04/17/2026
23 سالہ راؤ طلحہ جاوید نے پاکستان کے کم عمر ترین اسسٹنٹ کمشنر ہونے کا اعزاز حاصل کر کے نئی تاریخ رقم کر دی۔
میڈیا رپورٹس کے مطابق ضلع لودھراں کی تحصیل دنیاپور سے تعلق رکھنے والے اس نوجوان افسر نے کم عمری میں یہ اہم سنگ میل عبور کیا، جو جنوبی پنجاب کے لیے بھی ایک نمایاں اعزاز سمجھا جا رہا ہے۔
راؤ طلحہ جاوید نے ابتدائی تعلیم دنیاپور پبلک اسکول سے حاصل کی، جہاں انہوں نے 2015 میں میٹرک میں نمایاں کارکردگی دکھائی۔ بعد ازاں 2017 میں ایف ایس سی مکمل کی اور 2021 میں سول انجینئرنگ میں بی ایس کی ڈگری حاصل کی۔
انہوں نے 2022 میں پہلی ہی کوشش میں سی ایس ایس امتحان پاس کیا اور 51ویں کامن ٹریننگ پروگرام میں شامل ہو کر اسسٹنٹ کمشنر (ان لینڈ ریونیو) کی تربیت مکمل کی۔ بعدازاں 2025 میں وہ باضابطہ طور پر اس عہدے پر فائز ہوئے۔
ان کی یہ کامیابی نہ صرف ان کے خاندان کے لیے باعثِ فخر ہے بلکہ دنیاپور اور لودھراں کے نوجوانوں کے لیے بھی ایک مثال ہے کہ محنت، لگن اور مستقل مزاجی سے بڑے اہداف حاصل کیے جا سکتے ہیں۔
