Quba Skautları - Scouts of Guba

29/11/2025

22 noyabr 2025-ci il tarixində Qubanın Qarxun kəndində fəaliyyət göstərən "Babadağ" mauqli skaut dəstəsilə növbəti görüş keçirildi. Görüşün mövzusu "Sıra düzülüşü" , "Azərbaycan Respublikasının himni", "ASA- nın himni" nin öyrənilməsi oldu.Bundan başqa skautlara maqnezium çubuğu ilə ocaq yandırma texnikaları da öyrədildi. Skautlara patrul sistemi, düzülüşü barədə məlumatlar verildi. 3 patrul lideri seçilərək onlara patrul sistemində istifadə edilən müxtəlif formalı düzülüş qaydaları əyani şəkildə izah edildi.
Sonda skautlarla pinokyo, dairədə öz partnyorunu tapmaq və əlini tutmaq, gözləri yunub sıra ilə saymaq və s. kimi əyləncəli oyunlar oynanıldı.

26/11/2025

Seçilən hər kəsi səmimi qəlbdən təbrik edir və gələcək işlərdə uğurlar arzulayırıq!

01/11/2025

📣 Qeydiyyat başladı!

⚜️ 26-cı Dünya Skaut Camborisi - Gdansk, Polşa 🇵🇱
📅 30 iyul - 8 avqust 2027
📍 Gdansk, Polşa
Dünya Skaut Camborisi - hər 4 ildən bir keçirilən, dünyanın hər yerindən on minlərlə skautu bir araya gətirən ən böyük qlobal skaut tədbiridir! 🌍✨

___
🗓 Son müraciət tarixi: 31 oktyabr 2025, saat 13:00
📮 Ətraflı məlumat və qeydiyyat: linktr.ee/scoutsofazerbaijan
💵 İştirak haqqı:
Skautlar üçün: 2600 USD
Qeyri-skautlar üçün: 3000 USD
Depozit: 500 USD (15 yanvar 2026-dək)

Qiymətə daxildir:
✈️ Nəqliyyat (Bakı - Gdansk - Bakı)
🏕 Cambori dəsti və hazırlıq düşərgələri
🏙️ Şəhər turları (Gdansk və Varşava)
📋 Viza, sığorta və iştirak haqqı
⚜️ Cambori - skaut ruhunu beynəlxalq dostluqlarla birləşdirən unikal təcrübədir.
Gəl, bu macəranın bir parçası ol! 🇦🇿🤝🇵🇱

15/10/2025

Azərbaycan Skautlar Assosiasiyasının Quba rayonu üzrə dəstə lideri Sahilə İsmayılovanın rəhbərlik etdiyi "Zərdabi" skaut dəstəsinin üzvləri 13 oktyabr 2025-ci il tarixində Xaçmaz şəhərində keçirilən "Peşə Festivalında" iştirak etmişlər. Festivalda skautlarımız aşpazlıq, diş həkimi, dülgərlik, komputer proqramları və s. kimi bir çox peşə sahələri ilə tanış olmuş və onların mütəxəssisləri ilə həmsöhbət olmuşlar. Ümid edirik ki, skautlarımızın bu festivalda iştirakı və öyrəndikləri biliklər onların gələcəkdə karyera qurmasında öz töhfəsini verəcəkdir.

05/10/2025

01/10/2025

Quba rayonu Dağlı kənd tam orta ümumtəhsil məktəbində 01.10.2025-ci il tarixində həmin məktəbin şagirdləri ilə Azərbaycan Skautlar Assosiasiyasının təsis edilməsinin 28-ci ildönümünə həsr olunan görş keçirilmişdir. Quba rayon müvəkkili Şəmistan Salmanov və "Zərdabi" skaut dəstəsinin lideri Sahilə İsmayılova rəhbərliyi ilə baş tutan görüşdə ümumdünya skaut təşkilatından, skautinqin yaranma tarixindən, ASA-nın fəaliyyəti və inkişafından, skauta qoşulma qaydalarından, skaut düşərgələrindən və s bəhs olunmuşdur. Görüşdə skautinqin Azərbaycanda inkişafı və istiqamətləri barədə videoçarx nümayiş etdirilmiş və şagirdləri maraqlandıran suallar cavablandırılmışdır. Sonda Dağl kənd məktəbində skaut dəstəsinin yaradılması barədə qərar qəbul edilmiş görüşə qatılan şagirdlərlə xatirə şəkli çəkdirilmişdir.
Görüşün ərsəyə gəlməsində böyük rolu olan məktəbin direktoru Üzeyir Muradlı və
məktəbdənkənar və sinifdənxaric tərbiyə işləri üzrə təşkilatçı Aytən Əlimərdanovaya ASA adından öz minnətdarlığımızı bildiririk.

18/08/2025

sərhəd tanımır. Fəsildən asılı olmayaraq biz daim hər şeyə hazırıq😊

31/07/2025

31 iyul 2025-ci il tarixində Qubanın "Şahdağ" skaut dəstəsilə "1 Avqust-Beynəlxalq skaut qalstuku gününə" həsr olunmuş görüş keçirilmişdir. Ayar lider tərəfindən skautlara ASA nədir, skautlar kimdir, nə ilə məşğuldurlar, skautinqin prinsip və dəyərləri, skaut dəstəsinin təşkili, skaut düşərgələri, skaut qalstukunun taxılması və s.kimi mövzularda söhbət aparılmışdır. Bu dna başqa skautlar tərəfindən fərdi olaraq layihə hazırlanmışdır.

23/07/2025

Avropa Skaut Konfransında Azərbaycan Skautlarının Böyük Nailiyyəti! 🇦🇿🌍

18-ci Avropa Skaut Konfransı çərçivəsində, Azərbaycan Skautlar Assosiasiyası olaraq fəxrlə bildiririk ki, bizim təşəbbüsümüz və tərəfimizdən hazırlanan “EUR-2025-R05 – Regional Tədbirlərə Bərabər Girişin Maliyyə Həmrəyliyi Mexanizmləri ilə Təmin Edilməsi” adlı qətnamə səs çoxluğu ilə qəbul olundu!

Bu qətnamə, Avropa regionunda keçirilən skaut tədbirlərində bütün ölkələrin skaut təşkilatlarının ədalətli və əlçatan iştirakını təmin etmək üçün maliyyə həmrəyliyi əsaslı mexanizmlərin tətbiqini nəzərdə tutur.

Qətnamə ilkin olaraq Azərbaycan Skautlar Assosiasiyası tərəfindən hazırlanıb. Daha sonra İsveç, Azərbaycan və əlavə olaraq 11 ölkənin skaut təşkilatları – Norveç, İslandiya, Almaniya, Böyük Britaniya, Türkiyə, Avstriya, Belçika, Rumıniya, Ukrayna, Macarıstan və İspaniya ilə birlikdə təqdim edilən dəyişikliklərlə yekunlaşdırılıb və ölkələr səviyyəsində keçirilən səsvermə nəticəsində çoxluğun dəstəyi ilə qəbul olunub.

Bu uğur — həm ASA komandamızın peşəkarlığının, həm də regionda inklüziv və həmrəy bir skaut mühitinin qurulmasına verdiyimiz töhfənin bariz nümunəsidir.

Bu nailiyyətdə əməyi keçən bütün komanda üzvlərimizə və bizə dəstək olan tərəfdaş təşkilatlara dərin təşəkkürümüzü bildiririk!

18/07/2025

Qubanın "Meşə cəngavərlər" skaut dəstəsinin lideri Orxan Bayramov 6-15 iyul tarixlərində Türkiyənin İstanbul şəhərində keçirilən "Türk Skaut Jamboresində(Turk İzci Toyu 2025) iştirak etmişdir.

08/07/2025

🇦🇿 Azərbaycan Skautları “Türk İzci Toyu”nda!

📍 6–15 iyul 2025-ci il tarixlərində İstanbulun Beykoz bölgəsində yerləşən Türkiyə İzcilik Federasiyasının Düşərgə və Təlim Mərkəzində təşkil olunan “Türk İzci Toyu – Turkic Scout Jamboree” adlı beynəlxalq izcilik toplantısında Azərbaycan Skautlar Assosiasiyası (ASA) ölkəmizi təmsil edir!

🌍 25-dən çox ölkədən skautların qatıldığı bu möhtəşəm düşərgənin əsas məqsədi türk və qardaş xalqlardan olan izcilər arasında dostluq əlaqələrini möhkəmləndirmək, mədəni mübadilə aparmaq və ortaq dəyərlər ətrafında bir araya gəlməkdir. 🇹🇷🇦🇿🇲🇰🇧🇦🇵🇰🇫🇷🇲🇾 və digər ölkələr bu böyük skaut bayramında təmsil olunur.

👥 ASA heyəti tədbir çərçivəsində müxtəlif təlimlərdə, mədəniyyət və yaradıcılıq fəaliyyətlərində iştirak edir, milli dəyərlərimizi tanıdır və Azərbaycanı beynəlxalq arenada uğurla təmsil edir.

📸 Növbəti paylaşımlarımızda bu düşərgədən görüntüləri, ASA-nın çıxışlarını, fəaliyyətdəki anlarını və maraqlı təəssüratlarını sizinlə bölüşəcəyik.

🔗 Belə bir beynəlxalq skaut tədbirində iştirak bizim üçün həm məsuliyyət, həm də böyük qürurdur!

Türkiye İzcilik Federasyonu