NDU nəzdində Gimnaziyanın Şagird Elmi Cəmiyyəti

26/05/2026

24/05/2026

🏛️✨ Şəhərsalma və Memarlıq ilinə həsr olunmuş VİKTORİNA keçirilir!

Naxçıvan Dövlət Universitetinin nəzdində Gimnaziyanın Şagird Elmi Cəmiyyəti və NDU Tələbə Elmi Cəmiyyətinin birgə təşkilatçılığı ilə VI və VII sinif şagirdləri arasında bilik yarışı baş tutacaq. 🧠📚
📅 Tarix: 25 may 2026
🕒 Saat: 15:00
📍 Məkan: Gimnaziyanın akt zalı

Gəlin, şəhərsalma və memarlıq dünyasına birgə səyahət edək—bilik, rəqabət və motivasiya dolu viktorinanı qaçırmayın! 🏙️🏗️✅

21/05/2026

28 May – Müstəqillik Gününə həsr olunan şeir müsabiqəsi keçirildi 🇦🇿

Naxçıvan Dövlət Universitetinin nəzdində Gimnaziyanın Şagird Elmi Cəmiyyəti tərəfindən 21 may 2026-cı il tarixində 28 May – Müstəqillik Gününə həsr olunmuş şeir müsabiqəsi keçirilmişdir. ✨📜
Tədbirin keçirilməsində əsas məqsəd şagirdlərdə vətənpərvərlik hisslərinin gücləndirilməsi, milli-mənəvi dəyərlərin təbliği, eləcə də bədii yaradıcılığa marağın artırılması olmuşdur.

Müsabiqədə gimnaziyanın müxtəlif siniflərində təhsil alan şagirdlər iştirak etmiş, onlar Azərbaycan dövlətçiliyinin tarixi, müstəqillik ruhu və vətən sevgisi mövzularında hazırladıqları şeirlərlə çıxış etmişlər 🎤📖
İştirakçıların çıxışları münsiflər heyəti tərəfindən məzmun, ifadə bacarığı və bədii yanaşma baxımından qiymətləndirilmişdir.

Tədbirin sonunda fərqlənən şagirdlər və müsabiqə qalibləri diplomlarla təltif olunmuş, onların gələcək yaradıcılıq fəaliyyətlərinə uğurlar arzulanmışdır 🏆🎉 Bu kimi tədbirlərin keçirilməsi şagirdlərin yaradıcı potensialının üzə çıxarılması və onların ictimai fəallığının artırılması baxımından mühüm əhəmiyyət kəsb edir.

10/05/2026

📌 Debat yarışı uğurla başa çatdı!

06 may 2026-cı il tarixində NDU nəzdində Gimnaziyanın Şagird Elmi Cəmiyyəti və NDU Tələbə Gənclər Təşkilatının birgə təşkilatçılığı ilə debat yarışı keçirildi.

Yarış zamanı iştirakçılar müxtəlif mövzular ətrafında fikir mübadiləsi apararaq arqumentlərini təqdim etdilər, analitik düşünmə və nitq bacarıqlarını nümayiş etdirdilər.

Sonda qalib komanda və fərqlənən şagirdlər təltif olundu. İştirak edən hər kəsi təbrik edir, gələcək fəaliyyətlərində uğurlar arzulayırıq!✨

05/05/2026

Hazır olun! 📣

6 may 2026-cı il tarixində NDU nəzdində Gimnaziyanın Şagird Elmi Cəmiyyətinin və NDU Tələbə Gənclər Təşkilatının təşkilatçılığı ilə Gimnaziyanın VI və VII sinif şagirdləri üçün debat keçiriləcək.

Fikirlər toqquşacaq, biliklər yarışacaq! 🗣️🔥
📍 Məkan: Gimnaziyanın Akt Zalı

29/04/2026

Naxçıvan Dövlət Universitetinin nəzdində Gimnaziyanın Şagird Elmi Cəmiyyətinin təşəbbüsü ilə həyata keçirilən ReseptPlus layihəsinə qoşulmaq istəyənlər üçün könüllü qəbulu elan edilir! 🚀

Qrafik dizayn, SMM, IT/texniki dəstək, hüquqi dəstək və araşdırma istiqamətlərində öz bilik və bacarıqlarını sınamaq, real startup layihəsində təcrübə qazanmaq istəyən hər kəsi komandamıza dəvət edirik.

Yenilikçi ideyaların varsa və komandada çalışmaqdan zövq alırsansa, sən də müraciət et! 💡

📩 CV-ni göndər və gələcəyini bu gündən qur!

21/04/2026

Gələcəyin təməli burada qoyulur!

Naxçıvan Dövlət Universitetinin nəzdində Gimnaziyaya 2026–2027-ci tədris ili üçün şagird qəbulu elan edilir.

Keyfiyyətli təhsil, güclü akademik hazırlıq, sağlam tərbiyə mühiti və müasir yanaşmaları ilə seçilən NDU nəzdində Gimnaziya yeni tədris ili üçün şagird qəbuluna başlayır.

📅 Sənəd qəbulu: 01 iyun 2026-cı il tarixinədək davam edəcək.
🌐 Müraciət ünvanı: https://gimnaziya.ndu.edu.az

Qəbul imtahanı üzrə fənn bölgüsü:
Azərbaycan dili — 20 sual
Riyaziyyat — 25 sual
İngilis dili — 35 sual
Tarix — 10 sual
Təbiət — 10 sual

NDU nəzdində Gimnaziya yüksək bilik, intellektual inkişaf və nümunəvi məktəb mühiti axtaran şagirdlər üçün etibarlı seçimdir.

Gələcəyini güclü təhsil üzərində qurmaq istəyən hər bir şagirdi bu fürsətdən yararlanmağa dəvət edirik!

❗ Qeyd: İmtahanda yalnız cari tədris ilində 5-ci sinifdə təhsil alan şagirdlər iştirak edə bilərlər.
Ətraflı məlumat və qeydiyyat üçün: gimnaziya.ndu.edu.az

20/04/2026

📅 20 aprel tarixində Naxçıvan Muxtar Respublikası Rəqəmsal İnkişaf və Nəqliyyat Nazirliyi və Naxçıvan Dövlət Universitetinin birgə təşkilatçılığı ilə, “Şəhərsalma və Memarlıq İli” çərçivəsində tələbə startapçılar və innovativ ideya müəllifləri ilə görüş keçirilib. Tədbir Naxçıvan İnnovasiya Mərkəzində baş tutub 🚀🏙️.

Görüşdə Naxçıvan Dövlət Universitetinin nəzdində Gimnaziyanın Şagird Elmi Cəmiyyətinin komandası da fəal iştirak edib. Komanda “ReseptPlus” adlı innovativ layihə ilə çıxış edib və layihə iştirakçılar tərəfindən böyük maraqla qarşılanıb 🌟.

💡 Layihə Gimnaziyanın Şagird Elmi Cəmiyyətinin sədri Hüseyn Tahirov və Naxçıvan Dövlət Universitetinin Hüquqşünaslıq ixtisası üzrə II kurs tələbəsi Leyla Allahverdiyeva tərəfindən təqdim olunub. Təqdimat zamanı “ReseptPlus” layihəsinin səhiyyə sahəsində rəqəmsal həll kimi əhəmiyyəti, praktiki tətbiq imkanları və bu günədək əldə etdiyi uğurlar barədə ətraflı məlumat verilib.

🏥 “ReseptPlus” tibbi reseptlərin daha səmərəli, operativ və təhlükəsiz şəkildə idarə olunmasını hədəfləyən innovativ platformadır. Layihə səhiyyə xidmətlərinin əlçatanlığının artırılması və proseslərin rəqəmsallaşdırılması baxımından öz aktuallığı ilə seçilir.

✅ Tədbir çərçivəsində təqdim olunan layihələr mütəxəssislər tərəfindən müzakirə edilib, iştirakçılara dəyərli rəylər və tövsiyələr verilib.

15/04/2026

📅 15 aprel 2026-cı il tarixində Ağbulaq İstirahət Mərkəzində kibertəhlükəsizlik mövzusunda sərgi və təlim keçirilib 💻🔐

📍 Naxçıvan Muxtar Respublikasının Rəqəmsal İnkişaf və Nəqliyyat Nazirliyi ilə Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində fəaliyyət göstərən İnnovasiya və Rəqəmsal İnkişaf Agentliyinin (İRİA) nəzdində Azərbaycan Kibertəhlükəsizlik Mərkəzinin birgə təşkilatçılığı ilə tədbir baş tutub.

🎤 Təlim çərçivəsində Naxçıvan Dövlət Universitetinin nəzdində Gimnaziyanın Şagird Elmi Cəmiyyətinin sədri, XI sinif şagirdi Hüseyn Tahirov “ReseptPlus” layihəsi ilə çıxış edib.

💡 Çıxış zamanı layihə haqqında ətraflı məlumat verilib:
📌 Layihənin Azərbaycan Respublikasının Əqli Mülkiyyət Agentliyi tərəfindən qeydiyyata alındığı və rəsmi şəhadətnamə ilə təsdiqləndiyi bildirilib
💰 İRİA tərəfindən keçirilən qrant müsabiqəsində 500 AZN maliyyə dəstəyi qazandığı qeyd olunub
🏆 “Sabahın Alimləri” XV Respublika Layihə Müsabiqəsində qaliblər sırasında yer aldığı vurğulanıb

📊 Həmçinin təqdimatda Gimnaziyanın elmi layihə və müsabiqələrdə fəal iştirakı haqqında məlumat verilib.

🚀 Gimnaziyanın Şagird Elmi Cəmiyyəti olaraq bu cür tədbirlərdə iştirakın şagirdlərin elmi və innovativ fəaliyyətə marağının artmasına mühüm töhfə verdiyini qeyd edirik.

08/04/2026

🔬✨ ELM MARAFONU ✨🔬

Naxçıvan Dövlət Universitetinin nəzdində Gimnaziyanın Şagird Elmi Cəmiyyəti “Elm Marafonu” elan edir!

🧪 Kimya, biologiya və fizika sahələrində maraqlı və maarifləndirici təlimlər
🧠 Əldə olunan biliklərin sınanacağı intellektual oyun
🎯 Elmə marağı olan VI və VII sinif şagirdləri üçün unikal fürsət!

📅 Tarix: 09 aprel 2026
⏰ Saat: 15:00–18:00
📍 Məkan: Gimnaziyanın akt zalı

Elm dolu bir günə qoşul, öyrən və özünü kəşf et! 🚀