"Bakı Gənclər Klubu" İctimai Birliyi

“Bakı Gənclər Klubu” İctimai Birliyi 29 yanvar 1994-cü ildə təsis olunmuş və həmin il mayın 4-də Ədliyyə Nazirliyi tərəfindən dövlət qeydiyyatına alınmışdır. Birlik Azərbaycan Respublikasının Gənclər Təşkilatlarının Milli Şurasının (ARGTMŞ), "GUAM Dövlətləri Gənclər Təşkilatlarının Forumu" və "Azərbaycan Kiber İdman Federasiyası "nın təsisçisi və fəal üzvüdür. Birliyin əsas məqsədi istedadlı və ya

radıcı gənclər arasında əlaqələrin inkişafına kömək etməkdən ibarətdir. Birlik məqsədinə çatnaq üçün aşağıdakı vəzifələri həyata keçirir:

Gənclər arasında milli-mənəvi dəyərlərimizi təbliğ etmək;
Gənclərdə vətənpərvərlik hissinin yüksəldilməsinə kömək etmək;
Gənc nəslin elm və təhsilə marağının artırılmasına çalışmaq;
Gəncləri Azərbaycan həqiqətlərinin dünya ictimaiyyətinə çatdırılması işinə cəlb etmək. Bu vəzifələri həyata keçirmək üçün birlik:
Müxtəlif kurslar və seminarlar, dəyirmi masa və görüşlər, sərgilər təşkil edir;
Konfranslar, xeyriyyə marafonları və digər mədəni- tədbirlər kütləvi tədbirlər keçirir;
Məqsədləri və fəliyyəti barədə məlumatı sərbəst yayır, qanunvericiliyə müvafiq qaydada mətbu nəşrlər təsis edir;
Azərbaycan Respublikasının aidiyyatı dövlət, bələdiyyə orqanları və beynəlxalq təşkilatlarla əməkdaşlıq edir.