03/26/2026
आजबाट मेरो शरीरमा बग्ने रगतको हरेक थोपा र मेरो समयको हरेक पल देश र जनताका नाममा समर्पित गर्ने दृढ संकल्पका साथ सपथ लिएको छु।
राजनीतिको यो यात्रामा म अझै ‘बामे सर्दै’ गरेको एउटा इमानदार यात्री हुँ। मलाई दाङ क्षेत्र नं. ३ का आदरणीय मतदाताहरूले जुन आशा, भरोसा र विश्वासको भारी सुम्पिनुभएको छ, त्यसलाई म कति पनि डगमगाउन नदिई आफ्नो तन, मन, वचन र कर्मले शिरोपर गर्नेछु।
मेरो मुख्य दायित्व देशका लागि उत्कृष्ट कानुन निर्माण गर्नु त हो नै, तर सँगसँगै मेरो प्यारो दाङको धुलो, यहाँका समस्या र विकासका आकांक्षाहरूलाई सदनको रोष्ट्रमदेखि सरकारका ढोकासम्म पुर्याउन म कुनै कसर बाँकी राख्ने छैन।
हामी सबै मिलेर नै यो मुलुक र हाम्रो क्षेत्र बनाउने हो। त्यसैले आगामी दिनमा पनि यहाँहरूको निरन्तर साथ, रचनात्मक सुझाव र सहकार्यको उत्तिकै अपेक्षा गर्दछु। मलाई यो स्थानसम्म पुर्याउन सहयोग गर्ने प्रत्येक शुभचिन्तक र मतदाताप्रति म नतमस्तक छु।
