እናኣድረፉ ዝዘርግሑ ሰብ ቻነላት ምጽራይ ክንጅምር ኢና።

ኣብ ዝሓለፈ መዓልታት ኣብ ልዕሊ ስነጥበበኛታት ኣደራዕን ምትላልን ተብጽሕ ግለ ሰብ ፡ ጉዳያ ናብ ዝምልከቶም ኣካላት ናብ ውሽጢ ሃገር'ውን ኣሕሊፍናዮ ስለ ዘለና ፡ ግቡእ ስጉምቲ ኣብ ልዕሊኣን ኣብ ልዕሊ ቻነላን ክሳብ ዝውሰድ ፡ ንግዚኡ ከነወንዝፎ መሪጽና ኣለና ፡ ብዝምልከቶ ኣካል ሓበሬታ ምስ ተዋህበናን እቲ ዝድለ ስጉምቲ ብውሽጢ ዓዲ ምስ ተወስደ -
እቲ ስጉምቲ ብዘይሕጋዊ ውዕል ኣብ ትሕቲኣ ብምስራሕ ንዋት ስነጥበበኛታት ዝራስዩ ግለሰባት'ውን ዘጠቓለለ እዩ ክኸውን ፡ ብድሕሪኡ ኩሉ ብጽሑፍን ስእላዊ መረዳእታን ናባኹም ከነብሎ ኢና።

ካብ ሎሚ ግን ስጉምቲ ኣብ ልዕሊ ቀርሰንቲ ናይ ዩቱብ ክንጅምር ምዃንና ነበስር።

ነዚ ስጉምቲ እዚ ከወግዱ ምስ ዝደልዩ ፡ ብ ኢመይል ኣድራሻና ይርከቡና'ሞ ንዋና ዝግብኦ ከፊሎም ተሰማሚዖም ተጠቃምነቶም ንዝተወሰነ ዓመታት ከረጋግጹ ይኽእሉ'ዮም።

Email - [email protected]

24/03/2026

ሰላም ንዓኹም ፍቱዋት - ኣሕዋትን ኣሓትን!

ስጉምቲ ናይ ምውሳድ ዕማምና ብግቡእ ይሰላሰል ኣሎ'ዩ።
ንሎሚ ሓንቲ ካብቲ ብዙሕ ዝመጸና ናይ ምጉብዕባዕ ጽሑፋት ክነካፍለኩም።

Tigray hackers group እዩ ዝባሃል እቲ ቻነል ፡ ኣትይዎ ዘሎ ጉዳይ ብግቡእ ዝተረድኦ ኣይመስለናን።

በዚ ኣጋጣሚ ካብ ኣባላት ማሕበርና ብውልቁ ዝኸስርን ዝኸስብን ውልቀ ሰብ ከምዘየለ ከነፍልጦ ንፈቱ። ምናልባት ሓደ ንኣብነት ክኸውን ዝኽእል ሰብ ክኾነና ይኽእል'ዩ ፡ ርዝነትን ዓቕምን ናይዚ ማሕበር ናይ ማስሜድያ ቀርሰንቲ ንኽርድእዎ ድማ እዚ ግለሰብ እኹል ኣብነት ክኸውን ስለዝኽእል ፡ ሓንቲ ናይ ካውንተር ኖቲፊኬሽን ክልእኸልና'ሞ ናብ ሕጋዊ መስርሕ ክንሰጋገር እዩ ዘሎ መደብና።

ንዝቕጽል ከነፍልጠኩም ኢና።

ሰናይ ምሸት!

22/03/2026

ሰላም ንዓኹም ዝተኸበርኩም ኣሕዋትን ኣሓትን ፡ ኣኣብዘለኹሞ ሰላምን ጥዕናን ንምነየልኩም።

ብምቕጻል - እዘን ዝስዕባ ቻነላት ግዳያት ናይ ምውጋድ (termination) ክኾና ብወነንተን ዝተፈርዳ'የን።
ብተደጋጋሚ ንዝሃብናዮ ሓልዮታውን ሓላፍነታውን መጠንቀቕታ ዕሽሽ ብምባል ፡ ኣዝዩ ብዘሕፍር መልክዑ ቅርሲ ናይ ኣርካናት ስነጥበበኛታት ኤርትራ ብ AI እናሰንዑ ክጽዕንዎ ጸኒሖም'ዮም።
ስለዝኾነ ድማ ኣካል ናይ ዕላማናን ተልእኾናን ዝኾነ ኣብ ዩቱብ ኮነ ካልእ ፕላትፎርምታት ብንሰዶ ናይ ምውራድ ክሲ እዘን ኣብዚ ስእሊ ተኻቲተን ዘለዋ ቻነላትን ካልኦት ንኡሳን ቻነላትን ካብ ዩቱብ ክውገዳን ክእገዳን እየን።

ክሳብ ምሉእ ንቕሓትን ምክብባርን ዝሰፍን ኣበርቲዕና ክንቅጽል ኢና።

ስነጥበበኛታት ኮነ ቤተሰቦም ብኸምዚ ምቕዳሕ ዝተበደልኩም በዚ ዝስዕብ ኢመይል ትረኽቡና ትኽእሉ ኢኹም - [email protected]

15/03/2026

ሰላም ንዓኹም ቤተሰብ ጥበብ ኤርትራ።

እዘን ሰለስተ ቻነላት ኣብ ከይዲ ካብ ዩቱብ ምእጋድ (termination) ዘለዋ እየን።

ብውሽጢ መስመር ንእትህቡና ሓበሬታን ጥቆማታትን ኣዚና ነመስግን።

ቅዱስ ሰንበት!

10/03/2026

ሰላም ንኩልኹም ደገፍቲ እዚተበግሶን ማሕበረሰብ ስነጥበብን።
ኣዝዩ ግዙፍ ወፍሪ እዩ ቀንዩና ፡ ኣብ ዝቕጽል ወርሒ ሚይዝያ ሓድሽ ማዕበል ምውራድ ቻነላት ክህሉ እዩ። ከምቲ ልሙድ ተራ ኮፒ ራይት ስትራይክ ጥራይ ዘይኮነ ብቐጥታ ካብ ዘርጋሕቲ ፕላትፎርምስ'ውን ምምሓው ክህሉ'ዩ።
ዓቕልን ጻዕርን ዝሓትት ምዃኑ ንፈልጥ ፍሪኡ ግን ንኹልና ዘደስት'ዩ።

ሰናይ ቅነ!

05/03/2026

Check it now, red sea covers is officialy down!

ገና እዩ እቲ ጉዕዞ ፡ በብእብረ ክንበጽሐን ምዃንና ርግጸኛታት ኢና።

Red Sea Covers celebrates the heart of Eritrean music. From classic Tigrinya melodies to modern creative sounds, we bring you a rich blend of originals, remixes, and cultural rhythms. Whether it’s the echo of the krar or today’s energetic beats, our mission is to keep the spirit of Eritrean musi...

04/03/2026

ሰላም ንዓኹም ቤተሰብና!

ልዕሊ 50 ዝኾኑ ፍረ ስነጥበብ ኤርትራና ዝኾኑ ብዘይ ፍቓድ ዝተዘርግሑ ደርፍታት ኣብ ውሽጢሓጺርመዓልታት ከነውርዶም ከለና ፡ ብዙሓት ብ AI ዝዓበያ ግን ከኣ ብናይ ባዕለን ፍርያት ዘይኮነ ብስርቅ ዝሰውዳ ገለን ዓቢ ትምህርቲ ክቐስማን ክእረማን ከለዋ ፡ እተን ኣዝየን ዘኽፍኣ ክሳብ ከባቢ ሚልዮን ዝርኣየለን ዝነበራ ድማ ፡ ዩቱብ ብዝወሰደለን ስጉምቲ ካብ ዕለት 05 መጋቢት ጀሚረን ክዕጸዋ እየን። ሓንቲ ካብአን Red sea covers እያ

https://youtube.com/?si=u1liWYyDLo7--Ev0

ካብ 60 ደርፍታት ናብ ዜሮ - ካብ ዜሮ ናብ ዘይምህላው።

ብሕጂ'ውን ክንምሕጸኖ ንፈቱ እዚ ስጉምትታት ብዝሓየለን ብዝተወደበን መልክዑ ክቕጽል ስለ ዝኾነ ወነንቲ ዓበይትን ንኣሽቱን ቻነላት ናይ ባዕልኹም ዋንነት ስራሓት ጥራይ ዘርግሑ።

ንኣፍልጦ - ናይ ቀደም ደርፍታት ዋናታት ኣለዉዎም ፡ እቶም ዋናታት እንተዘይፈቒዶም ብጠቕላላ ካብ ዩቱብ ኮነ ካልእ መርበባት ክእለዩ ይኽእሉ'ዮም። ስለዚ ሕጋዊ እኳ እንተዘይኮነ ኣብ ስልክታትኩም ጽዒንኩም ክትዘናግዑሎም ይከኣል'ዩ ፡ ኣብ ዩቱብን ካልእ መርበባትን ዘርጊሕኩም ምንጪ ኣታዊ ክትገብርዎ ግን ሓጥያትን ገበንን'ዩ። ስለ ዝፈትዎ ወይ ሰብ ስለ ዝፈትዎ ዝብል ኣጉል ምስምስ ደጊም ኣይክሰርሕን'ዩ ፡ እቶም ወግዓውያን ወኪላት ናይ ስነጥበበኛታት ብዝኸፈትዎ ቻነላት ብ መብቆላዊ መልክዑ ክተስተማቕርዎ ሰናይ'ዩ።

ወነንቲ ዘውጽዎም ቻነላት ካብ ጽባሕ ምፍላጥ ክንጅምር ኢና ፡ ሳብስክራይብ ጌርና ንምትብባዕ ንዳሎ ፡ ብወገንና ድማ ኣብ ምሕጋዞም እጃምና ክንዋጻእ ኢና።

ድሕሪ ዝተወሰነ ግዜ ድማ ወለንታውያን ኣባላትና ከነብዝሕን ምርጫ ክንገብርን ኢና ፡ ድሕሪኡ ሕጋዊ ቁመናና ናብ ህዝቢ ግልጺ ክንገብሮ ኢና።

ተሓታትነትን ተጸዋዕነትን ከም ማሕበር ንማሕበር ኮይኑ ፡ ኣብ ፍቓድን ፍታውን ሰብ ንብረት ዝተመርኮሰ ሕጋዊ መገዲ እዩ ክህልወና።

Red Sea Covers celebrates the heart of Eritrean music. From classic Tigrinya melodies to modern creative sounds, we bring you a rich blend of originals, remixes, and cultural rhythms. Whether it’s the echo of the krar or today’s energetic beats, our mission is to keep the spirit of Eritrean musi...

01/03/2026

ዝኸበርካ ድምጻዊ ሚልዮን እሸቱ ፡ ብ AI ዝተመስርሐ
ናይ በሃር ስነጥበበኛ መሓሪ ኣብራሃ ብመገዲ distrokid ብምዝርጋሕካ ዝተሰማዓና ጓሂ ክምገልጸካ ንፈቱ።

ከም ሓደ ኣብ ስነጥበብ ዓቕሙ ዘበርከተ ግለ ሰብ - ን ኤርትራዊ ሙዚቃ ክብሪ ክትህብን ኣብ ጎንና ኮይንካ ክትጣበቕን እናተገብአ ናይ ሰነፋት ስራሕ ኣካል እቶም ቀዳሕቲ ምዃንካ ኣዝዩ የሕዝን።

ሕጂ'ውን ማይ ኣይሓለፎን ናይ ባዕልኻ ስራሓት ንዓኻ እኹላትን ንብረት ሓላልን ስለ ዝኾኑ ካብ ከምዚ ዓይነት ተግባር ክትቁጠብ ብመገዲ መሳርሕትኻ ክንመኽረካ ኢና።

ዘለካ ዕድል ሓደ መዓልቲ'ዩ ፡ ብዝተረፈ ምስ ስድራቤት ስነጥበበኛ ብምርድዳእ ኣካል ጨመተ ናይቲ ንገብሮ ዘለና ወፈራ ክትከውን ትኽእል ኢኻ።

28/02/2026