Village's Charity Foundation د کلي خیریه بنسټ

10/18/2026

څه وخت مخکې مو د یوې داسې یتیمې کورنۍ د کور د ترمیم لپاره د مرستې غوښتنه کړې وه چې په کور کې هېڅ نارینه نه لري، همغه وو چې څو با احساسه وروڼو د خپل وس مطابق مرسته راولېږله، خو د کور د ترمیم لپاره یی بسنه نه کوله، دا دی یو با احساسه ورور چې تل له همدې لارې د با احساسه هېوادوالو لاسنیوی کوي، (۲۵۰۰۰) افغانۍ یې د دې یتیمې کورنۍ د کور د ترمیم لپاره مرسته وکړه. ان شاءالله چې د کور ترمیم ټولې چارې به مخته ورباندې یوړل شي.
الله دې د ده او نورو مرسته کوونکو ټولې روا هیلې پوره کړي.

10/10/2026

همدا نن ماښام ۲۲ یتیمو کورنیو ته د پسه غوښه ورسېده
دا صدقه یو با احساسه ورور کړې وه، یو پسه یې ذبح کړ او هرې کورنۍ ته مو یوه یوه کیلو غوښه ورسوله
الله دې په دنیا او اخرت کې نېکه بدله ورکړي

10/02/2026

دا (۱۲۰۰۰) افغانۍ څو ورځې مخکې یو با احساسه ورور مرسته وکړه، چې (۸۰۰۰) مو د هغې بې زویه کوڼډې مور د کور ترمیم لپاره بېلې کړې او (۴۰۰۰) مو د یو بې وسه ناروغ د درملنې لپاره ورکړې چې څو ورځې مخکې مو لیکنه ورته کړې وه.
الله تعالی دې دغه با احساسه ورور ته په دنیا او اخرت کې نېکه بدله ورکړي تل یې د بېوزلو لاسنیوی کړی دی.
یادښت: د دې کونډې مور د کور د ترمیم لپاره اوس هم کمبود لرو، که څوک مرسته ورسرع وکړي الله به زیات اجر ورکړي او په ژمي کې به د کور د نړېدو مخه نیول شوې وي.

09/24/2026

لرې پرته کلیواله سیمه کې یو کوچنی ماشوم له سختې ناروغۍ کړېږي. کورنۍ یې د اقتصادي ستونزو له امله د درملنې توان نه لري.
تېره ورځ یې ماشوم ته کوم روغتون کې د معایناتو پارچه ورکړې خو کورنۍ یې د معایناتو توانایي نه درلوده ، ناروغ یې بیرته کلي ته بیولی .
نن سهار یې پلار موږ ته زنګ وواهه ویل د معایناتو پارچه یې راکړه، خو زما سره د کرایې او ډوډۍ پیسې نه برابریدلې، د معاینانو پیسې مې له کومه کړې وای، مجبور وم مایوسه بیرته کور ته لاړ شم خو شپه مې خپل ناروغ بچي سره په اوښکو لمانځلې، له تاسو فقط د بچي د تداوۍ هیله لرم»
له ټولو شتمنو او بااحساسه هیوادوالو څخه په درنښت غوښتنه کوو چې د دې بېوزله کورنۍ لاسنیوی وکړي او د دې کوچني ماشوم د درملنې په برخه کې ورسره مرسته وکړي.

د کلي خیریه بنسټ هڅه کوي چې د دې کورنۍ ترڅنګ ودرېږي. ستاسو مرسته او د دې پیغام شریکول د هغه لپاره د هیلې یوه دروازه ده.

09/23/2026

څو ورځې مخکې مو د دې بې وزله یتیمې کورنۍ د اقتصادي ستونزو په اړه لیکنه کړې وه.
الحمدلله یو با احساسه بهر میشتي هېوادوال (۱۰۰) ډالر مرسته ورته راولېږله
الله دې نېکه بدله ورکړي او الله دې یو په زره اجرونه ورکړي

09/20/2026

د یوه کوچني ماشوم لپاره د مرستې غوښتنه

په یوه لرې پرته سیمه کې د یو بې وزله کورنۍ کوچنی ماشوم د سرطان په ناروغۍ اخته دی. کورنۍ یې د تداوۍ توانايي نه لري او د ناروغۍ ترڅنګ د بې وزلۍ له سخت حالت سره هم مخ دی.
راځئ د دې بیوزله کورنۍ ددې کوچني ماشوم لاسنیوی وکړو، په درملنه کې ورسره مالي همکاري وکړو . ستاسو هره کوچنۍ مرسته کولی شي د هغه د درملنې په برخه کې ستر بدلون راولي.
د کلي خیریه بنسټ هڅه کوي چې د دې بې وزله کورنۍ ترڅنګ ودرېږي. ستاسو مرسته او د دې پیغام شریکول د هغه لپاره د هیلې یوه دروازه ده.

09/19/2026

د یوه بې وزله ناروغ ورور د مرستې غوښتنه

په یوه لرې پرته سیمه کې یو بې وزله ورور د سرطان په ناروغۍ اخته دی. اولادونه یی واړه دي، د درملنې توان نه لري او د ناروغۍ ترڅنګ د بې وزلۍ له سخت حالت سره هم مخ دی.

راځئ، د دې ناروغ ورور لاس ونیسو. ستاسو هره کوچنۍ مرسته کولی شي د هغه د درملنې په برخه کې ستر بدلون راولي.

د کلي خیریه بنسټ هڅه کوي چې د دې بې وزله ورور ترڅنګ ودرېږي. ستاسو مرسته او د دې پیغام شریکول د هغه لپاره د هیلې یوه دروازه ده.

راځئ، د انسانیت له مخې مرسته وکړو. که مو مرسته په وس نه وي پوره، د ثواب په نیت لیکنه شریکه کړئ.

09/18/2026

09/17/2026

له یوې خوا زه خپله ناروغ یم، خو د درملنې وس مې نشته، له بلې خوا د دوکاندارانو پور راباندې دی، هغه به له کومه کوم، د کور خرڅ خو پر ځای پرېږده، اوس د اوړو قرض راڅخه غواړي، څو ورځې مخکې مې څو بوجۍ اوړه له غزني څخه راوغوښتل اوس عاجلې پيسې غواړي، په داسې حال کې به زه څنګه زده کړې وکړای شم، کاش د زده کړو ترڅنګ یو کاروبار راته پیدا وای…
دا په یوه کلیواله سیمه کې د یوه یتیم خبرې دي چې په مبایل کې یې راته وکړې.
(۶۵۰۰) د اوړو عاجل قرض ورباندې دی، دوی نور څه نه غواړي، نه غوړ، نه بوره، نه غوښه او نه بل څه، یوازې اوړه چې د یتیمو وروڼو او یوازینۍ خور خیټه یې ورباندې مړه وي…

ستاسو هر کوچنی مرسته کولی شي د دې یتیمې کورنۍ راتلونکی بدل کړي.
رسول الله صلی الله علیه وسلم وایي: «زه او هغه څوک چې د یتیم کفالت کوي په جنت کې به د دوه ګوتو په شان یوځای شو.»
یادښت: ستاسو مرسته له کوم لګښت پرته ورته رسېږي
لیکنه د ثواب په نیت شریکه کړئ

09/16/2026

د بې وزلو خپلوانو دوه حقونه دي، یو د بې وزلۍ حق او بل د خپلوۍ حق