08/26/2025
Sandy Pines Wildlife ཞེས་ཁེ་མེད་ཚོགས་པ་དེས་བྱ་དང་བྱིའུ་དང་སྲོག་ཆགས་སོགས་དུད་འགྲོ་ཉམ་ཐག་ཆེ་མ་ཆུང་གསུམ་མང་པོ་ཞིག་རླངས་འཁོར་གྱིས་བརྫིས་པ་དང་རང་བཞིན་གྱིས་ན་བ་སོགས་ལུས་པོར་རྨ་དང་ཡན་ལག་སྐྱོན་ཅན་དུ་ཆགས་པའི་མགོན་མེད་དེ་དག་ལ་བཅའ་བའི་གནས་དང་སྨན་བཅོས་ཀྱི་དགོས་མཁོ་ཆ་ཚང་བྱམས་བརྩེ་ལྷག་བསམ་ལྡན་པའི་སྨན་ཞབས་(Sue Meech) མས་ཐོག་མར་འགོ་བཙུགས་ཏེ་རྒྱུན་བསྐྱངས་པའི་བརྒྱུད་རིམ་ཁྲོད་དུ་དུད་འགྲོ་སྟོང་ཕྲག་མང་པོ་ལ་མི་འཇིགས་པ་སྐྱབས་ཀྱི་སྦྱིན་པའི་སྒོ་ནས་ལོ་མང་རིང་བྱམས་སྐྱོང་དང་ལྟ་རྟོག་བྱེད་བཞིན་པར་སྙིང་ནས་བསྔགས་བརྗོད་དང་ཡི་རངས་བཞིན་ཡོད། དེ་མཉམ་རང་ཡང་སྟོན་པ་རྫོགས་པའི་སངས་རྒྱས་ཀྱི་རྣམ་ཐར་ལ་ཕྱིར་དྲན་དང་ལྷག་པར་སྟོན་པའི་མཛད་རྗེས་སྐྱེ་རབས་བརྒྱ་པ་ལ་མི་ཕྱེད་པའི་དད་མོས་དང་བྱ་བ་འདི་ལ་བསླབ་པར་བྱའོ་སྙམ་པའི་སྨོན་སེམས་ཡང་ཡང་སྐྱེས། སྤྱིར་ནང་པ་སངས་རྒྱས་པའི་བསྟན་པའི་སྙིང་པོ་ནི་བྱང་ཆུབ་ཀྱི་སེམས་རིན་པོ་ཆེ་ཡིན་པ་སྨོས་མེད་ལ་སོང་སེམས་ཅན་ཐམས་ཅད་མཐར་ཐུག་ཀྱི་གནས་ལ་འགོད་པའི་སྔ་རོལ་དུ་ཡིད་ཀྱི་སྨོན་པ་གཅིག་པུ་ཙམ་མ་ཡིན་པར་དངོས་ཤུགས་བརྒྱུད་གསུམ་ནས་ཕན་པ་བྱ་ནུས་པ་ལྡན་ཚེ་བྱང་ཆུབ་ཀྱི་སྤྱོད་པ་ལའང་འཇུག་པའི་ཉེ་སྦྱོར་ལྟ་གོན་དུ་དགྱི་དགོས་པར་སེམས། གང་ལྟར་སྔོན་སྟོན་པ་སངས་རྒྱས་བཅོམ་ལྡན་འདས་སྔོན་བྱང་ཆུབ་ཀྱི་སྤྱོད་པ་གྲངས་མེད་པའི་མཛད་པ་ལས་ལམ་གྱི་གནས་སྐབས་སུ་དངོས་སུ་དུད་འགྲོའི་རིགས་མི་འདྲ་བའི་ལུས་བླངས་ཏེ་ཉམ་ཐག་དུད་འགྲོ་བགྲང་གིས་མི་ཆོད་པ་དེ་དག་ལ་འབྱུང་བཞིའི་གནོད་པ་མཚོན་ཡ་ང་བའི་འཚེ་བ་ལས་མི་འཇིགས་པ་སྐྱབས་ཀྱི་སྦྱིན་པ་མཐར་ཕྱིན་པའི་ཉམས་ལེན་མཛད་པའི་རྒྱ་གར་གྱི་མཁས་པའི་དབང་པོ་སློབ་དཔོན་དཔའ་བོ་ཞེས་མཚན་གྱི་གཟི་བྱིན་ཡོངས་སུ་གྲགས་པ་ཁོང་གིས་སྟོན་པའི་སྐྱེ་རབས་སོ་བཞི་བརྩམས་པར་མཛད་པ་དང་། དེའི་འཕྲོར་ཕྱིས་སུ་གངས་ལྗོངས་བོད་དུ་དཔལ་༧རྒྱལ་དབང་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེས་སྐྱེ་རབས་ལྷག་མ་དག་མཛད་དེ་སྐྱེ་རབས་བརྒྱ་པ་ཞེས་ཡོངས་སུ་གྲགས་པ་དེ་བྱུང་ཡོད། གང་ལྟར་བརྗོད་གཞི་འདི་འགྲེལ་དགོས་པའི་རྒྱུ་མཚན་ནི་ཉམ་ཐག་སེམས་ཅན་རྣམས་ལ་སྨན་བཅོས་ཀྱི་དགོས་མཁོ་ཕུན་སུམ་ཚོགས་པས་བལྟ་སྐྱོང་གིས་རྨས་མ་དང་ནད་ཅོང་ལས་ཡོངས་སུ་གྲོལ་རྗེས་རང་རང་སོ་སོའི་གནས་སུ་སྐྱེལ་མས་དེ་རྣམས་འཚོ་བ་གསོན་པོ་སྦྱིན་པར་བྱ་བའོ། ཞེས་བླ་མ་ཚུལ་ཁྲིམས་རྒྱ་མཚོས་ཕྱི་༢༠༢༥ ཟླ་བ་༨ ཚེས་༢༥ ཉིན་སྤེལ་བ་དགེའོ།།
Sandy Pines Wildlife, a non-profit organization, has been praised and appreciated for its many years of compassionate care and attention to thousands of animals, large and small, that have been injured by vehicles, natural illnesses, and other physical ailments. This organization, founded and maintained by a compassionate and dedicated nurse (Sur Meech) starts shelter and medical care to these helpless creatures. At the same time, I also recall the biography of the Buddha and, in particular, I have unwavering faith in the Buddha's deeds and hundreds of lifetimes, and I repeatedly wish to learn from this work. In general, it goes without saying that the essence of the Buddhist teachings is the precious mind of enlightenment, and before all sentient beings are placed in the ultimate state, it is necessary to engage in the practice of enlightenment by being able to benefit in three ways, directly and indirectly, not only with the wish of the mind alone, but also as a close preparation.
Anyway, in the past, the teacher, the Buddha, the Bhagavan, took countless actions of enlightenment, and during the path, he actually took the bodies of different kinds of animals, and gave the endless number of miserable animals the ultimate practice of fearlessness and refuge from the terrible harm of the four elements. The Indian scholar, the glorious master known as Acharya Dpawo, composed thirty-four Jataka tales of the teacher. Later, in the snowy land of Tibet, the Third Gyalwang Karmapa, Rangjung Dorje, composed the remaining Jataka tales, resulting in the famous Hundred Jataka tales. Anyway, the reason for explaining this topic is to provide abundant medical care for the miserable sentient beings, to take care of them, and after they are completely freed from wounds and diseases, to transport them to their respective places and give them a living life. This was published by Lama Tsultrim Gyatso on August 25, 2025.
