04/06/2026
گورنمنٹ گرلز پرائمری اسکول، گاؤں انور علی لاشاری کی خستہ حالی
گورنمنٹ گرلز پرائمری اسکول، گاؤں انور علی لاشاری، گاؤں بہاول لاشاری، کاک بنگلہ روڈ، ڈولفن واٹر پارک کے بالکل قریب، تعلقہ میرپورخاص میں واقع ہے۔ اس کا سیمس کوڈ 405030143 ہے۔
اس اسکول میں 245 سے زائد معصوم بچیاں زیر تعلیم ہیں۔ اسکول میں ٹوٹل 13 افراد کا اسٹاف موجود ہے۔ 245 سے زائد بچیوں کی تعلیم کے لیے صرف دو کمرے دستیاب ہیں اور وہ بھی انتہائی خستہ حال ہیں۔
اسکول کی چار دیواری مکمل طور پر ختم ہو چکی ہے۔ موجودہ بارشوں میں دیواریں ٹوٹ کر گر سکتی ہیں۔ دیواروں کو گرتے ہوئے روکنے کے لیے لکڑی کے شہتیروں کا سہارا لیا گیا ہے۔
اس صورتحال میں بچیوں کی جان کو شدید خطرہ لاحق ہے۔
2004 میں اس اسکول کی عمارت کا افتتاح کیا گیا تھا اور اسکول کے اتنے بڑے پلاٹ پر ھونے کے باوجود پانچ کلاسوں کیلئے دو کمرے بنائے گئے تھے جو 24 سال کے عرصے میں مینٹیننس نہ ھونے کی وجہ سے خستہ حال ھو چکے ھیں
اسٹوڈنٹس پیرینٹس فیڈریشن کے چیئرمین ندیم مرزا نے کہا ھے کہ وزیر تعلیم سندھ کو بھرتیوں سے ھی فرصت نہیں ھے اس لئے وزیر اعلیٰ سندھ سے فوری ایکشن لے کر اسکول کی تعمیر نو کا مطالبہ کیا ھے
یاد رھے کہ سندھ کی تعلیم کا 92 فیصد بجٹ سیاسی بنیادوں پر بھرتی کئے ھوئے نااھل اور گھسوٹ اساتذہ کی تنخواہوں کی نذر ھو جاتا ھے
