Hassan Osman

30/05/2026

Canbuula gubatayba raggaa ka sabray,

Hambalyo PSG!

27/05/2026

🌙✨ Ciid Mubaarak ✨🌙

Waxaan dhammaan ummadda Muslimiinta , gaar ahaan ehelka iyo Soomaalida oo dhan ugu hambalyeynayaa munaasabadda barakeysan ee Ciidda.

Alle ha inaga aqbalo cibaadadii, hana inooga dhigo Ciiddaan mid nabad, barwaaqo, caafimaad iyo farxad ku soo laabata sanadkan kiisa kale.

Ciid wanaagsan dhammaan! 🤍

Hassan Osman

24/05/2026

Remain modest and respectful, no matter how successful or strong you become.

We are the well-deserved EPL champions..

19/05/2026

Stay humble dude. 😂

18/05/2026

15/05/2026

Taariikhdu mar walba waxay na bartaa casharro culus.

waxaa dalka xoog looga saaray Maxamed Siyaad barre 26-01-1991, kadibna wuxuu geeriyooday 02-01-1995. Taasi waxay ina tusaysaa xaqiiqo weyn: qofna ma dhaafo waqtiga Alle u qoray inuu noolaado ama dhinto.

Mararka qaar waxaan isweydiiyaa: ka waran haddii 1991 mucaaradkii hubeysnaa ee kasoo horjeeday taliskii Siyaad Barre ay ka fekeri lahaayeen badbaadinta dalka, isla markaana la heli lahaa dulqaad siyaasadeed, wada hadal, iyo xal lagu ilaaliyo dowladnimada?

Waxaa xaqiiq ah in uu haddana dhiman lahaa 1995, maadaama aanu jirin qof dhaafaya ajasha Alle u qoray. Waxaa se suuragal ahayd in Soomaaliya aysan soo mari laheyn burburkii, colaaddii, barakicii, iyo dhibaatadii muddada dheer socotay ee shacabka Soomaaliyeed weli raadkeeda dareemayaan.

Kursi waa lahelaa waana lawaayaa, laakiin marka dowlad burburto dib u dhiskeedu wuxuu qaataa jiilal badan.

Casharka maanta yaalla waa in khilaaf kasta lagu xalliyo wada hadal, is faham, iyo isu tanaasul, si aan mar kale loogu noqon khaladaadkii taariikhda mugdiga lahaa.

Qof walba waqtigiisa ma dhaafo, balse dal burbura wuxuu dhaawacaa ummad dhan.

Alle ha u naxariisto dhammaan dadkii Soomaaliyeed ee ku naf waayey colaadaha iyo burburka dalka. 🇸🇴





Soomaaliyeed











Followers3

14/05/2026

Mahadsanidiin dhammaan walaalaha, odayaasha, haweenka, dhalinyarada, iyo qeybaha kala duwan ee Jaaliyadaha Galmudug ee Yurub ee kalsoonida ii muujiyey, iina doortay 09-05-2026 inaan noqdo Guddoomiyaha guud ee MADASHA MIDOWGA JAALIYADAHA GALMUDUG EE YURUB.

Waa sharaf iyo masuuliyad weyn oo aan si qoto dheer u dareemayo. Waxaan Alle uga baryayaa inuu iga dhigo mid si cadaalad, hufnaan, iyo daacadnimo leh ugu adeega bulshada reer Galmudug meel kasta oo ay joogaan.

Waxaan ballan qaadayaa inaan si hagar la’aan ah ugu shaqeeyo mideynta Jaaliyadaha Galmudug ee Yurub, horumarinta wadajirka bulshada, ilaalinta danta guud, iyo xoojinta xiriirka walaaltinimo ee ka dhexeeya dhammaan xubnaha Jaaliyadaha.

Waxaan si gaar ah ugu mahadcelinayaa walaalkey Abdikani Hassan Salad oo aan marti ugu ahaa magaalada Zürich ee dalka Switzerland, halkaas oo ay doorashadu ka dhacday, kaasoo noo muujiyey isxilqaan, martigelin wanaagsan, iyo soo dhoweyn aad u heer sareysay.

Sidoo kale, waxaan si gaar ah ugu mahadcelinayaa xubnaha cusub ee Gudigga Fulinta ee ila garab istaagaya howlaha muhiimka ah ee horyaalla Madasha. Waxaan aaminsanahay in wadajir, is-ixtiraam, iyo iskaashi dhab ah aan ku gaari doono guulo muuqda oo waxtar u leh shacabka Galmudug iyo guud ahaan ummadda Soomaaliyeed.

Ugu dambeyn, waxaan mar kale idiin xaqiijinayaa inaan u shaqeyn doono si daacadnimo, karti, iyo masuuliyad ku dheehan tahay.

Mahadsanidiin.

Hassan Osman Sheikhnur
Guddoomiyaha MIDOWGA JAALIYADAHA GALMUDUG EE YURUB
Guddoomiyaha Jaaliyadda Galmudug ee Holland

13/05/2026

Hambalyo Gudigga Fulinta cusub ee Madasha MIDOWGA JAALIYADAHA GALMUDUG EE YURUB. Waxaan idiin rajaynaynaa guul, wadajir, iyo horumar aad u horseeddaan bulshada Galmudug ee Gudaha iyo Dibadda. Alle ha idinku asturo masuuliyadda culus ee aad u haysaan ummadda Soomaaliyeed, gaar ahaan shacabka Galmudug.

Xubnaha Gudigga Fulinta:

1. Hassan Osman Sheikhnur
Gudoomiyaha Jaaliyadda Galmudug ee Holland, ahna Gudoomiyaha MIDOWGA JAALIYADAHA GALMUDUG EE YURUB.

2. Abdiwali Shire
Gudoomiye Ku-xigeenka MIDOWGA JAALIYADAHA GALMUDUG EE YURUB, ahna xubin ka tirsan guddiga fulinta Jaaliyadda Galmudug ee Switzerland.

3. Iqra Ahmed Gelle
Wakiilka Jaaliyadda Galmudug ee UK, ahna Gudoomiye Ku-xigeenka MIDOWGA JAALIYADAHA GALMUDUG EE YURUB.

4. Hussein Abukar (Bile)
Gudoomiyaha Jaaliyadda Galmudug ee Belgium, ahna Xoghayaha Guud iyo Maaliyadda MIDOWGA JAALIYADAHA GALMUDUG EE YURUB.

Waxaan idiin rajaynaynaa hoggaan hufan, midnimo, iyo waxqabad miro dhal u noqda dhammaan Jaaliyadaha Galmudug ee Yurub iyo shacabka reer Galmudug guud ahaan. Guul iyo gobannimo.